رواية حارة العشق للكاتبة سلسبيل كوبك الفصل الثالث
غصون بدأت تدور في الشقة علي غيث راحت ناحية البلكونة فتحتها و بدأت تبص بقلق...
غصون لقت في خناقة تحت و ناس ماسكين في بعض...
غصون(بصريخ): غيث!
بعض اللي كانوا موجودين بصوا علي غصون,غصون خرجت جري بره الشقة و نزلت ل تحت مشيت بين الناس لغاية غيث اللي كان قاعد في الارض و في جرح في وشه.
غصون(بعصبية): انتوا ازاي تعملوا كدة اتجننتوا؟!
غصون(بقلق): غيث انت كويس؟!
غيث(بتعب): آه.
غصون ضمت غيث لحضنها و باست رأسه و كان كل اللي واقفين في الحارة بيبصوا عليها.
جت شهد عليهم و قربت من غصون بصتلها من تحت ل فوق.
شهد(و هي بتمضغ لبانة): و انتي مين بقي يا حلوة؟!
غصون(بحدة): ملكيش فيه.
غصون: قوم يا غيث معايا.
غصون مسكت ايد غيث و قومته و كانت داخلة بيتها شهد مسكت دراعها جامد.
شهد: لا يا حلوة انتي هنا في منطقتي و جديدة يعني تقفي عوج و تتكلمي مظبوط يا روح امك و لا عايزة تجربي علقة من شبشب شهد.
غصون(بحدة): انتي ملكيش الحق تتكلمي معايا اصلا و كمان انا مش عايشة في بيتك او شغالة عندك علشان تتكلمي بالاسلوب ده.
منار: خلاص يا ست شهد زي ما انتي عارفة هي جديدة هنا.
منار وقفت بين شهد و غصون و شهد كانت بتبص ل غصون باحتقار و غصون بتبصلها ببرود بس كانت قلقانة علي غيث.
غصون: مش فاضية اضيع وقتي علي واحدة زيك.
غصون كانت هتمشي سمعت صوت بيوقفها.
شهاب(بحدة): استني عندك.
ام عبده(بتوتر): معلش يا حاج شهاب هي بس متعرفش اي حاجة خالص.
شهاب(بحدة): و لما هي متعرفش يا ام عبده انتي برضو متعرفش. و كمان هو خلاص المنطقة بقت لاي حد يدخلها.
عمر كان واقف جمب شهاب بيبص علي غصون,عدنان كان في ورشته و بعدها جه ل شهاب و وقف معاه.
ام عبده(بتوتر): ظروف يا حاج شهاب، دي.
ام عبده(بتوتر): دي غلبانة اوي، بعد ما ابوها مات طردوها من بيتها و هي جت هنا مع اخوها المسكين ده.
شهد: و هو في واحدة ابوها ميت تلبس ابيض.
غصون(بحدة): ما قولتلك مرة انتي ملكيش دعوة بيا و كمان انا مش هقف اتكلم معاكوا و اخويا تعبان مش كفاية حسن الضايفة بتاعتكم...
غصون: تعالي يا غيث.
غيث كان مش قادر يمشي و وقع في الارض.
غصون(بخضة): غيث.
عدنان جري علي غيث و بدأ يشوف نفسه.
عدنان: جرحه هيأخد غرز، هنوديه علي المصحة يا حاج.
شهاب: طيب. روح انت دلوقتي.
عدنان سند غيث و غصون سندت معاه و هي كانت خايفة علي غيث و عدنان ركب غيث عربيته.
عدنان: اركبي.
غصون ركبت جمب غيث و مكنتش بتفكر في اي حاجة غير غيث و هي كانت بتعيط بصمت,عدنان ساق ناحية الوحدة الصحية.
شهاب(بحدة): و انت ايه حكايتك انت و هو كل يوم هتفضلوا تتخانقوا كدة.
شهاب(بحدة): و يكون في علمكم لو الواد حصله حاجة هتدفعوا تعويض.
