قصص و روايات - قصص رومانسية :

رواية حارة العشق للكاتبة سلسبيل كوبك الفصل السادس عشر

رواية حارة العشق للكاتبة سلسبيل كوبك الفصل السادس عشر

رواية حارة العشق للكاتبة سلسبيل كوبك الفصل السادس عشر

غصون: خدني معاك.
عدنان نزل و غصون وراه,غصون وقفت علي أول السلالم من فوق و عدنان نزل كام سلمة.
يارا(بفرحة و حماس): بابي.
عدنان كان مذهول و بعدها ابتسم بفرحة و فتح دراعه ليارا اللي جريت عليه بسرعة و حضنته.
عدنان شال يارا من علي الارض و باس خدها و رأسها.
داليا(بابتسامة): قاعدة عمالة تقول عايزة بابي عايزة بابي و انت بقالك فترة مش بتيجي تزورها قولت لما أجيبها انا.
زينب: و الله فيكي الخير يا اختي.

زينة(بهمس): ده هتولعها نار.
زينب(بهمس): انا مش صعبان عليا غير عدنان في النص.
غصون(برفعة حاجب): بابي!
عدنان لف لغصون و بعدها باس يارا اللي فضلت ماسكة فيه.
عدنان: وحشتيني أوي أوي. انا وحشتك؟!
يارا: وحشتني اوي اوي اوي اوي.
عدنان(بابتسامة): قوليلي بقي عاملة ايه في المدرسة؟!
داليا: شاطرة أوي بس نفسيتها تعبانة أوي اليومين دول.
عدنان(بضيق): اشمعنا؟!

داليا قربت من عدنان بسرعة و حطت ايديها علي ايد يارا اللي محطوطة علي كتف عدنان و ابتسمت ليه.
داليا: أصل كان في حفلة لأولياء الأمور و الكل كان جاي بوالده الا هي.
عدنان(بضيق): طيب. المرة الجاية يا يارا هأجي معاكي وعد مني.
يارا(بفرحة): بجد يا بابي؟!
عدنان: بجد يا حبيبتي.
غصون: منتظرة أفهم...
الكل بص لغصون و يارا بصت لغصون باستغراب.

داليا: مين دي يا عدنان مش أنت مش بتسمح لأي حد يطلع شقتنا احم أقصد شقتك الا الخدامة و طنط زينب.
عدنان(ببرود): دي مراتي يا داليا و اياكي تغلطي فيها.
يارا(بحزن): بتحبها أكتر من يارا حبيبتك؟!
عدنان(بابتسامة): انا مقدرش أحب حد أكتر من يارا حبيبتي.
يارا(بابتسامة): و انا بحبك اوي يا بابي.
حنان: طب مش هتيجي تسلمي علي جدتك بقي.
يارا: لا لما أقعد مع بابي شوية.
غصون نزلت و قربت من عدنان و مالت علي ودنه.

غصون(بهمس): مين اللي شبه عروسة المولد دي؟! و مين الكائن الفضائي اللي في حضنك دي؟! من حقي أعرف.
عدنان(بهمس): لو صبر القاتل علي المقتول كان مات لوحده أكيد مش هسيبك زي الاطرش في الزفة بس اهدي لما نبقي لوحدنا ابقي افهمك.
داليا(بضيق): بتقولوا ايه؟! و كمان مقولتليش يعني أن أنت اتجوزت يا عدنان؟!
غصون: هو لازم يأخد أذنك؟!
سوسن: ما هي برضو لازم تعرف مش أم بنته.
غصون(برفعة حاجب): أم بنته!

عدنان: أه و انا أقول فجأة داليا هانم جت برجليها الحارة المتواضعة أكيد من رأس حد عايزة تتقطع و تتقطم.
عمر: مساء الخير.
عدنان: ما هي كملت بقي.
عمر(بخبث): عجبتك المفأجاة يا أخويا ده انا بالصدفة شوفت يارا و داليا مراتك أقصد طليقتك جايين فجبتهم معايا.
عدنان: اه ما انا عارف. و انت جدع أوي هتقولي.
عهد: كان نفسنا بقي نقولك كُلي بس احنا خلصنا الاكل و متبقاش أكل غير ليارا حبيبتي.
يارا: عمتو عهد.

