رواية حارة العشق للكاتبة سلسبيل كوبك الفصل السابع

رواية حارة العشق للكاتبة سلسبيل كوبك الفصل السابع

غصون لفت بسرعة لقت شخص ماسك مسدسه و حاطه في وشها,فتحت عينيها علي آخرهم و رجعت ل ورا كذا خطوة.
شخص: مش هتقدري تهربي.
غصون(بخوف): في ايه؟!
غصون(بخوف): عايز مني ايه؟!
فجأة غصون لقت عدنان بقي واقف قدامها.
و فجأة سمعوا صوت رصاصة طالعة من مسدس الشخص اللي قدام عدنان و غصون.
غصون اتنفضت و وقعت من علي السرير مخضوضة من الحلم.
غصون(و هي بتنهج): إيه ده إيه ده؟

غصون بصت حواليها لقت نفسها قاعدة علي الارض و في أوضتها اللي في الشقة اللي في الحارة.
غصون لقت في عرق علي وشها و مكنتش قادرة تتنفس.
غصون: آه يا جسمي آه.
غصون قامت قعدت علي السرير و هي حاسة بوجع لسة في جسمها,سمعت الباب بيخبط.
غصون خرجت ل بره لقت غيث بيفتح الباب و منار دخلت و هي بتسأل علي غصون.
غيث: نايمة هدخل اصحيها.
غصون: انا صاحية يا غيث.
منار(بخضة): مال وشك أصفر و بتعرقي جامد كدة ليه؟

غصون(بتعب): مفيش هدخل الحمام خليكي جايالك.
غصون دخلت الحمام غسلت وشها كذا مرة و رفعت رأسها للمراية اللي قدامها و اتنهدت.
غصون خرجت بره الحمام قعدت جمب منار.
غصون: غيث.
غيث: نعم يا غصون.
غصون: سيب الموبايل شوية من إيدك و أدخل شوف عليك دروس إيه علشان هنزل معاك.
غيث(بضيق): حاضر.
غيث دخل أوضته و غصون لفت ل منار.
غصون: عملتي إيه في اللي قولتلك عليه؟!
منار: لقيتلك شغل حلو أوي و قدام بيتك.
غصون: إيه؟!

منار: هتشتغلي في المكتبة بتاعت أبويا.
غصون: لا و انا ليه أتقل عليكم؟!
منار: يا بنتي ما انتي هتشتغلي بعرق جبينك و توفري فلوس ليكي و لاخوكي.
غصون: طيب يا منار بجد مش عارفة أشكرك إزاي.
منار: متقوليش كدة كفاية جدعنتك قدام أهل كل الحارة.
غصون: تسلمي يا منار.
منار: طب هنزل انا دلوقتي و انتي لما تروحي مع أخوكي الدروس ابقي تعاليلي و اظن انتي حفظتي الحارة.
غصون: يعني مش أوي.

منار: أخوكي بسم الله ما شاء الله حفظ أماكن دروسه انا اختارتلك احسن مدرسين هنا.
غصون: شكرا يا منار بجد هردلك كل جمايلك دي بس لما اقدر...
منار: متقوليش كدة يلا فوتك بعافية...
منار مشيت و غصون دخلت لاوضة غيث.
غصون: يلا قوم جهز نفسك.
غيث: هو لازم موضوع الدروس ده؟!
غصون: ايوه لازم موضوع الدروس ده و بطل كسل هو أنت علشان قعدت يومين من غير مذاكرة أو دروس تعمل كدة يلا قوم.

كل واحد بدأ يقوم بلبس هدومه و خرجوا بره الشقة.
غصون: انت متأكد من مكان الدرس و لا هتوهنا؟
غيث: عيب عليكي.
أم عبده: علي فين العزم إن شاء الله؟
غصون: مكان ما أروح يا طنط عن إذنك مستعجلة.
أم عبده: هي بقت كدة. ماشي إما وريتك مبقاش انا.
غصون: يلا يا حبيبي يلا علشان نلحق.
الاتنين خرجوا بره البيت و أم عبده اتضايقت من غصون.

