رواية بنتين من الزمن ده للكاتبة ابتسام محمود الصيري الفصل السادس
سليم: بس اللى يصلح موتور زي كده لازم يكون متخ...
اسماعيل قاطعه: في حاجه يا سليم
نيفر: شايفه الناس دي تعالى نصورهم شكلهم حلو والبنت شكلها حلو بهودمها الصعيدى صورت نيفر البنت بس
نيفر قربت الصوره اوووى بصى يا هايدى ملامح البنت الصعيديه حلوه ازاي
هايدى مسكت الكاميرا: ايه ده وجريت
و وصل يونس عند المراكب
يونس اول ما نزل شاف خديجه و طلع يجرى عليها.
سليم: لا مافيش بس انا كنت بقولها اللى يصلح موتور زي ده يبقى مهندس وعينه جت في عين خديجه وافتكر خديجه انها مهندسه ميكانيكا وان العين دي عين حبيبته خديجه و لا كمان ايه صوت خديجه
هايدى وسليم و يونس في نفس ذات الوقت خديجه.
خديجه مسكت راسها وشريط حياتها بيمر قدام عنيها بسرعه اوووي من اول الرواية لحد ما سابت اخوها
يونس شال اخته وحضنها جامد
خديجه حضنت يونس جامد: وحشتنى يونس انت (و بعد دقايق )انت سليم صح.
سليم بفرحه: ايوه انا يا ديدي وحشتينى ومسك ايدها كنت هموت عليكى وكنت عارف انك عايشه وهترجعى تانى
خديجه سحبت ايدها وبصت على هايدى: بس انتى مين انا معرفكيش
هايدى: انا ااااا مش هتعرفى انا مين بس يونس كلمنى عنك كتير و ورانى صورتك عشان كده عرفتك
خديجه: انتى هايدى وجرت عليها وحضنتها
هايدى: عرفتينى من فين.
خديجه بصت ل يونس: يونس يوم الحادثه فضل يحكيلى عليكى طول الوقت ايه ده انتى لبستى الحجاب كمان كان نفسه تتحجبى
هايدى بصت ل يونس بحب: اه ما هو كلمنى عن الحجاب واقتنعت والحمد لله لبسته
يونس حضن اخته: عارفه يا ديدي اول حجاب كان حجابك
اسماعيل: يعنى انتو تعرفوها وبص لخديجه انتى هتمشى معاهم خلاص
خديجه: اسماعيل انا بشكرك على كل حاجه عملتوها معايا واللى عملتوه معايا و انا وفي البحر بس لازم امشي معاهم.
سليم: يالا يا ديدي طنط هتمووت. نفسها تلمحك وباباكى كأنه تايه في الدنيا ولا يونس هههههههه كان قاعد في البحر مش بيتحرك وعزب البنت الغلبانه دي معاه
يونس: بطل فضايح شويه يا ابو نسب
سليم: طيب يالا نروح
اسماعيل بحزن: قمر انتى هتسبينى خلاص
خديجه: اسماعيل انا تحت امركم في اي حاجه وهبقى ازوركم
اسماعيل: بس انتى خطيبتى
سليم بعصبيه: خطيبتك ايه فوق خديجه خطيبتى انا
اسماعيل: ازاي خطبتك وانت جيت خطوبتنا و مكنتش تعرفها.
سليم: عشان هي منتقبه وعمري ماشفت وشها غير يوم الخطوبه بتاعتك وكان صوتها متغير
اسماعيل يبص لخديجه بحزن
سليم بعصبيه: خبى وشك انتى كمان
خديجه خبت وشها بالطرحه وكانت مبسوطه جدا
سليم بعصبيه: اتفضلى يالا
خديجه: سليم هسلم عليهم ونمشى
سليم: سمعتى قولت ايه اتفضلى يالا
خديجه: سليم بليز هسلم عليهم بس
هايدى: سليم مش هيحصل حاجه لما تسلم عليهم كتر خيرهم بردو حافظو عليها طول الفتره دي.
