رواية تزوجت جاري العنيد للكاتبة رهف سيد الفصل الرابع والعشرون
صعد ادهم وجد نور تبكي ورؤى تواسيها
ادهم. اطلعي دلوقتي يا رؤى
رؤى. ماشي
اقترب ادهم من نور واحتضنها بقوة
ادهم، هشششش بس خلاص متعيطيش
نور. انا معملتش حاجة يا ادهم
ادهم، انا عارف يا روحي بس خلاص متعيطيش
اما في الاسفل
زهرة. غلطتي يا خديجة وادهم مش هيعدي ده على خير
خديجة. اكتر من اللي عملو ده
علي، لازم تعتزري لادهم ونور
بسمة. What(ماذا) ماما تعتزر ليها
زهرة. لما الكبار يتكلمو تحطي جذمة في بوقك وتسكتي.
رؤي، سوري يعني يا عمتو بس حضرتك زودتيها اوي مع نور وادهم
خديجة، ماشي الغلط كلو كان عندي انا ماشي هعمل اللي يريحكو عيزني اعتذر ليها ماشي هعتذر اطلعي يا رؤى ناديها اعتزرلها
رؤي، حاضر يا عمتو
صعدت رؤى إلى الاعلى وطرقت الباب
ادهم، اتفضل
رؤى. عمتو عايزاك انت ونور
ادهم، حاضر جايين
امسكت نور في يد ادهم بقوة
ادهم، بس متخفيش
مسحت نور دموعها ونزلت هي وادهم
خديجة، انا اسفة لو زعلتي
نور، لا يا طنط مفيش حاجة.
ادهم. انا اسف يا عمتو لو زعلتك
خديجة، لا محصلش حاجة يا ابني
الخادمة، الغدا جاهز اتفضلو
جلس الجميع على الغداء
نور. عن اذنكم
رؤى. انتي لحقتي تاكلي
نور. معلش بس تعبانة شوية هطلع اقعد في الجنينة شوية
ادهم، طيب يا حبيبتي
ترررررن
رؤى. اهلا بالراجل اللي مش بيسال على مراتو
نظر الجميع لها بصدمة
ماهر، يعني انتي كنتي تسالين عن زوجك
رؤي، لا وحياة ماما هو مين اللي مفروض يسال الراجل ولا ست
ماهر، الراجل
رؤى. طب ما انت راجل.
ماهر، وايش دراكي ان انا راجل
رؤي، اخربيت اللي يتكلم معاك طلقني
ماهر. انتي طالق
رؤى. طلقتني يا حيوان صدق اللي قال الرجالة ملهومش امان
ماهر، بس إيه المسرحية دية كلها
رؤي، فعلا انا اتخنقت هههههههه
مجد، اخيرا خلصتو طفشتوني
رؤي، الله انتي راكبة معانا على الخط
مجد. اجل اترك ابني لك تستهبلين انتي ووجهك
رؤي، لا مش هستهبل انتو اندال مش بتتصلو
مجد، يا عمري كنتي انتي تتصلين.
رؤي، ندالة بندالة خالصين المهم رغوده عاملة إيه
مجد، طلعت حامل بصبية
رؤي، بجد إيه الجمال ده من حظ ماهر
مجد، كل الناس يقولون كذا المهم نور بجنبك
رؤي، لا مش جنبي اندها
مجد، لا لا المهم ادهم جنبك
رؤى. اه عيزاه
مجد، ايوة
رؤي، خد يا ادهم مجد عيزاك
ادهم، ازيك يا امو ماهر
مجد، اندال تدرون ولا لا
ادهم، مش جديدة يا اختي واللهي
مجد، الله يعينك يا نور
ادهم، هههههه ربنا يسامحك
مجد، المهم بكرة عيد ميلاد نور.
ادهم، يخربيت دماغك مقولتيش ليه من بدري
مجد، انا لسة دارية من ماهر هو الوحيد اللي كان متذكر
ادهم، طب هعمل إيه
مجد، سوي مفاجاة جيب هدية بربك يا ادهم ما راح اخبرك
ادهم، خلاص هشوف واقولك
مجد، لا تنسى تصور وتبعثلي
ادهم، اوك سلميلي على علي وماهر وخالد ورغد
مجد، ابشر يوصل يلا تبغا شئ
ادهم، سلامتك يلا تصبحي على خير
علي. انتي اتجوزتي يا بت من ورانا ولا إيه
ادهم، هههههههه لا يا حج ده عيل عندو 4سنين رؤى هتموت وتتجوزو.
