رواية حارة العشق للكاتبة سلسبيل كوبك الفصل الخامس
عمر ضرب غصون قلم علي وشها,و في نفس اللحظة كان عدنان وقف قدام غصون و ضرب عمر بوكس في وشه...
عمر كان في صدمة كبيرة و عدنان كان بيبصله بغضب,غصون شهقت و مسكت ايد غيث.
كل اللي موجود باصص للي بيحصل و مستمتع بيه.
منار(بدموع): يا اسطا عدنان ا.
عدنان(بحدة): مش عايز اسمع صوت.
عدنان قرب من طليق منار و مسكه بغضب من قميصه.
عدنان: هو مش انت طلقتها يا روح امك راجع تاني ليه و لا انا لازم اعلم عليك علشان متعتبش المنطقة تاني.
شخص: الله في ايه يا اسطا عدنان.
عدنان(بحدة): ايدك هنا متتمدش علي حرمة، اخويا لما رفع ايده علي حرمة مش حلاله انا ضربته و قدام الكل و مخافش لانه حق. و كذلك انت...
عدنان طلع من جيبه مطوة و ضرب بيها طليق منار في كتفه وقع علي ركبه في الارض بينزف.
طليق منار(بصريخ): دم دم.
الناس بدأت تشيل طليق منار يودوه للمصحة.
منار(بعياط): ربنا ينتقم منك يا فتحي يا ابن اعتماد.
عدنان: عم صبري خد بنتك منار و خشوا المكتبة.
عدنان(بغضب): و انتوا واقفين بتتفرجوا علي ايه يلا امشوا...
عمر قرب من عدنان بغضب و عدنان بصله بهدوء.
عمر(بغل): بتضربني علشان دي؟!
غصون خافت من نظرات عمر ليها و بصت ل عدنان.
عدنان: اضربك علشانها و علشان غيرها يا اخويا يا اللي انت المفروض الكبير بعد ابوك...
عدنان: و المفروض تتصرف بعقل. لما شخص غريب يمد ايده علي حرمة ماشي لكن لما يبقي انت معتقدش انها لطيفة يا ابن ابويا.
عدنان(بحدة): و انتي اطلعي علي فوق و متدخليش في مشاكل تاني و اتمني مشوفش وشك في الشارع تاني.
غيث: اخوك هو اللي غلط و انا عايز حق اختي و اردله القلم اللي ضربه ليها.
عمر(بغضب): حق مين يا ابو حق؟! ده انا افرمك انت و اختك تحت رجلي.
عدنان: حق اختك انا جبته يا غيث و بلاش تكبر المواضيع اللي حصل حصل خلاص.
عدنان: خد اختك و اطلعوا ل فوق.
ام عبده: ما يلا انتي لسة هتبحلقي يا غصون.
غصون طلعت مع ام عبده هي و غيث و دخلوا شقتهم.
عمر(بغضب): طيب يا عدنان لينا كبير يجبلي حقك.
عدنان: تعالي دلوقتي.
عمر(بغضب): تعالي.
الاتنين مشيوا و راحوا مكان ما شهاب موجود و وقفوا قدامه.
شهاب(بحدة): صح الكلام اللي وصلي؟!
عمر: ايوه يا حاج ضربني وسط الناس و...
شهاب(بحدة): تضرب حرمة في الشارع يا عمر. تضرب واحدة ست في حمايتنا قدام الخلق كدة.
شهاب(بحدة): بقي انا اللي بحقق العدل و بعلمك انت و اخواتك العدل تصغرني كدة قدام اهل البلد.
عمر: ما شوفتهاش قلت ادبها ازاي يا حاج.
شهاب: يبقي تتحاكم لكن باللي انت عملته كدة فقدت حقك يا ابن العربي.
شهاب: لولا تصرف عدنان كانت سمعتي في الارض.
عمر: هو عمل ايه يعني؟!
شهاب(بحدة): عمل ايه؟!
شهاب: بضربه ليك الناس هتقول ان ولاد الحاج شهاب العربي متفرقش حاجة عن الباقي و ان الغلطان يتعاقب، و انت غلطت لما مديت ايدك علي حرمة ملهاش ذنب و كمان مش حلالك.
