رواية حب بالإكراه للكاتبة ندى محمود الفصل التاسع
في صباح اليوم التالى اتفاقت من نومها وجدت عمر يتحدث يالهاتف ويبدو عليه انه يكلم احد من العمل وكان متعصب جدا ومستعجل لدرجة انه لم يلاحظ انها افاقت من نومها وخرج مسرعا من الغرفة ولم يغلق الباب كام قال لها امس فوجدتها فرصة نهضت من سريرها وذهبت الى غرفته وجدت مازن يلعب بالعابه جلست بجانبه وقالت بابتسامة: بتلعب ايه.
مازن: بيعب (بعلب ) بالمعكبات
ملك بابتسامة عريضة: مكعبات اممم ممكن العب معاك طيب
هز رأسه موافقا وقال بصوته الطفولى: ممكن
ضمته الى احضانها وقالت: ياناسى على العسل
مازن: انتى اسمك ايه
ملك: انا اسمى ملك
مازن: انتى في سنة كام ياطنط ملك
ضحكت ملك وقالت: اولا انا في كلية ثانيا انا ملك بس مش طنط ملك خلاص مش احنا هانبقى صحاب خلاص ولا انت مش عايز نبقى صحاب.
تسمع صوت هاتفها في الخارج لتقول: هاروح ارد على التلفون واجى
ذهبت وجدت مى الذي تتصل
ملك: الو يامى
مى: الو يابنتى مش قولتى هاجيلك فينك
ملك: جاية بس شوية على قبل المغرب
مى بتعجب: وانتى من امتى بتطلعى على المغرب انتى مش بتطلعى بليل اصلا
ملك مستقصدا ان تخرج في هذه الوقت حتى ترجع الى البيت متأخر وخصوصا انه سوف يطون عمر على وصول حتى عندما يأتى لم يجدها.
ملك: عادى حبيت اغير
مى: هههههه ماشى ياختى سلام
ملك: سلام
هبطت ملك اليهم مع مازن
قالت لها امل: كويس انك نزلتى كنت لسا هانده عليكى انتى ومازن اقعدى يلا افطرى
ملك: والله ياطنط من غير ماتقولى كنت هاقعد
امل: هههههههههه
ملك: امال فين دينا
امل: في اوضتها بتلبس علشان تروح الكلية. انتى مش رايحة ولا ايه
ملك: اهاا معيش محاضرات مهمة النهردا لان امتحاناتى خلاص اسبوعين
امل: ربنا معاكى
ملك: امييين.
امل: ايه عاملة انتى وعمر
اختفت الابتسامة من على وجها مجرد سماعها اسم عمر وتذكرت ليله امس وما حدث بينهم تفيقها امل وهي تقول: مللللك.
ملك: هااا، كويسين ياطنط الحمدالله
امل: هو عمر مزعلك في حاجة ولا ايه
ملك: لا لا مفيش حاجة
شعرت بالشك في كلامها ولكنها كانت تعلم منذ البداية ان هذا الوضع الذي سيتسمر
نزلت دينا من غرفتها وقالت: ايه يابت مش رايحة الكلية
دينا: طيب تعالى عايزة اقولك على حاجة
خرجت معها ملك الى خارج المنزل وقالت: في ايه
دينا: انتى رايحة لصحبتك زى ماقولتى
ملك: اهااا ليه
دينا: كنت هاخدك معايا فرح وحدة صحبتى بس ايه كنت هابسطك.
ملك: ههههههههههه لا شكرا
دينا: طيب قولتى لعمر انك رايحة
هزت رأسها نافياً
دينا: امال هاتروحى ازى يعنى من غير ماتقوليله
ملك: كده عند فيه
دينا: انتى بتستهبلى مش كده قوليله احسن قبل ماتطلعى
ملك: لا
دينا: والله انتى لسا متعرفيش عمر. اسمعى كلامى وقوليله احسلك ياملك
ملك: قولت لا
دينا: خلاص انا هاقوله
ملك: لا اوعى يادينا تقوليله حاجة
دينا: استغفر الله العظيم ايه شغل العيال ده. طاب بيت صجبتك ده فين
ملك: في...
دينا: ده بعيد
ملك: مش بعيد اوى يعنى.
