رواية جبروت ذئاب الصعيد الجزء الثاني للكاتبة ميادة مصطفى الفصل الأول
في الجامعة
ظابط الامن: انا اسف يا رعد باشا والله ما كنت اعرفك سامحني
رعد بتحذير: هسامحك بس ثم نظر فجاءة لفرحة وسكت خلاص روح انت
فرحة جريت عليه: خوفت عليك قوي
رعد باثبات: ليه يعني عيل صغير اني ولا اي
فرحة بحزن: لا طبعا بس
رعد: اخلصي انتي لسه هتبسبسي خلصتي محاضراتك
فرحة: ايوا خلصت هو انا ممكن اسالك سؤال
رعد بتنهيده عليا: ها اسالي.
فرحة: طلامه بتجي تاخدني بلعافيه كدا ليه بتيجي متبعتلي السواق وخلاص مش لازم انت اللي تيجي
رعد رفع احد حاجبة: مع انك ملكيش صالح بس هرد عليكي اولا مأمنش لحد خالص ان يجي ياخدك ولا سواق ولا غيرة ثانيأ دي اوامر عمي زين واني مقدرش اكسر كلمة ليه لانه قدوتي وبحبه جدا
فرحة بهمس وتنظر له: يا ريت تحب بته كمان
رعد: هتقولي حاجة
فرحة: ها لا لا مهقولش يالا بقي نمشي
في منزل السيوفي.
تقف ليلي في المطبخ ويدخل عليها زين بحب يحضنها من الخلف: قلبي اتوحشتك قوي
ليلي بخضة: خضتني يا زين وانت كمان اتوحشتني قوي بس اوعي اكدي لاحسن حد يدخل علينا عيب هيقولو ايه علينا
زين يتمسك بيها اكتر: هيقولو عاشق وعاشقة وبعدين ماللي يدخل يدخل واللي يقول يقول هخاف ولا ايه انتي مرتي و حبيبتي ودنيتي كلها وبحب في كل وقت اعبرلك عن حبي ليكي يا لوليتا.
ليلي تتنهد بحب: واني بحب حبك دا قوي يا زين الرجال اللي مهما نكبر والعمر يعدي عمره ما بيقل ابدا لا دا بيزيد
الله الله ايه اللي بيحصل دا لا لا ممصدقش عيني واصل كيف اللي اني شايفة دا امي وابويا مع بعض وفي المطبخ يا حسرتيي ويمسك قلبه بهزار
ليلي بضحك: اهو خليت عيل ملوش لازمة يتكلم علينا
زين يضحك: دا انت مشكلة يا امجد مش هتبطل اللي انت في دا.
امجد يتعدل في وقفته ويعدل ياقت قميصة بتباهي: بذمتك يا عم الحج اني عيل كل الجته دي عيل
زين: لا رجل وسيد الرجال
امجد بهزار وينظر لي ليلي: ياما نفسي اتجوز كده يا ابا ومراتي تقولي يا زين الرجال
زين: استحالة تلاقي حد هيقولك اكدي واصل عشان مهطتلعش من القلب غير من واحدة بس ينظر ل ليلي وهيا لوليتا وبس.
امجد بيناكف في زين: ايه يا حاج انت عايز تاخد الحب اللي في عالم ولا ايه سيب شوية للغلابة اللي زينا حرام بقي عايز تكوش علي كل حاجة
ليلي بحب: انا هقولك حاجة يا امجد
امجد بهزار: اشجايني يا ست الكل يا لوليتتنا كلنا
زين بغيظ: دي لوليتي انا وبس يا ابن الكلب انت مش عايز اسمعها من حد وبذات انت فاهم
امجد بمشاكسة: حاضر يا كبير مقبولة من بقي بتغير من ولدك علي مراتك اللي هيا امي اصلا.
ثم حب يغيظ زين كملي كنتي هتقولي ايه يا لوليتة قلبي انتي يالا ابدعي يا موزتي.
زين كان هيتعصب علي امجد بس سابقته ليلي و ضربت امجد علي كتفة واكملت حديثها: لو تقدر تكون زين الرجال في كل شي وبذات حبه و حنيته وثقته في اللي بيحبهم فمش خسارة فيك اي لقب لان الالقاب مش اسامي تطلع علي حد وخلاص لا الالقاب دي لازم تكون لسبب لهدف انت عملته لكن اطلع علي نفسي لقب سهل بس مش هيوصل ولا حد هيقوله بقلب يعني انا قبل ما اعرف بوك كان ناس كتير بيقوله زين الرجال يعني مش اني اول واحدة اقولهاله يعني هيا الناس فعلا شايفة زين الرجال.
