رواية حارة العشق للكاتبة سلسبيل كوبك الفصل السابع عشر

رواية حارة العشق للكاتبة سلسبيل كوبك الفصل السابع عشر

غصون خدت يارا و راحت العربية ركبت هي و يارا جمب عدنان اللي بدأ يسوق بسرعة ناحية الوحدة.
غصون(ببرود): قلل السرعة شوية معانا طفلة.
فجأة ظهرت عربية قدام عربية عدنان و عدنان ملحقش يفرمل و العربيتين دخلوا في بعض و عربية عدنان اتقلبت كذا مرة...
غصون حاوطت يارا بايديها بسرعة و العربية بتتقلب,العربية اتقلبت علي جمبها بحيث ناحية غصون في الارض.

عدنان كان بين الوعي و اللاوعي فتح عيونه ببطء و هو حاسس بوجع في رأسه بص حواليه لقي يارا ماسكة في غصون جامد و خايفة اما داليا مغمي عليها,اما غصون كانت بتتنفس بسرعة و مفتحة عينيها.
عدنان حاول يفتح باب عربيته لغاية ما اتفتح,عدنان طلع من العربية كان كل جسمه متكسر.
اتجمعوا اتنين تلاتة لأن المكان اللي عدنان كان فيه مش مكان سكن.
راجل1: أنت كويس يا ابني؟!
عدنان(بتعب): أيوه.

عدنان فتح باب عربية داليا و شدها ناحيته و خرجها بره العربية,و في واحدة بنت قربت من عدنان و خدت منه داليا.
عدنان: غصون ناوليني يارا.
يارا(بخوف): بابي.
عدنان: متخافيش يا حبيبتي هاتي ايدك.
يارا مسكت في عدنان و عدنان شالها و خرج بيها.
ست: فاضل حد تاني؟!
عدنان(بتعب): اه مراتي.
عدنان: غصون هاتي ايدك.
غصون لا رد.
عدنان: يا غصون.

عدنان مال علي غصون أكتر و حاول يشدها بس هي صرخت جامد بس ايديها اللي مغروز فيها ازاز شباك العربية.
عدنان: هششش اهدي خلاص حصل خير اهدي.
عدنان شد غصون ناحيته براحة خالص لغاية ما عدنان عرف يمسكها و خرج بره العربية بس هي وقعت في الارض منه.
شاب: انا كلمت الاسعاف و إن شاء الله يجي.
راجل: السواق اللي في العربية التانية قطع النفس.
الكل: لا حول و لا قوة الا بالله.
يارا(بخوف): بابي هي مامي مش بترد عليا ليه؟!

عدنان: معلش يا حبيبتي هي نايمة دلوقتي شوية و هتصحي خليكي هنا جمب غصون.
عدنان: متشكر جدا ليكوا.
غصون(بخفوت): ما تتصل بأخوك.
عدنان: قاسم مش هنا في القاهرة.
غصون(بخفوت): عمر.
عدنان بص لغصون و بٍعد عنها شوية,الست قربت منها و لقت السويت شيرت الابيض معظمه دم و ايديها مغروز فيها قطع ازاز صغيرة.
ست: إن شاء الله خير حاسة بوجع.
غصون(بخفوت): بسيط.
عدنان فعلا أتصل بعمر، الخط اتفتح.

عمر: يا تري اسطا عدنان متصل بيا انا ليه؟!
عدنان(بتعب): عايزك تيجي في.
عمر: ليه إن شاء الله خدامك انا و لا ايه؟!
عدنان: عملت حادثة و معايا غصون و داليا و يارا و عايزك جمبي.
عمر: امم قولتلي غصون.
عدنان(بغضب): خلاص يا عمر متجيش.
عدنان قفل في وش عمر و كان حاسس بوجع في رأسه و قرب علي يارا اللي جريت ناحيته و مسكت فيه.
يارا: بابي هو ايه اللي هيحصل دلوقتي؟!
عدنان: هنروح المستشفي نطمن علي مامي و غصون.
يارا: و انت.

