رواية حارة العشق للكاتبة سلسبيل كوبك الفصل العاشر
غصون فجأة وقفت مكانها مصدومة أول ما لمحت عدي و هو معاه حراسه و بيتمشي في المول و في نفس الدور اللي هي فيه.
غصون شهقت و حطت ايديها مكان قلبها بوجع.
غصون بدأ تبص يمين و شمال بقلق و بدأت ترجع ل ورا ببطء و هي مركزة علي عدي.
غصون لقت عدي ماشي ناحيتها و هو بيتكلم في التليفون بس مكنش لمحها.
غصون(بخوف): أعمل إيه بس!
غصون ودت ضهرها ل عدي و عملت نفسها بتشوف حاجة علي المليكان اللي قدامها.
عدي مشي من جمبها هو و حراسه و خرج بره المول,غصون خدت نفس عميق و خرجت بسرعة هي كمان من المول.
غصون كانت نازلة علي السلالم و عدي بيركب عربيته و فجأة حصل ضرب نار علي عربية عدي و كل اللي موجود بدأ يجري و يصرخ.
غصون صرخت و هي بتنزل علي السلالم بخوف رجليها اتلوت و قعدت علي السلالم و هي حاطة ايديها علي وشها بخوف.
عند عدنان.
عدنان كان قاعد في عربيته بملل منتظر غصون.
عدنان بص في ساعته و بعدها سمع صوت ضرب النار نزل بسرعة من عربيته و راح ناحية المول.
عدنان جري علي المول و هو قلقان ل يكون حصل حاجة ل غصون.
عدنان لقاها قاعدة علي سلم المول و حواليها ناس بتجري و ناس نازلة و طالعة.
عدنان طلع بسرعة ناحية غصون لقاها قاعدة حاطة وشها بين ايديها.
عدنان(بحدة): مستنية حد يجي يقتلك و لا إيه؟!
غصون شالت ايديها بسرعة و قامت وقفت.
غصون(بخوف): تعالي نمشي من هنا بسرعة عايزة امشي من هنا.
عدنان(باستغراب): طيب ده كله من ضرب النار تعالي.
عدنان و غصون مشي بس غصون بصت بسرعة علي عدي لقته متحاوط بحراسه و أمن المول موجودين.
عدنان: اركبي.
عدنان كان فتح باب العربية ل غصون و غصون مركزة مع عدي.
عدنان: غصون اركبي.
غصون: ها! حاضر.
غصون ركبت و حاولت تخبي وشها علي قد ما تقدر لغاية ما تمشي بعيد عن عدي,عدنان لف و ركب و بدأ يسوق ناحية المستشفي.
عدنان: إيه ضرب النار اللي حصل ده؟!
غصون(بتوتر): معرفش فجأة حصل ضرب نار خرجت بسرعة من المول و زي ما انت شوفت كدة.
عدنان هز رأسه بصمت و وقف قدام المستشفي.
عدنان: انزلي.
غصون نزلت و معاها عدنان و دخلوا المستشفي مع بعض,غصون بصت ل عدنان و بصت لايده لقته مش لابس الدبلة.
غصون(ببرود): واضح أوي أنك مغصوب علي الجواز.
عدنان بصلها و بعدها بص لايده حط ايده في جيبه.
عدنان(ببرود): لسة متعرفنيش محدش يقدر يمشي كلامه عليا انا موافق علي الجوازة دي بس لاسباب شخصية، المهم انتي وافقتي عليا ليه؟!
غصون(بلامبالاة): اهي جوازة و خلاص.
غصون: و. إيه هي أسبابك الشخصية؟!
عدنان: قولتلك شخصية.
غصون: بارد.
غصون مشيت قدام عدنان بعصبية و بعدها وقفت و لفت ل عدنان.
غصون: المفروض نروح فين؟!
عدنان قرب من غصون و بص ببرود ناحيتها.
عدنان: بكره حد يكون معايا و يسبني و يمشي الا لما انا أقوله.
غصون ربعت ايديها و قربت لعدنان خطوة و بقت قريبة منه.
غصون: و انا بكره أن حد يكون فاكر أنه يقدر يمشي كلامه عليا...
عدنان(ابتسم بسخرية): انا هكون جوزك يا ريت تكوني عارفة أن اللي علي هوايا انا اللي هيتنفذ.
غصون(برفعة حاجب): و نلغي بقي رأي الست اللي أنت متجوزها.
عدنان: انا قولتلك متجوزك لأسباب شخصية يعني فترة.
غصون: و انا ايه اللي جابرني إني أوافق علي الجوازة دي!
عدنان: لأني عايز ده.
