رواية تزوجت جاري العنيد للكاتبة رهف سيد الفصل الخامس
رفعت نور وجهها لتجدة عمها يوسف والشرار يتطاير من عينية
رؤى. نور نور حبيبتي انتي كويسة
يوسف، يا قليلة الادب اذا كان ابوكي معرفش يربيكي انا هربيكي بتضربي بنتي علشان بتنصحك يا بجحة وصلت بيكي الجراءة امبارح سكت علشان كان معاكي صحابك دلوقتي انني لوحدك
فلاش باك
دخل يوسف المنزل وجد ابنتة تبكي وعبير بجانبها تواسيها
يوسف، مالك يا بنتي
فرح، نور يا بابا.
عبير. شوفت اللي ما تتسمى عملت إيه في قولت نعمل بأصلنا ونشوفها طلعت بنتي تطمن عليها لقيت راجل بيفتحلها وشافت بنت اخوك المحترمة طالعة من اوضة النوم ولما جت تنصحها راحت ضربتها بالقلم ووشها احمر يا حبة عيني يرضيك اللي بنت اخوك بتعملو ده حتى معملتش احترام ليك.
نهاية الفلاش باك
نور. كدب يا عمي واللهي كدب رؤى كانت معايا
يوسف، يعني بنتي هتكدب
رؤى. واللهي يا عمو يوسف انا كنت معاها
يوسف. وايه مصلحتها انها تكذب
رؤى. ااصل اصل يا عمو اخويا كان هيتجوز نور و و طنط عبير و فرح مكنوش عايزين ولما نور قالتلها اتعصبت وقالت انهم اكيد عاملين حاجة غلط
يوسف. واه اللي جاب اخوكي هنا
رؤى. هو هو كان جاي ليك اه كان جاي ليك بس ملقاش عربيتك طلع يستناك فوق.
يوسف. وانا اه اللي هيخليني اصدق
جاء صوت من الخلف، اني هكتب عليها
يوسف، هو انت
ادهم. ايوة وهكتب عليها في الوقت اللي تحددو
يوسف. وايش دراني متكونوش عملتو حاجة كده ولا كده
ادهم. انا عندي اخت بنت وعارف ان ممكن يحصلها كده بس انا جاي البيت من بابو
يوسف. يبقى كتب الكتاب الخميس الجاي
ادهم. وانا موافق
نور، وانا مش موافقة
كاد يوسف ان يضربها حتى امسك ادهم يدة، هو انتي ليكي عين اصلا تتكلمي.
نور بصراخ، لما ابقى اعمل حاحة غلط هيبقى مليش عين
يوسف، واضح ان اخويا معرفش يربي
نور بسخرية و الدموع اوشكت على الهبوط، هو اخوك اصلا كان بيشوفني ولا كان عندو وقت يربي
يوسف. انا اللي عندي قولتو وكتب كتابك يوم الخميس الجاي
غادر يوسف اما نور وقعت في احضان رؤى باكية اخذتها رؤى وذهبت نحو غرفتها بينما بقى ادهم في الصالة لا يعرف لماذا وافق ولماذا قال هذا.
ادهم، يا ربي هو انا ليه قولت كده يمكن علشان عندي اخت بنت وممكن يحصلها كده بس ليه وافقت ان اكتب كتابي رغم ان في بنات كتير عيزاني والمصيبة هتعمل إيه في عيلتك ده كل البنات تتمنالك الرضى ترضى و عمامك وعمتك هيموتو ويجوزوك وبالذات عمتى خديجة يا رب افرجها من عندك
اما في الداخل كانت مور تبكي و رؤى تحتضنها
رؤي، بس خلاص يا نور
نور، اهئ اهئ ليه واللهي منا ظلم كده
رؤي، بس خلاص.
نور، واخوكي جي يتجوزني هو التاني انا نقصاه
رؤي، واللهي فكرتيني هههههههه كان منظرو يضحك وهو جاد كده
نور، استني انا لازم اطلع اتكلم معاه
رؤي، اه واللهي تعالي
نور. ده انا هنفخو
خرجت نور وهي غاضبة للغايه اقتربت منه وقف ادهم اول ما خرجت بينما بقيت رؤى عند باب الغرفة اقتربت منه نور ثم قامت بصفعة بقوة لدرجة ان وجهه لف للجهه الاخرى شهقت رؤى فهذه اول مرة يصفع احد اخاها وضعت يدها على فمها منعا لضحكتها.