شهاب: اعتذر لاخوك.
عمر(بغيظ): مش معتذر لحد يا ابويا. عن اذنك.
عمر ساب عدنان و شهاب و مشي,شهاب بصله بغضب.
شهاب(بحدة): و انت يا عدنان؟!
عدنان: نعم يا حاج.
شهاب(بحدة): مش قولتلك مية مرة ارمي الزفت المطوة دي...
عدنان: بس هي بتساعد يا حاج و كمان مش بأذي بيها حد غير اللي فعلا محتاج الاذية.
عدنان: هتعمل ايه في موضوع طليق البت منار.
شهاب: هفكر يا ابني هفكر.
عدنان: تمام يا حاج. هروح اشوف شغلي.
شهاب: خلي عينك وسط رأسك يا عدنان و اي مشكلة تحصل تتصرف انا بعتمد عليك.
عدنان: تسلم يا حاج عن اذنك...
شهاب: طيب.
عدنان ساب شهاب و رجع للورشة بتاعته و بدأ يشتغل.
رشدي: السلام عليكم.
عدنان: عليكم السلام و رحمة الله و بركاته...
رشدي: اقعدي يا شهد اقعدي...
شهد: لما سي عدنان يؤمر.
عدنان(ببرود): اقعدي يا شهد اقعدي.
رشدي بدأ يتكلم في مواضيع مش مهمة مع عدنان اللي خلاص جاب آخره.
عدنان: قهوتك بتناديك يا عم رشدي. و انتي يا شهد روحي شوفي اختك فين.
الاتنين بصوا ل بعض و بعدها بصوا لعدنان و خرجوا بره الورشة و هما متضايقين.
عدنان كمل شغل في هدوء تام.
-في مكان تاني.
في بيت العربي.
زينة: هو ايه الحارة اللي قلبت كل احوالها دي؟!
زينب: معرفش يا بنتي. و كل يومين بقي في خناقة.
حنان: شكل مجية الناس الجداد دي قلبت بنحس.
زينة: محدش عارف اخلاقهم يا عمتي.
حنان: بس باين من ساعة ما جم و كل حاجة اتقلبت في الحارة.
عهد: خشي يا حور.
حور: السلام عليكم.
الكل: عليكم السلام.
زينب: خشي يا حبيبتي ذاكري مع عهد جو.
حور: شكرا.
حور: -صاحبة عهد بنت مجتهدة عندها 16 سنة,شعرها طويل واصل لنهاية ضهرها,عيونها باللون البني الغامق,و عندها غمازة واحدة في جمبها اليمين و بشرتها خمرية.
عهد: ايه اخبار مامتك؟!
حور: تمام الحمدلله.
عهد: نبدأ نذاكر ايه؟!
حور: خلينا نبدأ بالرياضة.
عهد: ارخم مادة علي وجه الكون كله.
حور: الرياضة للي الناس اللي بتعرف تفكر يا فاشلة.
عهد: يا بت هضربك في وشك.
البنتين ضحكوا مع بعض و بدأوا يذاكروا.
عند الباقي.
حنان: اومال فين ابنك يا سوسن؟!
سوسن: تعبان و نايم بيشتغل كتير.
حنان(بسخرية): بيشتغل كتير؟!
حنان: عدنان هو اللي شايل الشغل كله يا ام عمر...
سوسن: ابني بيتعب و بيشقي يا حنان. و لمي الدور.
زينب: اهدوا بس يا جماعة، في ايه ل ده كله؟!
حنان: مفيش يا زينب.
عمر(بحدة و نوم): خير صوتكم عالي ليه؟!
سوسن: معلش يا بني قلقوا نومك. روح كمل نوم محصلش حاجة.
حنان بصت ل عمر بضيق,و بصت ل سوسن بغضب.
عمر(بحدة): ما خلاص صحيت بسبب صوتكم...
عمر سابهم و دخل اوضته غسل وشه و غير هدومه و خرج بره البيت.
سوسن: كدة خلتوه يمشي من غير اكل...
