قصص و روايات - قصص رائعة :

رواية تحت جنح الظلام الجزء الأول للكاتبة أسماء صلاح الفصل الثاني والأربعون

رواية تحت جنح الظلام الجزء الأول للكاتبة أسماء صلاح الفصل الثاني والأربعون

رواية تحت جنح الظلام الجزء الأول للكاتبة أسماء صلاح الفصل الثاني والأربعون

مرام ببكاء: -و ديمة؟
-التأخير مش في صالحها، توصل بس المستشفى و هتصرف
لحقوا بيهم إلى المستشفى و كانت ديمة انتقلت للطوارئ، رمقه مراد بغضب و قال: -انت عايز اي؟
تنهد تيام و قال: -تعال هقولك كلمتين كدا
وقف مراد أمامه و ترك مسافه بين كلا من معتز و مرام
مراد بغضب: -الشغل دا مش عليا
-عليك بص انت هتمشي دلوقتي، و تفكك من الحوار الأب اللي مش لايق عليك دا
مراد بسخرية: -و انا هعمل كدا ليه بقا هخاف منك.

-هعملك فضيحة في ثانية و هخلي تاريخك في الأرض و اظن انت عارف انا بتكلم عن أي؟
ابتلع مراد ريقه و قال بتبرجل: -مراد الفقي...
قطعه تيام بتهكم و قال: -مبيخافش بس انت عارف ان السوشيال ميديا ما بتصدق خبر يتنشر
-انت مالك بيها اصلا هي بنتي انا
-قولت اي يا مراد هتمشي بالذوق و لا إلهيك في الفضيحة بمنتهى قلة الذوق
اتجه مراد إلى معتز و قال: -يلا يا ابني...
معتز باستغراب: -لسه ديمة مخرجتش.

مراد بعصبية: -ملناش دعوة مش الهانم عايزها خلاص بقا خليها تشبع به
-انا مش همشي يا عمي مش هسيب مراتي...
نظر له تيام بامتعاض و قال: -مش هتبقى مراتك ياريت تطلقها
انفعل معتز فمن ذلك لكي يأمرهم هكذا و قال بعصبية: -لا بقولك اي انا مش هستني تقولي اعمل اي و معملش اي؟
-ونبي يا دكتور مراد فهم الأستاذ
مراد باستياء: -خلاص يا معتز، هي مش مرتاحة معاك طلقها يا ابني.

لم يفهم معتز كيف تغير حال مراد في ثانية و كأنه يمسك عليه ذلة و قال: -يا عمي...
تيام بضيق: -انا لحد دلوقتي ماسك نفسي، و الحالة اللي وصلت ليها دي هدفعكم تمنها قريب، صحيح يا دكتور ابقى اسأل على بنت اختك و شوف حصلها اي
معتز بضيق: -انت ازاي بتتكلم كدا و كأنها تخصك مثلا
-و لما انت راجل اوي كدا معرفتش تحافظ عليها ليه؟ بص معاك 24 ساعة و تكون طلقتها عشان هخليك تتطلقها بس بالعافية.

تنهد مراد و قال: -طلقها يا ابني، احنا هننزل من هنا على المأذون
تيام باقتضاب: -تمام...

مرام باستغراب: -انت عملت كدا ازاي؟
-معملتش حاجه
-شكلك وراك حوار يا تيام
-المهم ديمة دلوقتي
خرج الطبيب من غرفة العمليات و أبلغهم عن حالتها قائلا: -الحمد الله مكنش الارتفاع عالي، بس هي عندها كسور كتير نتيجة الوقعة و دا هيقصر شوية على ضهرها
تيام بقلق: -طب هي هتبقى كويسه
-احنا وقفنا النزيف اللي كان في المخ و حاليا النبض و الضغط مؤشرتهم طبيعة لحد ما، و بالنسبة الكسور فهي هتتعالج مع الوقت...

مرام بتساؤل: -طب هي هتفوق امتى؟
-بعد 24 ساعة بس دا لو مدخلتش في غيبوبة و دلوقتي هتتنقل العناية
تنهدت مرام باستياء و سالت الدموع على وجهها بحزن فهي تشعر بالشفقة على حال صديقتها الذي تدمر
-يلا عشان اروحك
-انا مش همشي و اسيبها، امشي انت لو فاقت هكلمك
-اكيد مش سايب شغلي و امريكا و جاي عشان امشي
-تيام هو انت بتعمل كدا ليه؟
تيام باستغراب: -بعمل اي؟

-معرفش بس خوفك و قلقك عليها مبالغ في لو مش ظاهر مع انك كنت بتتعمد تضايقها
صمت تيام و بعد برهة قال: -عادي، شايف انها اتظلمت مع أهلها و خلاص
-بس؟
-اها، و اسكتي بقا مبحبش الكلام الكتير
ابتسمت و قالت: -على فكرة ديمة بتحبك
-و انتي عرفتي ازاي؟
-صاحبتي و كنت بقضي معاها اغلب الوقت، فأكيد هعرف بس اللي مش فاهمها انت سيبتها ليه؟
-عشان مينفعش نكون مع بعض و انا و ديمة غير بعض في كل حاجه يا مرام
-زي اي؟