سليم: روح يا يونس معاها وهستناكم في اللانش
راحو عند بيت ابو اسماعيل
خديجه: طنط دول اهلى والحمدلله رجعتلى الذاكره
ام اسماعيل: الف بركه ياحبيبتى حمدلله على سلامتك
خديجه: الله يسلمك يا طنط اشوف وشكم على خير ان شاء الله
وحضنتها وحضنت اخت اسماعيل
اخت اسماعيل: احنا اتعودنا عليكى خلاص يا جمر
خديجه: انا هبقى اجى ازوركم على طول
ابو اسماعيل: هتتوحشينا يا بنتى وحمدلله على السلامه
خديجه: الله يسلمك السلام عليكم.
راحو ركبو اللانش و وصلو عند بيت الهوارى.
في بيت الهوارى
الهوارى: ايه الاكل ده كله
ابتسام: حاسه روحى رادتلى وفرحانه اوووى
الهوارى بحزن: هو في فرحه بعد خديجه
ابتسام: خديجه! انا شامه ريحة خديجه ماليه المكان
الباب يخبط
ابتسام تجري تفتح الباب تلقى يونس وتاخده بالحضن
الهوارى يجري ياخد ابنه بحضنه
خديجه تظهر من ورا السلم: ايه كل ده حضن ل يونس وانا ماليش
الهوارى وابتسام يجرو على خديجه يحضنوها.
ابتسام فضلت تبوس في خديجه: بنتى حبيبتى كنت حاسه انى هشوفك تانى
الهوارى يحضن خديجه بحب: احمدك يا الله
سليم: هنفضل على السلم كتير
الهوارى: اتفضلو
يونس: بنتكم اهي في حضنكم عايزين منى حاجه تانى
ابتسام: هتروح فين
يونس: هروح اقعد في شقتى
الهوارى: ومن امتى عندنا شاب يقعد في شقه لوحده
يونس: مش انت اللى طردتنى قبل كده من بيتك
سليم: خلاص يا يونس قلبك ابيض اكيد مكنش يقصد.
الهوارى بهزار: لا اقصد امشى يلا من هنا خلينا ناخد راحتنا في البيت شويه
يونس بهزار: على طول تصدقو كده انا قاعد على قلبكم امال مين هيرخم عليكم غيرى ولا ايه رأيك يا ديدي
خديجه: حبيبي يا يونس والله
يونس: اه هي فيها حبيبي
خديجه: لا يا قلبي بس لازم تعوضنى عن الفسحه اياها هههههه
يونس: ابتدينا مصالح
سليم: بص يا حاج انا لسه عند كلامى عايز اخطب الانسه خديجه
خديجه بصت ل سليم وابتسمت.
الهوارى اخد باله و بابتسامه: ايه رأيك يا ديدي
خديجه بكسوف: اللى تشوفه يا بابا
الهوارى: لا ما باين اللى اشوفه
ابتسام غمزت للهوارى: مبروك يا اولاد ده انا عاملكم غدا انهارده هتكلو صوابعكم وراها
حطت ابتسام الاكل ع السفره
يونس: ايه يا ماما الاكل ده كله انتو ما صدقتو ما خلصتو مننا
الهوارى: طيب تصدق من يوم ما انتو مشيتو من هنا امكم مأكلتنيش لقمه
يونس: ههههه لا ما واضح ناقص تجيبى العجل كله تحطيه.
ابتسام: بس يا لمض. انا حسيت بيكم رحت عملت الاكل ده كله
سليم: تسلم ايدك يا طنط ياترى ديدي اكلك زي طنط
يونس بهزار: ههههه يقرف
سليم: صح يا ديدي
يونس: على فكره انا اللى بكلمك بصلى هنا
سليم: ايه بتقول حاجه
يونس: لا مستغناش. كل وبص قدامك
سليم: ايه رأي حضرتك يا حاج الخطوبه يوم الجمعه الجايه
الهوارى: ايه يا ديدي هتلحقى تجهزى نفسك
خديجه: ان شاء الله
سليم كان هيطير من الفرحه فضل قاعد معاهم لحد بليل ومشى.