اكرم: عندى ليك خبرين
عمر: اممممم حلوين ولا لا
اكرم: اكيد هو انا بجبلك غير الحلو
عمر: ههههههه طاب قول يلا
اكرم: الاول الفندق خلص خلاص والافتتاح بعد اسبوعين
اكرم: عرفت حاجة عن موضوع السرقة ده
عمر باهتمام: هو ايه
اكرم: لقيت التلفون ده واقع عند المكان اللى اتسرق منه الفلوس
اخذ منه الهاتف وقال: اكيد تلفون حد منهم
اكرم: اكييد
عمر: سيبه بقى معايا انا هاعرف اوصل منه للى عاوزه
اكرم: ازى
عمر: مش شغلك.
اكرم: نفسى اعرف دماغك دى جيبها من فين
عمر: ههههههه
اكرم: طيب انت المفروض تروح وتشوف الفندق وتشرف عليه قبل الافتتاح
عمر: وانا هاروح ازى يعنى يا اكرم ما انت شيفنى مش فاضى. افتتحه انت انا واثق ان كل حاجة زى الفل.
اكرم: برضوا مينفعش لازم تروح انت لان في ورق وملفات لازم تمضى عليهم انت بنفسك
عمر: والموضع ده هاياخد قد ايه
اكرم: اسبوع
عمر بنتهبد: طيب.
منيرة: انما قولى يامحسن انت شغال في صفقات ومش عارف ايه وشيفاك مشغول يعنى وقومت الشركة تانى وهي مفيهاش ميزانية ازى عملت كده.
محسن: عادى يعنى
منيرة: لا مش عادى انا شاكة ان في حاجة
محسن: مفيش حاجة يامنيرة متشغليش بالك بحجات تافهة
منيرة: انت من امتى بتخبى عليا
محسن بنفاذ صبر: هاقولك يامنيرة هاقولك بس لو الموضوع اللى هاقوله ده طلع بره انتى عارفة كويس ممكن اعمل ايه.
نور: يلا سلام
روان: سلام واوعى تنسى زى ماقولتلك
نور: اوك
تخرج نور لتركب سيارته ولكن تأتى سيارة وتصدمها وتقع على الارض ولكن الصدمة ليست قوية.
يوسف بخضة: انتى كويسة
نور بتوجع: اهااا كويسة بس رجلى وجعانى اوى ااااه
يوسف: طيب اتفضلى معايا اوديكى المستشفى
نور: لا مفيش داعى
يوسف: لا طبعا مينفعش قومى يلا
تنهض معه وتذهب الى المستشفى وعند خروجها من المستشفى تقول ليوسف: شكرا
يوسف: على ايه ده انا اللى خبطك حتى بتشكرينى على ايه
نور: حصل خير
يوسف: انتى اسمك ايه علشان حاسس انى شوفتك قبل كده
نور: نور احمد فايز.
مج د سماعه هذا الاسم تذكر ملك وقال: انتى تعرفى ملك احمد
شعر بالسعادة تتسلسل داخله ووجدها فرصة حتى يستطيع من خلالها ان يصل الى ملك وينال ما يريد وقال: اصل هي معايا في الكلية فا ممكن اكون شفتك معاها في مرة.
نور: اهاااا.
في المساء رجع عمر الى المنزل واتجه الى غرفته ولم يجد ملك بحث عنها جيدا ولكن لم يجدها ينزل إلى تحت وقال بغضب لدينا: فين ملك يادينا.
تقول لنفسها: ( قولتلك متطلعيش من غير ماتقوليله ياملك انا عارفة عمر كويس )
عمر: دينااااا
دينا: هاااا، لا اااصل هي...
عمر بزعيق: اصل ايه
دينا بخوف: راحت عند صحبتها
قال وهو يجز على اسنانه ويضغط على يده بقوة: راحت وانا قولت لها متروحش
دينا لنفسها: ( وكمان قولت متروحش وراحت وقعتك زى الطين ياملك )
عمر: فين بيت صحبتها
دينا بتلعثم: معرفش
عمر: لا تعرفى كويس وقولى يلا
دينا: ياعمر زمانها جاية.
عمر بعصبية شديدة: زمانها ايه بس دى الساعة 11 قولى يادينا متعصبنيش اكتر من كده.
دينا: حاضر بيتها (، )
اختفى من امامها بسرعة البرق مجرد ما قالت له على المكان وبعد.