رواية حب بعد إنتقام للكاتبة رحمة سيد الفصل الأول
في احدى البيوت الفخمة في القاهرة
تحديداً في اوضة واسعة مكونة من سرير لونه بمبي ودولاب لونه بني وكنبه صغيرة ومكتب جمب السرير وادامه كرسي
علي السرير نايمة بنت، دخلت امها ( نهلة ) ربة منزل حنينة، مابيهماش الفلوس كل إلى يهمها اولادها، قعدت علي السرير جمب البنت وهزتها برقة وهي بتقول: ملك قومي يلا.
ملك محمد، بنت في تانية جامعة كلية اداب انتقلت إلى جامعة القاهرة جديد، مغرورة إلى حدا ما عنيها واسعة رصاصي ورموشها كثيفة وجسمها متوسط وبشرتها بيضة وشفايفها وردى.
ام بنبرة حنونة: يلا بقا يا ملك هتتأخرى على كليتك دا اول يوم كفاية نوم
ملك بكسل: حاضر يا ماما قايمة اهو اسبقينى انتى
ابتسمت الام وهي بتقول..
هروح احضر الفطار تكونى قمتى عشان هنفطر كلنا قبل ما تمشي
ملك بنوم: حاضر يا مامتى روحى انتى بس.
تقوم نهلة وتمشي تخرج من الاوضة وتقفل الباب وتروح للمطبخ عشان تحضر الفطار وتقوم ملك وتدخل الحمام وتخرج تبدأ في تجهيز نفسها عشان تروح الجامعة وتلبس بلوزة نبيتي نصف كم وبنطلون سكيني وتسيب شعرها
تخرج ملك وتلاقي اهلها بيفطروا فتبصلهم بسعادة وتقول..
ملك: انا ماشية بقا يا ماما باى يا بابي.
الاب ( محمد ) رجل اعمال مشهور بيحب اولاده وزوجته جداً
بادلها الابتسامة ورد ب..
مش هتفطرى الاول يا ملوكة
ملك بهدوء: لا يا بابا انا همشي عشان ماتأخرش افطروا انتو بقاا
هز محمد راسه وهو بيقول: طيب يا حبيبتى خلي بالك من نفسك
تلف ملك وتخرج من الڤيلا وتركب عربيتها الفخمة لونها احمر وتحرك المقود وتتجه للجامعة.
توصل ملك الجامعة بعد نصف ساعة وتدخل بخطوات مرتبكة وتلاقي صديقتها المقربة ( هند ) قاعدة في ركن، تتجه ملك ليها بأبتسامة وتشوفها هند وتبصلها بغضب مصطنع وتقول: كل دا تأخير يا ست ملك بقالي ساعة مستنية
قعدت ملك جمبها وردت بتوتر: معلش بقاا وبعدين دا اول يوم وانا قلقانة لوحدى ف اسكتى دلوقتى
هند بمرح: خلاص سمااح المرة دى، يلا عشان اول محاضرة هتبدأ.
هزت ملك راسها بحماس وقاموا الاتنين سوا ودخلوا لقاعة المحاضرات وكانت ملك مركزة جداً لانها اصلا مجتهدة وبتحب دراستها
خلصت المحاضرة وبصت ملك لهند وقالت..
تعالي نقعد في كافيه
تمام
قالت هند الكلمة دى وهي بتأنچ ملك وبيمشوا يروحوا الكافيه.
في شقة في الجيزة
بنت قاعدة في اوضتها بتبكي بخوف وسامعة صوت ابوها بيضرب مامتها ومامتها بتصرخ جامد من الألم والبنت بتترعش، قامت البنت وفتحت الباب وخرجت وهي بتحاول تبان شجاعة وبصت لبابها بغضب وحقد وقالت..
سيبها بقاا حرام عليك انت إيه
صرخت امها وهي بتقول..