شهد: و هما ذنبهم ايه يا معلم شهاب ما الواد هو اللي خرع(ضعيف). و كمان كل اللي في المنطقة عارفين ازاي يتصرفوا هو اللي عدي من جمبهم.
شهاب(بحدة): ملكيش دعوة انتي يا شهد، انا عارف بقول ايه.
شهاب: و انتي حسابك بعدين يا ام عبده.
ام عبده: هي بس هتقعد فترة كدة و تمشي يا حاج و مش هنحس بيها في المنطقة صدقني، البت غلبانة و استقصدتني في الموضوع ده.
شهاب بصلهم و سابهم و مشي,عمر قرب من ام عبده.
عمر: تعالي عايزك.
عمر و ام عبده دخلوا بيت ام عبده.
عمر: ايه حكاية البت دي؟!
ام عبده: دي غلبانة يا عمر و ملهاش في اي حاجة.
عمر: تعرفي ايه عنها اخلصي؟!
ام عبده: معرفش كل اللي اعرفه انها اتطردت من بيت ابوها بعد ما مات.
عمر: و ده شكل واحدة ابوها ميت ايه لابسة الابيض علي ابوها ما تعقلي كدة.
ام عبده: لما تيجي ابقي اسألها انا معرفش غير اللي قولته و الله.
عمر: طيب لو عرفتي اي حاجة عنها قوليلي. قولتي اسمها ايه؟!
ام عبده: اسم غريب كدة اسمه.
عمر: ما تخلصي.
ام عبده: اه اسمها غصون غصون ايوه.
عمر: عايزك تعرفي عنها كل حاجة.
ام عبده: حاضر عينيا.
عمر ساب ام عبده و مشي,ام عبده قعدت علي الكنبة.
ام عبده: شكلك هتشوفي ايام سودة هنا.
عند غصون.
غصون(بدموع): انت متأكد ان المكان هنا نضيف؟!
عدنان(بهدوء): ده المتوفر. مش عاجبك روحي اي مستشفي خصوصي من اللي موجودين في القاهرة و ادفعي دم قلبك.
غصون بصت ل عدنان بضيق و كانت منتظرة الممرضة تخرج من الطوارئ...
بعد فترة بسيطة خرجت الممرضة.
ممرضة: خد تلت غرز طهروا الجرح كويس. و دي الادوية اللي الدكتور كتبها.
ممرضة: خدوه.
الممرضة سابتهم,عدنان راح يدفع الحساب و غصون دخلت ل غيث و قربت منه.
غصون: كدة يا غيث تنزل من غير ما تقولي و يحصل كدة.
غيث(بابتسامة): عادي ما انا متعود.
غيث: متعيطيش انا كويس. و كمان كنت نازل اجبلك نسكافيه لانك بتحبي تشربيه اول ما تصحي.
غصون: بعد كدة متنزلش من غير اذني. فاهم؟!
غيث: حاضر.
غصون حضنت غيث و باست رأسه.
غصون: موجوع؟!
غيث: لا.
عدنان: احم احم. يلا علشان نرجع.
غصون قومت غيث و سندته و خرجوا ركبوا عربية غيث و رجعوا المنطقة,عدنان وقف قدام بيت غصون بالظبط.
غصون: شكرا لحضرتك و بالنسبة للفلوس ا.
عدنان: انزلي يلا مش عايز كلام كتير مبحبهوش.
غصون بصت ل عدنان بصدمة و نزلت فتحت باب غيث و نزلته و طلعوا للشقة.
ام عبده فتحت باب شقتها و قربت من غصون مسكتها من دراعها غصون اتخضت من منظرها.
ام عبده: اعمل في اخوكي ايه بقي؟!
غصون: في ايه براحة.
غصون دخلت الشقة مع غيث و ام عبده,غصون نيمت غيث علي السرير و خرجت لام عبده.
ام عبده: انتي عارفة لولايا كان الحاج شهاب طردك.
غصون: متشكرة، بس علفكرة مينفعش حد يتحكم فيكوا كدة انتي صاحبة البيت يعني تأجري للي انتي عايزاه.
