رواية بنت العم والضابط للكاتبة زهرة الفصل الحادي والعشرون
دخلنه جوه اباوع هوسه حرت عليمن اسلم
شافتني عمه كالت تعالي سلمي هيه تمشي واني امشي وراهه سلمت عليهه
ونوب سلمت على البنات
نور: عفيه باعو البيت شصار ادري رقيه كم خاله عندج هرجن البيت هرج
رقيه: هسه هنه جايات بيت الخلفج
نور: اووي عيني ضاجت على خالاتهه
رقيه: نجبي.
جرتني رقيه ورحنه للاستقبال كاعدين بيهه خالات منذر
وعمامي كاعدين بلهول
كاعدات يسولفت ويضحكن اني هم اندمجت ويه سوالفهن.
اجيتي عيني بعين وحده اباوعلهه تخزر بيه
كبر هاي شبيهه (احجي بيني وبين نفسي)
دخل منذر بل استقبال
سلم عليهن
واني بس اباوع لهاي البنيه الخزرتني صفنت على منذر
ما وخرت عينهه لحد ماطلع منذر من الاستقبال
تبارك: رقيه هاي شسمهه البنيه
رقيه: اسمهه نغم شبيهه
تبارك: مابيهه شي
باوعت البنات يشتغلن بلمطبخ رحت وياهن اساعدهن
سلوى: ذني ماعدهن احساس ميجن يساعدن
فاطمه: غير خطار عيب.
سلوى: دشوفيهم شكد فريق مال طوبه علقل خلي بس كم وحده تجي تساعدنه نسوي زقنبوت
فاطمه: اشش اشتغلي ونجبي
نور: هوه شنو تنجب تره صدك خلي يجن يساعدن ونوب هاي ايات حاسبه نفسهه خطار كاعده وساكته كلت الهه كومي ساعدينه تكلي غير خطار
فاطمه: ههههههه
راحت سلوى تريد تحجي وياهن واني رحت وراهه اشوفهه شتحجي
سلوى: عيني يا صبايا بلا زحمه عليجن ممكن تكومن تحركن طولجن وتساعدنه بلطبخ
خلتهن كلهن يكومون يس نغم بقت كاعده.
سلوى: هاي من بساع غثتني تتعيقل ومسويه نفسهه كيوت
رجعت دخلت للاستقبال سلوى ام اللسان
سلوى: حبيبتي انتي شنو محسوبه على الزلم مو كلت صبايا وكلهن كامن بس انتي
نغم: اعذريني ماكدر اشتغل
ام سلوى: لجج سلوى راح اجي اطيح حضج فشلتينه
سلوى رسن شردت للمطبخ.
خطيه البنات ماتن من التعب المطبخ حار وهنه يشتغلن ويرجعن ليورة بدن من ساعه 6 كملن ب8 ونص والهوسه بعدهه والمطبخ مكلوب رسن حطن سفرة وخلن بيهه الاكل صبن للنسوان وحد وللرياجيل وحد
كعدنه احنه ويه خالات منذر وعمامي و ولد اعمامي بلهول ياكلون
هستونه كاعد ناكل وطفت الكهرباء ونوب طولت
عاد عمتي ام منذر كامت كالت المنذر كوم شغل النه المولده اخذ وياه لايت وكام دخل للترك
واحنه كاعدين ننتضر اجتي الكهرباء رجعنه ناكل.
ام تبارك: يمه تبارك كومي جيبي بعد كلاص
رحت جبت كلاص فتت من يم الترك الباب بعده مفتوح ليش منذر ماسدة
فتحت الباب شويه اشوف اكو احد لو لا حته اسدة ليدخل ابو بريص للبيت من الترك
بلترك اكو ضوه خفيف حاطينه دخلت جوه اباوع هاي نغم واكفه يم منذر
هيه صوتهه جان ينسمع بس هوه لا جان يحجي بصوت ناصي.
سمعتهه تكله احبك وهوه مدري شحجه ماسمعته بقيت اباوع عليهم لزمت مبلل اباوع اني كاعده ابجي عليمن ابجي امسح بعيوني وبعدني ابجي دار وجه منذر لباب الترك شافني واكفه اجه رسن عليه اني رسن عفته وركضت للاستقبال انطيت الامي الكلاص واني الدمعه بعدهه بعيني عفت الاكل كمت دخلت نغم للاستقبال واني رسن صعدت فوك بغرفتي القديمه إلى صايره هسه مال سلوى
كمت ابجي سئلت نفسي ليش جاي ابجي اني مو ما احبه ليش ابجي.
نفتحت الباب دخل منذر
منذر: ليش تبجين
مجاوبته
منذر: لان شفتي نغم يمي بلترك
هم بقيت ساكته
اجه نزل ايدي من عيوني ومسح دموعي وكال
منذر: هيه تحبني اني ماحبهه اني احبج بس انتي
مهتمت لشنو حجه رسن عفته ونزلت
كملو عشه كمنه نغسل بل اماعين واني افكر شجان يحجي وياهه بعدين اجه بالي من كال اني احبج بس انتي رسن جسمي كزبر وفرحت
كملنه الاماعين
بقينه كاعدين شويه نسولف
تبارك: مامه ليش ماكو تقى ويقين.