حنان: و احنا مالنا يا اختي.
زينة: ما تهدوا شوية بقي. مفيش فايدة فيكم...
زينة سابتهم و دخلت اوضتها,سوسن سابتهم و مشيت.
زينب: ربنا يهدي.
-في مكان تاني...
عند غصون.
غصون(بغيظ): ياااه لو كانوا بس يسبوني عليه كان زماني ضربته بدل القلم مية.
غيث: بس برضو اخوه ضربه قدام الناس كلها. مع انه مكفنيش و كان نفسي اجبلك حقك انا بس قولت احنا مش من هنا و بلاش نعمل مشاكل.
غصون: حبيبي.
غيث: و انتي بقي بعد كدة متدخليش في اي مشاكل تانية، متعمليش نفسك اخصائية اجتماعية...
غصون: يعني اسيب واحدة ست بتضرب في الشارع ايه المجتمع الذكوري ده.
غيث: الصبر يا رب لا تدخلي نفسك في مشاكل و في الاخر تتضري انتي.
الباب خبط.
غصون: طب اسكت طيب.
غصون قربت من الباب و فتحته لقت منار قدامها.
غصون: اتفضلي اتفضلي.
منار: آسفة إني جيت من غير ميعاد.
غصون: لا عادي اتفضلي.
منار دخلت و قعدت و جمبها غصون اللي شاورت ل غيث انه يقوم من المكان.
غصون: اتفضلي.
منار: بشكرك علي جدعنتك معايا تحت.
غصون: متقوليش كدة. انا مقبلش ان ده يحصلي فاكيد مش هقبل انه يحصلك.
منار: بنت اصول تسلمي.
غصون ابتسمت ليها و منار بصتلها.
منار: عرفت انك جديدة هنا و متعرفيش اي حاجة لو عوزتي اي حاجة ممكن اساعدك.
منار: عايزة مثلا تنزلي السوق عايزة تودي اخوكي دروس عايزة اي حاجة قوليلي عليها.
غصون: ايوه انا كنت عايزة انزل بس مرة نزلت توهت. فممكن تساعديني.
منار: ايوه من عينيا.
غصون: طيب لحظة هخش اغير هدومي و اجي.
منار: طيب.
غصون دخلت اوضتها بدأت تغير هدومها.
غصون لبست بنطلون أسود واسع و فوقه تي شيرت بكم باللون النبيتي لغاية بعد الخصر بشوية,و لبست كوتشي ابيض عالي نوعا ما و سيبت شعرها علي ضهرها.
غصون: غيث هنزل شوية اشتري كذا حاجة، خلي بالك من نفسك.
غيث: حاضر.
غصون: يلا يا.
منار: منار اسمي منار.
غصون: و انا غصون يلا.
الاتنين خرجوا بره الشقة و غيث قعد لوحده.
منار: هستأذن من ابويا في المكتبة.
غصون: طيب.
غصون كانت حاسة بدوخة و وقفت مستنية منار.
منار: يا ابا(بابا) هروح مع الست غصون اعرفها علي المنطقة.
والد منار(عيسي): طيب يا منار خلي بالك من نفسك و منها.
منار: حاضر.
منار: يلا يا غصون.
غصون(بابتسامة): شكرا انك جيتي معايا.
منار: انا حبيتك اوي اوي و شكلنا هنبقي اصحاب.
الاتنين بدأوا يتمشوا و منار بتحكي ل غصون عن اللي في المنطقة و الاماكن و الحواري...
منار: هنا ورشة اسطا عدنان ابن كبير المنطقة عادل جدا و مبيحبش يظلم حد و بيعامل الناس معاملة طيبة. للاسف امه ماتت و هو صغير فابوه اضطر يتجوز تاني.
منار: و قبل كدة ا.
منار(بخضة و صوت عالي): يالهوي ست غصون...
غصون كانت الرؤية عندها مشوشة لغاية ما بقت منعدمة و غصون وقعت في الارض مغمي عليها.
منار(بخوف): يا خلق الحقوني يا خلق، البت شكلها ماتت.
كل الناس بدأت تتلم حوالين منار و غصون اللي واقعة في الارض...