غصون: و لو سمحت ابقي تعالي بليل دلوقتي انا ورايا حاجات زي ما انتي شايفة...
ام عبده: انتي مش سهلة يا بت.
غصون(برفعة حاجب): افندم!
ام عبده بصت ل غصون و سابتها و خرجت,غصون رمت نفسها علي الكنبة.
غصون(بتنهيدة): مش ناقصة.
غيث: غصون.
غصون: حاضر يا غيث جاية.
غصون دخلت لاوضة غيث و قربت قعدت جمبه.
غصون: ايه؟!
غيث: انتي زعلانة مني؟!
غصون: لا.
غيث: آسف.
غصون: متعتذرش انت مش غلطان.
غصون باست رأس غيث و قامت وقفت.
غصون: ريح شوية انت و انا هطلع اشوف ناقص ايه بره.
غيث غمض عيونه و بدأ ينام,غصون طلعت ل بره الشقة بدأت تكمل ترويق للشقة.
-في مكان تاني.
عند رامي و نور.
نور: تفتكر هتعرف تتأقلم؟!
رامي: مش عارف بس ده الانسب ليها هي و غيث.
نور: بس انا خايفة عليها. غصون مش هتقدر تتأقلم.
رامي(بتنهيدة): طب كنتي عايزاني اعمل ايه يا نور. مكنش ينفع ابعتها بره البلد و زي ما انتي شوفتي عدي جه لحد هنا محدش هيأجي في باله انها ممكن تبقي في حارة شعبية.
نور(بضيق): متنساش يا رامي غصون بالنسبة ليا ايه و اكيد هكون خايفة عليها...
رامي: يعني انا مش هكون خايف عليها، غصون ساعدتنا كتير في بداية حياتنا.
نور: انت هتروح الشغل تاني؟!
رامي: لا باقي اليوم اجازة.
نور: ما تيجي نخرج.
رامي: سبحان الله ليكي نفس؟!
نور: ما انت عارف اني هفضل خايفة و بحاول اقلل من خوفي ده فخلينا نخرج.
رامي: طيب قومي البسي...
نور: هواء.
نور قامت جري علي اوضتها و بدأت تغير هدومها.
نور لبست فستان باللون النبيتي بحمالة عريضة علي الكتف و قصير واصل لغاية الركبة و لبست صندل بكعب بنفس لون الفستان و سابت شعرها القصير زي ما هو لغاية كتفها و حطت مكياچ بسيط.
نور خرجت ل رامي اللي ابتسم ليها و مسك ايديها و باسها.
رامي: هتفضلي طول عمرك جميلة.
نور(بخجل): شكرا.
رامي ضحك علي خجل نور و دخل حد حاجته و خرج مسك ايديها و نزلوا.
رامي فتح ليها باب العربية و هي ابتسمت ليه و ركبت,رامي لف و ركب و بدأ يسوق ناحية مطعم راقي حجز فيه...
نور: بقالنا كتير مخرجناش مع بعض.
رامي: اهو خرجنا علشان خاطر عيونك.
نور(بابتسامة): شكرا.
الاتنين قعدوا علي ترابيزة و كان المطعم في جو رومانسي,رامي مسك ايد نور و باسها.
رامي: ربنا يخليكي ليا.
نور: و يخليك ليا.
الاتنين بدأوا يتكلموا و طلبوا اكل,نور وقعت من ايديها المعلقة و بصت بعيد عن رامي.
رامي لاحظ و بص ناحية ما هي بتبص.
رامي(بهدوء): متأخديش في بالك.
نور: انت شايف عدي بيبصلنا ازاي؟!
رامي(بهدوء): نور مية مرة هقولك متخافيش و انا معاكي. و كمان هو ميقدرش يتحرك.
رامي(بسخرية): لانه عبد ل وليد بيه.
نور: يلا نمشي يا رامي.
رامي(بحدة): لا واجهي مينفعش تفضلي خايفة.