عدنان: و مش عايز أسمع صوتك كتير.
عدنان: تعالي ورايا.
عدنان دخل لأوضة قاسم بعد ما خبط الباب و غصون كانت في قمة غضبها من عدنان.
غصون: هشششش أهدي خدي شهيق و زفير اهدي.
عدنان دخل لاوضة قاسم لقاه صاحي و معاه ماسة و سندس.
قاسم(بابتسامة): شكرا ليكي يا سندس.
ماسة(بغيظ): انت قاعد عمال تشكر فيها من الصبح علفكرة انا اللي جيت هنا معاها و ساعدتها هي لولايا مكنتش هتعرف تتصرف لانها بتخاف من الدم.
قاسم(برفعة حاجب): ملكيش دعوة انا بشكر طالبة عندي علي اللي هي عملته.
ماسة(بغيظ): تصدق أنك فعلا دكتور ح.
عدنان: السلام عليكم.
الكل: عليكم السلام.
قاسم: عدنان!
عدنان راح ناحية قاسم و حضنه و قاسم كان مبسوط من وجود عدنان...
قاسم: انت جيت ازاي؟!
عدنان: انا هنا من امبارح. كتر خيرها طالبتك الانسة سندس اتصلت بيا.
ماسة: كنت انا صاحبة الفكرة.
قاسم: شكرا يا سندس.
ماسة(بغيظ): تصدق أنك رخم.
عدنان: في حاجة؟!
قاسم: لا متأخدش في بالك يا حبيبي. انت قولتلهم ايه في البيت؟!
عدنان: تليفوني فاصل مش عارف أكلمهم.
قاسم: اه طيب.
سندس: احم طب هنستأذن احنا.
قاسم: ماشي يا سندس و شكرا مرة تانية.
سندس: تمام يا دكتور.
عدنان قعد علي الكرسي جمب قاسم.
عدنان: احكيلي ايه اللي حصل.
قاسم: خرجت من الجامعة و انا دايما بركن عربيتي في مكان بعيد عن الجامعة روحت ليها لسة هركب لقيت حد وقفني و فجأة ضربني بسكينة صغيرة كانت معاه.
عدنان: هتبلغ البوليس؟!
قاسم: لا ده هتلاقيه عيل فاشل من اللي سقطتهم.
عدنان: انت يا بني مش لازم تأخد حقك.
قاسم: لا يا عم مش عايز و البوليس أصلا بيعمل ايه؟!
عدنان: براحتك.
قاسم: انت كنت بتعمل ايه؟!
عدنان: كنت عند عم جوهر.
قاسم: ليه بتعمل إيه؟! حد هيتجوز؟!
عدنان: انا.
قاسم(بصدمة): عيد اللي قولته!
عدنان: انا هتجوز يا قاسم.
قاسم: مين تعيسة الحظ اقصد المحظوظة دي؟!
عدنان: جارتنا الجديدة اللي اسمها غصون.
قاسم: اممم غصون اسم مش وحش. جميلة علي كدة؟!
عدنان: عادية.
قاسم: هتتجوز امتي؟!
عدنان: اخر الاسبوع ده.
قاسم: ايه عصر السرعة ده!
عدنان: نصيب.
قاسم: هما غاصبينك علي الجوازة دي يا ابني؟!
عدنان: موافق بارادتي متعصبنيش بقي.
عدنان: هروح اشوفها مدخلتش ليه.
قاسم(باستغراب): هي مين؟!
عدنان: غصون.
قاسم: ماشي.
قاسم(بصدمة): انت جايبها معاك من امبارح!
عدنان: شبطت زي العيال الصغيرة و ركبت غصب و انا كنت قلقان عليك فجيت بسرعة.
قاسم: ده الحاج هيعلقني و هيعلقك.
عدنان خرج ل غصون لقاها حاطة ايديها ورا ضهرها و بتتمشي في الممر,عدنان سند علي الحيطة.
عدنان: منتظرة عزومة مش قولتلك ورايا.
غصون(بخضة): الله يسامحك حد يخض حد كدة؟!
عدنان(ببرود): معلش بقي مكنتش اعرف انك سرحانة.
عدنان: مدخلتيش ليه؟!
غصون: ادخل ازاي و انا معرفش مين حتى اللي جوا من أخواتك و معرفش أي حد في اي حاجة.
عدنان: و انا اعتقد قولتلك ورايا و لا ايه؟!
غصون لا رد.
عدنان: طب قدامي دلوقتي.
غصون: مجبتش ورد.
عدنان(بانفعال): تعالي يا غصون.
غصون: مش هتشد ايدي زي ما بيعملوا في المسلسلات.
