رواية بنت العم والضابط للكاتبة زهرة الفصل العشرون
اباوع هاي تبارك اليحجون عليهه
ماعرفت شسوي
كمت من يمهم
. ها وين رايح
منذر: هسه اجي رايح للحمام
رحت للحمام خابرت عليهه
منذر: الو
تبارك: الو
منذر: وينج انتي بعدج بلسوك
تبارك: ها اي بعدنه بلسوك
منذر: لجج ليش تجذبين سمعي هسه تكومون بسرعه
تبارك: شنو هستوه وصل الاكل
منذر: لتخليني اكفر كومو كولي لمصطفى اي شي
تبارك: اوك اوك
سديت الخط من عند منذر يمه صخام هذا شون عرف بيه بلمطعم.
تبارك: مصطفى رجعنه للبيت ملاك مدري شبيهه
مصطفى: شبيهه
تبارك: مادري يكول بس تبجي يمكن مريضه فدوة رجعني
يقين: هسه تلكيهه ميته بجي لان جوعانه اعرفهه جوعيه هاي
تقى: حاطه عينهه على الطفله
مصطفى: هاهيه يله كومو
تبارك: اني اسفه كومتكم من الاكل وانتو بعدكم ممكملين
مصطفى: لايابه شنو السالفه
رجعنه للبيت نزلت ايات واني نزلت دخلنه للبيت منذر بعده مجاي ورانه بشويه اجه وشايل ملاك.
اني شفته دخل للهول رشن صعدت فوك بدلت وبقيت كاعده مدري ليش خفت من عنده هسه شكو اجذب امداني
منذر: تبارك نزلي بسرعه نزلي
تبارك: خفت من صوته نزلت بسرعه
تبارك: شبيك شكو تصيح
منذر: اني كلت الجن تروحون تفرفرن بلمطاعم
تبارك: يعني الولد عزمنه شسوي
منذر بصياح: جا ليش تجذبين
تبارك: خفت من عندك شسوي
منذر: لا والله انتي اكبر عرمه شجابج على الخوف و تخافين صدك جان ماقبلتي تنزلين بلمطعم
تبارك: هسه شصار قابل خبصتنه.
دار وجهه على ايات
منذر: وانتي خانم معرفتي تكولين مااكدر
ايات: اهوو انته تحفر الكاع حفر وادوى مشاكل
منذر: بنت الكلب شنو ادور مشاكل
ايات: ييي انته ادور مشاكل والله
ايات عافته وكامت
هوه ما اهتم الهه اجه يمي وكال
شال ملاك خلاهه بلكاروك واني جرني من ايدي حيل وصعدني للغرفه
سد الباب واجه يمي
منذر: انتي بس إلى من ممتلكاتي ما اله اي حق احد يباوعلج لو يتغزل بيج
تبارك: هاي شبيك هوه منو متغزل بيه.
منذر: متوصلين بعد لباب الشارع يمي تبقين بكلبي
تبارك: شنو شبيك شارب شجاي تحجي
باوعلي وطلع
منذر.
. ماعرف شبيه اليوم من تغزلو بتبارك كبالي ماعرفت شسوي كبالهم بس احس كلبي احترك صاير ليلي ونهاري بس افكر بيهه وماعرف شنو سبب هذا التفكير انتبه الابسط تفاصيلهه حفضت كل شي بيهه ولهسه ماعرف ليشش
طلعت من البيت واني ما افكر غير بس من كعدو يتغزلون بتبارك
خابرت صديقي هم ضابط اجه ويايه صعد بلسياة اسمه محمد
محمد: ها خيرك منذر
منذر: محمد مدري شبي
محمد: شبيك شنو ضايج
منذر: ايي والله ضايج
محمد: على شني ضايج.
منذر: مادري
محمد: يابه هسه اخذك المكان ينسيك ابو الضوجه
منذر: وين بله
محمد: للنادي وين يعني
منذر: مالي خلك ماروح
محمد: انته بس اسمع كلامي وشوف شلون راح تتونس
منذر: جا يله
طلبنه مشروب
اشرب واباوع على الموجودات هناك طوخت بلشرب
محمد: يمعود هاي شكد شربت شبيك
منذر: معليك
كمت من يم محمد
محمد: ها وين
منذر: رايح اني
محمد: امشي انه اوصلك لتروح تسوي حادث
ساق محمد السيارة وصلني للبيت وراح هوه
تبارك.
. طلع منذر واني بقيت دايخه بكلامه شبي اليوم
طلع تقريبآ ساعه ب8 ايات سوت عشه واكلت هيه اني مااشتهي بس وكلت ملاك صارت ب11 ومنذر بعده ماكو ايات راحت نامت اني هم صعدت فوك نومت ملاك هستوهه نامت واني رحت بدلت ملابسي لبست شورت وكيمونه لان اليوم منذر ينام يم ايات والبس بكيفي
هستوني غمضت عيوني ونفتحت الباب باوعت هذا منذر
نزع ملابسه واجه يمي
اجه حضني لعبت نفسي من ريحته مبين شارب
تبارك: هاي شبيك منذر.
