قصص و روايات - قصص رومانسية :

رواية حب بالإكراه للكاتبة ندى محمود الفصل الثلاثون

رواية حب بالإكراه للكاتبة ندى محمود الفصل الثلاثون

رواية حب بالإكراه للكاتبة ندى محمود الفصل الثلاثون

عمر بغضب وعصبية: وبعدين بقى ماقولت اقفل على الموضوع ده يا اكرم.

اكرم بتعجب: هو الموضوع كبير للدرجادى طاب ماتقولى ياصاحبى يمكن اقدر اساعدك فيه وبعدين انت من امتى بتخبى عليا.

عمر: حتى لو قولتلك هاتساعدنى ازى بقى
اكرم: انت قول بس في ايه؟!
عمر وضع يده على وجه وقال بصوت هادئ: اقولك ايه بس اقولك ان مراتى كانت تعرف واحد والله اعلم كانت تعرفه من قبل ما اتجوزها ولا بعد وكانت ماشية معاه.

اكرم: نعم! انت بتهرج وازى عرفت الكلام ده
عمر: امبارح جالى صور وفديو
اكرم: ومين بعتهم
عمر: ده اللى هايجننى
اكرم بصدمة: انا مش قادر اصدق الكلام اللى قولته بجد وبعدين ازى ملك تعمل حاجة زى كده.

عمر بسخرية: ما انا في البداية لما شوفت الصور مصدقتش وحسيت انه كدب بس لما شوفت الفديو اتأكدت...

اكرم: وانت ازى تصدق حاجة زى كده
عمر: هو ايه اللى ازى بقولك شوفت صور وفديو
اكرم: طيب وعملت ايه مع ملك
عمر: لمت هدومها ومشيت وقريب هانطلق
اكرم بغضب: وطبعا انت اللى مشيتها
عمر: ...
اكمل كلامها بغضب: حرام عليك والله دى مراتك ياخى ازى تصدق حاجة عليها زى كده ده المفروض اى حد يقول كلمة عليها تقطعله لسانه مش انت اللى تظلمها كده.

عمر بعصبية شديدة: حط نفسك مكانى يا اكرم كنت هاتعمل ايه
اكرم: من غير ما احط نفسى مكانك انا نفسى مش مصدق الكلام ده وانت مراتك مش عايز تصدقها، انا مش هاتكلم معاك علشان عارف ان انت مش بتقتنع غير برأيك بس ابقى افتكر كلامى ملك جوهرة وانت ضيعتها من ايدك.

عمر زفر بضيق وقال: طيب ممكن نخلينا في الشغل والموضوع ده ميتفتحش تانى.

نور بابتسامة شر: مكنتش اعرف ان ضربتك هاتبقى قاضية كده
نور: بس برضوا مين الاصل اللى خطط
منيرة: هههههههههه
نور: بس تستاهل شافت نفسها كتير علينا وكنت مستحملها واهو اخرتها
منيرة: خلاص اهو ارتاحى قريب هايطلقوا
نور: يااااارب.

تفيق ملك من نومها وترتدى ملابسها وتنزل لتبحث عن عمل بينما دينا ذهبت لها وظلت تتصل بها لم ترد وترن الجرس ايضا لا ترد فاقلقت عليها حاولت الاتصال مرة اخرى ردت...

ملك: الو
دينا: الو ياملك انتى فين
ملك: نزلت كنت مخنوقة شوية وقولت ادور على شغل كمان
دينا: طيب انتى فين دلوقتى اجيلك
ملك: لا انا جاية في الطريق انتى فين
دينا: انا واقفة عند الباب مستنياكى
ملك: طيب خلاص خليكى عندك انا خمس دقايق وهاوصل
دينا: طيب.

بينما عنر كان ذاهب الى المنزل بعدما انتهى من عمله رأى محسن يقف مع شخص ويبدو عليه الغضب هبط من السيارة واقترب منه ليسمع ماذا يقول وصدم عندما سمعه يقول: ميه الف جنية لييه.

شخص: انت نسيت اللى عملته معايا لما عمر محصلهوش حاجة وقام زى الفل ومردتش تدينى فلوس مع اننا كنا متفقين انى بعد ما اخلص المهمة هاتدينى الفلوس، فا انا هاعمل زيك تدينى الفلوس اعملك اللى عاوزه مش هاتدينى شوفلك حد غيرى.

محسن بغضب: انت بتهددنى يعنى
شخص: حاجة زى كده
محسن بخبث: براحتك انا مش خسران حاجة انت اللى خسران
وهنا ذهب لهم عمر وقال: طاب ماتقولى عايز الالف جنيه على ايه يمكن احل المشكلة اللى بينكم.

نظر له بصدمة وقال: عمر
بينما ذلك الشخص مجرد مارأى عمر هرب
عمر بمكر: اتصدمت مش كده بس انا من رأى خلى الصدمة دى في القسم علشان البوليس خلاص في الطريق، سرقة 2 مليون جنية ومحاولة قتل تتوقع كام سنة.

محسن بزعيق: انت مجنون ولا ايه
عمر بعصبية: صوتك ميعلاش عليا. وانت شكلك نسيت نفسك وانا اتساهلك معاك كتير واخدت راحتك اظن كفياك على كده. تاخد كام سنة في السجن يظبطوك انت ايه رأيك.