الاتنين بدأوا يتمشوا في الحارة لغاية ما وصلوا لمكان درس غيث,كان عبارة عن بيت صغير غصون وقفت قدام الباب.
غصون: هو ده؟
غيث: أيوه مدرس العربي بيودي هنا أستاذ علي الوحش.
غصون ضحكت علي الاسم و كذلك غيث.
غصون: طب بص حاول متضحكش تمام.
غيث(بضحك): هحاول بس مش هقدر.
غصون(بضحك): بس بقي يا رخم.
غصون هدأت نفسها و دخلت مع غيث الدرس.
غصون: لو سمحت.
كل الشباب تنحوا و هما بيبصوا ل غصون,و البنات بدأت تتهامس مع بعض.

علي: اتفضلي.
غصون: غيث أخويا في تانية ثانوي كنت عايزة حضرتك توديه درس.
علي: اه اه طبعا. نتشرف باسمك؟
غصون: غصون.
علي: تشرفت. اتفضل يا غيث.
غيث: شكرا.
غصون: ابقي تعالي أنت يا غيث.
غصون: عن أذنك.
عهد(بهمس): هو ده الواد المز اللي قولتلك عليه يا بت يا حور.
حور(بهمس): بت خليكي في حالك.
عهد(بهمس): عيونه ملونه و أبيض في زي كدة فين.
حور(بهمس): هيفيد بأيه يا عهد ما ممكن أخلاقه تبقي وحشة. و ركزي في الحصة.

علي(بحدة): حور و عهد اسكتوا شوية.
غيث لف ناحية ما علي بيشاور علي عهد و حور و بعدها بص تاني للمدرس.
غصون خرجت من الدرس و بصت حواليها بتحاول تفتكر الطريق و بدأت تمشي.
غصون اتكعبلت و وقعت و الكوتشي اتقطع.
غصون: هو ده وقته!
غصون لقت خيال حد قدامها فرفعت رأسها لقت عمر قدامها و مال بوشه ناحيتها.
عمر: ازيك يا حلوة.
غصون(بهدوء): ابعد وشك بريحتك المقرفة دي بعيد عني.

عمر اتعصب من كلام غصون و مسكها من شعرها جامد و غصون مسكت ايده اللي ماسكة شعرها.
غصون(بعصبية): ايدك الزبالة دي شيلها أحسنلك.
عمر(بابتسامة مستفزة): و لو معملتش؟
عدنان(بحدة): عمر.
عمر بِعد ايده عن شعر غصون اللي قامت وقفت و هي بتنفض هدومها و رجعت شعرها ل ورا.
غصون(بعصبية): أنت قليل الأدب علفكرة.
عمر(بحدة): ما تحترمي نفسك يا بت.
عدنان: ارجعي بيتك يا آنسة يلا.

غصون(بعصبية): و أنت مالك انت كمان ارجع بيتي و لا مرجعش ده إيه القرف ده.
عدنان بص ل غصون بغضب و مسكها من دراعها و شدها وراه غصون ضربته علي دراعه جامد.
غصون(بعصبية): وسع ايدك دي أنت مبتعرفش تتعامل مع بنات خالص ايدك الغبية دي ابعدها.
عدنان ساب دراع غصون و زقها و هي رفعت كم التي شيرت و بدأت تدلك مكان ما هو مسكها.
غصون(بعصبية): إيه ماسك بهيمة؟
غصون(بعصبية): و كمان تلمسني بتاع ايه انت...

عدنان(بحدة): صوتك يوطي احسن و ربي أعرفك ازاي بتعامل مع البهايم فعلا.
غصون ضربت عدنان في كتفه بغضب.
غصون(بعصبية): ما علشان أنت بهيم فعلا.
عدنان: أستغفر الله العظيم.
عدنان: بصي يا بنت الناس عمر اللي كان بيكلمك دلوقتي لما تشوفيه ابعدي عنه أحسن حاجة و لو ضايقك أو عملك حاجة تعاليلي في الورشة.
غصون: ليه مقدرش أحمي نفسي يعني؟
عدنان بص ل غصون بنظرة تقيمية من تحت ل فوق.
عدنان: و الله ما تقدري تحمي فرخة حتى.