نور بصت ل رامي بتوتر و بصت علي عدي و اللي معاه اللي اسمه وليد.
رامي و نور كملوا سهرتهم تحت توترها الملحوظ و ده ضايق رامي,قام وقف و حط الحساب علي الترابيزة.
رامي: يلا.
رامي مسك ايد نور و كانوا هيخرجوا وقف قدامهم عدي و حط ايده في جيبه ببرود.
رامي: قول للتابع بتاعك يمشي من وشي.
وليد: مش تريحه و تقوله هي فين؟!
رامي: قولتلك معرفش حاجة عنها.
وليد: سيبه يا عدي.
عدي: صدقني لو ملقتش غصون يبقي روح مراتك هتبقي في ايدي.
رامي مسك عدي من رقبته بغضبه و زقه علي الحيطة اللي وراه.
رامي: و لا عاش و لا كان اللي يهددني بمراتي يا عدي.
رامي زق عدي و شد نور معاه و مشي ركبوا العربية و رامي بدأ يسوق.
رامي: بطلي عياط.
رامي(بحدة): بطلي عياط بقي.
نور حطت ايديها علي بوقها و بتحاول تكتم عياطها.
رامي شدها لحضنه و باس رأسها.
رامي: آسف بس انتي عارفة مبحبش اشوف دموعك.
نور(بدموع): آسفة.
رامي: تحبي نروح مكان تاني؟!
نور: لا عايزة اروح.
رامي: طيب.
رامي وقف قدام بيتهم نور نزلت و هو ركن العربية و راح ليها طلعوا لشقتهم.
رامي: هدخل اوضة المكتب هعمل كذا حاجة.
نور: طيب.
رامي دخل اوضة مكتبه و بدأ يشتغل شوية و بعدها خرج ل نور لقاها نامت باس رأسها و نام جمبها.
-في مكان تاني...
في بيت العربي.
زينة: ماما هروح اودي الغداء ل عدنان.
زينب: هو مش جاي؟!
زينة: لا.
زينب: طيب روحي. و ارجعي بسرعة...
زينة: حاضر.
زينة خدت الاكل و حطته في شنطة و خرجت بره البيت.
زينب: عهد تعالي هنا...
عهد: نعم يا ماما.
زينب: نادي عمتك تيجي تقعد معايا شوية.
عهد: حاضر.
سوسن: زينب كنت عايزاكي.
زينب: ايه يا سوسن؟!
سوسن: روحي يا بت يا عهد كدة.
عهد(بغيظ): حاضر يا مرات ابويا.
عهد مشيت و سوسن قعدت جمب زينب.
سوسن: زينة كبرت خلاص.
زينب: بسم الله ما شاء الله، مالها؟!
سوسن: كبرت و الصراحة كدة جايلها عريس.
زينب: و مين هو ده؟!
سوسن: ابن اختي عبدالله انتي تعرفيه.
زينب: اه اعرفه.
سوسن: طالب ايديها.
زينب: كلمي الحاج يا سوسن.
سوسن: المهم انتي موافقة؟!
زينب: الرأي رأي ابويها و هي.
سوسن: سيبك منها انا اقدر اقنع الحاج.
زينب: قولتلك الرأي رأيه.
حنان: بتلفي و تدوري علي ايه يا سوسن؟!
سوسن: بلف و ادور علي ايه يا اخت جوزي؟!
حنان: زينة لو هتتجوز مش هتتجوز حد من عائلتك يا سوسن.
سوسن: اشمعنا يعني مالها عائلتي؟!
حنان: لا ملهاش بس انا قولت زينة مش هتتجوز حد من عائلتك و قولت كلمتي. و لما اتكلم مع الحاج هقنعه.
سوسن بصت ل حنان بغيظ و قامت وقفت.
سوسن: عائلتي متتعايبش يا ست حنان.
سوسن: الراجل ناوي يدخل البيت من بابه.
سوسن: و كمان الواد شاري يا حنان.