غصون انسحبت بهدوء من المكان و طلعت شقتها تاني.
داليا: ناويين نقضي يومين هنا لو معندكش مانع يا عدنان.
عدنان: يارا تيجي في أي وقت و تقعد براحتها.
زينة: طب سبنا نسلم عليها بقي.
زينة و عهد راحوا ناحية يارا و قعدوا يحضنوها و يبوسوها و هي جريت علي زينب و حنان و باست ايديهم.
حنان: يا روحي ربنا يباركلك فيها يا عدنان...
عدنان(بابتسامة): يا رب يا أمي...

عدنان قرب من داليا و شدها من دراعها و دخل في أوضة و قفل الباب و زقها.
داليا(بوجع): آه بتوجع يا عدنان، ده أسلوب.
عدنان(بحدة): لو جاية و في نيتك تخربي بيتي يا داليا قسما بالله هنسي أنك كنتي في يوم من الايام مراتي و ام بنتي.
داليا: متنساش كمان إني كنت حبيبتك.
داليا: عدنان انا لغاية دلوقتي مش قادرة أنساك بفكر فيك ليه عايز تعمل فجوة ما بينا مش كفاية يارا اتربت بعيد عنك.

عدنان(بحدة): و هو مش ده اللي كنتي انتي عايزاه ايه جيتي تغيري رأيك دلوقتي ليه؟!
داليا: كفاية بُعد و جفاء يا عدنان...
عدنان(بحدة): ما هو العيب مش عليكي العيب علي أخويا و امه بس و رحمة أمي يا داليا لو حاولتي تعملي حاجة في اليومين اللي انتي هتقعديهم هنا انا اللي هتصدرلك.
داليا: عدنان انا عايزة نرجع لبعض نبقي سوا يا عدنان كفاية كدة يارا تعبانة نفسيا محدش حاسس بيها هي محتجانا سوا.

عدنان(ببرود): و انا طبعا يهمني نفسية بنتي بس مش هرجعك علي ذمتي يا داليا.
عدنان: انتي بس تبقي أم بنتي غير كدة لا...
عدنان: فاهمة.
عدنان ساب داليا و خرج بره الاوضة,دخلت سوسن.
سوسن: عملتي ايه؟!
داليا(بغيظ): ملحقتش أعمل بس لا انا للبت دي هنا.
داليا: فكريني اسمها ايه؟!
سوسن: غصون...
داليا: هندمها علي اليوم اللي اختارت فيه تبقي مكاني. محدش هيبقي في قلب عدنان غيري.
سوسن: عايزة أشوف شطارتك. لانها مضايقة الكل.

داليا: طيب هرتاح الاول دلوقتي.
سوسن: انتي و شطارتك لو تعرفي تباتي فوق.
داليا(بخبث): الليلة هبات في شقتي يعني هبات في شقتي.
داليا و سوسن خرجوا من الاوضة كان الكل مبسوط بوجود يارا و الكل بيلعب معاها.
داليا: عدنان.
عدنان(بهدوء): ايه؟!
داليا: عايزة نرتاح انا و يارا شوية...
عدنان: يارا هتنام النهاردة في حضني.
داليا: ايوه بس انا مقدرش أنام بعيد هنا.
عدنان: هتكوني في نفس البيت يا داليا. الفرق انتي تحت و هي فوق.

داليا: لا يارا كان نفسها أوي تنام جمبنا احنا الاتنين.
يارا: اه يا بابا اشمعنا مبنامش معاكوا انتوا الاتنين سوا ما كل صحابي بيعملوا كدة.
عدنان بص لداليا بغضب و بعدها بص ليارا مع ابتسامة بسيطة منه.
عدنان: مش انا دايما بقولك انتي عندك أكتر من أم.
يارا: اه.
عدنان: ضيفي عليهم بقي ماما غصون و دي هتنام معانا احنا الاتنين...
داليا(بحدة): انا بنتي متنامش جمب حد غيري.
عدنان(بهدوء): مش بمزاجك يا داليا.

سوسن: طب ما تنام هي في اوضة بس فوق و انت و يارا في اوضة.
عدنان لا رد...
عدنان(لنفسه): الصبر جميل يا عمر و رحمة أمي لاندمك علي اللي عملته ده.
يارا: اه يا بابي انا عايزة مامي تبقي معايا.
عدنان: طيب يا حبيبتي. مامي هتبات معانا.
حنان و زينب بصوا لبعض و بعدها بصوا لعدنان اللي طمنهم بنظراته...
داليا: طب عايزين نرتاح.
عدنان: اطلعي انتي.
يارا(بنوم): و انا كمان يا بابي.
عدنان(بضيق): طيب يا يارا.