ام تبارك: مادري هنه من يريدن يجن يتفقن كلهن يلا
اجتي يمي رقيه
رقيه: كومي تبارك فوك يمي
صعدت وياهه
رقيه: ليش من امج دزت رجعتي تبجين ترة انتبهتلج
تبارك: ماكو شي رقيه
رقيه: احجي شكو
سولفت لرقيه الصار وهيه بقت صافنه
رقيه: يمه يمه شلون عرمه هاي
تبارك: ايي بس هوه كال اني مااحبهه
رقيه: ختولي لتهتمين الهه هيه كم يوم وتولي لبيتهم
تبارك: ايي
رقيه: زين انتي ليش تبجين
تبارك: ها مادري.
رقيه: اني اكلج ليش تبجين لان غرتي على منذر و واحد من يغار معناتهه شنو
تبارك: شنو
رقيه: معناتهه يحب وانتي تحبين منذر ولتعانديني
تبارك: ها لا مااحبه
رقيه: خلي يولن
تبارك: امشي خلي ننزل جوه
رقيه: هههه امشي تبقين تتهربين
نزلنه جوه رحت كعدت يم بيبي
تبارك: شلونج بيبي
بيبي: زينه الحمد لله
تبارك: ايي صايره حلوة بيبي
بيبي: انه من زمان حلوة
تبارك: منيلج حلوة بيبي
بيبي: يا يا انه محلوة جا منو الحلو انتي الزريكه.
وليد: يمه لتحجين على بنتي وينهه زريكه
بيبي: امداك يل اغم توكف ويه بنتك
وليد: هههه لا يمه غير انتي الروح والريه
بيبي: يا بعد طولي فدوه اروحن لطولك
دخل منذر حجت وياه بيبي
بيبي: تعال اخذ مرتك وخلصنه من عدهه
منذر: شبيهه حجيه
بيبي: تكلي انتي مو حلوة
منذر: جاا غير تغار منج لان احله منهه دشوف الكصايب بويايه
بيبي: يابعد روحي يمه تروحلك فدوة هاي المصلبخه
تبارك: تغارين مني بيبي
بيبي: جبح جبح انه اغار منج يا امداني.
بقيت اضحك ويه بيبي احب سوالفهه
منذر: يلا كومن
كمت سلمت على الكل ورحت اخذت ملاك الذابتهه على امي من اول ما اجيت
صعدت بلسيارة بس شفت ايات بعدهه مجايه صعدت ليكدام
اجتي ايات شافتني كاعده ليكدام وكالت
ايات: كومي هذا مكاني
تبارك: لا بله منين اجه مكانج شنو مسجل ب اسمج
ايات: ايي مسجل ب اسمي
تبارك: ماكوم شوفيني بله شتسوين
طلع منذر كلتله
ايات: خليهه تكوم من مكاني
منذر: من شوكت صار مكانج صعدي ليورة وكرمينه سكوتج.
ايات: ما اصعد اله اكعد ليكدام
فتح الباب الورة وجرهه ودخلهه وسد الباب وراح صعد ليكدام ساق السيارة
باوعلي وابتسم
اباوع مراح لبيتنه فرحت كتله
تبارك: وين رايحين
منذر: لتفرحين راح اجيب حلويات واجي
راح وصل يم اسواق نزل
واحنه كاعدين اول مانزل حجت ايات
ايات: بسيطه انه اعلمج شلون تاخذين مكاني
تبارك: طبج مرض شتسوين سوي
وره شويه اجه منذر جايب علاكات ثنين كبار مليانات حلويات
فات من يم محل مال ايسكريم.
تبارك: حباب منذر خلي ننزل ناكل موطه
منذر: لا
تبارك: شبيك حباب الله عليك
منذر: كلت لا
تبارك: حبيبي الله عليك
منذر: شكلتي
تبارك: كلت الله عليك
منذر: لا القبلهه
تبارك: اااا ها ماكلت شي( طبعآ حجيتهه بدون مادري بنفسي)
اباوع ايات تخزر بيه
منذر: يلا تعالو
نزلنه طبك السيارة على صفحه
منذر: يا نكهه تريدون
تبارك: فانيلا وفراوله
ايات: كاكوا
راح طلب النه
كعدنه ناكل واني اوكل ملاك من تموع
كملنه وكمنه.
صعدنه بلسيارة ونوب رجعنه للبيت دخلت غسلت الملاك ونومتهه ونوب رسن رحت طلعت ملاك وسبحت لبست دشداشه قصيره رصاصيه ونشفت شعري بسرعه وكعدت اباوع بلتلفون دخل منذر اليوم ينام يمي
بقيت اباوع وهوه راح سبح وبدل واجه تمدد يمي
صافنه ومندمجه اباوع جرني لحضنه
منذر: كافي نامي
تبارك: لا اريد اباوع
منذر: اشش كافي
نومني بحضنه وكال
منذر: ليش بجيتي اليوم غرتي عليه
تبارك: ها لا لا لا
منذر: تحبيني
تبارك: لا.
رفعه راسه باوع لعيوني وباسني بخشمي ورجع حضني
منذر: عادي لتحبيني
هوه نام واني بقيت اتكلب بلفراش اريد انام ما اكدر
صافنه جان توصل رساله لتلفون منذر اخذني الفضول اشوف منو دز بهيج وكت
سحبت التلفون على كيفي يبو يريد رمز واني ماعرف
باوعت هذا على البصمه جريت اصبعه على كيفي وفتحته
باوعت رقم كاعد يدزله دخلت للرقم وبقيت مصدومه من شفت شمكتوب عزة.