قصص و روايات - قصص رومانسية :

رواية حارة العشق للكاتبة سلسبيل كوبك الفصل الثاني عشر

رواية حارة العشق للكاتبة سلسبيل كوبك الفصل الثاني عشر

رواية حارة العشق للكاتبة سلسبيل كوبك الفصل الثاني عشر

غصون كانت حاسة بملل في الشقة لوحدها لقت تليفونها بيرن...
الخط اتفتح.
غصون: كدة يا نور متتصليش بيا خالص!
نور: ما انا لسة متصلة بيكي إمبارح.
نور(بحماس): احكيلي عملتي إيه امبارح.
غصون(بملل): معملتش.
نور(بصدمة): معملتيش إيه؟!
غصون(بملل): يعني مفيش حاجة حلوة حصلت يا نور.
نور: نسيت أقولك.
غصون: إيه؟!
نور: رامي عرف انك اتجوزتي.
غصون(بشهقة): إيه!
نور: أيوه عرف.
غصون: و عمل إيه؟!
نور: طبعا هديته بكلمتين حلوين.

غصون: متشكرة يا ستي هردهالك.
نور: انتي بقي عاملة إيه في الجواز طلع حلو؟!
غصون: نور اقفلي في رقم بيتصل بيا.
نور: اهربي اهربي.
غصون: فعلا في رقم بيتصل يلا اقفلي.
نور قفلت و غصون فتحت الخط علي الرقم الغريب.
غصون: الو.
شخص: لو عايزة تشوفي أخوكي تاني تعالي علي.
غصون(بقلق): مين؟!
شخص: مش عارفة صوتي! انا عمر بس اياكي تقولي حاجة لعدنان.
غصون(بحدة): انت بتقول إيه؟!

عمر: أخوكي معايا مش عايزة تشوفيه تاني قوليلي علشان أخلص منه.
غصون(بسخرية): و انا ايه اللي يخليني أصدقك؟!
عمر: مش عمر العربي اللي يهزر.
عمر قفل مع غصون اللي كانت قلقانة علي غيث بس حاولت متبينش و حاولت تتصل بيه بس تليفونه مغلق و فجأة لقت ماسدج مبعوتة ليها كانت عبارة عن صورة لغيث و هو مربوط بحبل و مرمي في الارض و في لصق علي بوقه منعه من الكلام.

غصون قلقت جدا و قامت وقفت بس حست بوجع شديد في جمبها بس حاولت تقاوم و دخلت أوضتها تدور علي الكوتشي بتاعها لغاية ما لقته و بدأت تلبسه بسرعة و خرجت بره الشقة و هي خايفة و بتحاول تتماسك و الجرح بدأ يتفتح ببطء.
غصون لقت سلالم قدامها بدأت تنزلها لقت نفسها في بيت شهاب العربي و كان موجود زينب و حنان اللي بصوا ليها باستغراب.
زينب: إيه اللي نزلك دلوقتي و انتي تعبانة بالشكل ده يا غصون؟!

غصون(بقلق): فين الباب؟! لازم امشي...
حنان(بشهقة): يا مصيبتي تمشي تروحي فين و انتي لسة عروسة و مكملتيش يوم جواز غير اللي حصلك امبارح...
غصون(بقلق): أيوه لازم أمشي دلوقتي.
غصون بدأت تدور علي باب الخروج لغاية ما لقته و كانت لسة هتفتح الباب سمعت صوت سوسن...
سوسن(بسخرية): ايه يا حلوة انتي لحقتي؟!
حنان(بحدة): اقفي عندك يا غصون مش لعب عيال البيت هنا ليه قوانين و انتي ليكي جوزك و مسئولة منه و.

