قصص و روايات - قصص رومانسية :

رواية حب بعد إنتقام للكاتبة رحمة سيد الفصل الثالث

رواية حب بعد إنتقام للكاتبة رحمة سيد الفصل الثالث

رواية حب بعد إنتقام للكاتبة رحمة سيد الفصل الثالث

اياد: ملك انا بحبك
ملك بصدمة: انت مجنون انت بتقول إيه!
اياد: بحبك وعايز اتجوزك
ملك بأرتباك: انا لازم امشي، يلا يا هند
وتمشي ملك عشان تشوف هند ويبتسم اياد بخبث ويقول لنفسه: شكل الفريسة وقعت تحت المخرطة.

ملك وهند في طريقهم للبيت ف تقول هند: ملك انتى ارتبكتى وسكتى له لية كان لازم تردى في ساعتها والا هيفكر ان في قبول من ناحيتك
ملك بتوتر: معرفش بقاا اهو إلى حصل
ويوصلوا لبيوتهم وتدخل ملك وتسلم علي والديها كالعادة واخوها الاصغر و...

مصطفي: إيه يا ملوكة اخبارك ف الكلية ومابقتيش تقعدى تزاكريلى ليية
ملك: معلش يا صاصا الكلية بقا وكدة.

والدها يلاحظ ارتباكها ويسألها عن السبب بس ملك تفضل السكووت وماتحكيش أي حاجة لوالدها ولاول مرة.

في ملهي ليلي
قاعد اياد علي ترابيزة وسكران ويفتكر ملك
ويقول لنفسه: هي مفكرة نفسها مين، لا بس هي حلوة وتستاهل وهعمل إلى ف دماغي بردو
ويتنهد ويبتسم بشر.

في صباح اليووم التالي
يصحوا كل ابطالنا ويروحوا كلهم إلى الجامعه بس متفرقين
وملك وهند في الكافتريه التابعه للجامعه فيجي شاب بأتجاههم و..
الشاب: انسة ملك ممكن اقعد؟
ملك وهي عاقدة حاجبيها: حضرتك تعرفني عشان تقعد معايا؟
هند: حضرتك عايز إيه؟
الشاب: اهدوا انا بس كنت عاوز اتعرف كأصدقاء مش اكتر
ملك: اتفضل من هنا مابنتعرفش
وقامت تمشي مسكها من يدها و...
الشاب: ماتهدى كدة يا حلوة انا مش اياد هاا يعنى مابسكتش.

ملك بغضب و...
فجأة يجي اياد ويضرب الشاب وملك تصرخ وتحاول ان تهديهم
ويفصل الامن بينهم بس كل واحد جواه حاجة للتاني وبيصوا لبعض بكره..

ملك لأياد: انت لية تتدخل وتكبر الموضوع
اياد: ملك انا اسف بس انا ماقدرش اشوف حد بيمسكك وعايز يوقفك غصب واسكت انا بغير وبخاف عليكى من الهوا.

ملك: طب عن اذنك يلا باى
وتمشي ملك في ارتباك وتلحقها هند.

ايمن مع مريم في حديقة
ايمن: ازيك يا مريم
مريم: الحمدلله يا ايمن انت عامل إيه
ايمن: تمام، ماتزعليش من اخر مرة بس انا بجد خايف عليكى وعايز ربنا يباركلنا ف حياتنا وبعدين انتى عارفه انك تعتبرى زانية لما تبيني شعرك ادام حد غريب
مريم وهي تفكر بكلام ايمن: اوعدك يا ايمن هفكر ف كلامك كتير
ايمن: اتمني
ابتسمت مريم ابتسامة صفرة.

في منزل محمد
ملك في اوضتها وبتفكر في اياد..

ملك: بس شكله جدع فعلا
نفسها: جدع عشان لحقك بس، ما أي شاب كان هيعمل كدة
ملك: بس دى مش اول مرة
نفسها: امممم بس انتى بتفكرى فيه كتير لية!
ملك: لا ابدا دا عادى
نفسها: عادى ولا انتى اعجبتى بيه.

ملك: اييية لا طبعا ويلا نااامى بقا
وتتغطي وتنام نوم عميييق.

