رواية حب بلا قيود للكاتبة أسماء صلاح الفصل الثامن والأربعون

رواية حب بلا قيود للكاتبة أسماء صلاح الفصل الثامن والأربعون

صالح بغضب:ازاي يعني مين اللي عمل كدا
جمال:يا باشا دا كل اللي حصل
صالح:عاوزه اعرف مين اللي عمل كدا
جمال:هنعرف يا باشا

قفل صالح المكالمة ورمي هاتفه علي المكتب بغضب ولكن وصلت له رساله علي الهاتف فاخد الهاتف وفتح الرسالة... اتسعت عينه بدهشه بعد أن قرأها وخبط المكتب بغيظ

ونادي علي زياد بصوت عالي...زيادددددددد

فتح زياد باب المكتب ودخل الي والده
زياد:مالك يا بابا ف حاجه
صالح:مصيبه، الفاكهة كلها اتحرقت وكدا لازم ارجع الفلوس للناس خراب بيوت
زياد:نعم! مين اللي عمل كدا
صالح:معرفش وكمان بعتلي رساله تعيش وتاخد غيرها... صالح الاسواني بيتهدد
زياد:هنعرفه وهيتمحي من علي وش الأرض
صالح:لازم ... ف اي اخبار عن أدهم.

زياد:لسه ف غيبوبة ومراته بتروح بليل والصبح بتكون ف الشركه.
صالح:عاوز اعرف كل حاجه عن مراته دي شكلها مش سهل
زياد:دي قربيه عمر
صالح:بلا عمر بلا بتاع اعملي اللي طلبته منك كل حاجه عن البت دي عاوز اعرفها
زياد:ماشي، هتعمل اي مع عمر
صالح:هشوف الاتفاق معها وصل لفين وبعدين هقرر.

وصل نادر ملك الي شقتها.
ملك:ثواني هغير وننزل
نادر:ملك مش شايف ان دا مجهود كبير عليكي طول الليل ف المستشفى وسافرنا الفيوم ورجعنا ودلوقتي عاوزه تروحي تاني وبعدين الشركه
ملك:انا مرتاحة كدا
نادر:انا خايفه عليكي صالح لو عرف حاجه مش هيسكت دا غير عمر وأمه
ملك:وانا عارفه هما هيفكروا ازاي اهم حاجه عندي أدهم
نادر:طب يلا عشان نلحق
ملك:انت هتيجي معايا
نادر:اهاا مااحنا اتفقنا يوم علي مراد ويوم عليا يبقي اكمل اليوم للآخر مش هينفع نسيبك لوحدك، وبعدين انتي لو حصلك حاجه أدهم ينفخنا
ملك:ماشي...خمس دقايق بس.

كانت نورا تتقلب ف الفراش ولا تستطع النوم وقد أشرقت الشمس تلعن عن بدايه يوم جديد

نورا:افوووو بقا انا مش عارفه انام
ساميه بصوت:اسكتي بقا، طول الليل علي كدا حرام عليكي
نورا:انتي جايلك نوم ازاي يا بت
ساميه:كل شويه بقلق والله
نورا:هو أحمد مظهرش ليه
ساميه:معرفش بس اكيد مشغول
نورا:المفروض كان يجي عشان أدهم
ساميه:امممم بس ممكن عنده شغل وبعدين احنا مالنا اصلا
نورا:يا بت يعني مبيجيش علي بالك
ساميه:فايقة اوووي انتي والله، يلا اختي قومي عشان نعمل الفطار ونروق البيت ونشوف البلاوي اللي ورانا.
نورا بضيق: طيب هقوم اهو

ذهب عمر الي شركته ولكن اثناء سيره ف الشركه كانت هناك حركه غريبه من الموظفين وبعض الهمسات بينهم.

اتجه الي مكتبه ودلف الي الداخل وجد ان كل ما يلزمه قد ازيل من علي المكتب.
عمر بصدمه:ايييييه دا! انتي يا زفته يا اللي برا
دخلت السكرتير نعم يا افندم
عمر:فين الحاجه بتاعتي اللي علي المكتب
السكرتيرة: برا ف المكتب عندي لأنهم قالوا ان المدير هيتغير.
عمر:نعم! مدير اي اللي هيتغير دا
السكرتير: نادر بيه
عمر:غوري من وشي.