عدنان ساب غصون اللي شهقت بصدمة من كلامه.
غصون: الحيوان.
غصون دبت برجيها في الارض فاتوجعت.
غصون: منك لله يا شيخ. و انا اروح ازاي بأم الكوتشي ده.
غصون بدأت تمشي لغاية ما وصلت لبيتها طلعت غيرت الكوشتي بكوتشي تاني و نزلت المكتبة ل منار.
غصون: السلام عليكم.
عيسي: عليكم السلام. اتفضلي يا بنتي.
غصون: انا غصون يا عمو ال.
عيسي: خشي يا بنتي معروفة مش هقدر انسي جدعنتك مع بنتي و انا راجل عجوز مش قادر حتى احميها.

غصون: متقولش كدة يا عمو. انت غصب عنك و انا متأكدة انك لو كنت تقدر تحميها و تفديها بروحك عمرك ما كنت تتردد ابدا.
غصون(بحماس): ها قولي بقي اعمل ايه معاك.
عيسي(بابتسامة): تعالي و الله من النهاردة انتي زي منار بنتي.
غصون: شكرا يا عمو...
عيسي: تعالي أفهمك.
الاتنين بدأوا يشتغلوا مع بعض و غصون كانت متحمسة شوية.
عيسي: هروح اصلي العصر في الجامع.
غصون: تمام يا عمو.

غصون فضلت في المكتبة لوحدها دخلت عليها شهد و هي ماسكة طرف عبايتها في ايديها...
شهد(بسخرية): أنتي يا بت.
غصون(لنفسها): و ربي لو عندي الفرصة كان زماني قتلتك.
غصون: أولا انا مش بت انا ليا اسم غصون.
شهد: اسم مايع زي صاحبته.
غصون: و الله حضرتك ملكيش دعوة باسمي ده اسمي و انا حرة.
شهد: بقولك ايه يا بت نتكلم جد.
شهد: تأخدي كام و تخلعي من المنطقة؟
غصون: هو العرض مغري الصراحة بس انا معنديش أي مانع.

غصون: بس لما امشي من هنا التمن غالي شوية...
شهد: كام يعني 5 باكو.
غصون(بسخوية): ده انتي غلبانة أوي.
غصون: انا اقل من 3 مليون جنيه مش همشي.
شهد(بغضب): 3 ايه يا روح امك. 3 مليون عفريت يركبوكي.
غصون(ببرود): يبقي خلاص تتفضلي تمشي من غير مطرود لو مش هتشتري حاجة.
شهد(بغضب): انتي ازاي كدة؟
غصون: و الله دي شخصيتي ساعات ببقي كيوت خالص بس لو اضطر الامر بقلب و زي ما بتقولوا ربنا ما يوريكي قلبتي.

شهد ضربت غصون قلم علي وشها,منار في اللحظة دي جت و شافت اللي حصل دخلت جري.
منار(بعصبية): ايه اللي انتي بتعمليه ده؟!
شهد: كنت بوريها مقامها.
منار(بعصبية): في ايه يا ست شهد ما كل واحد يحترم نفسه كدة و يشوف اللي تحت رجله...
شهد(بسخرية): مبقاش غير المطلقين يتكلموا.
منار: و مالهم المطلقين يا ست شهد مش احسن من اللي مدوراها.
شهد(بغضب): لا بقي ده انتي شكلك الشبشب واحشك.

شهد وطت و مسكت الشبشب و لسة بتضرب بيه منار لقت غصون بتمسك ايديها و نزلتها و تنتها.
شهد(بوجع): يا بنت ال سيبي ايدي.
منار: خلاص يا غصون اهدي.
غصون(بحدة): هسيبك و تطلعي بره و مش عايزة أشوف وشك بعد كدة أحسن و ربي لأكون كسرالك دراع.
غصون(بحدة): بره.
غصون زقت شهد و شهد بصتلها بغضب و عدلت طرحتها و قربت من غصون.
شهد: يا انا يا انتي يا زفتة.