وتمر الايام علي نفس الشكل واياد يحاول التقرب من ملك بكل الطرق و في صباح يوم تخرج ملك وتلاقي الاسرة على الافطار و..
والد ملك: ملوكة صباح الخير
ملك: صباح الخير بابا صباح الخير يا ماما، عامل إيه يا صاصا
كلهم في نفس واحد: صباح النور
محمد: ملك النهاردة تعالي بدرى عشان في عريس جايلك بكرا ومن عيلة رائعة
ملك بضيق: بابا انا مش مستعدة للجواز حاليا
والدها: شوفيه وبعدين احكمى يا حبيبت بابا
ملك علي مضض: حاضر.

في الجامعة في الكافتريا قاعدين ملك وهند وهند تقول..

هند: يعنى هتوافقي ولا إيه؟!
ملك: لا اوافق إيه مستحيل
هند بخبث: لية هو الجميل عينه ع حد ولا إيه الحكاية فضفضي
ملك بتوتر: آآآ لا بس...
هند: ما بسش شكل الصنارة غمزت اعترفي
ملك: شكلي معجبة
هند بفضول: بمين ها مين ها ها؟
ملك: اياد
هند بصدمة وفرح في نفس الوقت: بجد اياد السويفي؟!
ملك: ايوة
هند: طب ما...
يقاطعهم اياد: ازيكووا يا جماعة، انا عامل حفلة النهاردة في الڤيلا واتمني تيجوا
هند بأبتسامة: اه اه طبعا.

اياد: وانتى يا انسة ملك
ملك بتردد: ان شاء الله
ويبتسم اياد ويلف ويمشي.

بليل في ڤيلا ¥ مدحت السويفي ¥ تدخل ملك وهي لابسة فستان قصير واصل إلى الركبة احمر بأكمام شفافة وحاطة ميك اب بسيط لتزيدها جمال وتسيب شعرها الطويل وهند كمان كانت جميلة جدا.

اياد في الحفلة ومنشغل مع الضيوف ويشوف ملك وهند ويروح بأتجاهم، اياد كان لابس ( شورت جينز وتيشرت اخضر ومظهره جذاب جداً ) و...

اياد بفرح: انا مبسوط جدا انكم جيتم وكنت هزعل لو ماجيتوش
ملك: لا ومش هنيجي لية
يهز اياد راسه ويبتسم وتبدأ الرقصة السلوو ويطلب اياد من ملك ان ترقص معاه وتوافق
وبعد الرقصة يمسك الميكرفون و...

اياد: ملك، انا بعترف انى كنت وحش جدا معاكى وضايقتك وانا كمان كنت مضايق بس فجأة لاقتنى بحبك وعايز اتجوزك
تتجوزينى يا ملك؟
تنصدم ملك وتدمع عيونها و...
ملك: موافقة طبعا
ويصقف كل إلى في الحفلة ومنهم إلى يحسدهم ومنهم من يفرح لهم والخ.

بعد الحفلة اياد مع ملك
و يقول: حدديلي ميعاد مع باباكى عشان اجى اطلبك منه
ملك: حاضر
اياد: طيب ممكن رقمك عشان اطمن عليكى
ملك بتردد: آآآ طب خد اهو...
ياخد اياد الرقم ويوصل لملك لبيتها.

علي الطرف التاني بيتكلم راجل ليه عضلات ولابس طاقية سودة مدارية كل وشه وعنده تشوهات بسيطة، بيتكلم في الموبايل مع شخص ما.

الاول: ايوة يا باشا اهم بيتكلموا مع بعض
الثانى: خلي عينك عليهم واول ما تمشي البت عايز الواد يتفرم بس مش عايزه يموت ساامع؟
الاول: حاضر يا باشا انت تأمر
ويقفل معه الرجل ويبتسم بشر و يقول..

عشان ماتلعبش مع الاكبر منك تانى يا اياااد السويفي
الشخص الاول لشخص اخر: الباشا قال من غير مووت ولا دم
الشخص 2: تمام يلا
بليل اياد ماشي ومبسوط وسرحان فجأة يلاقي ادامه راجلين ملثمين وشكلهم يخض، يقربوا من اياد اوى وفجأة يضربوه، والكترة تغلب الشجاعة واياد بينزف وفجأة..!

الفصل التالي
جميع الفصول
روايات الكاتب
روايات مشابهة