رواية حب بعد إنتقام للكاتبة رحمة سيد الفصل الرابع
ملك بكل ما اوتيت من قووة صرخت: ايااااااااد
وببكاء: ايااد قووم اياد ماتغمضش عنيك عشان خاطرى ايااااد رد عليا
ويغمى عليه وتطلب ملك النجدة من احد الاشخاص ويتم نقل اياد علي اقرب مستشفي مع بكاء ملك المستمر وخوفها علي انه يجراله حاجة واول ما يوصلوا يدخل اياد غرفة العمليات وملك منتظرة برة وتكلم نفسها..
ملك: طب ما لازم حد من اهله يعرف اكييد هما قلقانين دلوقتى عليه جداا، طب هعمل إيه منا حتى موبايله مش معايا.
وتفتكر ملك ان موبايل اياد وقع منه لما الناس اخدوه من الشارع وتجرى على شنطتها وتأخذ الموبايل وتبحث عن رقم أي شخص من عائلته وتلاقي رقم متسجل ب ( ماما حبيبتي ) وتتصل وترد واحد واضح من صوتها.
منال والدة اياد ؛ إيه يا اياد اتأخرت لية يا حبيبي
ترد ملك بتوتر وخوف: انا مش اياد انا زميلته في الكلية وبعد الحفلة في ناس جم ضربوه بليز حد يجي احنا ف مستشفي...
تصرخ منال وتقفل التليفون وتلبس هدومها بعجلة عشان تروح للمستشفي، اياد هو ابنها الوحيد إلى جابته بعد تعب 11 سنة.
هند قاعدة في بيتها بالتحديد في اوضتها ماسكة اللاب وممددة علي سريرها وفاتحة الفيس، لاقت ادد من شخص متعرفهوش، بعتت مسج ( انت مين ) بعد 3 دقايق رد الشخص..
واحد
وعايز إيه
عايز اتكلم مع أي شخصية مجهولة بالنسبالي وانا مجهول بالنسبة لها واحكيلها كل حاجة جوايا.
استغربت هند من الرد واتنهدت وقفلت اللاب وحطت دماغها علي المخدة ونامت.
في مكان تاني يقف شابان ومعهم الشابين إلى ضربوا اياد و...
الاول: تمام يا باشا نفذنا إلى قولت عليه بالحرف بس في حاجة
الشخص بخوف: في إيه انطق؟!
الاول: حضرتك قولت ننفذ بعد اما البنت تمشي بس آآآآ
الشخص وهو يضربه: بس إيه يا حيوان انت اوعي تكون اذيت ملك
الاول: لا لا والله بس هي سمعت صوت الواد وهو بيصرخ باين من الوجع وخدته علي المستشفي
الشخص: بهاااايم قولتلكوا لازم محدش يلحقووا غوروا من وشي.
ويكلم نفسه: يمكن فلت المرة دى يا اياد باشا لكن بردو ملك عمرها ما هتكون ليك.
في شقة
قاعدة بنت في اوضة مكونة من دولاب بني وسرير متوسط وبلكونة في الاوضة و لابسة بيچامة بيتي نص كم والبنطلون، وشعرها سايح وعنيها بني فاتح وجسمها متوسط ماسكة موبايلها وعمالة تتصل بشخص بس مافيش حد بيرد، قعدت تفكر وهي بتفتكر.
فلاش باك
سمعت شادى وهي بيتكلم مع شاب شكله غريب لما كانت جايه له بالصدفة الڤيلا..
الشاب: نفذنا بالحرف بس في حاجة
شادى بخوف: في إيه انطق؟!
الشاب: حضرتك قولت ننفذ بعد اما البنت تمشي بس آآآآ
شادى وهو يضربه: بس إيه يا حيوان انت اوعي تكون اذيت ملك
الشاب: لا لا والله بس هي سمعت صوت الواد وهو بيصرخ باين من الوجع وخدته علي المستشفي
شادى بضيق: بهاااايم قولتلكوا لازم محدش يلحقووا غوروا من وشي.
باك
تفكر البنت بحزن وتسأل نفسها، يا ترى مين ملك ومين الراجل إلى كان مع شادى وضربوا مين، اووووف انا لازم افهم
وتدخل عليها والدتها وتقول..
يلا يا نهي عشان نروح لخالتك
قامت نهي بسرعة وردت..
حاضر يا ماما حاضر.
مريم وايمن مبسوطين وبيتفسحوا يشتروا العفش والاجهزة وبيفكروا ف مستقبلهم مع بعض بعد اقتناع مريم ان ايمن بيخاف عليها وجدا كمان ونيتها في لبس الحجاب واخيراً وفرح ايمن بعد ما عرف فرحة لا توصف
اياد ف المستشفي وتيجي والدته وهي منهارة ووالده كمان وفجأة تحصل دربكة في المستشفي والاطباء والممرضين يجروا بسرعة ومحدش يفهم حاجة وملك من خوفها توقف ممرضة وتسألها..
هو إيه إلى بيحصل فهمينى ارجوكى.
الممرضة وهي متوترة: المريض إلى في غرفة 601 نبضة ضعيف وبيتلاشي وشكله بيمووت ومش بيستجيب لأى حاجة.
تنصدم ملك جدا لانها رقم نفس غرفة اياد وتنهاار علي الارض وهي بتفتكره
وتقوم تبص من الازاز علي الدكاترة وهما بيصعقوا اياد بالكهرباء بس من غير فايدة ويزود الطبيب الفولت بس اياد لا يستجيب ويخرج الطبيب بخيبة امل وهو حزين ويجروا عليه ويسألوه عن حالة اياد
ويقول الطبيب بحزن ؛ انا اسف البقاء لله.
صدمة، سكووت، انهياار، عدم استيعاب
وتقع منال مغم عليها وهي بتصرخ: ايااااد ماتسبنيش ارجوووووك.