عدنان: و انا يا حبيبتي.
بنت: انا هضطر امشي عن اذنكم يلا يا بابا.
راجل: إن شاء الله الاسعاف تيجي.
الاتنين مشيوا و اتبقي الشاب و الست معاهم بس الاسعاف لسة مجاش.
فجأة عدنان لقي عمر بيركن عربيته قدامه و بصله.
عمر(ببرود): اركب.
عدنان: متشكر ليكوا أخويا جه.
عدنان وطي شال غصون و ركبها في الكرسي اللي ورا و الشاب كان شال يارا و قعدها جمب غصون,عدنان شال داليا و ركبها برضو في الكرسي اللي ورا.

عدنان ركب جمب عمر اللي بدأ يسوق ناحية أقرب مستشفي نضيفة,بعد فترة عمر وقف قدام المستشفي.
عمر و عدنان نزلوا عمر دخل نادي ممرضين بنقالات و بدأوا ينقلوا داليا و غصون للطوارئ...
يارا: عمو.
عمر: خير؟!
يارا: هو مامي راحت فين؟!
عمر: الدكتور هيكشف عليها و بعدها هنأخدها و تروح معانا.
الدكتورة بدأت تفحص داليا و في دكتور بدأ يفحص غصون اللي كانت فايقة بس مش قادرة تتكلم و لا تتحرك.
عدنان: ها يا دكتور أخبارهم ايه؟!

الدكتورة: الخبطة مش عميقة مجرد كدمة بسيطة.
الدكتور: الحمدلله الاصابات مش خطيرة.
الدكتور: تعالي هنا ساعديني.
الدكتورة مسكت دراع غصون و الدكتور بدأ يشيل الازاز و غصون صرخت عدنان قرب منها و مسك ايديها السليمة...
غصون(بصريخ): مش قادرة خليهم يبعدوا.
عدنان: طب مفيش طريقة تانية يا دكتور؟!
الدكتور: لحظة.
الدكتور: هاتي ليا مخدر.

الدكتورة جابت مخدر لغصون و بدأت غصون تغيب عن وعيها ببطء,بدأوا يشيلوا الازاز كله من دراعها و لفوا دراعها بشاش و طهروا الجرح اللي في رأسها و كان ايديها فيها شوية جروح سطحية.
الدكتور: أول ما تفوق تقدر تأخدها و كذلك المريضة التانية.
عدنان: شكرا يا دكتور.
الدكتورة: في جروح في وشك خلي الممرضة تطهرها ليك.
عدنان: تمام شكرا.
بعد فترة بدأت داليا تفوق و قامت قعدت علي السرير.
عدنان: انتي كويسة؟!
داليا: عدنان.

داليا: اه اه.
داليا: فين يارا هي كويسة؟!
عدنان: هي بره مع عمر أيوه كويسة. فوقي و اطلعي ليها.
داليا قعدت خمس دقايق كدة لغاية ما فاقت و قامت وقفت و خرجت بره لقت عمر.
عمر: هو ايه اللي حصل؟!
داليا(بغيظ): خطتي فشلت.
عمر: مش فاهم.
داليا: انا عملت نفسي أغمي عليا علشان عدنان يهتم بيا بس عدنان ساق بسرعة و عملنا حادثة.
عمر: ا.
عدنان(بغضب): داليا.

داليا لفت بسرعة اول ما سمعت صوت عدنان و عدنان مودهاش فرصة قرب منها بسرعة و مسكها من رقبتها و زقها علي الحيطة.
عدنان(بحدة): يعني انتي عرضتي حياة اربع أشخاص للخطر علشان خاطر القرف و الهبل بتاعك ده.
عدنان(بحدة): و افرضي انه حصل حاجة لبنتك او ليكي كنتي هتفرحي.
عمر: لاحظ ان بنتك موجودة.
عدنان بص ليارا و بعدها بص لداليا بغضب و سابها و نزل لمستوي يارا اللي كانت بتبصله يخوف.