في الورشة عند عدنان.
عدنان: اخرج شوف ايه الدوشة دي يا خضير.
خضير: حاضر يا اسطا عدنان.
خضير راح و لقي الناس ملمومين حوالين غصون اللي مرمية في الارض و سأل واحد...
شخص: منار بتقول انها وقعت في الارض متعرفش حصل ايه.
منار: جيبوا الدكتور عادل بسرعة. البت هتروح مني.
منار: اخوها مستنيها في البيت يالهوي.
خضير راح ل عدنان و بدأ يقوله ايه اللي عرفه.
خضير: دي البت الجديدة بيقولوا فجأة وقعت في الارض.
عدنان(بضيق): حوارتها كترت البت دي.
عدنان راح ناحية الناس اللي ملمومين حوالين غصون.
عدنان(بحدة): كله يبعد.
عدنان نزل ل مستوي غصون و شاف النبض لقي في نبض رفع رأسه ل منار.
عدنان: لما انتي متفهميش في الطب بتقولي ليه انها ماتت؟!
عدنان: تعالي نوديها الوحدة.
عدنان و منار سندوا غصون و ركبوها عربية عدنان اللي ساق ناحية الوحدة الصحية اللي موجودة في منطقتهم...
بعد فترة وقف عدنان قدام الوحدة الصحية و نزل نادي ممرضات ساعدوا منار علشان يدخلوا غصون الوحدة الصحية.
عدنان و منار كانوا واقفين قدام اوضة الطورئ منتظرين الدكتور يطلع من عند غصون.
الدكتور: كله تمام كان نقص ?يتامينات، علقنا ليها محاليل و ربع ساعة و هتفوق.
عدنان: شكرا يا دكتور...
الدكتور: علي ايه بس كفاية مجيتك يا اسطا عدنان.
عدنان: خليكي معاها.
منار: شكرا يا اسطا عدنان علي واجبك ده.
عدنان(ببرود): بعد كدة متقوليش حاجة مش متأكدة منها.
منار: احم آسفة.
عدنان طلع فلوس من محفظته و حطهم في ايد منار.
عدنان: اركبوا توكتوك يوصلكم لحد باب البيت.
منار: تسلم يا اسطا تسلم.
عدنان ساب منار و مشي,منار دخلت ل غصون لقتها كانت بتبدأ تفوق و بدأت تهز رأسها يمين و شمال.
منار: عايزة حاجة يا اختي؟!
غصون(بخفوت): انا فين؟!
منار: في الوحدة. حمدلله بالسلامة يلا قومي علشان ارجعك بيتك...
غصون اتعدلت و بصت حواليها و صرخت.
منار(بخضة): في ايه؟!
غصون(بقرف): في مكان زي ده يبقي في قطط كدة عادي.
منار: يوووه ده في كتير يلا بينا نطلع بس.
غصون: انتوا عايشين في مستنقع ازاي كدة؟!
منار: شغل الحكومة، يلا نروح...
منار سندت غصون و خرجوا من الوحدة الصحية,منار وقفت توكتوك و ركبت غصون و لفت ركبت الناحية التانية...
منار: اطلع علي بيت عمك.
السواق ساق ناحية ما منار قالت و وقف قدام بيت غصون.
منار: انزلي ارتاحي دلوقتي و بكرة نكمل.
غصون: شكرا لحضرتك يا مدام منار. شكرا جدا ليكي.
منار: بطلي بقي مفيش بينا الكلام ده.
غصون: شكرا...
غصون طلعت ل بيتها,منار دخلت مكتبة باباها.
عدي كام يوم و غصون بتحاول تتعود علي الوضع اللي هي فيه.
زينب: بت يا زينة.
زينة: نعم يا ماما.
زينب: هروح اشتري كذا حاجة كدة. خلي بالك من اختك عهد.
زينة: حاضر...
زينب: لو الحاج صحي حطيله الفطار انتي علشان الحق عمك سعيد بتاع الفراخ الصبح بدري كدة...
زينة: طيب.
زينب: ماشي يا حبيبتي.