عدنان مسح علي وشه بايده و قرب خطوة من غصون اللي رجعت هي خطوتين لورا بخوف.
عدنان(بهدوء مخيف): قدامي يا غصون و الا و الله هتزعلي انتي مني.
غصون جريت علي اوضة قاسم و دخلتها و هي بتأخد نفسها.
غصون: انا ايه اللي رماني علي المُر بس؟!
قاسم(بابتسامة): هاي.
غصون(بخضة): انت!
قاسم: اكيد يعني مش معقول هتدخلي أوضة مريض من غير مريض يعني.
قاسم: صوت عدنان كان عالي ليه؟!
غصون: عدنان باشا مش هيزعق يعني.
عدنان(بحدة): بطلي رغي و روحي اقعدي لغاية ما نروح.
قاسم(بابتسامة): خلاص يا عدنان. اتفضلي يا آنسة غصون.
غصون(بابتسامة): طب و الله انك قمر.
عدنان(بحدة): تحبوا أجيب ليمون في ايه ما تلتزموا حدودكوا.
غصون(برفعة حاجب): واحد قمر مشكرش فيه بدل ام التكشيرة اللي علي وشك علطول دي.
قاسم(بهدوء): خلاص يا غصون معلش يا عدنان حصل خير.
قاسم(بحماس): ايه اللي في ايدك بقي؟!
عدنان: ده أكل خدوا كلوا.
غصون جريت علي عدنان خدت منه شنط الاكل و جريت قعدت جمب قاسم علي الكرسي و بدأت تفتح الاكل.
غصون: كُل يا عم كُل.
قاسم ضحك علي تصرفات غصون و بص ل عدنان.
عدنان: هاتي الفيزا.
غصون: ماشي.
غصون فتحت شنطتها ملقتش الفيزا بصت ل عدنان بخوف و بلعت ريقها بتوتر و قامت من الكرسي.
غصون: هفهمك ان...
عدنان(بعصبية): هتفهميني ايه؟!
غصون: هو لما حصل ضرب النار انا طبعا اتخضيت بنت بقي زي باقي البنات من حقها تتخض راحت وقعت و انا جريت. فانا آسفة.
عدنان قرب من غصون و هو في قمة عصبيته.
عدنان: اصرفها منين دي!
قاسم: اهدي يا عدنان اتصل بالبنك يوقفوها حالا.
عدنان: ما انا لو موديها لواحدة قد المسئولية مكنش ده حصل.
غصون(بضيق): علفكرة ا.
عدنان: مش عايز اسمع صوت.
عدنان: خليكي هنا هروح اتصرف و اجي.
عدنان سابهم و خرج بس بص ل قاسم بتحذير.
قاسم(بمرح): تعالي نأكل بدل السم اللي عدنان نشره ده.
غصون قربت من قاسم و قعدت علي الكرسي و هي متضايقة...
قاسم(بجدية): معلش هو عدنان كدة متعرفيش هو بكام حال بس صدقيني عمره ما هيأذيكي.
غصون: انا مكنش قصدي أكيد يعني.
قاسم: خلاص حصل خير كُلي بقي.
غصون ابتسمت ل قاسم و بدأت تأكل معاه و قعدوا يهزروا شوية مع بعض.
-في مكان تاني.
عند غيث.
غيث صحي من نومه و هو قلقان ان غصون لسة مجتش قام دخل غسل وشه و خرج غير هدومه و خرج بره الشقة لقي في وشه أم عبده.
غيث(بضيق): انتي قاعدة علي الباب منتظرة و لا آيه؟! انجزي عايزة ايه؟!
ام عبده(بابتسامة): مالك يا ابني ده انا حتى قد أمك.
غيث(ببرود): و أمي علمتني مكلمش ناس حقيرة زيك. فكراني مش عارف أنك بتلعبي ل مصلحتك.
غيث(ببرود): و ابعدي عن وشي مش طايق اشوف شكلك.
غيث ساب ام عبده و خرح بره البيت كله.
ام عبده: مش سهل ابدا و انا هعرفك مين هي ام عبده علي حق. اصبر عليا نخلص من اختك بس.
غيث خرج بره البيت فقابل منار في وشه.
غيث(بابتسامة): ازيك.
منار: الحمدلله و انت.
غيث: انا الحمدلله.
منار: فين أختك مش باينة؟!
غيث: مع عدنان.
منار: عدنان مين؟!
غيث: هو في مية واحد اسمه عدنان هنا؟!
منار: قصدك اسطا عدنان! بتعمل ايه معاه؟!
غيث: اتقدم ليها و طلبها و هي وافقت.
منار(بصدمة): اسطا عدنان!