عدنان(بابتسامة): ايه يا روحي مالك خايفة ليه؟!
عدنان(بابتسامة): انا و مامي عادي بنهزر متخافيش.
يارا قربت من عدنان و حضنته و هو باس رأسها.
الممرضة: المريضة فاقت.
عدنان: شكرا.
عدنان: خدهم للعربية هجيب غصون و اجي.
عمر(بهمس): خدام اهلك انا.
عدنان(بهمس): انا عارف أنك مبتعملش حاجة من غير ما يكون ليك مصلحة لينا قعدة.
عدنان ساب عمر و دخل لغصون اللي كانت حاسة بتخدر في كل جسمها و مش قادرة تتحرك.

عدنان: حمدلله علي السلامة.
غصون(بخفوت): الله يسلمك. عايزة اروح.
عدنان: طيب يلا.
عدنان مسك ايد غصون و غصون حاولت تتحرك معرفتش...
غصون: البعيد حمار.
عدنان(بعدم فهم): ايه؟!
غصون: شيلني.
عدنان: اه.
عدنان وطي و شال غصون بين ايديه و خرج بره المستشفي بعد ما اتأكد ان عمر حاسب.
يارا فتحت باب العربية و عدنان ابتسم ليها و حط غصون جمبها و لف ركب جمب عمر اللي ساق ناحية البيت.
عمر: حمدلله علي سلامتك يا مرات أخويا.

غصون(بخفوت): شكرا.
داليا(بسخرية): مش ملاحظ حاجة يا عدنان.
عدنان(بهدوء): خير؟!
داليا: كل مرة بتيجي ليارا بنخرج احنا التلاتة و مبيحصلش حاجة اما النهاردة.
عدنان: عندك حق كنت كل ما بأجي عندك مبيحصلش حاجة بس لما انتي جيتي حصل كدة.
داليا اتصدمت من اللي عدنان قاله,غصون ابتسمت بخفة و ضحكت من جواها و حاولت متبينش.
عمر(بهمس): ما تهدي اللعب.
عدنان(بهمس): هو مش انت اللي بدأت استحمل بقي.
عمر(بهمس): طيب يا عدنان.

بعد فترة عمر وقف قدام البيت و كانت شهد ماشية من جمب العربية و غصون فتحت الباب و نزلت.
شهد(بسخرية): ايه يا عروسة ملحقتيش.
غصون(بضيق): أستغفر الله العظيم.
عدنان(بحدة): شهد...
شهد: سي عدنان انا آسفة.
غصون(بهمس و رفعة حاجب): سي عدنان!
عدنان: نعمل ايه بقي جوزك محبوب.
عدنان شال غصون و دخل علطول علي جوا.
زينب(بشهقة): يا مصيبتي!
حنان(بخضة): البت حصلها ايه؟!
شهاب: ايه اللي حصل يا عدنان؟!

عدنان: حادثة بسيطة يا حاج الحمدلله عدت علي خير.
غصون: واضح أوي انها عدت علي خير مش شايفيني مليانة شاش ازاي.
حنان: دي عين و صابتك يا بنتي عين و صابتك و الله.
غصون: شكلها عين سودة يا طنط عندك حق ابقي ارقيني بقي.
عدنان رفع حاجبه لغصون و هي بصتله ببرود.
غصون: عايزة انام يا سي عدنان.
عدنان خد غصون و طلع بيها لفوق و هو مصدوم من تغيرها المفاجئ.
عدنان حط غصون علي السرير بتاعها.
غصون: لسة بتحبها؟!

عدنان: تحبي اساعدك في تغيير هدومك؟!
غصون: مش هسمحلك تتوه زي المرة اللي فاتت لسة بتحبها.
عدنان: نبقي نتكلم بعدين انا تعبان انا كمان.
عدنان ساب غصون و خد هدوم ليه و دخل الحمام خد دوش و غير هدومه و رجع علي اوضته لقي غصون كانت غيرت هدومها.
عدنان: خدي دؤاكي.
غصون: مش واخداه.
عدنان: ده أمر.
غصون: متعودتش اخد امر من حد.