عدنان شال يارا و طلع علي فوق و وراه داليا اللي شالت شنطتها هي و يارا...
داليا: ممكن تساعدني يا عدنان؟!
عدنان غمض عيونه بهدوء و بعدها فتحهم نزل مسك شنطتها و طلع لفوق خبط علي الباب.
داليا: لو معاك مفتاح طلعه أسهل.
عدنان: في جيبي.
داليا: استني هطلعه.
داليا قربت من عدنان و حاولت تجيب المفتاح في نفس اللحظة اللي غصون فتحت فيها الباب.
غصون: تحبوا اسيبكم تكملوا و لا ايه؟!

عدنان دخل بيارا و وراه داليا اللي بصت لغصون.
داليا: قافل أوضة نومنا من ساعتها يا حبيبي؟!
عدنان(بهدوء): غصون.
غصون لا رد.
عدنان: غصون...
غصون: ها؟! بتنادي ليه؟
عدنان: جهزي العشاء ليارا.
غصون: طيب.
غصون دخلت المطبخ بغيظ و بدأت تجهز عشاء خفيف,عدنان حط يارا علي الكنبة.
داليا: انا هنام فين؟!
عدنان: في الاوضة دي.
داليا: و يارا؟!
عدنان: معايا في اوضتي.
داليا(برفعة حاجب): و مراتك؟!
عدنان: مش محتاجة سؤال مراتي معايا.

داليا: و انا بنتي متنامش جمب حد غيري يا عدنان قولتلهالك.
عدنان: مش بمزاجك.
يارا: بابي انا عايزة انام جمبك انت و مامي.
عدنان قرب من يارا و مسك ايديها.
عدنان: مينفعش يا حبيبتي لأن انا و مامي انفصلنا مبقاش ينفع ننام جمب بعض.
غصون(بخفوت): عدنان الاكل جاهز.
عدنان: طيب، يلا نأكل.
عدنان: داليا هتبقي ضيفيتنا هنا لمدة يومين.
غصون: البيت بيتك يا عدنان. عن اذنك.
عدنان: مش هتأكلي؟!
غصون: لا سبقتكم.

غصون سابت عدنان و خرجت للبلكونة اللي في أوضتها و هي حاسة بخنقة.
داليا: تعالي يا حبيبي نقعد زي زمان.
عدنان بص بضيق لداليا و بعدها خد يارا و راح ناحية السفرة و بدأ يأكل هو و هي و داليا جت قعدت جمب عدنان...
داليا: البيت زي ما هو متغيرش نفس كل حاجة انا اختارتها تبقي موجودة.
داليا: تعرف نفسي في ايه؟!
داليا: نفسي أدخل أوضتنا و افتكر كل ذكرياتنا مع بعض، مش ناوي ترجعلي يا عدنان.

عدنان: الكلام علي الاكل غلط يا داليا هانم. اتفضلي كُلي.
عدنان: شبعتي يا يارا؟!
يارا(بنوم): اه يا بابي.
عدنان: تعالي ندخل.
عدنان: طالما معتبرة البيت بيتك اوي متنسيش تغسلي المواعيين يا داليا.
عدنان شال يارا و دخل أوضته هو و غصون و داليا كانت متعصبة من تصرف عدنان و كلامه.
عدنان حط يارا علي سريره و قلعها الكوتشي بتاعها و الجاكت اللي هي لابساه و باس رأسها.
يارا: احكيلي حدودتة يا بابي.
عدنان: طيب.

عدنان خد يارا في حضنه و بدأ يحكي ليها حدودته صغيرة لغاية ما يارا نامت و هو اتنهد و بيفكر في اللي حصل...
عدنان افتكر غصون و قام دخل البلكونة لقاها واقفة مغمضة عينيها و مستمتعة بنسمة الهواء.
عدنان: غصون.
غصون(بخضة): خضتني.
غصون: في ايه؟!
عدنان: اللي تبقي بره دي تبقي طليقتي و دي بنتي.
عدنان: يارا عندها 7 سنين.
غصون: و أنت مقولتش ليا ليه انك عندك بنت مش المفروض كنت أعرف و ليا حرية الاختيار.

