رواية بنت العم والضابط للكاتبة زهرة الفصل الثاني والعشرون
باوعت مكتوب
هلاو منذر اني نغم منذر اني والله احبك اموت عليك ليش متحس بيه
بقيت صافنه على الرساله شنو هل صلافه العدهه متزوج وثنين هم مو وحده وادزله احبك ومدري شنو
لا ارادي نزلت دمعتي
خفت لا يتزوجهه اني ايات وبلكوة متحملتهه ونوب تجي هاي الثانيه كاعده وتخزر بيه لو يتزوجهه شتسوي
سديت التلفون وبقيت افكر بدون مادري بنفسي نمت
كعدت الصبح باوعت لا منذر يمي ولاملاك باوعت على الساعه ب12 ونص.
يووو هاي شكد نايمه ولاحسيت من كامو
نزلت جوة لكيت بس ايات
ايات: بعد وكت رجعي نامي ذابه الريوك والغده والتنضيف عليه
تبارك: مادري بنفسي يلا عود باجر اني انضف واسوي غدة وريوك
ايات: غصبآ عنج خاف عبالج تنامين وتذبينه عليه
تبارك: مو كتلج مادري بنفسي لتلحين
ايات: طبعآ متدرين بنفسج مخلصتهه سهر
تبارك: ايي اسهر شعليج انتي
ايات: كبر لفج يابواكه الزلم
تبارك: شبيج حبي سالمين
عفتهه تمسلت وحدهه.
منذر وملاك ماكو وين ماخذهه مو عنده دوام هوه
خابرته اشوف وينه
تبارك: الو
منذر: الو
تبارك: وينك وين ماخذ ملاك
منذر: ملاك يم امي واني بلدوام
تبارك: ليش وديتهه
منذر: غير تبجي وانتي ساعه اكعد بيج متقبلين وتاخرت على الدوام وانتي متكعدين وديتهه يم امي
تبارك: ها يلا ياي
سديت الخط معقوله اني يكعد بيه ومادري بنفسي
جوعانه بش كعدت انتضرة يجي حته ناكل
صارت بل وحده ونص اجه منذر شايل ملاك
رحت اخذت ملاك.
تبارك: يمه بنيتي شعندج تفرفرين بلبيوت ادبسز
اباوع خدوده حمر من الشمس كزكزت عليهن عضيتهه من خدودة كامت تصرخ وتبجي
منذر: شبيج ليش تعضيهه شو جيبيهه
تبارك: شعليك انته وخر
منذر: تقبلين واحد يعضج من خدودج
تبارك: لا
منذر: وبنتي هم ماتقبل لاتعضيعه
تبارك:
اخذت ملاك رحت سبحتهه وهيه كلبت البيت بلصريخ والدموع ينزلن لان اسبحهه كملت الهه
منذر: ليش هيج تصيح
تبارك: تبجي الوصخه لان سبحتهه
بدلت الهه رسن نامت.
هوه دخل يسبح واني صبيت الغدة كعدنه ناكل اباوع ايات بعد شويه وتكعد بحضنه لازكه بي لزك مادري ليش ضجت كمت من الاكل
منذر: شو ما اكلتي
تبارك: ماريد
منذر: ليش
تبارك: ما اشتهي
بليل اجه كال
منذر: حضرو نفسكم اوديكم باجر لبيت جدي
تبارك: شعدنه رايحين شنو يوميه
منذر: باجر عندي مهمه صعبه كم يوم وارجع وماعوفكم بلبيت وحدكم اخذكم لبيت جدي
تبارك: شعندك رايح اذا صعبه
منذر: غير شغل شنو شعندي رايح
ايات: كم يوم تبقى.
منذر: كم يوم وارجع
ايات: اوك
رحت حضرت ملابسي اخذت كم تراكسود ودشاديش واخذت كومه ملابس الملاك بليوم ابدل الهه اكثر من 5 مرات كلساع توصخهن
هوه اليوم ينام يم ايات
وقتت التلفون ساعه بل 4 الفجر ونمت
كعدت على صوت المنبه بلكوه امشي مابيه حيل
رحت توضيت وصليت
خايفه على منذر من كال مهمه صعبه دعيت يرجع سالم
كمت سبحت وبدلت ونزلت جوة سويت ريوك اله واني حضرتله جنطه اله من اليل
باوعت ساعه بل6 ضبط.