غصون راحت علي السرير و بدأت تنام و عدنان دخل المطبخ جاب ماية و راح ناحيتها شغل النور و مسك الأقراص بتاعت غصون في ايده.
عدنان: مش عايز هزار قومي خدي الدواء.
غصون(بهدوء): قولت هنام.
عدنان قوم غصون و فتح بوقها غصب و وداها الدواء و شربها الماية و غصون قعدت تكح و بصتله بغيظ.
عدنان: كدة أفضل يلا نامي.
عدنان طلع تليفونه و اتصل بمامته زينب، الخط اتفتح.
عدنان: الو يا امي.
زينب: ايه يا حبيبي؟!

عدنان: متخليش داليا تطلع الشقة هنا.
زينب: حاضر يا حبيبي غصون عاملة ايه دلوقتي؟!
عدنان: الحمدلله كويسة. يلا تصبحي علي خير.
عدنان قفل مع زينب و راح نام جمب غصون.
غصون لفت ضهرها و حضنت عدنان اللي غمض عيونه و بدأ ينام...
تحت.
داليا(بعصبية): بعني ايه ممنوع اطلع فوق؟!
حنان(ببرود): و الله يا حبيبتي انتي مكانك اصلا عمره ما كان فوق و كمان راجل و مراته عايزين يقعدوا براحتهم عندك مانع.

داليا(بعصبية): يلا يا يارا نمشي.
شهاب(بحدة): مش هتتحركي من هنا، دي بنت عدنان و هو اللي يقول امتي تمشي و امتي لا عايزة تمشي انتي امشي هو ملهوش حكم عليكي.
يارا: جدو متزعقش لمامي.
شهاب: مش بزعق يا يارا، يلا تحبي تنامي جمب عمتو زينة و لا عمتو عهد؟!
يارا: عمتو زينة.
زينة(بابتسامة باهتة): تعالي يا حبيبتي.
زينة خدت يارا من جمب داليا و عمر و دخلت أوضتها و دخلت وراها عهد.
زينة: ايه مالك؟!

عهد: مش عارفة من ساعة ما الحرباية داليا دي جت و في مشاكل عمالة تحصل.
زينة(بحدة): عهد.
عهد بصت ناحية يارا اللي عيونها دمعت...
يارا: انتوا ليه كلكوا بتكرهوا مامي؟!
زينة: لا يا حبيبتي احنا مش بنكره مامي و كمان كفاية ان مامي جابت لينا القمر ده كله.
زينة: هي بس مامي بتعمل شوية تصرفات وحشة، يلا ننام بقي بكرة علشان نصحي نرخم علي بابا عدنان ايه رأيك.
يارا: ماشي.

زينة خدت يارا في حضنها و بدأت تنام,عهد نامت علي السرير التاني...
عند الباقي.
داليا دخلت نامت في أوضة الضيوف و كل واحد دخل أوضته.
اتبقي عمر مع مامته سوسن.
سوسن: هو ايه اللي حصل؟!
عمر: مفيش.
سوسن: ناوي علي ايه؟!
عمر: لسة بفكر انا داخل انام.
عمر ساب سوسن و دخل أوضته ينام,سوسن دخلت هي كمان أوضتها...

-في مكان تاني...
عند قاسم.
قاسم كان واقف قدام باب شقة ماسة.
ماسة: مش بتفهم ما انا رفضت مرة.
قاسم: بعد الجواز ابقي فكريني اقصلك لسانك.
ماسة: و الله لانادي ليك البواب.
قاسم: انجزي يا بت تقبلي تتجوزيني.
ماسة: ما رديت عليك و قولتلك لا لا لا لا.
سندس: ما تأخدي وقت يا بنتي و فكري.
ماسة: ملكيش دعوة انتي.
قاسم: طيب علي بركه الله اخر الاسبوع هجيب اهلي و اجي اطلب ايدك.
ماسة: هرفضك و هيبقي شكلك وحش قدام اهلك.

قاسم: و مين قالك انك هترفضيني اصلا قوليلي سبب واحد.
ماسة: معرفكش.
قاسم: هنتعرف في فترة الخطوبة.
ماسة: عايزة أتجوز عن حب.
قاسم: انا معجب بيكي عن نفسي بالنسبة بقي ليكي فمعتقدش من كتر مشاكلك اللي بتعمليها دي لاقية وقت تحبي اصلا.
ماسة: يا رخم.
قاسم: ها قولي ايه تاني مش عاجبك؟!
سندس: وديه فرصة يا ماسة بقي.
ماسة: تيجي انت و اهلك الاسبوع الجاي و ساعتها أكون قررت.