زهره، ربنا يكملك بعقلك
رؤي، المهم مجد كانت عايزة ايه
ادهم، صح عيد ميلاد نور بكرة
زهرة، بجد
ادهم، محدش يقولها حاجة احنا هنعملها مفاجاة
رؤي، معاك يا شبح
زهرة، يا إيه!؟! انا معرفتش اربي
رؤي، خلاص اقفلو على الموضوع نونا جاية
نور، شفتي كلمت رغد وطلعت حامل في بنت
علي، عقبالك يا بنتي
رفع ادهم يدية، يااااا رب
نكزتة نور في كتفة ولكنه امسك يدها من اسفل الطاولة حاولت نور سحبها ولكنة لم يتركها لاحظت هذا رؤى.
نور بهمس. سيب ايدي يا ادهم
لم يرد
نور، يا ادهم سيب ايدي
وقفت رؤى بينهم وفكت يد ادهم
رؤي، قالت سيب ايدي إيه الرجالة دية
زهره، في إيه يا رؤى انتي واقفة بينهم كده ليه
رؤى ببراءه، لا يا ماما ده انا كنت بكلم نور
ادهم، يعني محلوش تكلميها غير دلوقتي
رؤي، شوفتو إيه اخر الاخبار
خديجة، خير ان شاء الله
رؤي، بيقولو ان الكهربا انهرده هتقطع
زهره، ربنا يستر
رؤي، وانا بقى بخاف من الضلمة هجيب نور تنام جمبي.
توقف الطعام في حلق ادهم وبدا يسعل بشدة
رؤي، دية عين مصليتش على النبي
زهره، اسم الله عليك يا حبيبي انت كويس
ادهم، كح كح ايوة يا ماما انا كويس
نور، خد اشرب ماية يا ادهم
ادهم بهمس، رؤى والمصحف لو ما سكتي انهرده لاجيبك من ديل البقرة ده
رؤي، اولا اسمو ديل حصان يا جاهل ثانيا انا حرة انا بخاف من الضلمة يعني يرضيك اختك تنام في الضلمة
ادهم، اياكشي تولعي انا مالي
زهرة، انتو بتقولو إيه
رؤي، ولا حاجة يا ماما سلامتك.
ادهم. اممم طب تصبحو على خير انا هموت وانام
نور و زهرة، بعد الشر
زهره بهمس لنور، اطلعي مع جوزك شوفيه عايز إيه
نور، هو مش عايزني
زهره، كتك وكسة توكسك اكتر ما انتي موكوسة اطلعي يا بت ورا جوزك
نور، يوووه يا ماما بقى
زهرة، كتك مو اما يخدك اطلعي يا بت
رؤي، بتقولو إيه
زهره، ملكيش فيه اطلعي منها واطلعي انتي التانية
رؤي، تطلع فين مش هتبات معايا
زهرة، اخرسي يا جذمة انتي ملكيش فية
ادهم، انتو بتقولو إيه.
زهره، مفيش يا حبيبي عايز حاجة
ادهم، لا انا هطلع اعمل تليفون وبعدين هنام فاهمين يعني إيه هنااام رؤي، مفهمتش يعني إيه
ادهم، عنك ما فهمتي المهم في ناس فهمت ولا لسة يلا انا طالع
زهره، شوفتي انا مش قولتلك يلا روحي
نور، حاضر يا ماما بس مش دلوقتي
زهرة، انتي حرة اياكشي يتجوز عليكي
نور، والمصحف تلاقي ابنك تاني يوم متعلق على باب الجنينة مدبوح.
عمار، شوف الندالة يعني تنزل الصعيد ومتقولش
ادهم، معلش مش تزعل واللهي كان ضروري انزل
عمار. ليه بس
ادهم، بسمة بنت عمتي كبت الشاي على ايد نور
عمار، طب هي كويسة
ادهم، الحمد لله
عمار، طب ده مش سبب منطقي علشان تنزل يعني اكيد في حاجة تانية
ادهم، هو الصراحة فية
عمار، احكي
فلاش باك
بعدما اغلق ادهم الهاتف بعد انتهاء المكالمة سمع صوت دق الباب نهض وارتدى التي شيرت الخاص به وفتح الباب
ادهم، انتي.
وجد فرح ترتدي فستان قصير للغاية ويبدو عليها انها ثملة و تحت اعينها سوداء من اثر المخدرات
ادهم، انتي بتعملي إيه هنا
فرح، هششش وطي صوتك انا عارفة ان نور مش هنا قلت اجي اقعد معاك
ادهم، انتي مجنونة اطلعي برة
فرح، ليه بس ده انا بحبك واللهي بحبك وشوفتك قبل نور اشمعنا تتجوزها هي وانا لا
ادهم، انا بحب نور ومش هحب غيرها
بدات تقترب من ادهم وتحاول اغرائه، ليه بس كده ده انا بحبك.
دفعها ادهم بقوة لدرجة انها وقعت على الارض
ادهم، احمدي ربك ان نور مش هنا اطلعي برة بدل ما اطلب البوليس حالا
فرح وهي تنهض، ماشي واللهي لاوريك واحرقلك قلبك على حبيبة القلب بتاعتك دية ويا انا يا هي
نهاية الفلاش باك.