رحت دكيت الباب عليهم ادك وارجع ليورة فتح الباب اباوعله شعره نازل على عينه ولابس بس شورت ضجت من شفت ايات واكفه بصفه حسيت راح ابجي ماريد افشل نفسي كدامهم رسن كتله بصوت مخنوك
تبارك: سويت ريوك نزلو تريكو
عفتهم ودخلت للغرفه اول مادخلت بجيت.
ليش ابجي ليش اغار عليه يعني اني حبيته مسحت دموعي ونزلت جوة لكيتهم هستوهم نازلين صبيت جاي وكعدت اكل وعيني مارفعتهه عليهم لان ايات تتعمد تضوجني تسوي حركات وتدلع من منذر يكعد بصفهه
كملو ريوك كمت غسلت الاماعين وهمه راحو يبدلون
كملت رحت لبست صايه ولفيت شال ملاك شلتهه هيه ونايمه منطاني كلبي اكعدهه
نزلت جوة انتضرهم
نزل من فوك لابس الزي مالته وايات تمشي وراه وكامشه الجنطه
منذر: يلا.
طلعنه بلحوش طلع مفتاح قفل الباب مال البيت الجوة صعدنه بلسيارة ايات ليكدام مابيه حيل اناقش من الصبح
طلع السيارة من الحوش ونوب نزل قفل الباب الخارجي ورجع صعد وصلنه يم بيت جدو قبل لا ننزل انطاني فلوس إلى وال ايات وباس ملاك
منذر: مو تتعاركن وتفضحنه
تبارك: لا
منذر: عفيه/ والحجاب ميوكع من راسجن ولبس مستور خوش
تبارك: اي
ايات: ايي
تبارك: عود خابرني من توصل
منذر: اوك يلا نزلو.
نزلنه دخلنه جوة جان كاعد جدو وبيبي بلحديقه على الهوه
سلم منذر عليهم وطلع
دخلنه جوة
اني بعدني مطفيه نعسانه رسن رحت لغرفتي القديمه والكه سلوى نايمه يس مدري شنو من نومه رجل فوك ورجل جوة والكفشه واكفه
رحت نمت بصفهه وملاك هم يمي
كعدتني ساعه ب11
سلوى: شعندج بغرفتي
تبارك: من شوكت غرفتج
سلوى: من تزوجتي
تبارك: دمشي ولي خلي انام
سلوى: دكومي خلي ننزل
تبارك: اووو والله بعدني نعسانه
سلوى: لازم حبيب الكلب مسهرج للصبح.
تبارك: نجبي لتصيرين سخيفه
سلوى: دكومي كافي
تبارك: كمت كمت
باوعتلي سلوى وكالت
سلوى: انتي حته من تكعدين من النوم حلوة شو اني اكعد جني جبار
تبارك: اوي فديتني اخبل
سلوى: منيلج تخبلين تلعبين النفس ايع
تبارك:
سلوى: هاي بنتج مخلصتهه نوم كعديهه
تبارك: هسه اكعدهه
رحت غسلت لميت شعري غيرت ملابسي لبست دشداشه بنفسجي وشال اسود كعدت ملاك بدلت الهه
نزلنه جوة
وكلت ملاك وذبيتهه على امي
لكيتهن يسون غدة رحت طفرت يمهن.
رقيه: نورتي توت
تبارك: فدوة لكلبج
كعدنه نسوي غدة جان تدخل سلوى تحجي ويه نفسهه وتعوج بحلكهه
تبارك: هاي شبيهه تخبلت
رقيه: شبيج هيه من زمان مخبله
سلوى: نجبن مو مخبله بس هاي نغم مدري غنم راح تخبلني بحركاتهه
رقيه: حاطه كورج ويه كورهه دعوفيهه
سلوى: ختولي تتفيك
رقيه: شبيهه
سلوى: كاعده بنص الولد تتفيك وتعوج بحلكهه
رقيه: هاا عرفت السالفه
سلوى: شكو انتي الثانيه
رقيه: السالفه بيهه جلالو
سلوى: اكلي تبن ونصي صوتج ليسمعون.