ماسة قفلت الباب في وش قاسم و قاسم ابتسم علي تصرفها.
سندس(بهمس): يا بنت المجنونة قفلتي في وشه.
قاسم: صبرا جميلا يا ماسة.
ماسة حطت ايديها علي قلبها و بصت لسندس.
ماسة: مشي؟
سندس شافت من العين السحرية لقته لسة واقف.
سندس: لا.
ماسة لفت و فتحت الباب لقت قاسم لسة واقف.
ماسة: خير افندم؟!
قاسم: نسيتي تأخدي دول.
ماسة شدت منه الشنطة اللي في ايده.
ماسة: خير ايه دول؟!
قاسم: هتعرفي يلا باي.

قاسم ساب ماسة و مشي و ماسة ابتسمت و دخلت الشقة تاني.
سندس: اخيرا هنجح علي قفاكي.
ماسة: بس يا حيوانة.
ماسة فتحت الشنطة لقت بوكية ورد صغير و كذا نوع شيكولاتة.
ماسة: ايه اللي هو جايبه ده؟!
سندس: بس انتي مش بتفهمي. يا ريته كان طلبني انا بدل مبلدة المشاعر دي.
ماسة: مبحبش الشيكولاتة.
سندس: وسعي كدة يا رخمة هأخدهم انا.
ماسة: ابدا متمديش ايدك هرجعهم ليه.

سندس: يالهوي يا بت يخربيتك. انا متأكدة ان دكتور قاسم هيندم انه اتجوزك مش عارفة شاف فيكي ايه حلو.
ماسة: تعالي و انا اقولك.
سندس: يا ماما.
ماسة قامت تجري ورا سندس و سندس قعدت تجري في الشقة كلها,ماسة قلعت الشبشب بتاعها و حدفتها بيه.
سندس: مجاش.
ماسة: اه يا تربية زبالة.
سندس ضحكت و دخلت أوضتها,ماسة قعدت تفكر في موضوع قاسم.

-في مكان تاني...
عند رامي و نور.
رامي: نور.
نور(بتوتر): نعم.
رامي: مش قولتلك مية مرة متنزليش من غير أذني؟!
نور: و مين قالك إني نزلت؟!
رامي(ببرود): البواب يا نور لو كنتي فاكرة انع لما تقوليله ميقولش ليا مش هيقول لا تبقي غلطانة.
نور(لنفسها): أشوف فيك يوم يا عم صبري.
نور: ده انا ده انا روحت اااا...
رامي: ايه هنجتي يعني؟!
نور(بتوتر): بقولك ايه يا رامي؟!
رامي: ايه؟!

نور: هو مش أنت كنت عايزنا نخلف بنوتة صغيرة.
رامي(بصدمة): افندم ايه دخل ده في ده!
نور: انا بقي نفسي أخلف ولد صغنون كدة عسل.
رامي(برفعة حاجب): و الله.
رامي: طيب يا روحي معنديش مانع.
نور: رامي احنا مش هينفع نكمل مع بعض.
رامي: اه و ايه كمان يا ست نور قولي متخافيش.
نور: انا بقولك ايه.
رامي: لا انا اللي هقول بقي.
نور: يا مجنون اهدي.
رامي: ايه رأيك اعلقك في البلكونة و لا علي باب الشقة. محتار أوي.

رامي جري ورا نور اللي جريت الاوضة و قفلت الباب بسرعة.
نور: و ضحكت عليك و مش هتقدر تدخلي.
رامي: افتحي الباب يا نور. بقي انا تستغفليني.
نور: مكنش مشوار روحته من غير ما أقولك.
رامي: يعني انتي شايفة انك مش غلطانة.
نور: تؤ.
رامي: طيب يا نور.
رامي ساب نور و راح ناحية باب الشقة فتحه و قفله.
نور: رامي يا رامي. انت مشيت؟!
نور: يا ابني.