عدنان(بهدوء): عارف أنه كان لازم تعرفي بس هي جت كدة.
غصون: ممكن اسأل سؤال؟!
عدنان: اتفضلي.
غصون: اطلقتوا ليه؟!
عدنان: انتي مأكلتيش ليه؟! كدة هتتعبي و يغمي عليكي و حوار مش كفاية إني مأخدتش ضمان غيث ضحك عليا و وداني البضاعة مغشوشة.
غصون ضربت عدنان في كتفه و هو ضحك.
غصون: طب اطلقتوا من امتي؟!
عدنان: من اربع سنين.
غصون: حرام بنت جميلة زي دي تتربي من غيركم سوا.

عدنان: النصيب و كمان كنت كل شهر بروح ليها بس كان بقالي شهرين مروحتش ليها بسبب ضغط الشغل و كذا حاجة.
الاتنين فضلوا واقفين ساكتين و بيبصوا علي الجو.
عدنان: أنتي فين أهلك؟!
غصون: غيث.
عدنان: انا فاهم بس أكيد ليك عم خال أي حد.
غصون: لا مليش غير غيث كلهم متوفيين.
عدنان: طب برضو مش ناوية تأكلي؟!
غصون: لا شكرا.
غصون: تصبح علي خير.
تليفون غصون رن و كان رامي.
غصون(بتوتر): هروح انام انا.

غصون راحت ناحية السرير و قفلت تليفونها و بدأت تنام,عدنان وقف شوية في البلكونة و بعدها خرج قفلها و نام جمب يارا بنته و خدها في حضنه.

-في الصباح الباكر.
في بيت العربي.
زينة: أوف هي هتمشي امتي البت دي؟!
حنان: معرفش دي أول مرة تيجي هنا بعد ما اطلقوا.
زينب: انا شايفة في عينيها خراب.
عهد: شوفتوها و هي بجحة لا طلعت تنام فوق في شقة غصون.
حنان: هي جاية تندم بعد ايه مش هي اللي طلبت الطلاق.
زينب: ربنا يهدي و عدنان ميحنش ليها.
زينة: طب و الله أكتر حد مظلوم هنا هي غصون.
سوسن: مش ناويين تعملوا فطور حلو علشان داليا.

حنان: لا تعالي اعملي ليها انتي ما هي من يوم ما جت و هي حبيبتك...
زينة: انا داخلة أوضتي.
زينة سابتهم و دخلت البلكونة اللي في أوضتها علي أمل انها تلاقي يوسف بس برضو ملقتهوش.
عمر(بسخرية): منتظرة تشوفي حبيب القلب.
زينة(بخضة): عمر.
عمر: ايه فاكراني نايم علي وداني؟!
زينة(بتوتر): انت تقصد ايه؟!
عمر: بنت شهاب العربي تبص لحتة خدام بيشتغل عندها.
زينة(بتوتر): انا مش فاهمة انت بتتكلم عن ايه.

عمر مسك زينة من شعرها و هي صرخت.
عمر: لا عارفة كويس يا روح أمك بتكلم عن ايه متعمليش فيها من بنها.
عمر: قسما بالله لو شوفتك في البلكونة دي تاني هقطع رجلك. فاهمة؟!
زينة(بصريخ): يا ماما...
عمر(بغضب): صوتك مسمعهوش.
عهد: انت بتعمل ايه يا عمر وسع كدة؟!
عمر(بغضب): اطلعي بره انتي.
عمر(بغضب): و انتي يا غندورة قولت كبر دماغك يا عمر انت بس اللي فاهم غلط لكن حب و شغل من ده لا كدة زودتي فيها أوي.

زينة(بدموع): ابعد كدة.
عهد جريت تنادي زينب و حنان اللي جم بسرعة و حاولوا يبعدوا عمر عن زينة.
حنان: ابعد عنها بقي.
زينب: اطلعي بسرعة نادي اخوكي يا عهد.
عهد طلعت بسرعة جري لشقة عدنان و قعدت تخبط كتير,الكل قام مفزوع من نومه.
عدنان قام بسرعة جري علي بره,يارا كانت صحيت و خايفة.
غصون: اهدي محصلش حاجة.
غصون: تعالي نشوف في ايه.
غصون مكست ايد يارا و خرجوا لبره كان عدنان بيفتح الباب,داليا خرجت من أوضتها.