تبارك: هلاو هلاو ها سوس تحبين جلال
سلوى: انتن والله ولاتنعطن وجه مو صوجن صوجي اني الغبرة احجي وياجن
تبارك:
رقيه:
تبارك: اكلج رقيه
رقيه: ها حبي
تبارك: يقين وتقى مديجن الكم؟
رقيه: لا والله ميجن
تبارك: هاا لعد خلي اخابرهن حته يجن اليوم
رقيه: ايي خابريهن والله مشتاقتلهن
تبارك: ورشا تجيكم لو لا
رقيه: قبل جانت هواي تجي بس هسه يمكن كرار توبهه
عفتهم رحت صعدت فوك اخابر على منذر بالي يمه
خابرت اول مرة مجاوب.
رجعت خابرته مره ثانيه جاوبني
تبارك: الو
منذر: الو ها تبارك
تبارك: مو كتلك خابرني من توصل ليش مخابرت
منذر: نسيت والله
تبارك: ها
منذر: شلونج ملوكه كعدت
تبارك: تمام ايي كعدت
منذر: ديري بالج عليهه شلابسه انتي هسه
تبارك: لابسه دشداشه ريح بالك
منذر: ايي عفيه مستور كله
تبارك: اووك
منذر: يلا اني اروح مع السلامه
تبارك: الله وياك
نزلت للمطبخ اكيت نغم جايه شعجب حركت طولهه
سلوى: لتتعجبين جايه تسولف مو تشتغل
تبارك: ها.
نغم: اكول ايات
ايات: نعم
نغم: شعدكم هنانه
ايات: ليش جايين ب بيت الخلفوج
نغم: لا اقصد شعدكم
ايات: منذر عندة شغل وميكدر يعوفنه وحدنه بلبيت
نغم: اويي الله يساعده خطيه
رجعت حجت
نغم: كم يوم راح تبقون هنانه تبارك
تبارك: مااعرف هوه كم يوم ويجي
نغم: بس عيب هيج انتو راح تبقون هنانه
تبارك: وانتي شعليج بيت جدنه ونبقه يمهم
نغم: اي واذا بيت جدكم هم عيب
تبارك: اوك عيب علينه وانتي شعندج باقيه مو عيب عليج.
نغم: اني جايه ب بيت خالتي
تبارك: واحنه جاين بيت جدي وبيت عمامي
نغم: شبيج يبتلي واحد يحجي وياج
عفتهه مجاوبتهه
اذن الضهر
وهيه منتجيه على الكاونتر وتغني ياريت لو صوتهه حلو
سلوى: جاي يأذن شكو تغنين
نغم: شعليج حرام عليج لو عليه
سلوى: والله مكاعده وحدج حته تغنين ياريت لو صوتج حلو
نغم: شبي صوتي يخبل تغارين مني
تبارك: اكول حبي سلوى
سلوى: ها حياتي
تبارك: اكو بلقران مذكور ان انكر الاصوات لصوت الحمير
سلوى: عاشت ايدج حبي.
اباوع فاطمه تضحك هيه ورقيه ونور
نغم: شقصدج هي
بقيت ساكته
رجعت تغني ونوب بصوت عالي
فاطمه: يمعودة ام الغيرة صوتج مو حلو سكتي الخاطر الله
نغم: شبيجن شادت ويايه لو تغارن لان احله منج
فاطمه: بله شنو الحلو بلموضوع
نغم: كلشي بيه حلو
نور: وينج وين الحلاه
رقيه: نغم شعندج جايه بلمطبخ روحي رجعي كعدي
نغم: ما ارجع واكعد اغني وبصوت عالي وعناد بيجن
رقيه: تره متوهمه حبي هنانه مو برنامج ذافويس.
اني عفتهن يتعاركن ورحت اصلي كملت واخذت ملاك من مامه لان تريد تصلي
شلتهه واخذتهه للمطبخ يمي
نغم: يمه فدوة فدوة للجمال ولج انتي تشبهين ابوج اروح فدوة الج والابوج
ايات: هيي شنو اروح فدوة الج والابوج احجي عدل لا اسحلج هسه
نغم: ابن خالتي وبكيفي
ايات: دمشي ولي ام حلك شلون تحجي
صبينه غدة وكعدنه ناكل كلنه
كملنه غدة رحنه غسلنه اماعين.