غصون: مش وقته دلوقتي.
زينب: ما بلاش يا بنتي عدنان هيزعق طب هو عارف انتي راحة فين؟!
غصون(بحدة): مش مهم.
غصون سابتهم و خرجت بره البيت و بدأت تمشي ناحية ورشة عدنان و كل الناس قاعدين عمال يبصوا ليها و يتكلموا عليها.
غصون وقفت علي قرب من ورشة عدنان و بعدها وقفت لما افتكرت تحذير عمر ليها بأنها تقول ل عدنان...
غصون لفت علشان تمشي وقفت فجأة لما سمعت صوت عدنان و هو بيناديها.
عدنان(بصوت عالي): غصون.

عدنان قرب من غصون بغضب باين علي ملامحه و شدها من دراعها جامد ناحيته.
عدنان بص ليها و علي لبسها لقي أن التي شيرت الابيض بتاعها مليان دم من ناحية الجرح بتاعها,غصون الرؤية عندها بدأت تقل بس مسكت في دراع عدنان و حاولت تفتح عينيها.
عدنان(بحدة): انتي ازاي تخرجي من غير اذني؟!
عدنان(بحدة): و ازاي تخرجي بالشكل ده و كمان تعبانة؟!
عدنان(بحدة): ردي.
غصون(بخفوت): غيث.

غصون كانت هتقع بس عدنان عمل ردة فعل سريعة و شالها بسرعة بين ايديه و دخل بيها الورشة.
عدنان: خضير جيب كرسي هنا.
خضير: حاضر يا اسطا.
خضير جاب كرسي و عدنان حط عليه غصون و شال شعرها من علي وشها و بصلها.
عدنان: ماله غيث؟!
غصون(بدموع): أخوك خطفه.
عدنان(باستغراب): أخويا! أخويا مين؟! قولي ايه اللي حصل.
غصون(بدموع): أخوك اتصل بيا.

غصون مسكت موبايلها و طلعت الصورة ودتها لعدنان اللي غضب من تصرف عمر الطفولي بالنسبة ليه.
عدنان: قالك تيجي ليه صح؟!
غصون هزت رأسها بمعني اه و دموعها نزلت علي وشها و بدأت تعيط بصمت علي أخوها غيث و علي وجع جرحها الشديد.
عدنان رفع رأسها و مسح دموعها بهدوء و باس رأسها...
عدنان: متخافيش. غيث هيرجع النهاردة.
عدنان بص علي جرح غصون و بصلها.

عدنان: كنتي ممكن تكلميني علي التليفون علفكرة مش تعملي كل ده. قومي علشان أروحك.
غصون: مش همشي الا لما أشوف غيث قدامي. هو قال أنه في.
عدنان: قولتلك هجبلك غيث لحد عندك يا غصون...
غصون: لا مش هرتاح الا لما أشوفه قدامي.
عدنان(بحدة): ما قولتلك هجيبه لحد عندك في ايه.
عدنان: قومي يلا.
عدنان قام وقف و شد معاه غصون اللي بصتله و طلعت تجري بس هو لحقها و شدها ناحيته.

عدنان(بعصبية): اعقلي بقي مش ناقصة هي قولتلك هجيبه لحد عندك دلوقتي انتي مش شايفة حالتك عاملة ازاي بتقاومي و انتي اصلا جسمك ضعيف.
عدنان شد غصون معاه و شاور ل توكتوك ركب غصون و ركب معاها...
عدنان: اطلع علي بيتي يا ظلطة.
ظلطة: أوامرك يا اسطا عدنان.
غصون كانت بتكتم عياطها و مش بتتكلم و حاسة بوجع مكان جرحها و بتكابر.
ظلطة: وصلنا يا كبير.
عدنان: تشكر، يلا انزلي.

غصون نزلت ببطء من التوكتوك و عدنان راح ناحيتها و دخل البيت اول ما دخل زينب و زينة قاموا وقفوا...
زينة: لقيتها الحمدلله.
زينب: يا مصيبتي ايه اللي مغرقها دم كدة!
حنان(بعصبية): أحسن تستاهل بدل الفيلم اللي عملته من شوية ده و عصت كلامي و خرجت.
غصون(بانفعال و دموع): علفكرة بقي ا.
عدنان(بحدة): هدوء مش عايز أسمع نفس حد.
عدنان: غصون كانت قلقانة علي أخوها يا عمتي هي بس اتصرفت غلط...