نور فتحت الباب حتة بسيطة و خرجت رأسها بصت يمين و شمال ملقتش رامي خرجت راحت الصالة.
نور: اوف هربت منه دلوقتي اومال بعدين اعمل ايه.
رامي كان واقف ورا نور و راح شالها من خصرها و لف بيها و هي قعدت تصرخ.
رامي: قولي حرمت.
نور: حرمت...
رامي رمي نور علي الكنبة لما تليفونه رن طلعت و فتح الخط.
رامي: آنسة ليليان.
رامي: طبعا حاضر.
رامي: أمرك. زي ما تحبي انتي.
رامي: اول ما تيجي قولي انك تبع استاذ رامي هيدخلوكي.

رامي: تمام مع الف سلامة. سلام.
نور قامت وقفت و حطت ايدها في جمبها و بصت ل رامي برفعة حاجب.
نور: مين ليليان؟!
رامي: عميلة عندي.
نور: حلوة؟!
رامي: اه.
نور: بتلبس قصير و بتبين رجليها و آنسة؟!
رامي(باستغراب): اه.
نور: و انت ركزت في رجليها ليه بقي؟!
رامي: ااااه هو ده بداية النكد.
نور: أيوه انت مبقتش تحبني و بقيت تبص لبنات بره.
رامي: الصبر يا رب. نور متخرجيش بره باب الشقة ده احسنلك و انا رايح الشركة.

نور: هاجي معاك.
رامي: مش رايح اتفسح.
نور: انا هاجي معاك يعني هاجي معاك.
رامي: استغفر الله العظيم...
رامي ساب نور و كان رايح ناحية الباب بس هي جريت عليه و وقفت قدامه.
نور: مش هتروح النهاردة أو تأخدني معاك.
نور: ايوه انا مهما عدي الزمن هفضل أغير.
رامي(بحدة): نور.
نور بصت لرامي بدموع و بِعدت من جمب الباب و راحت علي أوضتها و بعد دقايق لقت رامي بينام جمبها علي السرير.
رامي: قولتيلي بقي هنعمل ايه النهاردة؟!

نور ابتسمت لرامي و حضنته و هو باس رأسها.

-في الصباح الباكر.
عند غصون.
غصون قامت من نومها قبل عدنان و قامت من جمبه دخلت الحمام غسلت وشها و دخلت المطبخ عملت لنفسها نسكافيه بعد ما قعدت نص ساعة تدور علي مكان النسكافيه...
غصون لقت موبايلها بيرن مسكته و فتحت الخط و راحت وقفت في البلكونة.
غصون: خير؟!
نور: حاسة بملل فقولت اكلمك.
غصون: اومال فين رامي ده مش ميعاد شغله.

نور: أصلي خليته امبارح يقعد معايا و سهرنا مع بعض و هو لسة نايم و انا قولت اكلمك اطمن عليكي.
غصون: اممم انا بخير الحمدلله.
نور: أخبار جوزك ايه؟!
غصون: يعني احوالنا تمام.
نور: بتعملي ايه؟!
غصون: بشرب نسكافيه.
نور: انتي واثقة من قرار الجواز ده؟!
غصون(بتنهيدة): و الله ما أعرف يا نور لقيت نفسي فجأة بوافق علي جوازي من عدنان معرفش إذا كان الصح و لا الغلط.
نور: و عدي؟!

غصون(بملل): الموضوع بس يتحل و ساعتها ابقي أندمه علي اللي عمله فيا.
نور: كل يومين ينط ليا و يقولي فين غصون.
غصون: لو قدامي دلوقتي همسك سكينة و اقتله و ارتاح منه و انتقم للي عمله.
نور: خلي بالك.
غصون: المشكلة بقي إني أكتشفت أن عدنان كان متجوز و عنده بنت.
نور: بجد!
غصون: أيوه انا مش عارفة ليه اتلغبطت من ساعة ما عرفت الموضوع ده.
نور: لو انا معرفكيش كنت قولت أنك بتحبيه بس انا عارفاكي كويس مبتحبيش بسرعة.