في بيت عز ابو سليم
سليم: بابا بتركولى
عز: مبرووك يابنى في ايه
سليم: الهوارى وافق اخطب بنته
عز: هو لقى بنته اصلا
سليم: اه وحكى لبابا لقوها ازاي
عز: سبحان الله كلكم مع بعض
سليم: هههههه في نفس ذات الوقت
عز: طيب مبروك يابنى
صفاء: بتقوله مبروك ليه
عز: ابنك هيخطب
صفاء باستغراب: مش كنت بتحب خديجه نستها بسرعه كده
سليم: ومين قال انى نستها
صفاء بزعل: اللى يفكر يخطب واحده غير اللى حبها يبقى نساها او محبهاش اصلا.
سليم باستهبال: طيب انتى ايه اللى مزعلك اوى كده
صفاء: انا بحب خديجه وهي بنت محترمه جدا وكان نفسى تكون هي مراتك وام عيالك
سليم: ههههههه فكى التكشيره دى مقدرش عليها وانا هخطب ديدي
صفاء: بجد لقتوها
سليم: حكى لمامته ازاي لقاها
صفاء: سبحان الله بردو قلبك حبها من غير ماتعرف انها ديدي
سليم: اه والله يا امى مع انى كنت بأنب في نفسى عشان كانت خطيبة صاحبى بس متعرفيش الفرحه اللى نزلت قلبي لما اتأكدت انها ديدي.
صفاء: ديدي تتحب في اي حاله ليها هي عسوله خالص
عز: ربنا يسعدكم يابنى.
في بيت الهوارى
يونس اخد اخته في حضنه: وحشانى يا ديدي
خديجه: وانت كمان وحشنى يا رخم اعمل حسابك لازم تنزل معايا عشان اشترى حاجات للخطوبه ماليش فيه
يونس: علم وينفذ.
خديجه: صباح الخير يا اهل الدار
ابتسام: صباح النور يا قلبي ايوه كده خلى البيت يرجع ينور من تانى
خديجه: تسلمى يا ماما ربنا ميحرمنيش منكم ابدا هو فين يونس
ابتسام: اكيد في اوضته
خديجه دخلت الاوضه: يونس انت فين، ماما مش موجود في الاوضه
يونس من فوق الدولاب: حد بينادي عليه
خديجه بخضه: بسم الله الرحمن الرحيم بتعمل عندك ايه يا منيل خضتنى.
يونس: كنت عايز انام ومعرفتش انام على السرير رحت كل حته عشان انام ملقتش اريح من الدولاب
خديجه: والله هتجن اهلى انزل يالا عشان نفطر
يونس: طيب هاتى ايدك الله يخليكى
خديجه: وانا مالى زي ما طلعت انزل ?? ومشيت وسابته
يونس: ماشى لما انزلك وبيحاول ينزل ومش عارف هو انا شكلى اتحشرت ولا ايه
الهوارى دخل اوضة يونس: يونس. يونس
يونس: ا فندم واوعى تقول خضيتك
الهوارى بستغراب: يالهوى مخلف فار
يونس: طيب ايدك ياحاج.
الهوارى: زي ما طلعت نزل نفسك
يونس: هو انت تعرف نيللى من فين دي بتسأل عليك
الهوارى: اكتم نيللى مين
يونس: نيلى بتاعة الجاكوزى
الهوارى: بس امك هتسمعك معرفش حد اتكتم
يونس: طويب نزلنى وانا اسكت
الهوارى: هات ايدك واقفل بقك
يونس ادالو ايده ونزل: يعنى لازم اجيب سيرة نيللى امال لو قلت كمان على سوزى
الهوارى: لا انا امشى احسن ما تلبسنى نصيبه
يونس: خد تعالى كونت عايز ايه.