منار(بصدمة): هيتجوز أختك.
عهد(بحدة): و ماله عدنان يا منار؟!
منار: عهد. مالهوش يا عهد راجل و سيد الرجالة.
عهد بصت ل منار و سابتها و مشيت و كان معاها حور صاحبتها.
حور: يا بنتي بطلي تبصي للناس بعينك كدة ده انا ساعات بخاف منك و الله.
عهد(بضحك): الله لازم يبقي ليكي شخصية كدة.
حور: طب امشي يا أم شخصية.
منار: يعني هي مش جاية دلوقتي؟!
غيث: لسة معرفش.
منار: طيب شكلك وراك درس يلا روح.
غيث: تمام عن اذنك.
غيث مشي و راح الدرس و اول ما دخل زياد بصله بغضب و هو بصله بلامبالاة و قعد جمبه بكل برود.
علي: غيث.
غيث: اتفضل يا مستر.
علي: انت ايه اللي عملته المرة اللي فاتت ده؟!
غيث: و الله انا معلمتش غير اللي المفروض يتعمل واحد بيعترض طريق بنت اكيد يعني معنديش نخوة علشان اسيبه يعمل كدة.
زياد بص ل غيث بغضب و بعدها بص لمستر علي.
زياد(بعصبية): انا معملتش حاجة من دي.
غيث(ببرود): ميهمنيش. المهم عندي اني عملت الصح و اللي متربي عليه.
غيث: و اعتقد دي حصة و اكيد حضرتك برضو يا مستر مش فاضي للتفاهة دي احنا شباب مع بعض.
علي بص ل غيث و استغرب من تصرفه الشهم و كلامه الراقي و فعلا بدأ يشرح.
عهد(بهمس): يخرببيت القمر.
حور(بهمس): اسكتي الله يخربيتك.
عهد(بهمس): ده جوزي المستقبلي ده. اخته هتتجوز اخويا و هيصة.
حور(بهمس): اخرسي بقي ركزي في الحصة.
عهد(بهمس): يا بنتي انا مش نافعة في تعليم اصلا انا بقول كفاية كدة و جوزوني.
حور(بهمس): استغفر الله العظيم.
عهد ضحكت هي و حور و بدأوا يركزوا في الحصة.
-في مكان تاني...
عند زينة و حنان.
زينة: يا عمتو ايه لازمة المشاوير دي؟!
حنان: البت غلبانة و أكيد هتحتاج مساعدة يعني. و كمان في حاجات ناقصة في شقة عدنان.
زينة: تقومي ممرمطاني بقي؟!
حنان: امشي و انتي ساكتة يا بت.
زينة: حاضر حاضر.
زينة مشيت مع حنان و بعدها شافت يوسف كانت مبسوطة و كذلك هو.
حنان: ازيك يا يوسف.
يوسف: الحمدلله يا ست حنان.
حنان: الحمدلله. هي امك فاتحة؟!
يوسف: اه.
حنان: طيب.
زينة(بهمس): جبتينا هنا ليه؟!
حنان(بهمس): مش عروسة لازم نشتري ليها و متفضليش ترغي.
حنان دخلت لمامت يوسف و زينة قبل ما تدخل سلمت علي يوسف...
يوسف: تحبي تشربي حاجة معينة يا ست زينة؟!
زينة(بخجل): لا شكرا.
يوسف: اتفضلي يا ست الناس.
زينة سابت يوسف و دخلت ل حنان اللي كانت بتنقي كذا حاجة ل غصون...
حنان: وريني اي حاجة تانية كدة يا عفاف.
عفاف(مامت يوسف): شوفي ده كدة.
عفاف: قربي يا زينة اقعدي.
زينة: شكرا يا خالتي.
يوسف: همشي انا يا امي عايزة حاجة؟!
زينة: لا يا حبيبي ربنا يجعلك في كل خطوة سلامة.
يوسف: تسلمي يا أمي.
يوسف: احم اتفضلي يا ست حنان ده ليكي و للست زينة.
حنان: ليه كده يا يوسف تعبت نفسك يا يوسف؟!
يوسف: لو متعبتش ليكوا هتعب لمين يعني؟! ده انتي اللي مربياني و انا صغير.
حنان: تسلم يا يوسف.
يوسف: عن اذنكم.
يوسف ابتسم ل زينة و مشي,زينة مسكت علبة العصير اللي هو جابها و بدأت تشرب منها.
-في مكان تاني.
عند رامي و نور.
رامي(بغضب): انا قولتلك تعمل كدة يا مراد؟!
مراد: كان مجرد تهديد يا رامي.
رامي(بغضب): ما هو كدة ممكن يأذي نور تاني انت بتفكر منين.