سوسن: و الحاج بيعتبره ابنه.
عهد(بغيظ): زينة مش هتوافق علي ابن اختك يا مرات ابويا.
سوسن(بحدة): لما الكبار يتكلموا ملكيش تدخلي يا بت يا عهد.
زينب: لا هي ليها رأي يا سوسن. و كمان هي اخت زينة.
زينب: و كمان قولت الرأي رأي الحاج و زينة.
سوسن: ما في اخوها عمر ليه رأي برضو.
حنان: بس قاسم اقرب.
سوسن بصتلهم بغيظ و سابتهم و مشيت.
حنان: متسمعيش ليها يا زينب. انا فاهمة دماغها.
زينب: ربنا يهدي.
عند زينة.
زينة كانت ماشية في الشارع لغاية ما وصلت ل ورشة عدنان و دخلت ليه...
عدنان(بابتسامة): جيتي ليه؟!
زينة: ليا اعز من اخويا علشان اجيبله الاكل.
عدنان: تسلمي يا حبيبتي.
زينة: اتفضل.
عدنان: شكرا يلا روحي...
زينة: حاضر يلا باي.
زينة سابت الورشة و هي ماشية لمحت يوسف ماشي جمبها ابتسمت غصب عنها و كذلك هو.
يوسف(بهمس): ازيك يا ست الناس.
زينة(بخجل,همس): الحمدلله...
زينة سابت يوسف و طلعت تجري علي بيتهم و هي في الطريق قابلت شهد.
شهد: هو سي عدنان في الورشة يا زينة.
زينة(بضيق): اه يا شهد.
شهد: طيب تشكري.
زينة دخلت بيتهم و شهد راحت الورشة لعدنان.
شهد(بدلع): ازيك يا سي عدنان.
عدنان(ببرود): جيبي اخرك يا شهد.
شهد(بدلع): مبقتش تقرب ناحيتنا كدة.
عدنان(ببرود): قولتلك بمزاجي يا شهد و كمان مرة متجيش هنا تاني ده مكان شغل و مكان شريف مش عايزه يتلوث.
عدنان(ببرود): يلا امشي.
شهد حست باهانة و سابته و مشيت طلعت لشقتها.
بنت: مالك يا شهد؟!
شهد(بدموع): مش بيحس بيا يا أماني.
أماني: عدنان برضو يا شهد. ما هو قالهالك هو مش بيحب.
شهد(بدموع): بس انا بحبه.
اماني: سامحيني يا شهد انتي اختي اه بس عدنان عمره ما هيقبل بيكي.
شهد سابت اماني و دخلت لاوضتها و قفلت الباب.
اماني: ربنا يهديكي يا شهد.
-في مكان تاني...
عند قاسم.
قاسم كان ماشي في الشارع بليل و لوحده و حاطط ايده في جيبه,بعد فترة طلع تليفونه و اتصل بحد.
الخط اتفتح...
قاسم: عايزك تعرفلي معلومات عن واحدة اسمها سندس عماد.
قاسم: ايوه هأجي بكرة عايز المعلومات دي علي مكتبي...
قاسم: ماشي. باي.
قاسم حط موبايله في جيبه و لقي في حد بيجري فخبط فيه.
ماسة(و هي بتنهج): آسفة.
قاسم: ابقي خدي بالك بعد كدة.
قاسم رفع رأسه ل ماسة و افتكر موقف الميكروباص.
قاسم: هو انتي؟!
ماسة(باحراج): اه اهلا و سهلا.
ماسة: عن اذنك...
ماسة كانت هتكمل جري بس وقفت و رجعت ل قاسم تاني.
ماسة(بخفوت): شكرا.
قاسم(بهدوء): علي ايه؟!
ماسة: اكيد انت عارف.
قاسم رفع حاجبه تلقائيا و قرب من ماسة اللي رجعت خطوة ل ورا.
قاسم: بشم علي ضهر ايدي مثلا.
ماسة(بضيق): علي اللي عملته معايا و خسارة فيكي حاجة اصلا، ده انت رخم.