داليا: في ايه يا عدنان؟!
عدنان(بقلق): في ايه يا عهد بتخبطي كدة ليه؟!
عهد(بدموع): عمر بيضرب زينة.
عدنان ساب عهد و نزل جري علي الدور اللي تحت.
داليا(بحدة): يارا بتعملي ايه جمب اللي جمبك دي تعالي هنا.
غصون(بحدة): ليا اسم علفكرة و لو مش هتعرفي تناديني بيه يبقي متجبيش سيرتي في جملة مفيدة.
غصون: روحي يا حبيبتي لمامي.
غصون سابت داليا و نزلت لتحت و داليا خدت يارا و نزلت ورا غصون.
عدنان(بحدة): عمر.

عدنان قرب من عمر و بِعده عن زينة اللي حضنت عدنان و هي بتعيط.
عدنان: هششش اهدي محصلش حاجة...
عدنان(بحدة): هعمل احترام للحاج لكن بعد ما يرجع أوعدك إني مش هسكت و هقوله.
عمر(بغضب): قوله ما انا مبخافش و بنت ال دي تستاهل و من هنا و رايح مفيش و لا اكل و لا شرب لمدة تلت ايام.
عدنان بِعد عن زينة و قام وقف و قرب من عمر بس فجأة لقي قدامه غصون و هي بتبصله و بصت لعمر.
غصون: اهدي خلاص حصل خير بلاش مشاكل تانية.

عدنان(بحدة): ابعدي عن وشي يا غصون انا عارف ازاي اتعامل مع أخويا.
غصون بصت لعدنان و بعدها بصت لعمر و بٍعدت من قدام عدنان ببطء,عدنان قرب من عمر و ضربه بوكس في ايده و مسك دراعه تناه ورا ضهره.
عدنان(بغضب): بتتشطر علي واحدة ست و كمان أختك اللي أهل الحارة كلهم بيشهدوا ليها بالأخلاق و الادب هي دي التربية يا ابن أبويا.
زينب كانت حاضنة زينة اللي بتعيط جامد و عهد كانت مبسوطة من اللي عدنان بيعمله في عمر.

سوسن: ابني سيبه يا عدنان.
عدنان(بغضب): محدش يتدخل. بتعمل نفسك راجل علي أختك يا عمر.
داليا جريت علي عدنان و حطت ايديها علي كتفه.
داليا(بهدوء): عدنان بلاش ده أخوك.
غصون(بسخرية): اه يا عدنان بلاش علشان ده أخوك.
داليا(بحدة): شايفة الموضوع مضحك.
غصون: ملكيش دعوة انا حرة أقول اللي عايزاه. و اللي متأكدة منه مليون في المية ان الزفت عمر ده هو اللي غلطان.
عدنان(بحدة): غصون.
غصون: ايه غصون يعني اسكت؟!

عدنان ساب عمر و قرب من غصون اللي رجعت خطوة لورا.
عدنان: انتي ايه اللي نزلك خدي يارا و الباقي و اطلعي فوق...
عدنان: يلا.
غصون لا رد.
عدنان: عهد روحي قولي لحسن اللي واقف بره يشوف الحاج فين.
عمر(بغضب): هخاف يعني...
عدنان: المفروض لو مش هتخاف علي روحك خاف علي الاقل علي امك.
عدنان: مش بنت شهاب العربي اللي حد يمد ايده عليها.
زينة(بدموع): خلاص يا عدنان بلاش تقول لبابا.

عمر: ما ليكي حق تقولي كدة ما هو اللي حصل مينفعش يتقال اصلا للحاج ليقطع رقبتك...
عدنان وقف دقيقة بيهدئ نفسه و شاور للكل.
عدنان: اطلعوا بره كلكم.
عدنان(بحدة): يلا.
كلهم خرجوا بره الأوضة و زينة كانت هتخرج.
عدنان: استني يا زينة.
زينة وقفت متوترة و الكل خرج و متبقاش غير عدنان و عمر و زينة.
عدنان(بحدة): ايه اللي حصل؟!
عمر(ببرود): مش هتكلم الا و الحاج موجود.
زينة(بشجاعة): انا هقولك يا عدنان.
عدنان: قولي.

زينة(بخفوت): انا و يوسف بنحب بعض.
عدنان بص لزينة بصدمة و عمر قعد علي الكرسي و حط رجل علي رجل و بص لعدنان.
عمر: عرفت ليه كنت بضربها؟!
عدنان(بحدة): امشي من وشي يا زينة.
زينة سابت عدنان و خرجت بره الاوضة علطول...
غصون: انتي كويسة؟!
زينة هزت رأسها بمعني اه,غصون خدت زينة و طلعت شقتها فوق و بدأوا يتكلموا.
عدنان: ده ميودكش الحق انك تمد ايدك عليها ليها كبير.
عدنان ساب عمر و خرج لقي يارا بتجري عليه و بتحضنه.