الهوارى: مش عايز حاجه منك ربنا ميوقعش حد ابدا في طريقك
طلعو فطرو كلهم
الهوارى ع الفطار: اعملو حسابكم من بكرا عايزكم في الشغل
يونس: انسانى خالص
الهوارى: ليه ان شاء الله
يونس: غطس تانى بخ من ساعة اللى حصل ل ديدي مش قادر احط رجلى في المايه
الهوارى: وده معناه ايه بقى
يونس: انا مش هقدر اغطس تانى مبقاش عندى اعصاب اغطس
خديجه: ايه اللى بتقوله ده
يونس: والله مش هقدر.
خديجه: لا يا يونس هتغطس تانى وتالت انت واخد جايزة احسن غطاس يعنى حرام تضيع مجهودك عشان غلط انت ملكش ذنب فيه
يونس: خلاص يا ديدي مش عايز كلام والغلط غلطى انا المفروض ما اسبش ايدك تحت المايه ولا انتى نسيتى ان المايه ليها قوانين زي الجيش وانا اللى اعتمدت انك بتعرفى تغطسى وكان الغلط غلطى
خديجه: بس انا اللى اصريت وكمان انا اللى طلعت استخبى منك كنت عايزه اهزر معرفش انها هتوصل للدرجه دي.
يونس بجديه: الموضوع خلص مش عايز اتكلم فيه تانى و دخل البلكونه اتصل بي هايدى
يونس: وحشتينى
هايدى: انا زعلانه منك مسألتش عليه من امبارح
يونس: امبارح بس كنت فاكر من اول امبارح
هايدى: كمان بتهزر ماشى
يونس: انتى زعلتى مقدرش ع زعلك تعالى نتقابل
هايدى: اه زعلانه و زعلانه اووى كمان
يونس: هستناكى في شارع شيرى
هايدى: اووك
و قفلو مع بعض
هايدى فضلت وقفه في الشارع.
شاب معدى: اوباااا ايه القشطه دي كلها انتى ازاي ماشيه ع الارض اللى زيك يتحط ع كفوف الراحه هو في كده يا عالم
هايدى بصت بقرف ليه
الشاب: اموت انا
هايدى: انت انسان زباله ومش محترم
يونس كان راكب الموتوسيكل وشاف الشاب اللى بيعاكس هايدى
هايدى اول ما شافته اتقدمت خطوه و ركبت وراه
يونس: ايه يا شبح لسه عندك حاجه مقولتهاش
الشاب: هو حد كلمك اصلا و مشى
يونس نزل من ع الموتوسيكل وكان هيجرى و راه هايدى مسكته من ايده.
هايدى: اهدى يا حبيبى هو اخد اللى من نصيبه يالا نمشى من هنا
يونس بص بقرف: ما الغلط مش عليه ع الهانم اللى نزله بالمنظر ده في الشارع
هايدى باستغراب: وماله منظرى بقى ان شاء الله
يونس بغيظ: ليه البعيده ما بتشوفش ايه اللى انتى لبسه ده يا هانم لبسه جيب قصيره اقول ايه انا بس
هايدى: اولا انا لبسه ليجن من تحت اهو و كمان لبسه الطرحه
يونس بغيظ: اقول ايه انا بس امشى من وشى احسن اموتك دلوقتى.
هايدى: وتموتنى ليه ها انا مش عارفه ارضيك ازاي
يونس بغيظ و ماسك ايدها جامد: بت انتى متغظنيش لبسه جيبه قصيره و بدى ضيق وقصير و انتى اللى مش عارفه ترضينى كمان
هايدى: اه ايدى سيب ايدى و انا شيفه نفسى مش لابسه حاجه مبينه جسمى
يونس بغيظ: لا انتى شكلك عيزانى امد ايدى صح اتفضلى بقى امشى من وشى عشان اقسم بالله هموتك بجد
هايدى: انت بتعلى صوتك عليه ليه بص بقى ولا تموتنى ولا اغيظك انا همشى وسع كده.