ماسة سابته و كملت جري و قاسم بصلها و ضحك علي تصرفها و رجع تاني بيته.
قاسم تليفونه رن، الخط اتفتح.
قاسم: عم الناس...
عدنان: مش هتتغير.
قاسم: عامل ايه؟!
عدنان: تمام طمني عنك. بتأكل اكل مصر عندك.
قاسم: نفسي اعرف بينك و بين القاهرة ايه؟!
عدنان: انا اتربيت في حارة و عشت فيها و مستحيل احب مكان غيرها و لا اكل اكل غير امك الست زينب.
قاسم: وحشتني اوي هي و زينة و عهد.
عدنان: ارجع بدري بقي.
قاسم: حاضر اوعدك.
عدنان: طيب هكمل شغلي.
قاسم: ما تسيب الورشة للي تحت ايدك و بلاش تسهر و تتعب نفسك كتير.
عدنان: و الشغل لو مطلعش من تحت ايدي مقتنعش بيه.
قاسم: ربنا معاك.
عدنان: و معاك هكلمك بكرة. يلا باي.
قاسم: باي.
-في مكان تاني.
عند غصون.
غصون كانت خلصت الشقة و خلاص تعبت جدا وقعت في الارض من كتر التعب.
غصون(و هي بتنهج): كدة مينفعش. لازم نأكل.
غصون قامت و دخلت اوضة غيث لقته لسة نايم,غصون راحت لاوضتها و بدأت تغير هدومها.
غصون لبست جيبة واسعة باللون الاسود و فوقه قميص باللون الابيض دخلته جوا الجيبة و تنت الاكمام للكوع,لبست كوتشي ابيض و سيبت شعرها علي ضهرها.
غصون كانت حاسة بوجع في كل اطرافها بس اتحاملت علي نفسها و خدت فلوس و موبايلها و خرجت بره الشقة تشوف اي سوبر ماركت تشتري منه حاجات بسيطة للصبح...
غصون لقت الشوار ضلمة و الكل في بيته بدأت تتمشي لغاية ما لقت سوبرماركت لسة هيقفل جريت عليه.
غصون: ممكن حضرتك متقفلش هشتري حاجات بسيطة.
كان صاحب السوبر ماركت عبارة عن شخص بوجه بشوش و سمح ل غصون انها تدخل.
غصون: شكرا.
غصون بدأت تشتري عشاء خفيف و حاسبت الراجل و مشيت و كذلك صاحب السوبر الماركت.
غصون بدأت تمشي و هي نسيت الطريق و كانت خايفة و كملت مشي و هي بتحاول تفتكر الطرق.
شاب(بسُكر): هي مش دي البت الجديدة؟!
شاب2(بسُكر): ايوه هي. بس مالها حلوة كدة ليه؟!
الشابين قربوا من غصون اللي رجعت خطوة ل ورا فخبطت في حد.
شاب3: يا حرام شايفينها خايفة ازاي؟!
غصون(بحدة): اياكوا تفكروا بس تقربوا مني.
شاب2: ليه يا تري هتعملي ايه؟!
غصون كانت متحاوطة بالتلت شباب سابت الشنط من ايديها فوقعوا في الارض.
غصون حاولت تجري في شاب منهم مسك ايديها.
شاب3: تيجي تضربي و تشربي معانا؟!
غصون(بحدة): ايدك...
شاب2: انتي لسة بتقاوحي(بتعاندي).
غصون بصت للتلت شباب و للشاب اللي ماسك ايديها,غصون داست علي رجله جامد و زقته بايديها.
غصون مسكت جيبتها في ايديها و طلعت تجري بعيد عنهم,بس التلاتة جريوا وراها.
غصون كانت بتجري في حواري متعرفهاش و اتكعبلت و هي بتجري فوقعت في الارض الشباب وصلوا ليها.
شاب1: بتهربي من منطقتنا. ضحكتيني!
الشاب التالت قرب من غصون و مسكها من شعرها و...