دخل نادر اليه وقال بنبره استفزاز مالك يا عموره متعصب ليه
عمر:انت ازاي تعمل حاجه زي كدا
نادر: هو انت متعرفش ان ملك ليها 60٪من الشركه وطبعا ليها حق الإدارة وبصفتها المالك الأساسي وصاحبه الاسهم الأكثر وهي باعت الشركه
عمر:انت بتقول إي وبعدين هي بعتها ليك
نادر:بصراحه لا مش ليا... بس صاحبه الشركه الجديد قالتلي اعمل كدا عشان لما هي تيجي تبقي كل حاجه مظبوطة... وبعدين كتر خيرها الست مرضيتش ترفد حد
عمر بغضب:هتندموا.

نادر: ابقي قولي هندم امتي اصلي بحب المواعيد المظبوطه
تركه عمر وغادر وهو يحاول كبح غضبه...ركب سيارته واتجه الي الشركه حيث توجد ملك... صعد الي المكتب
عمر:ملك هنا
زينه:ايوه يا افندم اقولها مين
لم يستمع عمر الي كلامها واتجه ناحيه الباب ودخل
زينه:يا استاذ مينفعش كدا
ملك:عمر... اتفضلي انتي يا زينه
عمر:عاوزه اي يا ملك
ملك:انت اللي جاي علي فكره مش انا.

عمر:وانتي حاطني ف دماغك
ملك:امممم واي كمان
عمر:ابعدي عن طريقي احسنلك وشويه اللديش اللي معاكي دول خليهم يفكهم مني
ملك:امممم انت جاي تهددني
عمر:لا يا روحي بس عاوز اعرفك حاجه مش عشان باعتي الشركه يبقي هسيبك ف حالك
ملك:ومين قالك سايبني، انا عاوزه اشوف هتعمل اي
عمر:انتي جايبه القوه دي منين، أدهم بتاعتك مرمي ف المستشفى
غلت الدماء ف عروقها وقامت بصفعه بقوه وقالت وهي تنظر له بحده اوعي تقول علي أدهم عشان انا لو فقدت اعصابي هخلص عليك
عمر بصدمه:انتي بتمدي ايدك عليا يا ملك.

فتح حازم باب المكتب ودخل وقال انت جاي هنا ليه
لم يرد عليه عمر وظل ينظر لملك بصدمه علي ما فعلته للتو
ملك:اتفضل برا
حازم:ملك انتي كويسه
ملك:اهااااا، حازم خلي الأمن ياخد الحيوان دا برا
عمر:بجد هايل والله... حازم نادر أدهم مراد شكلي مش هخلص... سندريلا حولها كتير بس وديني ما هسيبك يا ملك فاهمه
لم يتأملك حازم نفسه وقام بلكمه بقوه حتي سقط علي الارض جث حازم علي ركبتيه وامسكه من لايقه قميصه ... مش عاوز اشوف وشك قدامي فاهم بدل ما انسفق من علي الارض، واللي بيحصل دا مجرد البداية فخليك حلو كدا عشان متزعلش
عمر:ماشي وانا مش هسكت.

نزلت مني من غرفتها وذهبت الي والدتها ف المطبخ.
مني:ماما انا هخرج اجيب حاجه
سعاد:هتجيب اي
مني:عاوزه اجيبلي شويه حاجات من الصيدلية اجيبلي شويه مكياج
سعاد:والمكياج دا هتجيبي منين عاد
مني:هركب وهروح المدينة واجيب من هناك وارجع
سعاد:امممم ماشي بس بسرعه وخد حد من ولاد عمتك وبسرعه قبل ما ابوكي يجي
مني:حاضر يا ست الكل.

سعاد:خدي فلوس من فوق، المكياج دا ابقي شيلي عشان ابوكي
مني:حاضر هبقي اشيل الحاجه ف الشنطه بس انا عاوزه اجيب عشان فرح نورا
سعاد:طيب.
خرجت مني من المطبخ وصعدت الي اعلي اخدت الفلوس من غرفه والدتها ونزلت .
خرجت من البيت ومشيت ف اتجاه تلك المنزل.
وقفت أمام المنزل علي امل انها تري من يوجد بتلك المنزل.
مني:يا تري مين اللي قاعد هنا.