يارا: ليه كنت بتضرب عمو عمر يا بابي؟!
عدنان: مفيش يا حبيبتي كنا بنهزر.
عدنان باس رأس يارا و خدها في حضنه,داليا نزلت لمستوي عدنان و يارا.
داليا: كنت حلو أوي.
عدنان(بابتسامة): يلا يا يارا اطلعي غيري هدومك علشان هأخدك و افسحك النهاردة.
يارا: بجد يا بابي؟!
عدنان: اه يا حبيبتي، في ملاهي قريبة من هنا هنروحها و نعمل حاجات حلوة مع بعض.
يارا: انت احسن بابي في الدنيا.

يارا باست خد عدنان و حضنته و طلعت مع داليا تغير هدومها,داليا دخلت علطول الشقة لان الباب كان مفتوح.
داليا(بدلع): تعالي يا حبيبتي أخش اغيرلك.
غصون(بغيظ): طب دي اعمل فيها ايه بس؟!
زينة: سيبك منها علطول داليا مغرورة.
غصون: نفسي اعرف كانت دماغه فين لما أتجوزها؟!
زينة: كان بيحبها و القلب ملهوش مسيطر. زي قلبي كدة بالظبط.
غصون: اهدي يا حبيبتي. اهدي.

غصون: بس انا شايفة أنه يجي يتقدملك يا زينة حتى لو هيترفض بس علي الاقل يكون حاول.
زينة: عمر هيقف في الجوازة دي و مش بعيد يأذيه.
غصون(بضيق): مش عارفة هو ليه كدة؟!
عدنان دخل من باب الشقة و لقي زينة كان هيدخل أوضته بس غصون نادت عليه.
غصون: سلم علي أختك.
عدنان(برفعة حاجب): افندم؟!
غصون: أختك هنا في بيتك أكيد يعني مش هتمشي و تودي ضهرك ليها.
عدنان: ملكيش دعوة.
داليا: احنا جاهزين يا عدنان.

غصون(بانفعال): انتوا رايحين فين؟!
عدنان: هأخد يارا الملاهي.
غصون: انا جاية معاكوا.
عدنان: مش كبرتي علي الحاجات دي؟!
غصون: لا. يلا يلا.
غصون: انزلي غيري هدومك يا زينة يلا.
غصون جريت علي الاوضة و طلعت هدوم ليها.
عدنان: ايه اللي انتي بتعمليه ده؟!
غصون: ايه انت جوزي هسيبك كدة لأي واحدة و خصوصا بقي طليقتك.
عدنان: جوزك!
عدنان: طيب يا مراتي العزيزة ابقي فكريني بليل نكمل جوازنا الناقص علشان تكوني مراتي بجد يعني.

غصون لفت و ودت ضهرها لعدنان اللي دخل الحمام غسل وشه كانت غصون بتغير هدومها.
غصون لبست بنطلون أسود واسع و فوقه سويت شيرت قصير لغاية الخصر باللون الابيض و لبست كوتشي أبيض و سيبت شعرها علي ضهرها.
عدنان: انسي انك تلبسي ده و انتي معايا...
غصون: و ده استايل لبسي.
عدنان: قبل ما تبقي مراتي.
غصون: و يا تري هلبس ايه بقي؟!
عدنان: اتصرفي.

عدنان بدأ يغير هدومه و غصون بصتله بغيظ و طلعت بره الاوضة كانت داليا بتتكلم مع يارا في ودنها.
داليا: بقولك يا...
غصون لا رد.
داليا: غصون.
غصون: خير؟!
داليا قامت وقفت و قربت من غصون و بدأت تتكلم بصوت واطي.
داليا: لو فاكرة أنك هتأخدي مني عدنان تبقي غلطانة.
غصون: و انتي لو فاكرة أن عدنان يرجعلك يبقي بتحلمي كان عملها من اربع سنين فاتوا.
عدنان: جاهزين؟!
يارا(بحماس): أيوه يا بابي.

عدنان: خشي غيري هدومك يا غصون و يلا بسرعة.
غصون دخلت الاوضة غيرت البنطلون لجيبة باللون الأسود واسعة.
غصون خرجت و عدنان شال يارا علي دراعه و مسك ايد غصون اللي استغربت تصرفه.
كلهم نزلوا للدور التاني كان الكل موجود.
عدنان(بحدة): هقول كلمة واحدة محدش يجيب سيرة للحاج و الا هيندم و هيقابل غضبي انا.
عدنان سابهم و خرج.
عدنان: حسن جيب العربية.
حسن: حاضر يا اسطا عدنان.