محسن بسخرية وخبث: وايه الدليل على كلامك ده
عمر: الوصل اللى معايا انت نسيت
اخرج محسن الوصل من جيبه وقال وهو يقطعه امامه: الوصل ده. ابقى بله واشرب ميته هههههه.

عمر بصدمة: انت جبته ازى!
محي
سن بابتسامة خبث ومكر: انت فاكر انى عبيط للدرجادى هاسيب معاك دليل زى ده عليا
امسكه من ملابسه وقال: وحاية امى ما هاسيبك. وهم ليعطيه لكمه على وجه وجد الظابط مسك يده وقال بابتسامة: سبهولنا احنا.

تركه عمر وقال محسن: ده واحد مجنون ياباشا
ابتسم الظابط وقال: طاب يلا معانا مشرفنا النهردا انت في القسم احنا سمعنا كل حاجة وشوفنا وانت بتقطع الوصل.

عمر: كان في واحد معاه هرب مقدرتش امسكه
الظابط: هانلاقيه متقلقش بس بعد اذنك تتفضل معانا على القسم علشان ناخد اقولك
عمر: ماشى.

انتهى اليوم سريعا واتى المساء، فتحت ديما الباب وقال بسعادة: اهلا يازياد اتفضل.

دخل زياد ورحبت به امل بعد ذلك تركتهم وذهبت
دينا: الحمد الله
زياد: هههههههه. بس انتى زعلانة من حاجة ولا ايه ياحببيتى
دينا: لا عادى
زياد بغمزة: ياسلام على فكرة انا بعرفك مجرد ما ابص في عينك، دى حنى مامتك باين عليها.

دينا: لا اصل في مشاكل شوية بين عمر وملك
زياد: طاب وايه يعنى اى اتنين متجوزين بتحصل ببنهم مشاكل
زياد: ياساتر ليه حصل ايه للدرجادى
دينا: موضوع كبير سيبك منه. المهم ايه اخبار الشهادة
زياد: نجحت وطلعت التالت
دينا بسعادة غامرة: بجد الف مبروووك يازيااد
زياد: الله يبارك فيكى ياروحى. بس شكلك دعتيلى بضمير
دينا بخجل: ههههههههه طبعا.

زياد: عايزك بقى في مرة تاجى معايا الشقة علشان تشوفى الوان ايه والعفش والحجات دى.

زياد: على فكرة بدأن في المشروع الجديد
دينا بصدمة وفرحة: لا بهزر. وهو ايه
زياد: صيدلية هابقى دكتور صيدلى
دينا: مبروووك ربنا يسعدك يااارب.

مر شهر اسابيع وكانت ملك حالتها كما هي لاتضحك وتتكلم كتيرا وكانت كلما تحاول دينا ان تخرجها من هذه الحالة دون فائدة اقصى ماتفعله تبتسم فقط وعمر ايضا تغير 100 درجة ولكن يظهر امامهم ان لايعنى له الامر شئ ولا يفرق معه، ودينا وزياد كلما يمر الوقت يتقربا من بعض اكثر وزياد يزاد حبا لها وكذلك هي...

بينما نور قررت ان تذهب لعمر لتفهم منه ما سر انه ادخل عمها السجن وكانت كلما تسأل امها لا تقبل ان تقول لها فقررت تذهب له حتى يقول لها.

في الشركة...
دخلت سها الى عمر وقالت: عمر بيه في وحظة اسمها نور عايزة حضرتك
عمر بتعجب: معقول تكون نور، طيب دخليها ياسها
دخلت نور وقالت: انا اسفة جيت من غير ميعاد
عمر: لا عادى مفيش مشكلة خير هو في حاجة
نور: انا كنت جاية بخصوص موضوع كده
عمر: موضوع ايه؟
نور: هو في ايه بينك وبين عمى واتسجن ليه وكنت بسمعه هو ماما بتكلمة
وا وبيجيبوا سيرتك بس مكنتش بقدر اسمع بيتكلموا على ايه
ابتسم بسخرية: ومسألتهاش ليه مامتك.

نور: سألتها ومردتش ترد عليا
عمر: وانتى عايز تعرفى ليه
نور: عمى مسجون ليه شهر وانا مش عارفة السبب طبيعى ابقى عايزة اعرف
عمر: السبب الفلوس، انا الصراحة مشفتش زيكم تبيعوا اى حاجة علشان الفلوس وانا عمك صبرت عليه كتير وكده كفاية عليه.

نور بغضب: برضوا ملكش حق تدخله السجن تدخله بتهمة ايه
عمر: بتهمة محاولة قتلى وسرقة 2 مليون جنيه، ثم انزل رأسه الى الاوراق التي امامه وقال ببرود: فا ياريت بقى متجيش تحاسبينى على حاجة انتى مش فهماها اصلا.

نور بصدمة: انت بتقول ايه محاولة قتلك وسرقة 2 مليون جنيه
عمر: زى ماسمعتى
ثم اتت لها رسالة فظهر الغضب على وجها اكثر وقالت: انا اسفة بس مضطرة امشى دلوقتى هابقى اجى في وقت تانى ونكمل موضوعنا لو مفيش مشاكل.

عمر: ان شاء الله
ذهبت بينما عمر وقف من الشرفة وجدها تقف مع شاب خارج الشركة ويبدو عليها الغضب ثم مسكها ذلك الشاب من يدها بقوة وتحاول ان تفلت يدها منه...

الفصل التالي
جميع الفصول
روايات الكاتب
روايات مشابهة