-زي انها اجمل واحدة شوفتها مش بس الشكل لا روحها حلوة، بريئة جدا و كأنها مكنتش عايشه وسط القرف دا كله، ساذجة اوي ممكن تصدق اي حاجه في لحظة اما بالنسبة ليا فأنا الوساخة بتجري في دمي، و غير كدا انا بكره صنفكم اوي، مبكرهش في حياتي قد الستات و بذات اللي بتعمل نفسها بريئة دي، كلكم شبه بعض
مرام باندهاش: -يا تيام دا انت معروف بعلاقاتك المتعددة
-ايوه كل يوم واحده بس كلهم للمتعة مش اكتر.

-و انت عايز ديمة للمتعة
-مكنتش اتجوزتها اصلا، بصي اقفلي الحوار دا؟
-هو انت سادي فعلا؟
عقد تيام حاجبه و قال: -يعني مش دايما، بصي الحوار بيكون لي متعة خاصة و بعدين ابويا كدا
-بس الحوار دا بيكون عنيف شوية و انا شايفه انه مينفعش
-اها بس العاهرات بيهمها الفلوس و خلاص و بعدين في برضو بيكون غاوي
ابتلعت مرام ريقها و صمتت و بعد ذلك قالت: -هو انت عملت فيلم اباحي؟

-اها، أتنين مش واحد و السينما كانوا تلت افلام و دلوقتي الرابع
-الأفلام الإباحية على المواقع صح؟
-اها بس لغيت نشرهم من فترة بسبب حوار التسريب و كدا
تنهدت مرام و قالت بسئم: -هو أنت وحش و لا كويس؟
-هتكدبي اللي سمعتي و شوفتي
-منكرش انك ساعدتنا كتير و متأكدة بأنك لو كنت فعلا عايز تأذي ديمة مكنتش عملت كل دا، هو ممكن تكون في حاجه حصلت في حياتك...
قطعها تيام و قال: -تشربي قهوة
-اها.

منار بصدمة: -نعم؟ هو هددك بايه يعني؟
مراد بضيق: -منار اقفلي الحوار دا بقا، خلاص هي حره خليها مع الزبالة اللي عايزها دا بس لما تعرف كل حاجه عنه، هتعرف اني كنت صح
منار باستفسار: -افهم بقا ازاي سيبت البت كدا و مشيت
-عادي، اعمل اي؟، انا هنزل اروح لبنت فاطمة تيجي معايا و صحيح معتز طلقها
منار باندهاش: -طلقها؟
-اها ما هو انا مش قد تيام المصري دول عيله و و انا يهمني شغلي
-و بنتك.

مراد باستياء: -ديمة كدا راحت خلاص، منها لله اللي كانت السبب في كل دا...
كانت منار لا تفهم منه شئ و لكنها لم تهتم بذلك حتى، فهي تريدها ان تختفي من حياة زوجها
ذهب مراد إلى منزل فاطمة، و فتحت له داليا التي كانت تبدو في حالة مرزيه و قال بذهول: -مالك يا بنتي؟
-اتفضل يا خالو
دلف مراد و هو يتسأل بداخله عما حدث لها و أين والدها و زوجها...
-فين ابوكي؟

كانت داليا تشعر بأنها بقيت بعالم بمفردها و قالت: -بابا هو اللي قتل ماما و اتسجن
اتسعت عيناه غير مستوعب ما تقول و أعاد جملتها بدهشة قتل أمك
-اها و سلم نفسه و سامر مات
-ازاي؟
-اتقتل بنتك خليت المجرم اللي اتجوزته يقتله و يخلي ناس يغتصبوني و اترميت في الشارع عريانة
ابتلع مراد ريقه و قال: -قصدك تيام المصري؟
-ايوه، هما قالوا اسمه، و هددوني بأني مفتحش بوقي و الا الفيديو هينزل على النت.

عجز مراد عن الحديث و قال: -طب انا همشي
و اخرج بعض الأموال وضعهم على الطاولة و اردف: -لو محتاجة فلوس أو أي حاجه قوليلي يا بنتي، و اوعي تقولي لحد حاجه اسمعي الكلام.

دخل تيام إليها غرفة العناية المركزة بعد مرور 24 ساعه و جلس على المقعد ليتأمل ملامحها التي اشتاق إليها، امسك بكفها و وضعه بين راحه يداه و قبله.
فتحت ديمة عيناها ببطء فكانت تشعر بثقل جفنيها، و قالت: -تيام...
دنا منها و قال: -انا جنبك يا حبيبتي
بدأت توضح الرؤية أمامها و شعرت به بجوارها بالفعل و قالت: -انت بتعمل اي هنا؟
-بلاش تتكلمي دلوقتي عشان متتعبيش.

أزالت ديمة جهاز التنفس بيدها و قالت بعصبية: -انا مش عايزة اشوفك اطلع برا...

الفصل التالي
جميع الفصول
روايات الكاتب
روايات مشابهة