رواية بنت العم والضابط للكاتبة زهرة الفصل الثالث والعشرون
منذر: انتي ليش حلوة زياده
تبارك: منذر خوفتني شبيك عبالي مدري شنو
منذر: هههه جاوبي
تبارك: خلقه الله
منذر: اروح فدوة لجمالج
تبارك: اا منذر اني نعست اروح انام
منذر: اوك تصبحين على خير
تبارك: وانته بخير
سديت الخط من عنده خليت التلفون على كلبي والابتسامه شاكه حلكي
نعست رسن نمت
مرن كم يوم بقينه احنه يم بيت جدو الحد ما اجه منذر
اجه اخذنه رجعنه للبيت
نفس الروتين يعاد ويتكرر.
منذر اعترف اني حبيته بس ماعرف اذا هوه يحبني لو لا خليت الحب بكلبي وسكتت
بلنسبه الايات كالبه وجهه 24 ساعه تتعارك على ابسط شغلات واني عايفته وحدهه مااهتم الهه
كل مايصادف منذر يروح ينام يمهه اني اخلص الليل ابجي
ملوكه تزحف صارت واني مخلصتهه اركض وراهه
مر اسبوعين وخابرو منذر ديعزمونه على خطوبه نور ومحمد
اني عندي فساتين هواي ماشتريت بس ايات ماعدهه كعدت تتوسل بمنذر تكله اخذني اروح اشتري وهوه وافق.
منذر: العصر عود اخذجن
تبارك: اني عندي ماريد
منذر: ميخالف
العصريه راحت ايات كعدته
واني رحت بدلت لبست بنطرون كابوي وسترة سودة وشال وردي وحذاء وردي وجنطه وردي
نزلت اباوع منذر شافني وكلب وجهه
منذر: لبسي عبايه فوكاهن
تبارك: لا حباب
منذر: تبارك لتعاندين لبسي عبايه تره متروحين
تبارك: شبيك الله عليك
منذر: اني كتلج لو تلبسين لو متروحين
تبارك: ضايجه اريد اطلع
منذر: لعد لبسي عبايه
تبارك: ما مالبس
منذر: جا ابقي بلبيت.
الدمعه صارت بعيني كتله ايي ماروح
(اني العبايه من البسهه اترعبل بيهه لذلك مالبستهه )
تبارك: هاهيه ماروح
اخذت ملاك وصعدت فوك
بدلت ملابسي سمعت الباب الخارجيه انطبكت
بجيت ماعرف لان راح ويه ايات
لو بجيت لان ماخلاني اطلع
كعدت اباوع بتلفزيون وملاك يمي كاعده
كامت تبجي كمت سويتلهه اكل وكعدت اوكلهه
صارت ساعه ب8 وهمه بعدهم
ايي اكيد هسه كاعد يفرفر وياهه ويضحك مو صوجك صوجي اني الغبرة الحبيت واحد مثلك.
كمت سويت عشه اكلت وغسلت الاماعين ملاك نعست رحت نومتهه
واني دخلت سبحت وبدلت وطلعت لزمت التلفون اباوت التلفون محروك مكالمات من منذر اني جنت جوة والتلفون فوك وصامت مااسمع من يتصل
مخابرته
سمعت الباب نفتحت البرة رسن تغطيت وسويت نفسي نايمه
شويه وصعد فوك فتح باب غرفتي
اجه تقرب يمي كعد على الجربايه ودنك باس خدي
اني درت وجهي من عنده
منذر: كومي كعدي
تبارك: شكو
منذر: اختاريتلج فستان كومي شوفي
تبارك: ماريد.
منذر: زعلانه لان مااخذتج
تبارك: لا
منذر: جا كومي
تبارك: عوفني ماريد
جرني لحضنه وكال
منذر: اغار عليج والله
تبارك: وايات ليش خليتهه تروح
منذر: ايات لابسه عبايه انتي كتلج لبسي ماقبلتي
مجاوبته رجع كال
منذر: كومي حبيبي جبتلج عشه وكومي شوفي الفستان يلا حبيبي
اني عفت الحجي كله وركزت على حبيبي لا ارادي ابتسمت
منذر: اروح فدوة لهل ابتسامه. تعاي صدك ليش اخابرج متجاوبين
تبارك: جان صامت
كمت شفت الفستان جان كلش حلو.
لونه احمر فوك يجي طوله الحد الركبه كلوش
منذر: ها حلو
تبارك: ايي كلش حلو
منذر: بلعافيه يله كومي تعشي
تبارك: ماريد قبل شويه اكلت
منذر: ها
تبارك: انته انزل اكل
منذر: اكلت اني
تبارك: شوكت
منذر: بلمطعم
تبارك: ها
ثاني يوم رحنه من الصبح يمهم
هواي ناس جايه
رجعت نور من الصالون طالعه تجنن كلش حلوة
رحت اني بدلت لبست الفستان الجابع منذر لبست وياه كعب احمر
شعري شسورته وعفته مفتوح وخليت مكياج خفيف بس الحمره طوخ لون احمر.