زينب خرجت و بدأت تعدي علي اللي هي تعرفهم و تشتري منهم كذا حاجة...
في نفس الوقت كانت غصون ماشية و بتشتري خضار بس مش عارفة تنقي اي حاجة خالص.
صاحبة الخضار: ايه يا اختي مش عارفة تنقي كويس؟!
غصون(بهدوء): و الله يا طنط انا اللي بنقي و انا اللي هأكل و كمان ده مش اسلوب تتعاملي بيه مع زباينك.
صاحبة الخضار(بسخرية): طنط!
غصون بصت بضيق للست و كانت هتمشي لقت زينب بتمسك ايديها.
زينب(بابتسامة): استني يا عسل.
غصون: نعم حضرتك.
زينب: شوفي عايزة ايه و انا انقيهولك.
صاحبة الخضار: سيبها يا ام قاسم دي عيلة مايعة.
زينب: شوفي حالك يا ام أنور.
زينب: شوفي يا حبيبتي عايزة ايه؟!
غصون(بابتسامة): شكرا يا طنط. كنت هشتري خيار و طماطم و جزر.
زينب: تعالي اعلمك ازاي تنقي.
زينب بدأت تعلم غصون ازاي تختار الخضار و اشترت ل غصون.
غصون(بابتسامة): شكرا ليكي يا طنط.
غصون لاحظت ان زينب معاها شنط كتيرة فعرضت عليها المساعدة.
غصون: اوصل حضرتك.
زينب: لا يا حبيبتي.
غصون: لا عادي ده اقل وجب...
غصون شالت شنط ل زينب بس لقت حد بيمسك ايديها مكان ما هي ماسكة الشنط.
غصون رفعت رأسها بسرعة لقت قاسم بس هي مكنتش تعرفه.
قاسم خد الشنط من غصون و باس ايد زينب.
قاسم: شكرا ليكي، يلا يا امي انا اوصلك.
زينب: قاسم ابني.
غصون: تشرفت.
غصون: عن اذنكم.
غصون سابتهم و راحت ل بيتها و قابلت ام عبده و هي واقفة ما عمر و سمعت كلامهم.
عمر(بحدة): يعني ايه البت معانا بقالها اسبوع و كذا يوم و معرفتيش عنها حاجة.
ام عبده(بتوتر): يا عمر يا ابني ما هي مبتحبش تكلمني خالص و الله.
ام عبده(بتوتر)و دايما بتطردني من بيتها بطريقة غير مباشرة و مش بتسمح اني اتكلم معاها...
عمر(بعصبية): قدامك يومين يا ام عبده يومين بالظبط قسما بربي لو معرفتيش عنها اي حاجة لاخفيكي من الوجود.
غصون(بحدة): طب ما تخليك جرئ كدة و تيجي تسألني انت عايز تعرف ايه؟!
غصون(بحدة): و كمان انت مالك تعرف عني كل حاجة.
عمر قرب من غصون اللي رجعت خطوة ل ورا.
عمر: موضوع ان ابوكي مات و اطردتي من بيتك مش داخل دماغي و لو طلعتي بتكدبي و طلع وراكي حكاية كبيرة الحاج شهاب متعرفيش هيعمل فيكي ايه.
غصون: انت مش مهم بالنسبة ليا علشان اقنعك و ابررلك.
غصون: و طلعني من تفكيرك.
غصون زقت عمر و دخلت شقتها بعد ما بصت لام عبده بغضب...
غيث: خير جاية متعصبة ليه؟!
غصون: بفكر في كذا حاجة.
غيث: انتي كويسة؟!
غصون: اه متقلقش.
تليفون غصون رن غصون جريت علي التليفون بلهفة لقت رقم رامي فتحت الخط علطول.
غصون: رامي.
رامي: ازيك يا غصون عاملة ايه؟!
غصون: الحمدلله و انت اخبارك ايه و نور؟!
رامي: تمام.
غصون: ايه الاحوال عندك؟!
رامي: لسة مش مظبوطة. و انتي؟!