شهد مشيت بره المكتبة و هي في قمة غضبها و بتفكر ازاي تخلص من غصون و تخرجها بره الحارة.
منار: روقي كدة يا غصون اهدي.
غصون(بعصبية): شخص غريب كدة بتحب الشر كدة ليه.
غصون(بعصبية): انا عملتلها حاجة شوفتي مني حاجة وحشة يا منار.
منار: شهادة حق لا يا غصون. من ساعة ما جيتي في حالك مبتحبيش المشاكل بس مش عارفة من ساعة ما جيتي و الدنيا مخبطة معاكي ليه.
غصون: و لا انا.
منار: خلاص اهدي و تعالي نتكلم في أي حاجة تانية.

-في مكان تاني.
عند غيث.
علي: و أنت يا غيث عايزك المرة الجاية يبقي معاك الكتاب.
غيث: حاضر يا مستر.
غيث قام وقف و المجموعة بدأت تخرج.
حور: يلا يا عهد بسرعة.
عهد: أهو جاية.
عهد كانت هتمشي لقت في وشها ولد أسمه زياد.
زياد: برضو مش هتديني رقمك يا عهد؟
عهد(بعصبية): ما قولتلك لا يا أخي انت بتفهم منين و كمان انت مش عارف ان عدنان يبقي اخويا و ممكن يعمل فيك ايه.

زياد: طب بصي بقي يا ست الشريفة انتي لو مودتنيش رقمك دلوقتي هفضحك و هقلب عليكي. فمتزعلنيش منك.
حور(بعصبية): و انت مالك بيها يا زفت انا ما تحترم نفسك معندكش اخوات بنات.
زياد: لا معنديش. و اخرجي من الموضوع انتي يا حور.
زياد زق حور اللي كانت هتقع بس ايد غيث لحقتها,غيث وقف قدام حور و عهد و بص ل زياد.
غيث حط ايده في جيبه ببرود و بص ل زياد بنظرة حادة.

غيث: خد بعضك من هنا و امشي و لو قربت منهم تاني صدقني مش هيحصل كويس.
زياد: طب بس يا حبيب اختك من هنا.
زياد زق غيث اللي مرجعش خطوة ل ورا بالعكس قرب من زياد و ضربه بوكس في وشه.
غيث: حبيت أنهيها ودّي بس أنت محبتش، استحمل بقي يا حبيب أمك.
زياد بص ل غيث و ضربه بوكس بس غيث فلت و مسك ايده حطها ورا ضهره.
الكل اتجمع و نادوا لاستاذ علي اللي خرج و حاول يبعد غيث عن زياد.
زياد كان بيتوجع من ضغط غيث علي ايده...

غيث: عايز أشوفك قريب منهم يا خفيف.
غيق زق زياد علي الارض و ساب الكل و مشي و مستمعش لاستاذ علي اللي نادي عليه حتى.
حور(بعصبية): يلا يا عهد دلوقتي.
حور شدت عهد و مشيوا و عهد كانت مبهورة ب غيث...
عهد: بت يا حور انا قررت اتجوز.
حور: ما ايه الجديد انتي نفسك في كدة اصلا.
حور: امشي قدامي.
عهد: ما انا مش هتجوز اي حد هتجوز الواد المز الحليوة غيث ده.
حور: يالهوي علي دماغك امشي يا عهد يلا.

حور و عهد كل واحدة رجعت بيتها,و كذلك غيث.

-في مكان تاني...
عند رامي و نور.
رامي: كدة كويس؟!
نور: اه شكرا يا رامي.
رامي: بس يا هبلة.
نور: انا آسفة بتعبك معايا و بخليك تساعدني في كل حاجة.
رامي: متقوليش كدة يا نور و انا لو موقفتش معاكي هقف مع مين يعني هروح اقف مع واحدة غريبة في الشارع لا طبعا. انتي أحلي حاجة حصلتلي انا زعلان بس لاني شايفك تعبانة غير كدة انا مش زعلان انا يهمني راحتك و بس.
نور: ربنا يخليك ليا.
رامي: و يخليكي ليا يا حبيبتي.