كلهم ركبوا عربية عدنان و كانت غصون جمبه و داليا ورا و يارا علي رجل عدنان.
عدنان بدأ يسوق ناحية الملاهي.

-في مكان تاني...
عند قاسم.
قاسم كان قاعد في مكتبه بيراجع ورق مهم,فجأة سمع صوت دربكة و دوشة بره.
قاسم قام من مكانه و خرج لقي معظم الطلاب متجمعة.
قاسم: في ايه؟!
طالب: ا.
قاسم سمع صوت ماسة قرب من مصدر الصوت لقي ماسة بتتخانق مع شابين.
ماسة(بغضب): قسما بالله اللي هيقرب منها تاني لأكون معلقاه علي باب الجامعة دي...
ماسة: سندس خط احمر فاهمين.

الامن جم و حاولوا يمسكوا ماسة بس هي زعقت فيهم,قاسم قرب من ماسة و مسك ايديها اللي ماسكة بيها السكينة.
قاسم(بحدة): نزلي ايدك دي.
قاسم(بحدة): روحوا انتوا، الكل يمشي يلا.
قاسم(بحدة): روحي شوفي محاضراتك يا سندس.
قاسم(بحدة): اما انتي بقي فتعالي.
قاسم شد معاه ماسة لغاية اوضة مكتبه و دخلها.
قاسم: مدخلش حد يا زايد.
قاسم دخل لماسة اللي مش مستوعبة اللي حصل.

قاسم(بحدة): ايه فاكرة الجامعة بيت أبوكي علشان تعملي الشويتين دول.
ماسة: و اسيب أختي تتعاكس و يهددها.
قاسم: لا تيجي ماسكة سكينة و تفضحي أختك بين صحابها عين العقل.
ماسة: اومال يعني كنت اعمل ايه؟!
قاسم: مثلا في بوليس مثلا في أمن الجامعة المدير في كلام الاول. لكن اللي انتي عملتيه ده اسمه غجرية.
ماسة(بعصبية): طب و انت مالك بتدخل ليه؟!
قاسم: اللهم طولك يا روح.
قاسم: بصفتي دكتور هنا في الجامعة ها مرتاحة.

قاسم: اقعدي.
ماسة: عايز ايه؟!
قاسم: اسمك ايه ثلاثي؟!
ماسة(برفعة حاجب): هطلعلي بطاقة؟!
قاسم: اسمك الثلاثي ايه اخلصي.
ماسة: ماسة محمد عبد السميع.
قاسم: خديلي ميعاد مع والدك آخر الاسبوع ده.
ماسة: والدي متوفي ليه بقي إن شاء الله؟!
قاسم: البعيدة غبية. جاي أخبط سندس عندك مانع؟!
ماسة(بصدمة): سندس!
قاسم(بخبث): اه سندس.
ماسة(بانفعال): لا لسة صغيرة.
قاسم(بضحك): طب ما هي فعلا لسة صغيرة اقعدي يا هبلة.

ماسة(بحدة): مسمحلكش.
قاسم: طيب دلوقتي لو عايز أخطبك أعمل ايه؟!
ماسة: اهل.
ماسة(بصدمة): ت ايه؟!
قاسم(ببطء): أخطبك يا ماسة.
ماسة: انت بتتكلم جد؟!
قاسم: أيوه الموضوع مفاجئ انا عارف.
ماسة: انت بتقول ايه يا جدع انت انت تعرفني منين اصلا علشان تطلب تتجوزني.
قاسم: لا ده بقي محتاج قاعدة و ولي امرك هو اللي يسألني ليه.
ماسة: اهلي متوفيين كلهم و انا برفض عرضك.

ماسة قامت و خدت حاجتها و سابت قاسم و خرجت بره الجامع و هي لسة مصدومة من طلب قاسم ليها.
قاسم(بهدوء): طيب يا ماسة ارفضي براحتك.

