رواية حارة العشق للكاتبة سلسبيل كوبك الفصل الثاني

رواية حارة العشق للكاتبة سلسبيل كوبك الفصل الثاني

كلهم ارتبكوا لما سمعوا صوت ناس طالعة علي السلم و حد بيخبط علي الباب بطريقة مفزعة.
مراد: لازم نهربكوا من هنا بسرعة.
رامي: هاتي ايدك يا غصون.
غصون مسكت في ايد غيث و مسكت في ايد رامي,رامي مسك شنطة الهدوم من نور و شد غصون للمطبخ.
رامي: هتنزلي هنا من باب المطبخ ده.
غصون: و بعدين؟!
رامي: في تاكسي مستني تحت هتركبيه و هو عارف هيوديكي فين.
غصون: شكرا يا رامي.

رامي: خدي الموبايل ده ليكي و ده ل غيث هبقي اكلمك بعدين.
نور(بخوف): يلا يا رامي.
رامي: خدي.
غصون: ايه ده؟!
رامي: فلوس تقدري تصرفي منها. يلا يلا بسرعة امشي.
غصون مسكت الشنطة و حطت الفلوس في جيبها و الموبايل و مسكت ايد غيث و نزلت جري من باب المطبخ...
غصون: يلا اسرع يا غيث.
مراد فتح الباب بسرعة و دخلوا ناس كتيرة لابسة بدل سوداء.
شخص1(بغضب): غصون.
مراد: ايه اللي جابك يا عدي؟!
عدي(بغضب): هي فين؟!

رامي(بحدة): انت ازاي تتجرأ و تدخل بيتي بالطريقة دي؟!
عدي(بسخرية): انت بقي اللي بتحمي غصون؟!
عدي(بحدة): كلمة واحدة فين غصون؟!
رامي: غصون مش هنا. و منعرفش عنها حاجة.
عدي قرب من رامي و بقي واقف في وشه و بصله بملامح حادة جدا و رامي بصله ببرود.
عدي: لو عرفت ان اختفاء غصون ليه علاقة بيك هخليك تقرأ الفاتحة علي مراتك.
رامي(ببرود): و انا مش بتهدد و لما تيجي تتكلم و تهدد ابقي قول حاجة انت قدها.

رامي: بره من غير مطرود.
نور كانت واقفة خايفة علي رامي,مراد كان واثق ان رامي هيحل الموضوع.
عدي: غصون هترجع و لو في آخر الدنيا.
عدي بص ل مراد و رامي بغضب و سابهم و مشي هو و حراسه,نور وقعت في الارض بتعيط.
رامي قرب من نور و خدها في حضنه و باس رأسها.
رامي: متخافيش غصون هتبقي كويسة و انا محدش يقدر يقربلي و لا يقربلك.
رامي: متخافيش.
نور(بعياط): انا خايفة عليك.

رامي: قولتلك بقي متخافيش. و كمان ما عاش و لا كان اللي يخوفك طول ما انا فيا نفس.
مراد: همشي انا...
رامي: يا ريت فعلا يبقي عندك دم و تغور في داهية عايز استفرد بالبت.
نور غصب عنها ضحكت و رامي ابتسم.
مراد: طيب يا عم غاير في داهية. بذمتك ليك نفس.
رامي: طب اقوم اعلم عليه ده و لا اعمل ايه؟!
مراد ضحك و سابهم و خرج بره الشقة,رامي قوم نور من علي الارض و قعدها علي الكنبة و خدها في حضنه.
عند غصون.

غصون خرجت بره العمارة لقت تاكسي واقف و سواق نايم جوا العربية خبطت علي إزاز عربيته بسرعة و هي بتبص يمين و شمال.
السواق قام مفزوع و فتح الشباك.
غصون(بسرعة): انا من طرف رامي.
السواق: اتفضلي اركبي.
السواق نزل و خد منها الشنطة و حطها في شنطة العربية,غصون و غيث ركبوا العربية و كذلك السواق و بدأ يسوق.
غيث: هنروح فين؟!
غصون: معرفش يا غيث بس متقلقش انا معاك.
غيث: و انا مش عايزك تزعلي انا هنا علشانك و هدافع عنك.