رامي قعد جمب نور و هي كانت ساندة برأسها علي كتفه و هو كان بيشتغل علي اللاب توب.
نور: حلو أوي الفيلم ده يا رامي ركز.
رامي: حاضر لحظة هعمل حاجة علي اللاب.
نور: طيب.
الباب خبط,رامي قام فتح الباب لقي مراد.
رامي: أدخل.
مراد: مالك يا عم مش طايقني ليه؟ ايه اخبار غصون؟
نور(بشهقة): غصون انا نسيت. انا افتكرتها سافرت زي ما بتسافر كل شوية.
رامي: اهدي منكَ ليها غصون بخير كلمتها من فترة بسيطة. اهدوا بقي.

مراد: ازاي يعني غصون هتقدر تعيش في الحارة اللي انت معيشها فيها ده مكان بيئة و ناس غجرية.
رامي: و دي الحاجة الوحيدة اللي تخليها بأمان لفترة معينة حتى.
مراد: بس هي أكيد برضو مش هتكون مرتاحة هناك.
رامي: قول أنت بس يا رب و كله هيعدي اهدي بقي.
مراد: و انتي غبية تنزلي من غير ما تقولي لحد.
رامي: لا لا مراد انا مقدر اه انك اخوها لكن انا موجود و خلاص اللي حصل حصل.

مراد(بتقليد): لا لا مراد انا مقدر انك اخوها لكن انا جوزها.
نور(بغيظ): علفكرة هو مقالش كدة و متتريقش علي جوزي يا رزل انت.
مراد: ايه يا عصافير الحب ما تهدوا شوية.
رامي: طب ما تغور انت شوية في اي داهية.
مراد: لا انا جاي اصلا ابات.
مراد: بيت اختي بقي و كمان اه انا عيل رخم. و قوم اعملي أكل.
رامي: عيوني طبعا.
رامي قام وقف و راح ناحية مراد و وقف وراه و حط ايده علي كتفه و ضغط جامد...

مراد(بوجع): الله يخرببيت ايدك التقيلة دي.
مراد: وسع كدة.
نور(بضحك): خلاص يا رامي علشان خاطري.
رامي: انا هنا مش بعمل أكل لحد غير نور عايز تأكل اطلب دليفري او قوم اعمل لنفسك.
مراد: طب مش واكل.
رامي: وفرت برضو.
مراد: ده انت رخم انا غلطان اني خليت ابوكي يوافق.
رامي: ما أنت لو مكنتش اقنعته انت و غصون و ربي كنت خطفتها و هربت.
مراد: طبعا ما اذا حضرت نور ذهب عقلك يا رجل.
رامي: نور سيبيني اضربه يا نور.

نور(بضحك): خلاص خلاص معلش.
رامي: مستفزني...
مراد: انا داخل انام.
مراد سابهم و دخل علي أوضته اللي متعود ينام فيها.
رامي: كنا بنقول إيه قبل ما الرخم ما يجي؟
نور: رامي متنساش أنه مراد اخويا.
رامي: و متنسيش أنه مراد يبقي صاحبي من قبل ما أنتي تتولدي.
نور: يا رخم.
رامي كمل شغل علي اللاب توب بتاعه,نور سندت رأسها علي كتفه و كانت بتتفرج علي التلفزيون.
بعد فترة رامي باس رأس نور.
رامي: تحبي تخرجي بكرة في أي حتة؟

نور لا رد.
رامي بص ليها لقاها نامت ابتسم عليها و قام وقف و شالها و دخل بيها أوضتهم حطها علي السرير و غطاها و حط ايديها المتجبسة علي مخدة.
رامي خرج و طلع تليفونه و اتصل ب غصون.
الخط اتفتح.
غصون: ازيك.
رامي: الحمدلله و انتي؟
غصون: الحمدلله وديت غيث النهاردة دروس علشان متضعيش عليه سنة.
رامي: عين العقل كنت متأكد أنك هتعرفي تتأقلمي.
غصون(بتعب): بس في مشاكل كتيرة أوي.
رامي: زي إيه؟
غصون(بتعب): مفيش...