يونس: هتروحى فين
هايدى: هتمشى لوحدى
يونس شدها من ايدها و ركبه ع الموتوسيكل و وصلها القريه و نزلها و طلعها لحد اوضتها و نزل راح رجع تانى الاوضه
يونس: عارفه لو شوفتك بالهدوم دي تانى اقسم بالله هموتك اتفقنا ع ما اظن اتفقنا ان شاء الله ونزل وسابها
هايدى دخلت الاوضه فضلت تعيط
نيفر: مالك في ايه مش كنتى هتخرجى مع يونس
هايدى بدموع: مافيش.
يونس رح كافيه وكان قاعد مع سليم
سليم: مالك في ايه مش اختك رجعت ايه اللى مضايقك تانى
يونس: ده انا مش مضايق ده انا هطق كمان
سليم: ليه حصل ايه ومين اللى يقدر يغيظك انت
يونس: هايدى لبسها صعب اوووى ولما اتكلمت معاها كانت زعلانه كمان
سليم: يا بنى دي لسه متحجبه جديد متنساش كده حاول تتكلم معاها بشويش وفهمها عشان متقلعهوش خالص
يونس: تصدق انت صح انا لازم اتكلم معاها و افهمها وقام
سليم: رايح فين
يونس: هروحلها.
، . ،
في القريه
نيفر دخلت الاوضه: مالك في ايه مش كنتى هتخرجى مع يونس رجعتى بسرعه ليه
هايدى بدموع: مافيش
نيفر: بتفضلى تقولى ما فيش وتصدعى اهلى بعد كده تقولى. قولى يالا في ايه
هايدى: يونس فضل يزعقلى في الشارع
نيفر: ليه زعقلك
هايدى: واحد عكسنى انا مالى
نيفر: يا هبله غيران عليكى
هايدى: طيب واللى يغير يتكلم ع لبسى ليه
نيفر: ههههههه اصل بصراحه البس ده مش بتاع حجاب خالص
هايدى: بجد يعنى اوفر اووى.
نيفر: ههههه اووى اوووى مع انى بلبس كده بس مش بلبس حجاب
هايدى: يعنى انا اللى غلطانه
نيفر: ايون
هايدى: ده انا عليت صوتى وفضلت ارد كلمه بكلمتها. طيب تفتكرى اصالحه ازاي
نيفر: سبيه عليه انا
مسكت الفون واتصلت ع يونس
يونس: الو
نيفر: يونس هي مالها هايدى دي من ساعة ما جت بتعيط و زعلانه خالص ومش بتتكلم خالص
يونس قفل الفون
نيفر فضلت تبص للفون واستغربت
هايدى: قالك ايه
نيفر: قفل في وش...
قاطعها صوت خبط ع الباب.
رحت تفتح نيفر و لقت يونس ماسك بوكس شكولاته
يونس: قلبى هنا
هايدى مش قادره تمسك نفسها من الفرحه و طلعت تجرى ع الباب
هايدى: طبعا هنا
يونس: انا اسف لو اتعصبت عليكى بس انتى قمر اووى وانا مش عايز حد يشوف القمر ده غيرى وحت ايده ع شعرها بحبك
هايدى: يا لهوووى الكلام الحلو ده كله ليا انا
يونس: هو في قمر هنا غيرك
نيفر: احم احم نحن هنا
يونس: ما انا بقول خلقتى لتعترضى فقط. لموأخذه يا عم جعفر ما اخدتش بالى منور والله.
نيفر: ماشى ماشى انا جعفر يارب اوعدنى بحد يقولى انتى قمرى انا وبس
يونس: وساعتها لازم تصدقى وامسكى فيه بايدك وسنانك عشان مش هتلاقى غيره هو بس اللى هيقولك كده والراجل قالها بصراحه انتى قمره هو بس يعنى بالنسباله هو و بس ههههههه
نيفر: ماشى يا يونس
يونس: ماتمشى حد ماسكك
نيفر: عااا يا فرستى منك
يونس: هايدى تعالى نتمشى تحت
هايدى: معلش عندى شغل مره تانى
يونس: اوووك يا قلبي.