ونوب اني دخلت اسبح كملت وخابرت تقى ويقين مكالمه جماعيه كلت الهن تعالن العصر كالن ميخالف
العصر اجني يمي
بيبي: جا كلجن متجمعات خابرن رشا خطيه خلي تجي
فاطمه: هسه اخابرهه بيبي
راحت فاطمه خابرتهه
فاطمه: بيبي كرار ميخليهه
بيبي: ليش
فاطمه: مادري كلت الهه تعالي البنات كلهن يمنه كالت ابقي ويايه على الخط راحت حجت ويه كرار وكال لا ميقبل
بيبي بقت ساكته
يقين: اكلجن هاي اكو صالون هنانه مفتح جديد شنو رئيجن نروح.
تقى: ايي خلي نروح اني اريد احف واصبغ شعري
سلوى وفاطمه ورقيه ونور ويقين وايات: ايي نروح
تقى: وانتي ست توته
تبارك: مادري اشوف منذر
رقيه: اوي فدوة المرت اخويه الماتطلع اله يقبل
تبارك:
تقى: يلا كومن بدلن وخلي اشوف منو يوصلنه
رحت خابرت منذر
تبارك: الو منذر
منذر: عيوني
تبارك: اا البنات حيروحن للصالون اروح؟
منذر: شعندج رايحه حلوة ميحتاج صالون
تبارك: احم لا مو اريد اكص شعري
منذر: شحدج توصليه
تبارك: شنو ليش.
منذر: لتكصينه تبارك اذا كصيتيه والقران اجنزج
تبارك: بس اني عاجبتني كصه واريد اسويهه
منذر: شعرج حلو لتخربينه
تبارك: زين اصبغه
منذر: لا
تبارك: اهوو شنو لا
منذر: شعرج هوه لونه على شكار يالون تصبغينه
تبارك: اريد ثلجي
منذر: كعدي وسكتي لونه حلو
تبارك: اهوو بعد شعندي رايحه
منذر: بكيفج لتروحين
تبارك: لا اروح
منذر: اوك روحي منو راح يوصلكم
تبارك: ما ادري.
منذر: اذا تحتاجين بعد فلوس اخذي من ابوي واني من اجي انطي لتستحين من عنده
تبارك: اوك
منذر: ملاك تاخذيهه وياج
تبارك: لا اعوفهه يم مامه
منذر: اوك
تبارك: يلا باي
منذر: الله وياج
ردت البس صايه بس مليت من عدهه عاد لبست جبه كابوي كلش حلوة وياهه شال لون زيتوني
نزلت خليت ملاك يم مامه.
وصلنه واحد من ولد عمامي يم الصالون بلكوة كاعدين بلسيارة ناس فوك ناس ونوب نغم وبنات خالات رقيه هم حطن كورهن يطلعن 4 مدري شكد ناس بحضن ناس عود سيارته جبيره وماكفتنه
نزلنه يم ام الصالون بدت بينه وحده وحده كل وحده تصبغ شعرهه لون وحده تكص بكيفهن كلهن ازواجهن يقبلون اله اني حته ايات صبغت وكصت
ايات شعرهه جان لونه اصفر بس جان فاتح رجعت صبغته اصفر طوووخ
اني بس حفيت وجهي وتنضيف للبشرة.
تقى: بس حفيتي وطلعتي احلانه
سلوى: هيه هاي البومه شتسوي تطلع حلوة
تبارك: لا والله انتو هم حلوات
كملنه ورجعنه للبيت
بليل صعدت انام نومت ملوكه وكعدت اباوع بلتلفون خابرني منذر كامرة باوعت على نفسي بلمرايه حلوة كرصت خدودي وفتحت
منذر: هلا
تبارك: هلا بيك
منذر: شجاي تسوين
تبارك: ماسوي كاعده
منذر: خوما كصيتي شعرج
تبارك: لا ماكصيت
منذر: عفيه بنتي
تبارك: شوكت تنام
منذر: مو نعسان
تبارك: ها
منذر: تبارك
تبارك: ها.
منذر: خابرتج حته اكلج شغله مهمه بس لتضوجين
تبارك: لا ماضوج
منذر: كولي والله ماضوج
تبارك: والله
منذر: انتي.