رامي: غصون انتي ا.
الخط اتقفل رامي حاول يتصل تاني ب غصون التليفون مغلق...
عند غصون.
غصون: أوف التليفون فصل.
غيث: حطيه علي الشاحن و ابقي كلمية بعدين.
غيث: و كمان بقي اقعدي ارتاحي هي مش ناقصة تعب...
غصون: يا ابني ما هو.
غيث: لازم نتعب و نشقي علشان نرتاح في الاخر.
غيث: ما انتي ياما شقيتي لسة في شقي تاني.
غصون: طبعا المستر قال أنه عايز الكتب...
غيث: صح.

غصون: طيب انا هتصرف المهم تكون عارف عليك إيه بكره لغاية ما اتصرف.
غيث: هتتصرفي منين؟
غصون: ملكش دعوة. المهم يلا خش نام و ارتاح علشان بكرة.
غيث: مش هتنامي؟
غصون: هقف في البلكونة شوية.
غيث: طيب يا غصون.
غيث دخل اوضته يريح شوية,غصون طلعت وقفت في البلكونة تستنشق هواء.

-في الصباح الباكر.
في بيت العربي.
كانوا كلهم بيفطروا مع بعض علي طبلية واحدة.
زينب: كنت عايزة حضرتك يا حاج قبل ما تمشي.
شهاب: طيب يا زينب.
سوسن: عايزاه في ايه يا زينب؟
حنان: و انتي مالك يا سوسن؟
سوسن(بغيظ): بسأل بس يا اخت جوزي.
زينة: احم بابا.
شهاب: قولي يا زينة.
زينة: كنت عايزة.
شهاب: قولي.
زينة(بخفوت): اشتغل.
شهاب: فلوس؟

عدنان(بحدة): كانت عايزة تشتغل يا حاج عايزة تشتغل و هي مش ناقصها حاجة عايزة تشتغل علشان تتمرمط في الشغل.
شهاب(بحدة): زينة.
زينة(بخوف): نعم يا بابا!
شهاب(بحدة): أعتقد اتكلمنا في الموضوع ده مرة و قولت لا متسوقيش بقي فيها.
زينب: خلاص اهدي يا حاج.
عدنان: عن أذنك يا حاج رايح الورشة.
شهاب: خلاص بس ابقي عدي علي عم هلال خد منه فلوس الجمعية.
عدنان: حاضر.
عمر: و انا مجبهاش ليه؟

شهاب: عدنان عارف الفلوس كام و هيعرف يتصرف.
عمر(بانفعال): اومال انا بعمل إيه بقي في الدنيا دي كل حاجة عدنان عدنان في إيه.
عدنان: عن اذنك يا حاج.
عدنان قام مشي و زينب بصتله قبل ما يمشي.
زينة: و انا كلت.
زينة قامت و هي متضايقة,و عمر مشي و هو في قمة غضبه.
شهاب(بحدة): سوسن علمي ابنك ازاي يتكلم مع ابوه.
شهاب قام و كان هيمشي بس نادي علي زينب.
زينب: حاضر اهو.
قاسم: انا داخل اشتغل شوية علي اللاب بتاعي عندي محاضرة.

قاسم قام دخل أوضته,زينب قامت بسرعة ورا شهاب و وقفت قدامه...
شهاب: كنتي عايزة ايه؟
زينب: بعدين يا حاج.
شهاب: انجزي يا زينب.
زينب: كنت عايزة اجوز عدنان انت عارف يعني ظروفه مينفعش يفضل من غير واحدة ست.
شهاب: عينك علي واحدة؟
زينب: اه.
شهاب: بنت ناس؟
زينب: اه. اخلاق و احترام.
شهاب: فاتحتيه في الموضوع؟
زينب: ما انت عارف يا حاج لو اتكلمت معاه هيعمل إيه.
شهاب: لازم فعلا واحدة في حياته.