امجد: الله ايه الكلام الجامد دا بجد بحسدك يا ابا علي امي وبدعي ربنا يكرمني بواحدة زيها كدا يا سلام
زين: ما اظنش هتلاقي لان مفيش غير لوليتا واحدة وبس
ليلي بحب: ربنا يباركلنا فيك يا سيد الناس
فرحة جت: السلام عليكم
زين وليلي وامجد: وعليكم السلام
ليلي: حمدلله علي السلامه يا فرحتي.
فرحة قربت منها بحضن وبوسة في خدها: الله يسلمك يا ست الكل يا قمر انتي ثم نظرت لي زين بمشاكسة وانا داخلة كدا سمعت سيرة حب وكلام من دا
امجد: ايوا عصافير الكنارية بتوعتنا كانه بيحبو في بعض
زين بضيق منه: لا يا غبي كنا بنعشق بعض
امجد بابتسامة: ولا يهمكم يا سيد الناس كانو بيعشقو بعض شكلنا هيجلنا نونو صغنن نلعب بي يا فروحة
ليلي بكسوف: بطل قلة ادب يا ولد شد حيلك واتجوز وجبلنا انت نونو صغنن يا خفيف.
زين: تعرف يا واد انت لو ما لميت نفسك هتضرب في دماغي واروح اجبلك عيل يدخلك الجيش ويريحنا من قرفك دا
امجد بضحك هستيري: واهون عليك يا باشا مصر برضو
كان يقف رعد يشاهدهم بابتسامة نظرت له فرحة بحب: انا هحسدكم واقولكم يا بختكم بحبكم لبعض يا بابا
امجد بيغمز لفرحة: سيبك من الكلام دا يا فروحة اني في موضوع بيدور في دماغي بقاله كام يوم
فرحة فهمته: ايه هو يا امجد قول.
امجد: حاسس الايام دي امي مبقاتش زيي الاول وماهمله في نفسها وفي ابوكي بسم الله ماشاء الله زي ما هو بعضلاته وحلاوته ففكرت يعني اني اجيب واحدة تساعد امي في طلباته معايزهاش تتعب خالص
فرحة: هتجيب شغالة يا امجد
امجد يمشي يقف بجانب فرحة: لا يا فروحة شغالة ايه مشاغلين هنا كتير قوي لا اني قولت الشرع محلل اربعة واحنا هنجوزه واحدة بس مش حرام.
لتبرق عين ليلي بصدمة و بغضب: ايه عايزين تجوزه ابوكم عليه يا ولاد ال ثم بداءت تلتفت علي شي ترمي عليهم ثم ذهبو فرحة وامجد خارج المطبخ وهم يضحكون
ورعد واقف ابتسم: اهدي يا مرت عمي دول عيال مرويش متخديش عليهم هو عمي هيلاقي كيفك برضو
زين بيكتم ضحكاته: دا امجد دا ولد قليل الادب عايز رباية من جديد تعالي يا رعد معايا نمسكو نظبطو
ليلي بغيظ: تمسكو تظبطو برضو ولا تسالو علي العروسة اللي جايبهالك.
رعد همس لزين: دايما مقفوس يا عمي الله يكون في عونك
زين ضحك: اسكت هتودينا في داهية
ليلي: بتقوله ايه انت وهو
رعد يصتنع الخوف: انا بقول السلام عليكم انا بقي هروح انا سلام ربنا معاك يا زين الرجال
زين: يا ولاد الكلب كلكم خليتو بيا
ليلي: ومال انت عايزهم يعملو ايه.
زين بابتسامة جذابة: اني كنت عايزهم يمشو اصلا يا حب عمري بذمتك اني ممكن افكر في واحدة غير لوليتا ها تفتكري ممكن اني مفيش غيرك يملئ قلبي وعيني ودنيتي مفيش غيرك ينفع يتحب مفيش غير يقدر يخليني اعشقة كدا اني محبتش ولا هحب غيرك انتي يا ملكة قلبي ونور عيني
في غرفة فهد ومنار
فهد: رعد لسه مجاش
منار: تقريبا لسه كان رايح يجيب بت عمه من الجامعة
فهد: يارب تكون من نصيبه وقسمته.