امشي انتي يا مريم
ضربها الاب اكتر وبص لمريم و..
خليها تجيب الفلوس إلى معاها
ردت عليه مريم بجرأة: عشان تاخدها تصرفها علي الزفت إلى بتشربه.
بص الاب لمريم بغضب وفضل يضربها هي كمان فقامت الام بخوف علي بنتها وجريت للاوضة التانية عشان تجيب الفلوس وجابتها ومدتله ايديها بالفلوس وهي بتقول..
خد الفلوس اهي بس سيب البت
ساب الاب للبنت بشماته وقال..
اهو كدة، ناس مابتجيش غير بالعين الحمرة
ومد ايده اخد الفلوس ولف وفتح باب الشقة ومشي
جريت الام علي بنتها وخدتها في حضنها وهي بتقول..
انتي كويسة يا مريم، معلش يا حبيبتي.
بكت مريم بغلب لانها مش اول ولا اخر مرة ابوها يعمل كدة دايما بيعمل كدة لحد ما مريم كرهته كره العمي
بصت مريم لمامتها بتعب وقالت..
لية ادتيلوا الفلوس يا ماما دى فلوس علاجك ليية كدة
حضنتها الام جامد واتنهدت وردت ب..
مش مهم أي فلوس المهم انتي.
في الجامعة ( نفس الكافتيريا )
علي ترابيزة قاعد شابين الاول اياد.
بص اياد علي ملك وهند إلى قاعدين ادامهم و..
اياد بمشاكسة: شكل موزز السنة دى عسل اووى وهنزأطط
( اياد مدحت السويفي شاب يبلغ من العمر 21 سنة وهو في الصف الثالث الجامعى، نفس كلية ملك، عيونه خضراء وشعره بني وجسمه رياضي ومابيشتغلش ودايما بيعاكس البنات ويسهر في بارات وبيعمل كل حاجة حرام ومابيهتمش بكلام امه إلى بتحاول دايما ان ترجعه زى زمان بكل الطرق )
والثانى ( ايمن ) وهو في نفس عمر اياد وصديقه المقرب.
بصله ايمن بلوم وهو بيقول: يابنى اهدى بقا انت هتلاحق ع دى ولا دى ولا انت بتراضي كله
اياد بمرح: بالظبط كدة بحب ارضي كله عشان محدش يزعل، خليك انت ف خطيبتك وسيبنى اشوف الموزز الجداد.
يقوم اياد ويروح للترابيزة إلى قاعدين عليها ملك وهند و..
اياد بنبرة شبيه بالجدية: ممكن اقعد؟
هند بأبتسامة: طبعا اتفضل
ملك بغضب بسيط: لا طبعا قوم من هنا وانت تعرفنا منين اصلا عشان تقعد معانا.
بصلها اياد جامد ورد ب: براحه علي نفسك بس انا كنت حابب اتعرف واسف علي الازعاج
ملك بسخرية: يلا ورينا عرض كتافك
يبص لها اياد بحقد وغضب ويلف ويمشي.
ملك بغضب لهند: انتى ازاى تسمحيله يقعد
هند بسعادة داخلية: إيه يا بنتى دا دانجوان الجامعه والبنات كلها هتموت عليه تيجى انتى بكل بساطة تمشيه من جنبنا
ضحكت ملك بسخرية و..
ملك: ياختى اتوكسي دا حتى دمه سم، يلا قومى نمشي
هزت هند راسها وهي بتقول: يلا يا قدرى.
قاموا الاتنين ومشيوا مع بعض وخرجوا من الجامعه، ركبوا عربية ملك ووصلت ملك هند لبيتها واتجهت لبيتها ووصلت بعد ساعة، لاقت مامتها وباباها قاعدين تحت بيتفرجوا علي التلفزيون، ابتسمت ملك وسلمت عليهم وقعدت جمب بابها و..
شوفت يا بابا إلى حصل النهاردة
بصلها ابوها بتركيز فكملت ملك كلامها ب..