غصون(بابتسامة): طبعا انت حبيبي انا.
غصون ابتسمت ل غيث و باست رأسه و غيث حط رأسه علي كتف غصون لغاية ما نام.
غصون كانت باصة علي الشوارع من شباك العربية.
بعد فترة غصون لقت السواق بيسوق في شوارع غريبة و عشوائية...
السواق وقف و غصون استغربت و اتعدلت.
غصون: احنا فين؟!
السواق: رامي بيه قال ان ده أنسب مكان ليكوا. و تقدري تكلميه.
غصون: هنعيش فين؟!

السواق: في الحارة اللي احنا في اول الشارع بتاعها. و هناك في شقة ليكي انتي و اخو حضرتك.
السواق: تقدري تنزلي.
غصون: غيث غيث.
غيث(بنوم): ايه؟!
غصون: قوم يا حبيبي وصلنا.
غيث فتح عينه و قام اتعدل و بص حواليه اتصدم.
غيث: هنعيش في المستنقع ده؟!
غصون بصت ل غيث و بصت للسواق.
غصون: انزل يا غيث نتكلم بعدين.
غصون نزلت من التاكسي هي و غيث و كان اللي موجود مستغربها و باصص ليها هي و غيث و لمنظرهم.

غيث: هو احنا عرض مسرحي علشان يتفرجوا علينا كدة.
غصون: متأخدش في بالك.
السواق جاب شنطة غصون من شنطة العربية و مسكها في ايديه و قرب من غصون.
السواق: يا ست هانم من هنا.
غصون: تمام.
غصون مسكت في ايد غيث و مشيت مع السواق لغاية ما وصل لبيت مكون من كذا شقة.
غصون: ايه ده؟!
السواق: حضرتك هتعيشي هنا.
غيث: يععع ايه القرف ده؟!

السواق: انا عمك سليمان. و رامي بيه مسجل رقمي علي تليفونك و انا هنا من الحارة يعني علشان لو عوزتي حاجة.
غصون: تمام شكرا ممكن تورينا فين البيت بتاعنا.
غصون طلعت مع السواق هي و غيث لغاية ما وقفوا قدام شقة باين انها قديمة.
سليمان: هجيب المفتاح من ام عبده.
سليمان خبط علي شقة جمب شقة غصون,في واحدة ست فتحت الباب.
ام عبده: جبت الزبائن؟!
سليمان: ايوه يا ام عبده.
ام عبده: انتي بقي يا ابله اللي هتقعدي في البيت.

سليمان: يا ام عبده من غير كلام كتير هاتي المفتاح.
ام عبده: استني لما اجيبه.
ام عبده دخلت الشقة بتاعتها جابت مفتاح و ودته ل سليمان.
سليمان: ده مفتاح الشقة يا هانم و ست ام عبده معاكي في اي وقت تحتاجيه فيه.
غصون(بابتسامة): شكرا لحضرِتك و شكرا لحضرَتك.
ام عبده(بسخرية): حضرِتك! يرضيك تشتمني يا عم سليمان.
سليمان: دي مش شتيمة يا ام عبده.
غصون: حضرتك عايزاني اناديكي بايه؟!
ام عبده: ام عبده يا اختي ام عبده.

غصون بصت ل سليمان و بصت ل غيث اللي كان قرفان من اسلوب ام عبده.
غصون: عن اذنكم.
غصون فتحت باب الشقة و غيث دخل و هي مسكت شنطة الهدوم من سليمان و دخلت بعد ما استأذنتهم.
سليمان: خلي بالك منها يا ام عبده.
ام عبده: في عينيا يا اخويا.
سليمان: لو حد سألك عليها قوليله كانت في بلد تانية و ابوها مات و طرودها من بيتها و هي جت تسكن هنا غير كدة متقوليش.
ام عبده: حاضر يا اخويا.

سليمان طلع فلوس من جيبه و وداهم لام عبده و مشي,ام عبده دخلت بيتها و قفلت الباب.
غيث: ايه التراب ده اللي في كل مكان؟!
غصون: محتاجة تنضيف.
غيث: مين هينضفها في هنا حد ينضفها و يأخد فلوس.
غصون: لا هضطر انا اللي انضفها.
غيث: ايه؟! لا انتي بتتعبي بسرعة.
غصون: متخافش هروق جزء بس علشان نعرف نقعد فيه و طبعا حبيب قلبي هيساعدني.
غيث: هساعدك و امري لله.