وفجاه وجدت رجل كبير ف السن يستند علي عكازه ويخرج من المنزل... كان يمشي بخطوات بطيئة وكانت مني تابعه بحذر.
وقف تلك الرجل عند كشك واشتري منه بعض الأغراض.
اتجهت مني ناحيه الكشك واشتري منه.. وقالت ونبي يا حج متعرفش الراجل اللي لسه ماشي دا
رد عليها صاحب الكشك لا والله يا بنتي بس هو بقاله فتره بيجي يشتري مني الحاجه وبعدين يمشي
مني:امممم تشكر يا حج.
ذهبت مني خلفه بسرعه ورجع الرجل الي المنزل مره اخري.
مني:لا بقي انا لازم اعرف
كان الرجل يفتح باب المنزل ولكن اوقفته مني وقالت انت رايح فين يا حج

ف الشركه.
كانت سمر في المكتب عند يوسف
سمر:عمر لما عرف بهدل الدنيا
يوسف:اهااا ربنا يستر كانت مفاجأة الصراحه
سمر:هو ابن حلال ويستأهل
يوسف:اهااا الصراحه
سمر:نادر قالك اي علي بوسي
يوسف:هيتصرف بس موضوع زيارتها لادهم هيبقي صعب شويه.

سمر: امممم عارفه عشان ملك بس بوسي صعبانه عليا اووي
يوسف: اهااا وملك يا اختي بصراحه محدش فينا هيقدر يعمل حاجه زي دي
سمر:انا هوديها وانتم تحاولوا تعطلوا ملك سهل يعني
يوسف: بجد، ملك مخليه الممرضة جاسوسه يااختي
سمر:اممم أكيد ليها حل ممكن نادر يقولها او انت
يوسف:بصراحه يعني ميقدرش اعمل كدا... دي ممكن تقطع علاقتها بينا
سمر:مااحنا لازم نفكر
يوسف:لازم.

أوقفت مني تلك الراجل قبل أن يدخل إلى البيت وقالت انت مين و أي اللي مدخلك هنا
حسان بخوف: انا شاغل هنا.
مني: مين شغلك
حسان: الحج عبد الحميد
مني: جدي مات من زمان
حسان: عارف يا بنتي بس انا مش حرامي والله
مني:يعني جدي هو اللي كان قالك تقعد هنا
حسان:ايوه يا بنتي انا مش حرامي.

مني:طب هو حضرتك مين... و ليه قاعد ف البيت دا
حسان: راجل غلبان كنت شاغل عند جدك واتسجنت ظلم وعيشت طول عمري ف السجن لحد ما خرجت ومكنش ليا مكان اقعد فيه وجدك الله يكرمه خليني اعيش ف البيت دا
مني:بس جدي مات بقاله فتره وهو كان بيقول محدش يقعد ف البيت دا ولا بيفتح
حسان:انتي مني بنت عاصم صح
مني باستغراب:اهااا عرفت ازاي
حسان:فيكي شبه من عاصم
مني:هو ازاي حضرتك تعرف حاجات كتير كدا وبعدين ليه قاعد ف البيت ومحدش يعرف وفين عيالك وليه واتسجنت
حسان:اي كل دا يا بنتي.

مني:انا عاوزه اعرف حاجات كتير ومفيش غيرك
حسان: طب تعالى يا بنتي نندخل جواه لحسن حد يشوفيني
مني: تمام... دلفوا إلى المنزل و كانت مني تسير خلفه و اتجه إلى المطبخ
حسان: هعمل كوبيتن شاي وهجوبك... معلش المكان مش نضيف فتعالي نقعد برا عشان نشم شويه هوا
قام حسان واستند علي عكازه واخذت مني صنيه الشاي وخرجت معه... وجلسوا ف الخارج.

حسان:جدك قالي اقعد هنا عشان مليش مكان وانا واتسجنت من عشرين سنه يعني محدش فاكرني يا بنتي وعاوز اعيش اليومين اللي باقيلي وخلاص.
مني:طب وعيالك
حسان بحسره: مليش غير ابن واحد وانا اتبريت منه بعد اللي عمله ومعرفش هو فين دلوق
مني:هو مين
حسان:سعيد شاغل مع جدك
مني بصدمه:سعيد... بس هو بقاله فتره مختفي
حسان:راح فين
مني:معرفش... طب زينب مرات عمي
حسان: مالها
مني:تعرف عنها أي.