نور كانت واقفة بين رامي و مراد خايفة.
نور: اهدي بس يا رامي اكيد ميقصدش او ليه غرض معين يعني؟! صح يا مراد؟!
رامي(بغضب): انتي بتدافعي عنه ليه يا نور و هو غلطان؟!
رامي(بانفعال): ده شروع في قتل عارفة يعني ايه شروع في قتل و لا تحبي اعرفك.
مراد: خلاص عملت كدة و خلص الموضوع...
الباب خبط.
نور راحت تفتح الباب لقت قدامها عدي.
عدي(ببرود): متجمعين علي خير إن شاء الله.
مراد(بحدة): ايه اللي جابك هنا؟!
عدي(ببرود): انت مشوفتش الاخبار! رجل الاعمال عدي السيوفي محاولة اغتياله النهاردة.
رامي(بحدة): عدي اخلص قول الكلمتين اللي عندك و امشي. ادخلي يا نور لجوا.
عدي: ايه مش هتقولي ادخل و لا ايه؟!
رامي: لا مش هقولك ادخل يا عدي.
عدي: عموما انا جاي اقول كلمتين للباشا اللي مفكر نفسه راجل ده.
مراد(بغضب): انا راجل غصب عنك يا عدي الزم حدودك.
عدي: واضح من تصرفاتك انك عيل اوي.
رامي(بحدة): قولتلك يا نور ادخلي جوا.
نور كانت واقفة بتعيط بصمت رامي قرب منها و مسكها من دراعها و دخلها اوضتها و قفل الباب عليها و خرج ل عدي.
رامي: من الاخر يا عدي انت عايز ايه؟!
عدي(ببرود): عايز غصون.
رامي: لو اعرف هي فين كنت قولتلك...
عدي(بانفعال): انت تعرف هي فين يا رامي كويس.
رامي: لا.
مراد: انت بتتكلم معاه ليه يا رامي واحد زي ده المفروص يتطرد...
عدي(ببرود): اسكت انت.
عدي: رامي.
رامي: انسي غصون يا عدي. و انا و انت عارفين كويس ايه هي الحقيقة و عارفين ان غصون مظلومة...
عدي: يبقي انت تعرف هي فين؟!
رامي: تؤ لا معرفش.
عدي(بانفعال): ماشي يا رامي و انا وراها وراها.
مراد: يلا مع السلامة.
عدي مشي بعد ما بص ل مراد و رامي بغضب.
رامي: ايه التصرف الطفولي ده اكبر شويه يا مراد.
رامي ساب مراد و دخل لاوضة نور اللي جريت عليه بسرعة و حضنته جامد...
رامي: اهدي محصلش حاجة.
رامي: انا كويس انا و مراد بطلي تقلقي بسرعة كدة. احنا بخير يا حبيبتي و الله.
نور(بعياط): هو هيأخد غصون؟!
رامي: لا و مش هيقدر يأخدني او يأخدك.
نور(بعياط): بس.
رامي: مفيش بس لحد امتي هقولك متعيطيش يا نور و خليكي ثابتة و قوية زي غصون.
مراد(بضحك): اللي بيغمي عليها و بتتعب من اقل حاجة او لما تخاف...
رامي: بس يا رخم.
نور: متشتمهوش.
رامي: تصدقي يا بت انا غلطان.
رامي زق نور علي مراد اللي لحقها قبل ما تقع.
رامي: اخوات رخمين.
رامي سابهم ودخل اوضة مكتبه و هما الاتنين ضحكوا عليه.
-في مكان تاني.
عند عدنان.
عدنان كان بيسوق و جمبه غصون و ورا قاسم راجعين للحارة تاني...
قاسم: قولتلك نروح بيتنا.
عدنان: لا مينفعش.
قاسم: طيب.
غصون كانت مركزة مع الناس اللي جمبها و مستمتعة بنسمة الهواء اللي موجودة.
عدنان كان ماشي و عدي علي كامين شرطة.
غصون حست بدوخة شديدة و بصت ل عدنان اللي وقف قدام للظابط.
ظابط: البطاقة.
عدنان طلع بطاقته و وداها للظابط.
ظابط: الرخص.
عدنان برضو وداه الرخص بتاعته,الظابط بدأ يبص في العربية.
الظابط: انزلوا ليا.
عدنان: خليكي هنا...
عدنان نزل و كذلك قاسم وقفوا مع الظابط.
عدنان: كنا في المستشفي لان اخويا متصاب.
الظابط: مين اللي في العربية دي؟!
عدنان: خطيبتي.
ظابط: يا عسكري فتشهم.