غصون ابتسمت ل غيث و بدأت تتجول في الشقة كانت الشقة عبارة عن اوضتين و صالة كبيرة و مطبخ و حمام و بلكونة كبيرة.
غصون: تحب تأخد اي اوضة؟!
غيث: اممم دي.
غصون: خلاص يلا نبدأ بيها.
غصون بدأت تشيل الاغطية اللي محطوطة علي اثاث البيت و تشيل التراب اللي موجود في الاوضة.
الباب خبط غصون و غيث بصوا ل بعض,غصون راحت ناحية الباب فتحت الباب لقت ام عبده.
غصون: في حاجة يا طنط؟!
ام عبده: بتشتميني برضو.

غصون: يا طنط دي مش شتيمة ده احترام ليكي.
ام عبده: مليش فيه قوليلي يا ام عبده.
غصون(بتنهيدة): هحاول حاضر.
ام عبده: جبتلك ملايات للسراير.
غصون: شكرا.
ام عبده: يلزم اي خدمة؟!
غصون: لا شكرا.
ام عبده: قولتي اسمك ايه؟! و اخوكي اسمه ايه؟!
غصون: انا غصون و اخويا غيث. حاجة تانية؟!
ام عبده: لا لو عوزتي حاجة شيعي(ابعتي) ليا اخوكي يخبط عليا بس.
غصون: حاضر.
ام عبده خرجت بره الشقة و غيث قرب من غصون و هو مربع ايده.

غيث: الست دي رخمة اوي كدة ليه؟!
غيث: بجد بدأت اتخنق منها.
غصون: معلش يا غيث بس بتساعدنا، يلا نخلص يلا.
غصون بدأت تروق اجزاء من الشقة هي و غيث.

-في مكان تاني.
في بيت العربي.
كانت زينب و حنان قاعدين مع بعض في الصالة لقوا عهد داخلة عليهم جري اتخضوا من منظرها.
زينب: في ايه يا عهد؟!
عهد: في حتة مزز بره يالهوي.
حنان: مزز مين دول هو في حد غريب دخل المنطقة؟!
عهد: معرفش بنت و شاب كدة يخرببيت عيون الشاب جميلة بشكل.
زينة: انتي لحقتي ركزتي في عيونه؟!
عهد: كانوا جايين مع عم سليمان السواق الواد كدة چنتل في نفسه.
زينة: يا ربي يا عهد هتحسدي الواد كدة.

عهد: الله ما هو اللي جميل.
حنان: اكيد ابوكي شهاب عارف لان محدش يدخل الحارة و هو مش عارف...
شهاب: جايبين سيرتي في ايه؟!
عهد: في اتنين جداد جم الحارة يا بابا.
شهاب: مين دول؟!
زينب: انت متعرفش يا حاج؟!
شهاب: لا.
شهاب(بحدة): مين سمح ليهم؟!
حنان: اهدي يا حاج ممكن يكون عدنان عارف.
شهاب مسك تليفونه و اتصل ب عدنان. الخط اتفتح.
عدنان: الو يا حاج. اتفضل.
شهاب(بحدة): انت سمحت لغرب يدخلوا حارتنا؟!

عدنان: لا. حد غريب دخل؟!
شهاب(بحدة): عايزك تتصرف.
عدنان: حاضر هخلص الورشة و اشوف الموضوع.
شهاب(بحدة): طيب.
شهاب قفل مع عدنان لقي عمر داخل عليه.
عمر: مالك متعصب ليه يا حاج؟!
شهاب: في حد غريب دخل من غير أذني.
عمر: مين ده اللي يتجرأ؟!
عمر: اروح اشوفه؟!
شهاب: كلمت عدنان و هو هيتصرف.
عمر(بغيظ): لا هروح انا.
عمر: و كمان هو لسة في الورشة بتاعته.

عمر خد حاجته و عرف غصون جت و سكنت فين و طلع ل شقتها و خبط علي شقتها جامد لدرجة ان غصون اتفزعت و مسكت في غيث.
غيث: اهدي هفتح انا.
غصون: لا خليك.
غصون قربت من باب الشقة ببطء و فتحت لقت عمر قدامها ارتاحت شوية.
غصون: اتفضل...
عمر فضل باصص علي غصون من تحت ل فوق.
غصون: اتفضل...
عمر: اه احم.
عمر رفع عيونه لعيون غصون و بص ل ملامح وشها.
عمر: انتي مين؟!
غصون: حضرتك مين علشان تسألني؟!