منار: يارب بس هو دماغة ناشفة هيقول هيا كيف خيتي الصغيرة وبس
فهد: ربنا يغير تفكيرة من ناحيتها مش هيلاقي اجمل ولا احسن منيها واصل
كيفكم يا بشوات
منار: جبنا سيرة القط جاي ينط
رعد رفع احد حواجبة: يا تري بتجيبو سيرتي في ايه اوعو يكون في موضوع كل مرة الجواز
والكلام الفارغ دا
منار: هو الجواز حاجة فارغة برضو يا ولدي دي سنة الحياة
رعد: مش وقته يامه الكلام دا.
فهد: كل مرة مش وقته الحديت دا خلاص مصر كلت دماغك طول ما الحريم حواليك العريانه واللي واللي هتفكر ليه في الجواز
رعد: بوي انت عارف كويس اني مبعملش اي حاجة حرام بس نظام شغلي بيخليني اختلط بيهم مش اكتر واقولكم علي حاجة جوزه زياد هو بيحب الجواز قوي
فهد: يعني اجوز الصغير قبل الكبير
رعد: وفيها ايه يا بوي مانت اتجوزت قبل عمي زين
منار: انت نسخة اصلا من عمك زين حتى الدماغ.
فهد: فعلا عنديكي حق اكنه ولده هو مش ولدي اني
رعد بابتسامة: ودا شي يفرحك ولا يزعلك يا بوي
فهد بتنهيدة: اي شخص منينا بيحب يكون ولدو نسخة مني بس اني مزعلش واصل انك تبقي كيف عمك زين
رعد: صح زياد لسه مجاش
فهد: في مامورية ولسه مجاش ومعرفينش هيجي ميتا
في منزل العمروسي
اسد: ياما بقالك عشرين سنه مهتسكتيش خلاص اني جربت حظي في الجواز مرة و تنين مهجربش تاني واصل اني كبرت وخلاص معدش فيا حيل.
ام اسد: يو معدش فيك حيل لستك عنديك بتاع 55 سنه وعجزن ماني اعمل ايه اللي بقيت عندي 73
اسد ابتسم ونزل علي ايديها باسها: ربنا يخليكي لينا ياما ويباركلنا في صحتك بس خلاص ياما كبرت علي الجواز ونفسي قفلت مني اصلا
ام اسد: انت حر انتي تعبت منك بقي
في غرفة رعد الجد هو كبر بلعمر وبقي لا يستطيع الحركة
محمد بجبروت: ها يا جدي أن الاوان وهقتلو يعني هقتلو دا تأر بوي وانت عارف زين يعني ايه تأر.
رعد بتعب: متتعبش قلبي يا ولدي بوك كان عايز يقتل امك وهو عمل اكدي حفاظا علي امك متحرقش قلبي يا ولدي اني كبرت
محمد بسرحان: اني مش عايزة هو ولا عايز احرق قلبك اني عايز احرق قلبه هو علي ولده
رعد: طيب ولده ذنبة ايه دا كان طفل وقتها
محمد: مهو مينفعش اخد بتأر ابويا من رجل كبير في السن لازم شاب يحرق القلب
دخل زين بقوة: عايز تحرق قلب مين يا ابن عادل
محمد باثبات: اقتل اللي قتل بوي.
زين: تقتل خالك اللي انت عايش في خير ابوه واتربيت وبقيت كيف مانت دلوقت من مال ابوه اللي هو جدك
محمد: لا دا مش ماله دا مال بوي وجدي
زين: بوك هههه ليه انت معرفتش ان بوك خسر قبل ما يموت كل شي في القمار ودا اللي اكتشفنا بعد موته
محمد بغضب: وحق امي هنا ايه وضعه
زين بغضب: حق مين سمعني مفيش حد واصل ليه حق اهني طول ما جدك حسو في الدنيا كل حاجة تحت رجلي هو وبس سمعني واللي معجبهوش الباب يفوت مية جمل مش واحد بس.