قاسم: ليه بس حضرتك؟!
ظابط: إجراءات أمنية.
العسكري جه فتش قاسم و عدنان.
العسكري: نضيف يا باشا.
الظابط: و البنت؟!
عدنان: اشمعنا؟!
الظابط: هفضل اقولها كتير اجراءات امنية.
عدنان: بس انا عايز واحدة ست هي اللي تعمل كدة...
قاسم(بهمس): هنا مفيش كدة يا عدنان.
عدنان: ازاي يعني مفيش كدة؟!
غصون فتحت باب العربية و نزلت منها و راحت ناحية عدنان و كانت بترتعش.
غصون: ممكن نروح لاني تعبانة أوي؟!
عدنان بص ل غصون و لسة هيتكلم كانت غصون وقعت بين ايديه مغمي عليها.
عدنان(بقلق): غصون...
قاسم: يا حضرة الظابط زي ما انت شايف هي تعبانة لازم نروح...
عدنان: ماية بسرعة يا قاسم.
العسكري ودي ل قاسم ازازة الماية و قاسم وداها ل عدنان اللي بدأ يرش علي وش غصون.
غصون فتحت عينيها ببطء و بصت ل عدنان بضعف.
عدنان: انتي كويسة؟!
غصون(بخفوت): كويسة.
عدنان وقف غصون معاه الظابط بص ل حالة غصون اللي كانت بترتعش و هي واقفة جمب عدنان.
الظابط: خد البطاقة بتاعتك و الرخص و امشي.
قاسم: شكرا.
عدنان خد غصون و قعدها في الكرسي و لف ركب مكانه و بدأ يسوق بعد ما شاور للظابط.
عدنان ساق لغاية ما وصل للحارة و كان عدنان تعب جدا و اضطر انه يوقف.
قاسم: عدنان انت كويس؟!
عدنان: اه.
غصون: حاسس بايه؟!
عدنان: مفيش...
عدنان شغل العربية تاني و ساق لغاية ما وصل ل بيت غصون...
عدنان: تقدري تنزلي دلوقتي.
غصون: شكرا.
غصون نزلت و طلعت لشقتها,عدنان ساق لغاية بيته و وقف و نزل هو و قاسم.
زينب: اخيرا جيتوا!
زينب: ده الحاج قالب عليك الدنيا يا عدنان.
عدنان: هتكلم معاه بكرة دلوقتي تعبان عن اذنكم.
عدنان طلع ل شقته بسرعة و كان تعبان أوي غير هدومه بسرعة و نام علي سريره بعمق.
زينب: ما بتردش عليا ليه يا قاسم؟!
قاسم: كنت مشغول معلش يا امي عن اذنك هدخل انام انا دلوقتي.
قاسم باس رأس زينب و دخل اوضته بتعب شديد,زينب بعد ما اطمنت عليهم دخلت اوضتها تنام هي كمان...
عند غصون.
غصون طلعت شقتها و هي حاسة بتعب في كل جسمها,اول ما دخلت جريت علي اوضة غيث لقته نايم بعمق.
غصون قربت منه و باست رأسه و غطته بالبطانية.
غصون دخلت الحمام و خرجت غيرت هدومها و نامت جمبه علي السرير.
غصون قعدت تتقلب كتير في السرير لغاية ما نامت بعمق جمب غيث.
-عدي أسبوع كامل و جه ميعاد الفرح.
غصون كانت في شقتها و معاها حنان و زينة و منار.
حنان: يلا يا عروسة ادخلي خدي دوش عقبال ما البنات تيجي...
غصون: بنات مين؟!
حنان: اللي هيظبطوكي.
غصون: لا لا مش عايزة حد انا هعرف اتصرف.
حنان: انتي بتستعبطي.
غصون: لا بس انا مش هرتاح كدة.
زينة: خلاص سيبيها علي راحتها يا عمتي.
حنان(بحدة): اخرسي انتي. و كمان انتي ازاي هتعرفي تظبطي نفسك...
حنان: مش عايزة كلام كتير ادخلي يلا استحمي...
حنان: هروح بسرعة للبيت و ارجع تكونوا خلصتوا اللي قولتلكوا عليه.
زينة: حاضر.
حنان سابتهم و مشيت,زينة قربت من غصون بفرحة.
زينة: انا متأكدة انك هتطلعي جميلة.
غصون: شكرا...
زينة: انتي مشوفتيش بابا عمل ايه في عدنان لما رجعتوا من القاهرة.
غصون: ايه؟!
زينة: خاصمه لمدة يومين و خلي عدنان يلف حوالين نفسه لغاية ما كلمه و سامحه.