عمر: انتي اللي مين علشان تدخلي الحارة من غير استأذان؟!
غصون(رفعت حاجبها تلقائي): افندم! و انا استأذن بتاع ايه؟!
عمر: ناديلي راجل كبير اكلمه.
غيث(بحدة): عايز ايه؟!
عمر: قولت راجل كبير.
غيث: و هو انا مش قدامك و لا ايه؟!
غصون: اهدي يا غيث.
غصون: لو سمحت يا ريت تدخل في الموضوع علطول.
عمر(ببرود): ازاي دخلتوا من غير اذن؟!

غصون: و الله مكناش نعرف انه علشان نشتري بيت او نأجره بفلوسنا لازم نستأذن. و عن اذنك بقي انا مش فاضية و الصراحة مش مرتاحة لشكلك ده.
غصون قفلت الباب في وش عمر و سندت علي الباب.
غصون(بعصبية): هو انا ههرب من هناك اجي هنا الاقي المشاكل.
غيث: متقلقيش محدش يقدر يكلمك.
غصون(بتعب): يلا نرتاح دلوقتي و لما نصحي نبقي نتكلم.
غصون: بس عايزين نحط حاجة ورا الباب انا مش مرتاحة...
غيث: متقلقيش.
غيث: تعالي ارتاحي.

الاتنين دخلوا الاوضة اللي نضفوها و غصون نامت من كتر التعب و غيث جمبها...
عند عمر.
عمر كان في قمة عصبيته من حركة غصون.
عمر(بغضب): و حياة امي لاربيكي يا بت ال.
عمر مشي من قدام بيت غصون و رجع بيته تاني.
شهاب: عملت ايه؟!
عمر(بغيظ مكتوم): محدش بيرد. خليها بكرة و انا هروح.
شهاب: طيب.
شهاب: فين زفتة سوسن دي؟!
زينب: في اوضتها.
شهاب: ناديها.
زينب: روحي اجري نادي مرات ابوكي يا زينة.
زينة راحت لاوضة سوسن و خبطت الباب.

سوسن: ادخل.
زينة: يا مرات ابويا ابويا الحاج عايزك.
سوسن(بدلع): جاية.
زينة(لنفسها): يا شيخة ده انتي كبرتي لسة بتتدلعي.
سوسن قامت من علي السرير و خرجت ل شهاب.
سوسن: نعم يا حاج؟!
شهاب: هتفضلي قاعدة كدة في اوضتك.
سوسن: معلش يا حاج تعبانة.
حنان(بسخرية): من ايه يا اختي من ايه؟! هي زينب بتخليكي تعملي حاجة.
شهاب(بحدة): قولت شغل البيت متقسم يا سوسن متخلنيش اقلب عليكي.
سوسن: حاضر يا حاج.

سوسن(لنفسها): نفسي اخلص منك يا حنان.
زينة: يلا يا عهد خشي ذاكري.
شهاب: هو انا لسة هقول حطوا الاكل انجزوا.
زينب: ثواني يا حاج و الاكل يبقي جاهز.
بدأوا يجهزوا الاكل و الكل قعد علي الطبلية في الارض و بدأوا يأكلوا.
شهاب: شيلي نصيب عدنان لما يجي.
شهاب: قاسم راجع النهاردة؟!
زينب: نصيب عدنان متشال يا حاج. و قاسم قال هيقعد اسبوع في القاهرة و يرجع.
شهاب: طيب.
شهاب: الحمدلله سفرة دايمة.

شهاب سابهم و دخل اوضته الخاصة بيه بعيد عن زينب و سوسن.
حنان: تصبحوا علي خير.
زينة: هو عدنان مش راجع دلوقتي؟!
زينب: شغله يا بنتي.
زينة: ربنا معاه.
عهد(و هي بتتاوب): هخش انام انا بقي.
زينة: انتي علطول بتنامي. بذمتك ذاكرتي حاجة النهاردة.
عهد: بكرة بكرة. هخلي حور تذاكرلي هي شطورة و قمر.
زينة: يالهوي يا بنتي حرام عليكي بتأخدي مجهود البت.
عهد: يا ستي انتي مالك هي صاحبتي و بتحبني و قمر.