غصون: مش عارفة يا نور بس.
عدنان(بنوم): غصون.
غصون: صحيت؟!
عدنان قعد علي الكنبة و غصون قفلت مع نور و راحت ناحيته و وقفت قدامه.
غصون: ايه مالك؟!
عدنان: حاسس بصداع.
غصون: في هنا برشام مسكن؟!
عدنان: لا...
غصون: طب في تحت؟!
عدنان: مش بحب الدواء.
غصون: هو بمزاجك.
تليفون عدنان رن غصون دخلت الاوضة جابته و ودته لعدنان، الخط اتفتح.
غيث: الو.
عدنان: ازيك يا غيث؟! أخبارك؟
غيث(بخفوت): تعالي انا تعبان شوية.

عدنان(بقلق): خير مالك؟!
غصون جريت ناحية عدنان و هي قلقانة علي غيث.
غصون: ماله؟!
عدنان: طيب خليك انا جايلك.
غصون: هو كويس رد عليا؟
عدنان: هروح اشوفه اهو.
غصون: خدني معاك.
عدنان: طيب.
عدنان دخل خد هدومه و دخل الحمام و غصون دخلت الاوضة غيرت هدومها.
غصون لبست بنطلون أبيض و فوقه تي شيرت باللون الازرق بكم لغاية الركبة مفتوح من الجمب و لبست كوتشي أسود.

عدنان خرج و خد غصون و نزلوا لتحت ركبوا عربية عدنان و راحوا لبيت غصون القديم.
عدنان طلع للشقة و خبط أم عبده طلعت.
أم عبده: نورتنا يا اسطا عدنان.
غصون قعدت تخبط علي باب شقتها و هي بتنادي علي غيث لقت غيث بيفتح الباب بخمول شديد و وقع علي الارض.
غصون(بخضة): غيث!
غصون نزلت بسرعة لمستوي غيث و بصت لعدنان بدموع.
غصون: غيث ماله؟!
عدنان: اهدي.

عدنان طلع تليفونه اتصل بالدكتور عادل و بعد ما خلص نزل لمستوي غيث و شاله و دخل أوضته حطه علي السرير.
أم عبده: يا مصيبتي ايه اللي حصل؟!
عدنان(بحدة): اطلعي بره.
غصون(بدموع): حرارته عالية.
بعد فترة الدكتور عادل جه و بدأ يفحص غيث و كتب ليه علي علاج و مشي مع عدنان.
عدنان: خير يا دكتور؟!
عادل: واضح أنه اتعاطي حاجة و مناعة جسمه مستحملتش فعملت ليه كل ده.
عدنان: حاجة زي ايه؟!
عادل: حشيش بودرة.
عدنان: طب و الحل؟!

عادل: الرعاية التامة و هو علي بليل هيبقي أحسن بس لو اتكرر الموضوع ده هيبقي مدمن و هيدخل في سكة تانية لازم رعاية با اسطا عدنان.
عدنان: طيب شكرا يا دكتور. اتفضل حسابك.
عدنان دخل لاوضة غيث اللي كان نايم في حضن غصون.
غصون: الدكتور قالك ايه؟!
عدنان: مجرد دور برد بس متقلقيش.
غصون: انت بتكدب عليا؟!
عدنان: و هكدب ليه يعني.
غصون: طيب.
غصون باست رأس غيث و عدنان قرب منها و مسك ايديها بهدوء و بصلها في عيونها.

عدنان: غصون انا عارف أنك بتحبي غيث و بتحبيه أوي كمان و بتعتبريه ابنك مش أخوكي بس بلاش قلقك الزايد ده هو خلاص الحمدلله بخير و الدكتور طمنا مش عايزك تعيطي و تخافي.
غصون(بعياط): انا خايفة عليه أوي أول مرة يتعب كدة.
عدنان خد غصون في حضنه و باس رأسها...
عدنان: هعدي عليكي بليل.
عدنان: ماشي؟!
غصون: ماشي.

عدنان مسح دموع غصون و مسح علي شعرها بهدوء و سابها و خرج بره الشقة و نزل ركب عربيته و ساق و هو ماشي لمح يوسف قطع عليه الطريق و.