النهاردة في شاب اسمه اياد...
وحكت ملك لابوها كل إلى حصل في الجامعة لانها متعلقة ب باباها جدا وبتحكي له علي كل حاجة.
في منزل اياد
يوصل اياد بيته ويدخل بملل فتشوفه امه ( منال ) وتبتسم وتقول..
انت جيت يا اياد احضرلك تاكل
اياد بهدوء: لا اكلت يا ماما بس وحياتك صحينى الساعة 6 عشان خارج
منال بعتاب: مع صحابك الصيع بردو، يا حبيبي انا خايفة عليك والله من نفسك
اياد بملل: يووه يا ماما نفس الكلام وارجع اقولك انا مش عيل صغير
قامت منال وردت بّ: ماتضيعش نفسك يا اياد عشان بنت خدعتك واهى زمانها عايشة حياتها.
اياد بغضب وحزن: خلاص يا ماما لو سمحتى مش لازم كل شوية تفكرينى انا مش ناسي
الام: ربنا يهديك يابنى
يروح اياد اوضته ويغير هدومه ويمدد جسمه علي السرير وتيجي في باله ملك فيقول بخبث..
شرسة بس مووزة ومسيرك يا ملوخية تقعى تحت المخرطة
ويبتسم وينام.
في منزل محمد
ملك نايمة علي سريرها وماسكة موباياها وبتتكلم مع صديقتها المقربة هند و..
هند: ماتيجي يا ملك شوية بقا اقعدى معايا واهو نزاكر أي حاجة
ملك: ما ممكن بابا مايرضاش يا هند
هند: حاولي تقنعيه يا ملك بقاا وتعالي
ملك: هشووف يا هند ماشي
هند: اوك سلام هاكلمك تاني
ملك: اوك سلام
قفلت ملك مع هند وهي بتفكر وقررت تروح، قامت وخرجت من اوضتها وراحت لبابها لاقته قاعد علي اللاب توب بصتله بحب وقالت..
بابتي ممكن اروح عند هند
سكت والدها لحظة ورد بأبتسامة..
ماشي يا ملووكة روحي بس ماتتأخريش.
قربت ملك منه وباسته في خده وهي بتقول: من عيني حاضر
ولفت ومشيت وهي مبسوطة.
في بار، قاعد اياد علي ترابيزة مع صاحبه السوء وحواليهم بنات كتير وقاعدة جمب اياد بنت مايعة ولابسة لبس فاضح وتضحك بدلع لاياد وتقول..
ماتيجي بليل هجهزلك سهرة جنان.
اياد بأبتسامة: اشطاااا يا قشطة، بس عندك مكان
غمزتله البنت بطرف عنيها و..
طبعا، يلاا
وقامت البنت وهي ماسكة اياد من دراعه ومشيوا سوا خرجوا من البار، وبعد شوية وصلوا بيت البنت وقضوا سهرتهم سوا.
بليل. الشارع هدوء جداً الساعة 12 بعد نص الليل ماشية ملك وهي بتتلفت حواليها وخايفة جداً، فجأة لاقت شابين ماشين وشكلهم سكران واترعبت اكتر، قرب منها الشاب الاول وبصلها بشهوة وقال: ماتيجي يا موزة
بلعت ملك ريقها وكملت طريقها من غير ما ترد، فقرب الشاب التاني اكتر و..
الثانى: تعالي واحنا نظبطك يا قممر.
ومسك ايد ملك إلى صرخت اول ما لمسها بس محدش سمعها، وحاولوا الشابين يخطفوها وفجأة يكون اياد ماشي في شارع جانبي بعربيته ويشوف ملك والشابين فينزل من عربيته بسرعة ويجرى بأتجاههم ويضربهم، والشابين يردوله الضرب طبعا لحد ما فجأة تصرخ ملك..
ايااااااااااد.