عدنان قرب من سوسن و وقف قدامها و هي ملامحها بقت شاحبة شوية.
عدنان: قولي لابنك يا مرات أبويا الاطفال أذكي منه و انه لو راجل و ابن شهاب العربي بصحيح يرجع عن اللي عمله أحسن و ربنا اللي خلقني و خلقه لهحكم عليه زي كأني بحكم علي حد غريب و بره عني و مش من دمي يا مرات أبويا...
عدنان قرب من غصون مسك ايديها و طلع لشقته في الدور اللي فوق أول ما دخل غصون وقعت في الارض.

عدنان اتنهد و قرب منها شاف النبض و بعدها شالها دخلها أوضتها و دخل أوضته جاب تي شيرت نضيف و جاب علبة اسعافات أولية.
عدنان قعد جمب غصون و رفع جزء من التي شيرت و بدأ يطهر الجرح بتاعها و لبسها تي شيرت جديد.
عدنان بِعد عن غصون و قام وقف ربع ايده و بصلها بهدوء شديد,عدنان مال علي وش غصون بيتفحص ملامحها...
عدنان تليفونه رن لقي شهاب باباه بيتصل بيه. الخط اتفتح...
عدنان: السلام عليكم يا حاج.

شهاب: عليكم السلام انزل يا عدنان.
عدنان: حاضر دقيقة واحدة.
شهاب: طيب.
عدنان قفل مع شهاب و غطي غصون و سابها و خرج بره الشقة و نزل ل تحت لقي شهاب قاعد و هو في ايده عصايته...
عدنان: اتفضل يا حاج.
حنان: انا اتصلت بيه يجي هو يحل كل اللي حصل ده بدل ما احنا مش فاهمين حاجة كدة.
عدنان: محصلش حاجة يا حاج.
شهاب: عدنان.
عدنان: صدقني محصلش حاجة و لو في حاجة بخصوص مراتي فانا هعرف احل الموضوع بنفس يا حاج.

شهاب: أهو يا حنان الموضوع مطلعش مستاهل.
حنان: دي طلعت تاني يوم جواز يا حاج و كمان مكبرتنيش.
عدنان: و أنتوا لما جيتوا طلبتوها معرفتهاش النظام و هي لسة جديدة فمتعرفش انك انتي الكل في الكل و كلمتك مسموعة في البيت ده.
زينب: خلاص يا حنان أهدي.
سوسن(بسخرية): و لما هي متعرفش انت معرفتهاش ليه اه نسيت أصل امبارح العروسة بدل ما ترجع واقفة علي رجليها رجعت متكسحة.

شهاب(ببرود): خشي علي أوضتك و مسمعش صوتك و لا أشوف خيالك لمدة أسبوع يا سوسن.
سوسن(بتوتر): يا حاج.
شهاب(ببرود): يلا.
سوسن دخلت أوضتها علطول و هي متضايقة من تصرف شهاب و طريقته معاها.
عدنان: عن اذنك يا حاج هروح مشوار.
شهاب: روح يا عدنان.
زينة: يا بابا.
شهاب: خير يا زينة؟!
زينة: بالنسبة لموضوع الشغل ا.
شهاب(بحدة): كلام في الموضوع ده منتهي.
زينة: ا.
شهاب(بحدة): زينة علي أوضتك.

زينة سابت شهاب و هي بتعيط بسبب رفضه المستمر
من غير نقاش.
زينب: هدئ نفسك أنت يا حاج و لا تضايق نفسك.
شهاب(بعصبية): و فين عمر و قاسم؟!
زينب(بقلق): لا عمر معرفش لكن قاسم فوق السطح بيعمل شغل...
شهاب: شغل ايه؟!
زينب: لا معرفش...
شهاب(بعصبية): ناديه...
زينب: حاضر.
زينب نادت علي قاسم اللي جه ليها بسرعة مع وجع بسيط في جرحه...
قاسم: نعم.
شهاب: كلمت أخوك؟!
قاسم: تليفونه مغلق.
شهاب(بعصبية): اوصله ده ازاي بقي؟!