غصون: و الله اخوكي ده يتساهل كل حاجة وحشة.
زينة(بضيق): يا رخمة.
غصون: معلش بس ده رأيي.
منار: طب يلا يا عروسة نخلص هيجي بليل بسرعة علينا و مش هنكون عملنا حاجة.
زينة: مش عارفة ليه عدنان رفض نعمل حنة؟!
غصون: علشان أخوكي يعني ايه الجديد.
زينة و غصون و منار ضحكوا مع بعض...
-في مكان تاني...
عند عدنان.
عدنان: قاسم.
قاسم: ايه؟!
عدنان: خلي عينك علي عمر الليلة دي علي الاقل.
قاسم: ليه في حاجة؟!
عدنان: اعمل زي ما قولتلك و خلاص.
قاسم: طيب بس انا اصلا مشفتهوش من ساعة ما رجعت.
عدنان: و ده ميطمنش خالص...
قاسم: طب متشيلش هم انت و ظبط نفسك و اتبسط دي الليلة ليلتك يا عريس...
عدنان غمض عيونه بهدوء و ساب الحلاق يظبط دقنه و شعره.
قاسم: الشارع كله بيتشغل علي رجل واحدة...
عدنان: تأكد ان الورق كله جاهز.
قاسم: متخافش.
عدنان: طيب.
بعد فترة عدنان مشي مع قاسم و كان الشارع كله متزين و بيتظبط علشان فرح عدنان بليل.
زينب: تعالي يا قاسم انت و عدنان.
عدنان: نعم يا أمي.
زينب: خدوا الاكل ده ودوه للبنات هناك عند غصون علشان مش لاقية حد يوديه.
عدنان: ايه ده كله يا امي!
زينب: علشان البنات تأكل و تتبسط. يلا بس بسرعة...
قاسم: خليك انت يا عدنان انا هروح اوديها.
عدنان: طيب.
زينب: انت رايح فين؟!
عدنان: طالع شقتي.
زينب: لا مينفعش دلوقتي.
عدنان: ليه بس؟!
عهد: انا خلصت يا ماما. الشقة اتظبطت فوق.
زينب: طيب كويس.
عدنان: ايوه يعني هدومي فين؟!
زينب: هنا اهي في اوضة اخوك عمر.
عدنان: طيب.
الكل كان بيشتغل من غير لحظة راحة و كله كان مشغول حتى غيث انضم ل قاسم و عدنان من آخر النهار.
عند غصون.
غصون كانت بتتكلم في التليفون مع نور.
نور: رامي يا غصون.
غصون: متقوليش ليه حاجة.
نور: يانهاري يا غصون حرام عليكي انتي عارفة مبعرفش اكدب.
غصون: لا اتعلمي يا حبيبتي اتعلمي احسن ما انا و انتي رامي هيتدرب ملاكمة في وشنا...
نور: طب هتعملي ايه؟!
غصون: في ايه؟!
نور: مع خطيبك او مع اللي هيبقي جوزك كمان ساعة.
غصون: مش عارفة.
نور: غصون هسألك سؤال.
غصون: ايه؟!
نور: انتي اتجوزتيه ليه؟!
غصون: برضو معرفش.
نور: لا لازم تعرفي يا غصون. متأكدة انه هيقدر يساعدك.
غصون: يا ريت.
نور: الله يخربييتك يا غصون مش عارفة اي حاجة في اي حاجة كدة.
غصون: اقفلي دلوقتي يلا باي.
نور: ابعتيلي الصور.
غصون: طيب.
غصون خدت نفس عميق و بصت ل نفسها في المراية,الباب خبط.
غصون: ادخل.
حنان دخلت ل غصون و بصت ليها.
حنان: بسم الله ما شاء الله...
حنان: تعالي يا ام سعاد بخري العروسة.
غصون: هي هتعمل ايه؟!
حنان: هتبخرك لتتحسدي يا نهار اسود بسم الله ما شاء الله...
ام سعاد دخلت و بدأت تبخر حوالين غصون اللي قعدت تكح بسبب الدخان...
غصون: حرام كفاية.
حنان: بخري اكتر عروستنا حلوة و هتتحسد.
غصون(و هي بتكح): حرام يا طنط كفاية.
منار(بضحك): لازم تتبخري يا عروسة.
غصون: طب كفاية لحد كدة طب.
حنان: خلاص يا ام سعاد.
غصون: هو انا جميلة للدرجة دي؟!
زينة: قمر و الفستان اللي عدنان اختاره ليكي بقي حلو بيكي اوي.
غصون بصت لنفسها في المراية بابتسامة بسيطة.