منذر: انه احبج هواي
تبارك: منذر كوم غسل كوم
منذر: ما اغسل
اجه حضني نومني على صدرة
تبارك: منذر عفيه كوم من يمي
منذر: ماسويلج شي بس نامي على صدري
باوعتله مطفي رسن نام ردت اكوم من عنده لازكني بجسمه لزك وحاضني بيده حته ما اكدر اتحرك اني هم عجبني الوضع خليت راسي على صدرة ونمت
منذر.
. فتحت عيوني على اجمل منظر شفته بحياتي تبارك نايمه على صدري وشعرهه نازل على عينهه بقيت العب بشعرهه شلت شعرهه
دنكت راسي بستهه بخدهه بقيت متمدد واباوع عليهه
شويه وكعدت شافتني كاعد رسن طفرت من حضني
تبارك: انته ماتسحتي هيج تسوي
منذر: شمسوي انتي ماتستحين تنامين على صدري
تبارك: ها اني شعليه
رحت غسلت وبدلت وهيه دخلت تسبح
كعدت ملاك شلتهه
منذر: ولجج شنو هذا اللحم
بقيت ابوسهه بيهه الحد ماضاجت وكامت تبجي.
اجتي تبارك اخذتهه مني بدلت الهه
نزلت اني وتبارك ورايه شايله ملاك باوعنه ايات كاعده بلهول
اول ما نزلنه حجت
ايات: منذر البارحه مو لازم يمي تنام ليش رايح يمهه
منذر: بكيفي وين ماريد انام انام
ايات: والله اليوم تنام يمي
منذر: هسه كومي سوي ريوك
ايات: خلي ست الحسن تسويلك لو تعرف بس تنام يمهه
تبارك: هاا شو طلعتي السانج جنتي خانسه
ايات: نجبي لا اكوم اسحلج
تبارك: لا بله يلا شو كومي سحليني.
منذر بصياح: كاااافي كومن سون زقنبوت
كمنه سوينه ريوك ومر اليوم مثل كل مرة بليل منذر راح يم ايات واني نمت بغرفتي
بليل اني ونايمه حسيت واحد حضني حيل
فزيت باوعت هذا منذر
كمت من يمه
تبارك: شتريد شكو جاي
رجع جرني من ايدي ذبني على الجربايه وخله راسه بركبتي ويبوس بيهه على كيفه
تبارك: وخرر شبيك وخر من عندي
هوه وخر راسه من ركبتي وكال
منذر: شبيج
تبارك: شتريد جاي
منذر: ماريد شي بس تعاي نامي بحضني
تبارك: ماريد انام يمك.
منذر: غصب عنج تجين
جرني من ايدي حيل وحطني على حضنه وشبكني حيل بقيت احوص اريد يوخر ماكو مدري شون غفيت ونمت
ثاني يوم قامت القيامه ايات تصرخ وتبجي وتكله شلون تعوفني وتروح يمهه ولعبت لعب
منذر بدل ملابسه حته ما اتريك عافهه تحجي وحدهه وراح لدوامه هوه
هيه شافته راح واجتي لزمتني من شعري واني هم كمت لزمتهه من شعرهه ضربتني برجلهه على بطني حيل شكد ما اتوجعت بس ماعفتهه جريت خصله من شعرهه يلا عفتهه.
وهيه تصرخ وتبجي مرغلت نفسهه بلكاع واني بطني موتتني بقيت لازمتهه سمعت ملاك تبجي عفتهه ونتجيت على الدرج وصعدت فوك شلت ملاك
الضهر هوه اجه
هوه من يجي كالب وجه لان يجي تعبان
وايات تكله شوف شعري شلون جرتني عود تريد تحرضه عليه
هوه باوع لشعرهه وعافهه محجه شي
هيه من شافته محجه كالت
ايات: عسه ايدج بلكسر يابت الفكر
تبارك: والله ماكو غيرج فكر
منذر: كومن صبن غده
راح سبح وهيه ماقبلت تكوم تصب.
رحت اني صبيت بس اليه واله ماصبيت ال ايات
اجه كعد ياكل واني كعدت اكل واوكل ملوكه
شافتني ماصبيت الهه وهم بقت تغلط
ايات: بت فكر شترجه من عندج
منذر: كومي صبي زقنبوت لنفسج وتزقنبي لدوخيني
مي بارد نزل على كلبي من فشلهه
كمل غدة كمت غسلت الاماعين
العصر اجه كال
منذر: كومن بدلن امي خابرتني جايات خالاتي وتكول تعالو
اني ماصدكت رسن طفرت
بدلت لبست صايه ولبست شال لون سمائي وكرصت خدودي صارن حمر نزلت.
منذر: منين ما اجيتي رجعي
تبارك: ها ليش
منذر: ها شلابسه
تبارك: شلابسه هيه صايه شلبس لعد كونيه
منذر: امشي غيري لون الشال
تبارك: اهو
منذر: كومي بسرعه يله
رحت غيرت لون الشال وعناد بي لبست شال وردي فاتح
نزلت
منذر: روحي غيري هذا هم
تبارك: ماروح شنو هيه كلساع
منذر: استغفرك ربي يلا امشن
صعدنه بلسيارة ورحنه لبيت جدو،.