حنان: يا حاج هدئ نفسك علشان الضغط.
شهاب قام وقف و سابهم و خرج بره البيت...
زينب: مكنش في لزوم تناديه يجي.
حنان(بعصبية): لا طبعا لازم البت تتعلم و كمان انا عايزة سبب مقنع للي هي عملته.
حنان: لازم تتعلم ازاي متتعدش الحدود و بالذات معايا.
زينب: خلاص حصل خير يا بنتي. وحدوه.
حنان: لا اله الا الله.
عند عدنان...
عدنان ركب عربيته و بدأ يسوق و يطلع بره الحارة بمسافة بسيطة و وقف قدام بيت باين عليه أنه قديم...

عدنان وقف العربية و نزل منها بعد ما طلع مسدسه من درج العربية حطه ورا ضهره.
عدنان دخل للمكان لقي الريحة وحشة بدأ يمشي بهدوء في المكان بيدور علي عمر...
شاب(بخوف): اسطا عدنان.
عدنان(ببرود): فين عمر يا زايد؟!
زايد(بخوف): هنا يا اسطا...
عدنان مسك زايد من التي شيرت بتاعه.
عدنان: مش هأخد الكلام علي أجزاء اخلص قول هو فين.
زايد(بخوف): حاضر.
زايد مشي و وراه عدنان لغاية ما دخل الاوضة اللي فيها عمر.
عدنان: امشي أنت.

عدنان زق زايد و بص ل عمر اللي لف بسرعة أول ما سمع صوت عدنان...
عمر(بحدة): ايه اللي جايبك هنا؟!
عدنان قرب من عمر بهدوء لغاية ما وقف قدامه.
عدنان(بهمس): خلي رجالتك تمشي علشان ميبقاش شكلك وحش قدامهم...
عمر(بعصبية): اطلعوا بره.
كل الرجالة اللي كانت موجودة خرجت بره و عمر ربع ايده و بص ل عدنان بحدة.
عمر: عايز ايه و جيت هنا ليه؟!
عدنان: و الله أكيد ميشرفنيش إني أجي مكان قذر زيك.
عمر(بغضب): ا.

عدنان(بحدة): لسة مخلصتش كلامي.
عدنان: مش من الرجولة اللي أنت عملته ده.
عدنان: و غصون دلوقتي بقت مراتي و علي ذمتي اياك يا عمر أشوفك قريب منها أو بتهددها.
عدنان مسك عمر من قميصه بغضب.
عدنان: فاهم؟! و لا تحب نعمل مجلس و نستشير الكبار.
عدنان: فين غيث؟!
عمر: انا معرفش أنت بتتكلم عن ايه. و امشي من هنا.
عدنان ضرب عمر بوكس في وشه و عمر نزل دم من جمب شفايفه مسح الدم و بص ل عدنان بغضب.

عدنان زق عمر و فتح الباب اللي لقاه قدامه و لقي غيث مرمي في الارض مغمي عليه...
عدنان قرب منه و بدأ يفك الحبل و شال اللصق من علي بوقه و حاول يفوقه.
عدنان: غيث غيث سامعني؟! فتح عينك...
عدنان قام وقف و سند غيث و خرج بره الاوضة.
عدنان بص ل عمر بغضب و سابه و خرج بره المكان كله و ركب غيث في العربية و لف ركب و بدأ يسوق ناحية بيته.
عدنان: حسن تعالي.
حسن: اؤمرني.
عدنان: تعالي اسنده معايا.
حسن: حاضر.