اما ادهم فكان غضب لدرجة كبيرة لف وجهه لها وضع يده على مكان الصفعة اوما ادهم لرؤي كي تدخل استجابت له رؤى تاركه لهم المكان خالي لانها تعلم سوف يحدث مضاربة قوية بينهم
ادهم بعصبية. انتي ازاي تتجراي
نور بعصبية اكبر وهي تلوح بيدها. انت اللي ازاي تتجرا وتعمل كده
ادهم. يعني الحق عليا
نور، ايوة الحق عليك تتفضل حالا تنزل وتقول لعمي انك مش هتتجوزني.
ادهم. انا كان ممكن اقول كده قبل ما تضربيني بس دلوقتي لا انا مصمم علشان اربيكي
رفعت نور يدها لتصفعة مرة اخرى ولكنه كان اسرع منها لف يدها خلف ظهرها بقوه لدرجه انها ارتطمت بصدرة
ادهم. تحترمي نفسك وانتي بتكلمي. بتكلمي جوزك وانا اذا سكت اول مرة مش هسكت دلوقتي فاهمة يا زوجتي المستقبلية
نور. عشم ابليس في الجنة اني اتجوزك
ادهم. هههههه لا يا روحي انا هتجوزك علشان اقطعلك لسانك اللي محتاج قصة.
نور، لا انت ولا عشر رجالة يقدرو يعملولي حاجة
ادهم، تؤتؤتؤتؤ كفاية راجل واحد عليكي
نور، جي تعمل راجل عليا انا
اغضبت كلمتها ادهم كثيرا سحبها من شعرها واقترب من اذنها بنبرة لا تبشر بالخير. انا هسيبك دلوقتي بس حساب الكلمة دية تقيل اووي ولما تبقى على ذمتي ساعتها هتعرفي ردي على كلمتك دية
نور. ابعد ايدك عن شعري
ادهم. احمدي ربك انها جت على قد شعرك
تركها ادهم وغادر امسكت نور شعرها بالم.
نور. حيوان حقير متخلف مجنون
ادهم بصوت عالي، نووووور
ركضت نور إلى الغرفة كانت تعتقد انها قد ذهب اغلقت باب الغرفة وصدرها يعلو ويهبط بخوف نست وجود رؤى بالغرفة
رؤى. كنتو بتقولو إيه
نور، عاااااااااا فزعتيني حرام عليكي
رؤي، هههههههه معلش كنتو بتقولو إيه
حكت لها نور ما حدث.
رؤي، يا حزنك يا نور يا ريتها ما كانت خلفتك يا ليلتك اللي زي وشك يا نور لا ده انتي وشك حلو يا ليلتك اللي شبه شعرك لا ده شعرك بني يا ليلتك اللي زي قرن الخروب يا نور يا بنت هو انتي قولتيلي اسم ابوكي اية؟!
نور. احمد
رؤى. يا نور يا بنت احمد يا ريتها كانت مخلفتك يا ريتها كانت خلفت شبشب بلاستيك احسن
نور، خلصتي
رؤي، لسة بفتكر اه يا ليلة بختك جت الحزينة تفرح ملقتلهاش مطرح اه يا س...
نور، بس بس حرااااام كفاية بطلي يخربيت اللي ربط الحمار وسابك حصل إيه لكل ده
رؤي، جاية تسالني ده انا اختو تخيلي يا ختي اختو بقالي 18 سنة وعمري ابدا ابدا ما اديتو على قفاه تيجي انتي وتضربيه بالقلم
نور، لا وكنت هضربو مرة تانية بس حيوان لحق مسك ايدي.
رؤى. تتلهي على عينك وتسكتي جاية تقوليلو تعمل راجل عليا ده هيخلي ايامك كلها بمبي بس اصبري يبقى اسمك مدام تخيلي كده معايا مدام ادهم على الدمنهوري اسم كده تحسية لوحدو فيلم رعب.
نور، يا هبابة البرك انا بقولك تطمنيني ولا تخوفيني
رؤي، يا امي ده انتي خفتي ما بالك وانا اللي عايشة معاه بصي كل ده وانتي مبقتيش على ذمتو اومال لما تبقى وكل ده كوم والحاج على كوم تاني
نور. علي مين
رؤى. والدي لا ادهم والحاج على كفة والحجة خديجة دية كفة لوحدها
نور، يا بنتي انتي عايشة في فيلم رعب كده ليه
رؤي، واللهي فيلم الرعب احسن بس اذا هتيجي معايا الصعيد محدش هيهون عليكي غير زهرة.
نور، ومين دية كمان اوعى تقولي الشبح
رؤي، بس يا بت دية ماما
نور. سووري
رؤي، دية بقى تحسيها كوميدي طالع من قلب فيلم رعب.