حسان:ربنا يخدها، هي لسه مرات عبد الرحمن ولا طلقها
مني:لسه، وهو هيطلقها ليه
حسان:امممممم ربنا يهدي
مني:لو تعرف حاجه عنها ساعديني ... زينب هي اللي قتلت جدي
حسان بصدمه:ايييييه!
مني: والله دا اللي حصل ارجوك
حسان:انا معرفش حاجه
مني:طب نسرين اخت عمر دي راحت فين عايشه ولا ميته
حسان:عايشه بس معرفش هي فين.
مني:مش عاوز تساعديني ليه
حسان:يا بنتي انا مش حمل حاجه... دوري عليها واكيد هتعرفي منها لكن انا مش حمل حاجه تحصل... وتركها ودلف الي الداخل.
مني بحيره:وانا هلاقي نسرين دي فين... يارب بقا

حازم:كان عاوز اي الكلب دا
ملك:بيهددني
حازم:متخافيش... دا كلب ميقدرش يعمل حاجه
ملك:هو مراد فين
حازم باستغراب:مش عارف لسه مجاش ف حاجه ولا اي
ملك:لا مش حاجه.
حازم:ماشي انا همشي لو ف حاجه كلميني
ملك:ماشي.
دفنت ملك وجهها بين يدها وكانت تشعر بالتعب والارهاق... واغمضت عينها وكادت ان تذهب الي النوم ولكن رن هاتفها.
ملك:الو.

مني:عامله اي
ملك:الحمد الله
مني:ملك ف حاجه غريبه انا اكتشفتها
ملك:اي هي.
مني:عمر لي اخت اسمها نسرين ودي مختفيه من 20 سنه تقريبا ومحدش يعرف هي راحت فين
ملك:ايييييه! وانتي عرفتي ازاي
مني:ف حاجات كتير ناحيه زينب دي وممكن تكون ف مصايب كمان
ملك:طب ودي نلاقيها فين ولا نعرفها ازاي
مني:مش عارفه انا معايا شهاده ميلاد ليها هصورها ليكي وابعتها علي الواتس وانتي حاولي تتدوري يمكن تلاقي اي حاجه عنها.
ملك:ماشي هدور ولو وصلت لحاجه هكلمك
مني:ماشي ربنا معاكي يا حبيبتي.

قفلت ملك الخط ووضعت الهاتف
ملك: وبعدين بقا ف الحاجات اللي كل شويه تظهر دي يا تري وراكي اي يا زينب

طرق مراد باب المكتب ودخل.
مراد:كنت ف العيادة عشان كدا مرديتش ف حاجه
ملك:لا بس انا كنت عاوزه مهدي
مراد:غلط عشان انتي حامل
ملك:اي حاجه تكون ملهاش أثر
مراد:ماشي، مالك حصل حاجه ولا اي
ملك:عمر جي الشركه وهددني ... ودلوقتي مني بتقول ان ف اخت لي عمر
مراد:مين
ملك:معرفش اسمها نسرين اختفت من 20 سنه
مراد:امممممم ودي هندور عليها فين
ملك:انا قولت اروح بيتنا القديم قبل ما نعزل يمكن الاقي اي حاجه بابا كان شايلها
مراد:هتروحي امتي
ملك:دلوقتي هروح وبعدين اروح لادهم
مراد:ماشي وانا هاجي معاكي
ملك:لا مش عاوزه اتعبك معايا
مراد: ماشي يلا بس عشان منتاخرش.

فتحت زينب الباب وجدت عمر أمامها
زينب:اتفضل يا حبيبي
عمر:ملك هانم باعت الشركه
زينب:ايييييييه! والبيت
عمر:الله اعلم
زينب:هنعمل اي
عمر:مش عارفه بس شكلنا هنطلع من المولد بلا حمص
زينب:لا انا معملتش دا كله عشان كدا، لازم نخلص علي ملك.

عمر:لا اوعي تلمسي شعره منها
زينب:لا دا مش وقته يا حبيبي انا مقعدتش اخطط واهرب واقتل جدك عشان اطلع ببلاش كدا وف الآخر اتسجن... دا كفايه أدهم
عمر:هو انتم اللي قتلوا صح
زينب:اهااا خدنا المفتاح عربيه مراد لما كان هنا آخر مره
عمر:ازاي.