غصون كانت لابسة فستان بسيط جدا بأكمام شفافة نازل بضيق لغاية الخصر و بعدها بوسع خفيف و كان عليه نقوش بسيطة جدا,رفعت شعرها علي شكل كحكة عالية و لبست طرحة متوسطة الطول و تاج بسيط من الورد و حطت مكياج خفيف جدا و لبست صندل بكعب أبيض.
فستان غصون.
الباب اتفتح و دخلت منه زينب و هي بتزغرط جامد و في قمة انبساطها و قربت من غصون حضنتها و باستها.
زينب: زي القمر بسم الله ما شاء الله.
عهد(بفرحة): بيكتبوا بره الكتاب.
كان في بنات كتير في الاوضة و غصون قاعدة حاسة بتوتر شديد,غيث دخل الاوضة و هو معاه دفتر المأذون.
غيث قرب من غصون اللي قامت وقفت اول ما شافته و حضنته جامد و هو حضنها و باس رأسها.
غيث(بصوت واطي): انا عارف اني اخوكي الصغير بس ده اسعد يوم في حياتي كان نفسي يبقي فرح كبير أوي و ابقي شاهد و ولي الامر بس كل اللي عايز أقوله ربنا يخليكي ليا و يا رب تفضلي دايما مبسوطة.
غصون عيونها دمعت و بصت ل غيث و حضنته تاني و غيث مسك ايديها و باسها.
كل البنات كانوا مبسوطين اوي,غصون مسكت الدفتر من غيث و بدأت تمضي ببطء.
زينب و حنان و بعض اللي كانوا موجودين زغرطوا و غصون ابتسمت ليهم.
غيث خرح بالدفتر للمأذون و الرجالة بدأت تبارك ل عدنان اللي بيبتسم ليهم بمجاملة.
شهاب: مبروك يا عدنان.
عدنان قرب من شهاب باس ايده و باس رأسه.
عدنان: الله يبارك فيك يا حاج.
قاسم: مبروك.
عدنان حضن قاسم و بعدها راح ناحية غيث حضنه و كذلك غيث.
غيث: حطها في عينك.
عدنان(بابتسامة): أكيد.
باب أوضة غصون اتفتح و غصون خرجت و هي ماسكة في ايديها الفستان و باين عليها التوتر.
عدنان بص ل غصون بصدمة من جمالها البسيط و قرب منها كذا خطوة و كذلك غصون.
عدنان قرب من غصون وقف قدامها و رفع ايده حطها علي خدها ببطء و هي رفعت عينيها ليه.
عدنان(بهمس): بسم الله ما شاء الله.
عدنان قرب من غصون و باس رأسها لمدة طويلة و غصون كانت في قمة خجلها.
حنان: يلا يا عدنان.
عدنان مسك ايد غصون و خرجوا بره شقتها و نزلوا للشارع كان متعلق زينة و في زي كوشة زي ما موجود في الافراح الشعبية.
غصون(بصدمة): متهزرش! انا هتجوز في شارع؟!
عدنان: و الله ده اللي بيحصل هنا. و كمان هو اخرنا نص ساعة و هنمشي.
عدنان خد غصون و طلعوا في الكوشة قعدوا.
غيث بدأ يصورهم كذا صورة بالكاميرا الخاصة بيه.
بعد فترة بسيطة جت شهد الفرح و قربت من عدنان و غصون اللي بصتلها بضيق.
شهد: مبروك يا اسطا عدنان.
عدنان(بهدوء): الله يبارك فيكي.
شهد(بقرف): مبروك يا عروسة...
غصون لا رد.
شهد: شوفت قلة الذوق يا اسطا عدنان.
عدنان(بهدوء): غصون.
غصون: ا.
شهد: شكلك واخدة علي خاطرك مني خلاص يا ستي حقك عليا.
شهد مسكت غصون من كتفها و خلتها تقف في نفس اللحظة جه واحد من المعازيم يسلم علي عدنان اللي قام وقف و بدأ يسلم عليه.
شهد(بهمس): انتي لسة متعرفيش يا حلوة مين هي شهد.
شهد(بهمس): مش انا اللي حد يأخد حاجة بتاعتي و عايزاها.
شهد سابت غصون و مشيت.
غصون فتحت عينيها علي آخرهم و هي حاسة بوجع شديد في جمبها حطت ايديها علي جمبها لقت في دم...
غصون بدأت الرؤية تقل تدريجيا و تغمض عينيها و تقفلهم لغاية ما الرؤية انعدمت.
غصون مالت علي عدنان اللي كان لسة بيبصلها و اتصدم من منظر الدم.
عدنان لحق غصون قبل ما تقع علي الارض.
عدنان(بصوت عالي)غصون!