شهاب: روحي اربطي كلام و انا هحطه قدام الامر الواقع.
زينب: ماشي يا حاج بس متحاولش تضغط عليه أوي انت عارف عدنان مبيحبش كدة.
شهاب بص ل زينب و سابها و مشي و زينب كانت مبسوطة من موافقة شهاب.
حنان: عملتي إيه؟
زينب: وافق.
حنان: طب كويس. كدة منشيلش هم عدنان خلاص.
زينب: طيب يلا نجهز نفسنا.
عهد(بهمس): هتعملوا مصيبة إيه؟
حنان: بس يا بت روحي شيلي الاكل و اغسلي المواعين.
عهد(بضيق): انا غلطانة إني جيت اتكلم معاكوا.

حنان و زينب بدأوا يجهزوا نفسهم.
سوسن: علي فين العزم إن شاء لله؟
حنان: عقبال عندك هنخطب ل عدنان يا سوسن.
سوسن: و هو عدنان هيوافق؟
زينب: طالما الحاج وافق خلاص.
استنوا فترة و بعدها خرجوا و اشتروا فاكهة و هما ماشين و كانوا ماشين رايحين للعروسة.
حنان: هي مالها أم عبده بتجري كدة ليه؟
حنان: أم عبده يا أم عبده استني.
أم عبده: إيه يا ست حنان؟
حنان: مالك بتجري كدة ليه في إيه؟

أم عبده: أصل البت اللي اسمها غصون دي تعبت و اخوها محتاس فنزلت اشتري مسكن.
زينب: يلا يلا نطمن عليها يا حنان.
حنان: إيه النحس ده؟
زينب: روحي انتي يا أم عبده.
ام عبده راحت الصيدلية و حنان و زينب طلعوا لشقة غصون و خبطوا الباب.
غيث: انتوا مين؟
حنان: متقلقش يا حبيبي. من طرف أم عبده دخلنا.
حنان و زينب دخلوا شقة غصون لقوها قاعدة علي الكنبة و وشها شاحب جدا و بتتنفس بصعوبة.
حنان: يا نهار أسود.

حنان جريت علي غصون و كذلك زينب و شافوا حرارتها لقوها ساقعة.
غصون(بتعب و خفوت): ازاي حضرتك يا طنط؟
زينب: مش مهم دلوقتي يا بنتي.
حنان: هي الحالة دي بتجيلها كتير؟
غيث(بقلق): لا.
أم عبده: جيت اهو جيت.
ام عبده: هات كوباية ماية.
غيث دخل جاب كوباية ماية وداها لام عبده شربتها كلها و كلهم بصوا لام عبده.
غيث(بعصبية): لو كنت فاضي دلوقتي كان زماني قتلتك.

غيث جاب كوباية ماية ل غصون و شد المسكن من ام عبده و وداه ل غصون و زينب بدأت تشربها ماية.
زينب و حنان قعدوا جمب غصون لغاية ما بدأت تفوق.
حنان طلعت ازازة بيبسي من شنطة جمبها.
حنان: جيب كوباية تشرب بيبس ترد روحها.
غصون(بتعب): ملهوش لزوم يا طنط.
حنان: بس انتي.
غيث جاب كوباية ماية و حنان صبت كوبايه بيبسي ل غصون و خلتها تشربها.
أم عبده: اومال انتوا كنتوا رايحين فين؟

زينب: شكرا يا أم عبده علي واجبك ده احنا هنهتم بيها روحي علي شقتك.
ام عبده: طيب ابقي اطمن عليكي بقي بعدين.
ام عبده خرجت بره الشقة بس وقفت تتصنت و مقفلتش الباب كله.
غيث: شكرا لحضراتكم.
زينب: متقولش كدة هي ساعدتني قبل كدة.
غصون: شكرا يا طنط ليكي و لحضرتك.
حنان: حمدلله علي سلامتك. وشك بقي زي البدر اهو.
غصون ابتسمت بهدوء ل حنان و بصت ل غيث...

زينب: بصي يا بنتي من غير لف و دوران احنا جايين نطلبك لابننا عدنان بس ال.
غصون كانت بتشرب من البيبسي تفت كل اللي في بوقها بصدمة و غيث بصلها بصدمة شديدة.