زينب: سعيد حطيله منوم ف القهوه ولما نام خد المفتاح طلع عليه نسخه ونزل مراد ووصله قدام بيته وبعدها بفتره نفذنا الخط .. وعملنا كدا عشان لو حصل حاجه مراد يلبسها وبعدها رجعنا العربية مكان بعد ما نفذنا... المشكله ان أدهم ممكن يقوم
عمر:لازم نخلص عليه
زينب:المستشفى صعبه اوووي... مش هنعرف وبليل الحلوة بتكون هناك
عمر:امممممم لازم تشوفوا حد من المستشفى... هو سعيد فين
زينب: راح المستشفى عشان يشوفنا حد يخلص علي أدهم

صعدت ملك سلم منزلها القديم وفتح باب الشقة.
فتح نور الشقة ودخلت ودخل مراد خلفها.
مراد:ياااااه الشقة متغيرتش
ملك:اهااا بس محدش بقي موجود
مراد:هو انتي ومامتك مشيتوا ليه
ملك:ماما قالت عشان نبعد عن المشاكل.
مراد: طب ادخلي دوري...وانا هستناكي هنا
ملك:ماشي
دخلت ملك الي غرفه والديها وهي تستعيد بعض الذكريات معهم... ولكن بعض تلك الذكريات لم يكن واضح فهي تشعر بأنه هناك شي مفقود.

دورت ملك ف الدولاب ولكن لم تجد شي غير تلك الصندوق ومقفول يقفل فلم تتمكن من فتحه
خرجت ملك وهي تحمل الصندوق.
مراد:اي دا
ملك:مفيش اي حاجه غير دا وانا افتكر ان بابا كان يحط ف كل الأوراق المهمة .
مراد:طب فين مفتاح القفل
ملك:معرفش... احنا ممكن نكسره
مراد:اهااا مفيش حل تأنى هاتي اي حاجه اكسره بيها.
دخلت ملك الي المطبخ و اخدت اله حده ليفتح بيها الصندوق

ملك:خد
فتح مراد الصندوق وكان يوجد بي بعض الأوراق.
ملك:اي الورق دا كله وبعدين دا نصفهم روشتات واشاعات.
مراد:وريني كدا
امسك مراد روشته كان يوجد بيها اسم دلال.
ملك:اي يا مراد الروشتة دي فيها أي
مراد:انتي الفرق بينك وبين ندي كام سنه
ملك:خمس سنين ليه
مراد بتعجب: اصل الورقة دي بتثبت ان .

أخبر يوسف جميع أعضاء الشركه بالاجتماع.
سمر: هو الاجتماع دا ليه
يوسف:هتظهر مدير الشركه الجديد
سمر:نادر صح
يوسف:لا مش نادر... كلها شويه ونادر هيجي وهنفهم
سمر: طب يلا عشان نروح اوضه الاجتماع
يوسف:يلا.

ذهب يوسف وسمر الي غرفه الاجتماع... وكان عمر يجلس ف الداخل.
يوسف:انت هتحضر
عمر: مش انا موظف ف الشركه ومن حقي اعرف
يوسف:اهااا طبعا.
عمر:لما نشوف مين المدير اللي اشتري.
فتح نادر باب قاعه الاجتماعات ودخل
نادر:طب كلكم عاوزين تعرفوا مين المدير اللي هيكون بدل استاذ عمر.
عمر:اهااا يا ريت

نادر:اتفضلي يا مدام.
التفت الجميع ناحيه الباب

مراد بتعجب: اصل الورقة دي بتثبت ان مامتك عملت عمليه ازاله رحم بعد ما خلفت ندي بسنه دا الإشاعات دي .
ملك بصدمه:ايييييييه! ازاي انا مش فاهمه حاجه
مراد:الأودية دي بتقول كدا كلها مكتوبه لعمليه جراحيه وكدا مامتك مخلفيتش غير ندي ... حتي هنسال معتز ونتأكد منه برضو
ملك بدهشه:ازاي يعني... يعني اي الكلام دا
مراد:ملك اهدي احنا مش متأكدين من حاجه
ملك:الورقة مكتوب عليه اسمها... انا مش فاهمه حاجه ازاي طيب
مراد:هنفهم كل حاجه