حسن و عدنان مسكوا غيث و دخلوا البيت حطوه علي أول كنبة.
حنان: ماله ده؟!
عدنان: بعدين يا عمتي. حد يجيب بصل.
عهد جريت تجيب بصل و ودته ل عدنان,عدنان قرب من غيث و بدأ يشممه البصل و غيث بدأ يفوق...
عدنان: أنت كويس؟!
غيث(بتعب): الحمدلله.
غيث: حصل ايه؟!
عدنان: نتكلم بعدين.
عدنان: اطلع لاختك فوق.
غيث بص ل عدنان و بص لكل اللي موجود و قام وقف و طلع علي السلالم اللي بتوصل لشقة عدنان.

حنان: انا عايزة أفهم انت كدة هتخليني أندم إني جوزتك واحدة بتعمل مشاكل زي دي...
زينب: خلاص بقت مراته يا حنان مفيش داعي للكلام ده أكيد يعني مش هنطلقها تاني يوم جواز و نفضح البنت هي ملهاش ذنب اهدي كدة.
عدنان: اسألي ابن أخوكي عمر يا عمتي اللي خطف أخو مراتي و كان عايزها تيجي لحد عنده.
عدنان: و انا هسكت المرة دي لان اعتقد كل اللي موجود هنا عارف الحاج شهاب ممكن يعمل ايه لو عرف. مش كدة يا مرات أبويا؟!

سوسن ملامحها بقت شاحبة بعد ما سمعت كلام عدنان و خافت علي عمر أوي.
عدنان: بس في الاول و في الاخر أخويا. بس اللي فوق تبقي مراتي و مش هسمحله يتجاوز أكتر من كدة...
عدنان سابهم و طلع لفوق,سوسن دخلت بسرعة علي أوضتها...
زينب: بقي عمر يعمل كدة؟!
حنان(بعصبية): و يعمل أكتر من كدة مليون مرة ما هو تربية سوسن...
زينب: أهدي بس.
حنان(بعصبية): انتي مش وراكي غير اهدي بس.
حنان(بعصبية): دي ايه المصايب دي بس يا ربي.

حنان سابتهم و دخلت أوضتها,عهد قربت من زينب.
عهد: متزعليش يا ماما.
عهد: ما انتي علطول كدة طيبة و هبلة و بيضحك عليكي.
زينب(بصدمة): طيبة و هبلة!
زينب(بعصبية): اه يا بنت الهبلة طب تعالي بقي.
عهد طلعت تجري و زينب قلعت شبشبها و ضربتها بيه.
عهد(بابتسامة): مجتش فيا.
زينب: ما انتي ناقصة تربية.
عهد ضحكت و دخلت أوضتها لقت زينة واقفة في البلكونة.
عهد: يا غندورة.
زينة: بس بقي ما تسيبيني واقفة شوية.

عهد: بقالك ساعة واقفة ايه التواصل البصري ده.
زينة(بغيظ): ملكيش دعوة يا بت انتي.
عهد خرجت و زقت زينة ل جوا و قفلت البلكونة.
عهد: عايزك يجي هنا يتقدملك يا بت العربي.
زينة: ما انتي عارفة مش هيوافقوا عليه.
عهد: يبقي خلاص فكك منه.
زينة ضربت عهد في كتفها بغيظ.
زينة: حرام عليكي.
عهد: يا بنتي...
زينة: بس يا عهد.
عهد: براحتك بقي.
عهد: مشوفتيش ايه اللي حصل؟!
زينة: ايه؟!
عهد: عمر خطف غيث أخو غصون.
زينة: بجد!

عهد: ايوه بس عدنان رجعه.
زينة: انا نفسي أعرف ماله عمر بعدنان يعني الله.
عهد: معرفش.
زينة: ربنا يهدي.
عند عدنان.
عدنان طلع شقته و دخل أوضة غصون لقي غيث قاعد جمبها و ماسك ايديها و بيعيط.
غيث(بدموع): انتي ليه مش بتردي عليا يا غصون؟!
عدنان دخل المطبخ لقي في أكل بدأ يسخنه و خرج حط الاكل علي السفرة و دخل لاوضة غصون بعد ما خبط.
غيث مسح دموعه بسرعة,عدنان قرب منه و حط ايده علي كتفه...