زينب: خلاص يا عهد خشي نامي يلا، و انتي يا زينة يا حبيبتي.
زينة: هستني عدنان لما يرجع.
عمر سابهم و قام بغضب من سيرة عدنان و طلع لاوضته...
حنان: يلا كل واحدة تروح اوضتها يلا.
كل واحد بدأ يدخل اوضته ما عدا زينب و زينة.
زينة: قوليلي اساعدك في ايه؟!
زينب: و لا اي حاجة خشي ارتاحي.
زينة: ازاي بس يا ماما يلا خشي انتي و انا هروح انا يلا بقي اسمعي الكلام...
زينب ابتسمت ل زينة و خدتها في حضنها.

زينب: ربنا يبارك في عمرك يا حبيبتي.
زينة: تسلمي يا حبيبتي.
زينب دخلت اوضتها,زينة بدأت تظبط البيت لغاية ما لقت الباب بيتفتح و عدنان بيدخل.
عدنان: لسة صاحية؟!
زينة: لا نايمة بس عاملة نفسي صاحية.
عدنان: انتي طول عمرك لمضة كدة.
زينة حضنت عدنان و عدنان باس رأسها.
عدنان: يلا اطلعي اوضتك.
زينة: طيب تصبح علي خير.
عدنان: و انتي من اهله.
زينة دخلت اوضتها,و عدنان طلع للدور التاني كانت عبارة عن شقة كاملة من كل حاجة.

عدنان دخل اوضته خد دوش و خرج غير هدومه و قعد علي سريره بتعب.
عدنان غمض عيونه و بدأ ينام نوم عميق...

-في مكان تاني...
عند قاسم.
قاسم كان قاعد في شقته اللي في القاهرة قدامه اللاب توب بتاعه بيشتغل عليه.
قاسم لقي تليفونه بيرن، الخط اتفتح.
قاسم: الو مين؟!
: قدرك الاسود.
قاسم(بسخرية): تصدق خوفت.
: بقولك ايه هتسمع كلامي مش هأذيك لكن بقي هتلعب بديلك لا يبقي البادي اظلم.
: بنت عندك اسمها سندس عماد هتنجحها في مادتك غصب عنك انت فاهم و الا هتشوف ايام سودة.

قاسم(ببرود): ايا كان مين بيتكلم مش هنجح حد يستحق و اعلي ما في خيلك اركبه.
قاسم(ببرود): و احسنلك متلعبش معايا انا.
: هتندم.
قاسم قفل الخط في وش المتصل ببرود و قعد يكمل شغله علي اللاب توب.
عند المتصل...
كان في بنتين قاعدين.
بنت: ايه ده ده مخافش؟!
سندس: يا نهار اسود روحت في داهية.
بنت: افتكرته زي الدكتور اللي ضحكت عليه بكلمتين و نجحك.
سندس: دكتور قاسم مش زي اي حد، عنده انضباط و عدل.

بنت: يعني انا كدة بهدلت الدنيا؟!
سندس: الله يخرب بيتك بعد كدة هيستقصدني.
بنت: الله و انا ايه عرفني انتي مفهمتنيش من البداية.
سندس: انتي لازم تحلي الموضوع يا ماسة.
ماسة: احله احله ازاي يا حلوة و انا اللي حاولت اخوفه.
سندس: قولتلك ده غير، قولتيلي بس كله زي بعضه و هيخاف.
ماسة: طب ما انا عملت فيكي مصلحة.
سندس: خير؟!
ماسة: بدل ما كنتي هتشيلي مادة هتشيلي السنة كلها.
سندس: ربنا يطمنك يالهوي.

الاتنين بصوا ل بعض و بدأوا يضحكوا...

في الصباح الباكر...
عند غصون.
غصون قامت من نومها و هي حاسة بوجع في جسمها بسبب الترويق,غصون قامت و دخلت الحمام غسلت وشها.
غصون خرجت طلعت هدوم ليها و بدأت تغير هدومها.
غصون لبست بنطلون كحلي و فوقه تي شيرت ابيض بكم صوف دخلته جوا البنطلون و لبست كوتشي اسود و رفعت شعرها علي شكل ديل حصان.
غصون: غيث يا غيث. انت فين؟!
غصون بدأت تدور في الشقة علي غيث راحت ناحيج البلكونة فتحتها و بدأت تبص بقلق...

غصون لقت في خناقة تحت و ناس ماسكين في بعض...
غصون(بصريخ): غيث!