يونس روح البيت وفضل يهزرو كلهم وتانى يوم
خديجه: يونس تعالى معايا عايزه انزل النادي و اشترى حاجات
يونس: اووك يالا
خديجه: يالا انا جاهزه
في الطريق اتصلت هايدى ب يونس
هايدى: حياتى وحشتنى
يونس قاطعها: وانتى كمان
هايدى: لا ماهو واضح مسألتش عليه من امبارح ليه
يونس: هههه انتى تانى
هايدى: كمان طيب انا زعلانه منك يا يونس.
يونس: لا مقدرش على زعلك. طيب انا هروح مع ديدي النادي وبعد كده هنشترى حاجات قابلينى عند النادي
هايدى: اممممممم
يونس: لا والله طيب خليكى
هايدى: ماشى يا يونس كده
خديجه اخدت الفون من يونس: الواد ده رخم متاخديش عليه تعالى انا عايزه اقعد واتكلم معاكى شويه
هايدى: عشانك انتى بس يا ديدي
قفلو الفون
خديجه: بطل رخامه عليها يارخم اكيد مش هتقدر تستحملك زيي
يونس: هو في زيك يا ديدي يا قمر
خديجه: كل بعقلى حلاوه يا واد.
وصلو النادي
يونس: اهى هناك طيب بصى لابسه ايه لما اروح اجبها من قفاها مش عارف افهما ازاي ان الطرحه مينفعش تلبس كده عليها
خديجه: معلش واحده واحده هتفهم لوحدها ان ماينفعش تلبس كده على الطرحه
يونس: الصبر يا رب
هايدى تبص عليهم: ديدي ازيك عامله ايه دلوقتى
خديجه: الحمدلله انتى اللى عامله ايه
يونس: ده على اساس انى خيال واقف جنبكم مافيش ازيك
هايدى: انا زعلانه منك اصلا
يونس: اه زعلانه وشالها.
هايدى: لا يونس نزلنى يونس عاااااا نزلنى
خديجه: يونس يا مجنون نزلها حرام عليك
يونس: هرميها في النافوره
هايدى: لا عاااااا الحقينى يا ديدي
خديجه بتجرى وراه: يونس عيب كده احنا في النادي نزلها ولم نفسك
يونس: تعتذر وانزلها
هايدى ضربته: مش هعتذر و نزلنى عااااا
يونس: طيب براحتك
خديجه: هايدى اعتذرى عشان تنزلى
هايدى: عاااااااا نزلونى هنادي الامن والله يابارد يا رخم
يونس: لمى لسانك الطويل هرمى.
هايدى: هدومى بتتبل ابوس ايدك نزلنى
يونس: اعتذري بسرعه
هايدى: سورى سورى يا يونس
يونس نزلها: ايوه كده تبقى تغلطى تانى
خديجه: ممكن نبطل لعب عيال وتمشى قدامنا وانت ساكت
هايدى: ايوه يا عيل امشى وانت ساكت
يونس: تانى هجيلك
هايدى: ايه يا ديدي شغل العيال بتاعك ده امشى وانتى ساكته يونس يعمل اللى يريحه
خديجه: طيب تصدقو انى عيله صح انى امشى مع مجانين زيكم
دخلو عند بوابة التفتيش و تقديم الكارنيه.
يونس طلع المفاتيح والفون من جيبه وحطهم في الصندوق وعدى
هايدى حطت شنطتها وسابتها وعدت واخدتها لما عدت
خديجه كانت لسه هتسيب الشنطه بتاعتها
الامن: بعد اذنك ممنوع دخول المنتقبات
خديجه: واشمعنى انا ما الكل داخل عادي
الامن: هي التعليمات عندى كده
خديجه: تعليمات ايه هدخل يعنى هدخل انا خديجه الهواري وبتطلع البطاقه
الامن: التعليمات عندى انك متدخليش مش اشوف البطاقه
خديجه: التعليمات بتقولك اي واحده منقبه متدخلش.
الامن مسك ايدها: اتفضلى يا انسه
يونس كان بيتكلم مع هايدى و مكنش وخد باله من الكلام بس اول ما شاف الامن مسك ايدها طلع يجري: ليلة امك مش معديه انهارده.