غصون(بتنهيدة): مش عجباني العيشة يا رامي كل يوم بكون نايمة و خايفة ليحصل حاجة ليا او ل غيث و كمان المكان هنا مش امان خالص في ناس بتتخانق و ناس قليلة الذوق و الادب و مشاكل و حاجة كدة منتهي القرف.
غصون: و عايزة غيث يكمل تعليمه و عايزة اعيش حياتي بشكل طبيعي بس باللي حصل مش قادرة يا رامي مش قادرة انسي.
غصون(بدموع): انا تعبانة اوي يا رامي.
رامي(بحزن علي حال غصون): انا آسف يا غصون بس اللي بيحصل غصب عننا كلنا.
رامي: حاولي تتأقلمي انا واثق انك تقدري تتحدي الظروف.
رامي: و اوعدك في اقرب وقت الحقيقة تبان و الموضوع يتكشف و انتي تقدري تمارسي حياتك بشكل طبيعي.
غصون: معتقدش يا رامي. معتقدش.
رامي: انا واثق فيكي انتي تقدري.
غيث: غصون خليني اكلمه بقي.
غصون مسحت دموعها بسرعة و ودت التليفون ل غيث اللي بدأ يتكلم مع رامي.
رامي: ايه يا بطل اخبارك؟!
غيث: الحمدلله.
رامي: خلي بالك من غصون.
غيث: في عينيا متخافش.
رامي: واثق فيك، متخلهاش تزعل.
غيث: بحاول.
رامي: طيب يا حبيبي. هقفل انا دلوقتي.
غيث: ماشي.
رامي: يلا باي.
غيث قفل مع رامي و دخل ورا غصون اللي لقاها واقفة بتعمل اكل و هي اصلا مش بتعرف.
غيث حضن غصون من ضهرها و باس رأسها.
غيث: هنعدي.
غصون(بابتسامة): اكيد يا حبيبي طول ما انت جمبي هنعدي.
غصون لفت ل غيث و باست رأسه و فجأة سمعت صوت صريخ جاي من الشقة اللي جمبها شقة أم عبده.
غيث(بحذر): اياكي.
غصون: حرام برضو يا غيث لازم اساعدها.
غصون خرجت جري بره شقتها و راحت ل شقة ام عبده قعدت تخبط علي الباب.
و الناس كانوا اتجمعوا علي صوت صريخ ام عبده و حاولوا يكسروا الباب.
بعص الرجالة كسروا الباب و كان في حريقة في الشقة,غصون دخلت الشقة كان الدخان مالي الشقة.
غصون بصت حواليها و بصت علي النيران و افتكرت ذكري سيئة ليها و وقعت في الارض مغمي عليها بس قبل ما تقع في الارض كانت ايد عمر ماسكاها.
عمر شد غصون ناحيته و بص ل ملامحها من قرب و انجذب ليها,عمر وطي شال غصون و خرج من الشقة.
غيث(بخوف): غصون...
عمر دخل ل شقة غصون و حطها علي الكنبة و كان بيحاول يفوقها و كذلك غيث...
غصون بدأت تفوق و فتحت عينيها اول ما لقت عمر قدامها شهقت.
عمر: حمدلله علي السلامة.
غصون بصت ل غيث و قامت وقفت.
غصون(بتعب): شكرا لحضرتك تقدر تمشي.
عمر بصلها بغيظ مكتوم و سابها و مشي,غصون قعدت علي الكنبة بتعب شديد.
غيث قعد جمب غصون و حضنها و باس رأسها.
غيث: متضايقيش...
عند الباقي...
خرجوا ام عبده من الشقة و طفوا الحريقة و مكنتش أجزاء كبيرة من الشقة اتحرقت,ام عبده و بعض الستات بدأوا يظبطوا معاها الشقة.
-في مكان تاني...
عند نور.
نور كانت قاعدة في الشقة بتاعتها حاسة بملل قررت تقوم تتمشي بالعربية شوية.
نور قامت غيرت هدومها و نزلت ركبت عربيته و بدأت تتمشي بعربيتها...
و فجأة جت عربية بسرعة كبيرة خبطت فيها نور صرخت و عربيتها اتقلبت كذا مرة.