عدنان: متخافش هي بس تعبانة شوية يلا نقوم نأكل هصحيها.
غيث: هو...
عدنان: كان تصرف غلط منه معلش بعتذرلك بالنيابة عنه.
غيث(بابتسامة): لا عادي. حصل خير.
غيث: هسيبك معاها...
عدنان: تمام.
غيث خرج بره أوضة غصون و عدنان قرب من غصون و بدأ يفوقها...
عدنان حاول يصحيها كذا مرة لغاية ما بدأت تفوق.
غصون(بنوم): يا غيث سيبني.
عدنان: قومي يلا.
غصون(بنوم): شوية بس شوية.
عدنان: غصون انا مش غيث فوقي.

غصون فتحت نص عين لقت عدنان قدامها صرخت.
عدنان: اهدي.
غصون اتنهدت و بصت ل عدنان قربت منه و مسكت ايده.
غصون: غيث؟!
عدنان: مستنينا بره.
غصون قامت وقفت و خرجت جري بره الاوضة.
غصون: فين؟!
عدنان: هنا في اوضة السفرة.
غصون جريت علي اوضة السفرة حضنت غيث جامد و باست رأسه.
غصون: انت كويس؟! حصلك حاجة؟!
غيث: اه انا كويس متخافيش.
عدنان: يلا نقعد نأكل يلا.
التلاتة قعدوا و بدأوا يأكلوا مع بعض.

غصون: هتيجي تعيش هنا مش هسيبك ترجع هناك لوحدك تاني.
غيث: لا مش عايز أقعد هنا هرجع البيت...
غصون(بحدة): غيث لا هتيجي تعيش معايا هنا و...
عدنان: انت مش عايز تقعد معانا ليه يا غيث؟!
غيث: انا مش عايز أقعد هنا و كمان انتوا لسة متجوزين مش هتعرفوا تأخدوا راحتكم و كمان يا غصون انا كبير مش عايزك تخافي عليا...
عدنان: خلاص يا غصون سيبيه علي راحته.
غصون: لا طبعا.
عدنان: هخلي بالي منه متخافيش.

غثون: لا هيقعد معايا هنا.
غيث: يا غصون انا مش صغير.
عدنان غمز ل غيث و هو ورا غصون غيث هز رأسه بمعني ماشي.
عدنان: طيب عن اذنك بقي هروح مشوار مع غيث.
غصون: انت قولتله ايه؟!
عدنان: ملكيش دعوة يلا يا غيث.
غيث: طيب، باي يا غصون.
غصون: ا.
عدنان حط ايده علي بوقها.
عدنان: ايه يا شيخة بطلي شوية بطلي رغاية كدة ليه. يلا يا غيث بينا.
عدنان خد غيث و مشي و غصون بصتله بغيظ.
عدنان: و اه متتحركيش من هنا لحد ما اجي احسنلك.

غصون: اعتبره تهديد.
عدنان: مش عارف ايه البلوة اللي ربنا رزقني بيها دي بس كان فين عقلي لما وافقت عليكي.
غصون(بغضب): تصدق انك شخص قليل الذوق و كمان محدش جبرك علي الجواز احنا لسة فيها مش هموت شوقا يعني علشان تبقي جوزي.
عدنان ساب غصون و مشي.
غصون: يا شيخ ده أنت رخم ايه ده.

-في مكان تاني...
عند مراد.
مراد كان في أوضة مكتب رامي في شقته و بيحاول يفتح الخزنة فجأة لقي باب الاوضة بيتفتح و رامي بيدخل.
رامي: مش كنت تقول انك بتلف علي الورق بقالك كتير.
رامي رفع ايده بمجموعة ملفات بايده في وش مراد.

الفصل التالي
جميع الفصول
روايات الكاتب
روايات مشابهة