-في مكان تاني...
عند غيث.
زياد: يا ابني اسمع كلامي بس.
غيث: لا يا زياد لا مش هنعترض طريق حد. و كمان انت مراهق كدة ليه اتعلم تبقي راجل من صغرك.
غيث: هتروح تعترض طريق بنت.
زياد: معجب بيها يا ابني...
غيث: اصبر لما تكبر بقي.
زياد: ده انت رخم.
غيث: متشكر.
زياد: طب ايه ما تقوم تعملنا نأكل...
غيث: خش أعمل انت انا مش قادر اتحرك.
تليفون غيث رن.
غيث: خش شوف أي حاجة تتعمل عقبال ما ارد.
الخط اتفتح.
غيث: رامي.

رامي: ازيك يا بطل؟!
غيث: الحمدلله و انت.
رامي: الحمدلله.
رامي: فين غصون؟!
غيث: أكيد في بيت جوزها.
رامي: يادي جوزها ده اللي عقد الموضوع أكتر.
غيث: عدنان ده طيب أوي و جدع و شهم.
رامي: ما انا معلوماته كلها عندي.
غيث: عايز ايه بقي؟!
رامي: طالما غصون اتجوزت يبقي لازم تقول لجوزها علشان يبقي في استعداد لأي حركة من عدي.
غيث: اتكلم معاها.
رامي: اتصلت بيها كذا مرة مش بترد حاول تقولها الكلام ده.

غيث: طيب أخبار نور و مراد؟!
رامي: بخير الحمدلله. متنساش اللي قولتلك عليه.
غيث: حاضر، في جديد؟!
رامي: لا. يلا خلي بالك من نفسك باي.
غيث: باي.
غيث قفل مع رامي و لقي زياد خارج بالاكل.
زياد: اللي لقيته في التلاجة.
غيث: انت جبت التلاجة كلها يا ابني.
زياد: احم في ايه يا صاحبي.
غيث: كُل يا عم كُل.
الاتنين بدأوا يأكلوا و هما بيضحكوا.
غيث: هي حور دي ايه حكايتها؟!
زياد: مش فاهم.
غيث: اقصد يعني بحسها غريبة.

زياد: عادي تبقي صاحبة عهد العربي و يا بختك يا عم اختك اتجوزت اسطا عدنان.
غيث: لا حول و لا قوة الا بالله.
غيث: هطردك و الله.
زياد(بضحك): خلاص خلاص.

-في مكان تاني.
عند غصون.
غصون كانت حاسة ب حر و كانت حاسة بتعب.
غصون(بتعب): مفيش كافيه هنا.
عدنان: انتي كويسة؟!
غصون: اه.
داليا: ما تيجي نلعب دي يا عدنان.
عدنان: احنا مش جايين نلعب احنا جايين ليارا و بس.
عدنان: روحي العبي يا حبيبتي بس متبعديش.
يارا(بفرحة): حاضر يا بابي...
غصون قلعت السويت شيرت بتاعها بسبب الحر اللي هي حاسة بيه و كانت لابسة تي شيرت باللون الابيض بحمالة عريضة علي الكتف.
عدنان(بحدة): غصون.

غصون(بتعب): ايه؟!
عدنان: البسي هدومك تاني.
غصون: الجو حر مش قادرة.
عدنان: برضو و لو.
داليا: سيبها يا عدنان مضايق نفسك ليه؟!
غصون: معلش بقي جوزي و بيغير عليا.
داليا: ا.
غصون: حاضر يا حبيبي هلبسه.
غصون لبست السويت شيرت تاني و داليا بصتلها بغيظ,داليا حست بدوخة و كانت هتقع بس عدنان لحقها.
عدنان(بقلق): انتي كويسة؟!
داليا(بتعب): حاسة بدوخة.
غصون(بقلق): روح العربية هجيب يارا و اجي.

غصون جريت ناحية الملاهي تدور علي يارا,عدنان وطي شال داليا و راح ناحية العربية.
غصون لمحت يارا و راحت ناحيتها و مسكت ايديها.
غصون: يلا يا يارا نمشي بسرعة.
يارا: سيبي ايدي فين بابي؟!
غصون: في العربية مستنينا ممكن بقي يلا.
غصون خدت يارا و راحت العربية ركبت هي و يارا جمب عدنان اللي بدأ يسوق بسرعة ناحية الوحدة.
غصون(ببرود): قلل السرعة شوية معانا طفلة.

فجأة ظهرت عربية قدام عربية عدنان و عدنان ملحقش يفرمل و العربيتين دخلوا في بعض و عربية عدنان اتقلبت كذا مرة...

الفصل التالي
جميع الفصول
روايات الكاتب
روايات مشابهة