محمد بغيظ: ماشي يا زين باشا وسابهم ومشي
رعد بتعب: براحة عليه يا ولدي سايسه عشان دا متهور ممكن يعمل اي حاجة يأذي ولد خيك
زين: ميقدرش يعمل حاجة واصل دا بيتحدت وخلاص اي كلام زي ما هيقوله
رعد: لا يا ولدي دا دماغة سم
في مصر
اللواء عصام: حمدلله علي السلامة يا بطل شرفتنا ودايما مشرفنا يا زياد
زياد: تمام يا فندم الله يسلمك ولو اقدر اعمل اكتر من كدا هعمل والحمدلله اننا
قدرنا نقبض علي المجرمين دول.
رمزي صديق زياد بهمس: علي اساس ان مكنش في غيرك في المامورية دي ايه الظلم دا
زياد بهمس: اقعد ساكت عشان مفضحكش وقول ان كنت مقضي المامورية كلها نوم
اللواء عصام بابتسامة: بتقول ايه يا رمزي قول بصوت عالي وسمعني
رمزي بتوتر: ها لا مبقولش بقول زيزو كفاءه وقداها وقد اي حاجة
اللواء عصام: اكيد طبعا وانت كمان يا رمزي من احسن الظباط عندي بس عايز تعقل شوية من السرمحة.
رمزي برق عينه بطريقة كوميدية: انا بتسرمح استغفر الله العظيم انا بتسرمح اعوذ بالله دا انا غلبان انا مليش في الكلام دا يا سيادة اللواء
زياد بتريقة: خالص لاسمح الله انت ملاك
رمزي: شوفت اهو زيزو بيقول عليا ملاك
اللواء عصام ضحك: طيب تبقي صادق يا رمزي طبعا انتو عارفين انا بحبكم قد ايه ومعتبركم اولادي اللي مجبتهومش فعايزكم دايما ترفعو راسي كدا
زياد و رمزي ابتسمو والقو التحية: تمام يا فندم عن اذنك.
اللواء عصام: اتفضلو يا رجالة ربنا معاكم
في منزل العمروسي
اسماء بعصبية: همسة وبعدين نسمع الحديت ولا هفضل اتحدت كتير
همسة بزعل طفولي ومحايلة: هروح شوية صغيرين مش هتاخر ونبي
اسماء بتنهيدة: اللهم صلي عليك يا نبي بس روحي قولي لبوكي عشان يخلي السواق يوصلك
همسة بفرحة: طيب هو فين بابا
اسماء: هتلاقي في مكتب جدك الله يرحمه
همسة جريت مسرعا إلى والدها خبطت علي الباب ثم دخلت: بابا بابا
عمار وهو مشغول: نعم.
همسة: كنت عايزة حضرتك تقول للسواق يوصلني بيت جدي رعد
عمار نظر لها: وايه اللي هيوديكي هناك
همسة: زهقانه يا بابا هروح اقعد مع بنات خلاني
عمار: روحي يا همسة هتلاقي عمك خميس السواق بره قوليلو انتي مش هيقولك شي اني مفضيش
همسة بسعادة: ربنا يخليك ليا يا احلي اب في العالم
عمار بابتسامة: ويخليكي ليا يا احلي بت في الدنيا
في منزل السيوفي الجميع متجمع علي طاولة الطعام
زين: ومال فين بتك ومرتك يا مالك.
مالك: اهي سمية نازلة اهي
سمية بابتسامة: معلش يا جماعة اتاخرت
ليلي: ومال فين لوجي
سمية: نازلة بس بتلبس
ليلي: فرحة فين امجد
فرحة وهيا بتاكل: مش عارفة
زين: - كلو انتو سيبكم منيهم اللي يجي ياكل احنا محيشنش الوكل علي حد
في غرفة لوجي ابنة مالك كان تمشط شعرها امام المرايأ ثم تصدم باحد يدخل عليها
لوجي بصدمة: ايه دا بتعمل ايه وازاي تدخل عليا كدا
: واي يعني مانتي حبيبتي.
لوجي: طيب روح انزل بقي لاحسن حد يشوفك هنا تبقي مصيبة
: طيب انا هنزل هستناكي علي السفرة متتاخريش
في لبنان شخص يقف في مكان مهم ويتحدث في الهاتف
: انت مفكرني اني ناسي حتى بعد 21 سنه لا عمري ما انسي ابدااا اي شي حصل وهنتقم بطريقتي
: اوعي تكون هتتنقم زي ما قولت قبل كدا دي بنتك
: لازم انتقم بي طريقة حتى لو بي بنتي اللي كانت عوض لبنتي اللي راحت مني واللي عشانها بعمل دا.