دخل محمد لبس الحلقه النور شكد حلوين سويه
طلع خطيبهه وشغلو اغاني ونزلنه ردح
اباوع رقيه تصور بيه اعرفهه شتريد تسوي صحت بيهه
تبارك: رقيه امسحي الفديو
رقيه: دزيته حبي
تبارك: والله ماحجي وياج امسحي من المحادثه
رقيه: هسه واذا هوه زوجج قابل المنو دازته اني وتره شافه الفديو
تبارك: امداج امشي ولي مني
رقيه: غير تخبلين طالعه خلي يشوف النعمه العنده
بليل اجه منذر اخذنه
صعد يمي فوك
منذر: هاي شطالعه اليوم شنو هلركص هذا.
تبارك: هاا
منذر: تخبلين
تبارك: اي
منذر: تعالي نامي بحضني
جرني لحضنه
بقه يباوع لوجهي باسني بشفتي بوسه خفيفه وكال
منذر: نامي نامي لا اجرم بيج
بعد مرور شهر
بهل شهر صارت هواي تطورات
منذر انام اكعد اصفن افكر بي عشقته لدرجه
وهوه يحبني واحسه يحبني بس احس شي ناقص بلموضوع
بيوم جنت نايمه بصف منذر وهوه يسولف ويايه
منذر: تبارك انتي تحبيني
بوكتهه مردت اكله لا ردت اشوف شنو رده فعله
تبارك: اي
منذر|جا كولي احبك
تبارك: احبك.
منذر: تبارك اني اعشقج واموت عليج
حضنته رسن
منذر: قبل لا اتزوجج جنت اصفن بيج اصفن على نزاكتج وجمالج من تزوجتج بقه نفس الشي انتبه الكلشي انتي تسوينه اعصب منج واضوج بس عقلي شوكت ماتجين تلكيني افكر بيج الحد ماكمت اعشقج واموت على الهوه إلى تتنفسينه
ماعرفت بوكتهه شنو اجاوب غير بس ابتسم نمت واني حاضنته.
جان حبه مبين حته ايات نتبهت عليه شلون تغير ويايه كمت اي شي اريده يسوي إلى وهذا الشي جاي يزيد حبي اله يوم وره
وبمقابل هذا الحب ايات كلبت عليه بحيث كل دقيقه نتعارك على شي
صار عرس نور ومحمد رحنه لبيت جدو والتمن الصديقات ايات ورشا
جانت وحده ترفع و وحده تكبس ثنينهن شادات ويايه
والحلو بلموضوع يحذرني منهن
ايات تكلي لتستعجلين على رزقج وذيج تضحك الهه بوكتهه سولفت الرقيه على الحجي الكالنه إلى ايات ورشا
وكالت.
رقيه: ذني مسمومات يخوفن ديري بالج منهن ماطول هيج يحجن محضراتلج شغله
الصراحه بلبدايه خفت كلت شنو يسون الي
ويه الايام نسيت الموضوع
منذر صارلي كلشي بهل دنيه كل يوم يعبرلي عن حبه
بس جان كل يوم راسه يوجعه من وجع راسه يخلصهه كلهه نوم واني اكعد افرك براسه خطيه اشوفه كلش يتوجع
جان وجع راسه كلش قوي من الوجع مرات يكوم يصيح
راح الدكتور كله كلشي مابي راسك كله جوز من التعب هذا وهوه يبلع حبوب ويرجع ليورة.
لان بيت جدو قريب علينه جنت كل مااضوج اخلي منذر يوديني يمهم جنت اتونس ويه البنات
بيوم جنت ضايجه رحت كلت المنذر وهوه وافق
وهوه جان يوجعه راسه بس حتى تعود عليه لان يوميم يوجعه
رحنه لبيت جدو اني بقيت اسولف ويه البنات ومنذر حاط راسه بحضن امه وهيه كعدت تفرك براسه
خابرت يقين وتقى اجني ثنيهن وتقى جنهه بطه كوه تمشي بطنهه واصله لخشمهه
وايات خابرت رشا واجتي.
رقيه: اكلج ذني تجمعن وشوفيهن شلون يسولفن خايفه عليج من عدهن
تبارك: خلي يولن طبهن مرض شيسون خلي يسون
وره العشه كاعدين نسولف ايات ورشا جان وحدهن كاعدات شفتهن كامن صعدن فوك
رقيه: اكلج ذني صعدن فوك
تبارك: شسويلهن
رقيه: شو كومي ويايه
صعدنه وراهن جانن كاعدات بغرفه ايات القديمه
هيه غرفه فاطمه
عاد رقيه نزلت ركض صاحت فاطمه
فاطمه: شكو شبيجن.
رقيه: اكلج فوفه باعي حنطيج هذا التلفون اني سويته صامت وفتحت التسجيل إلى اريده منج ادخلين للغرفه لان هيه غرفتج تخلين التلفون قريب يمهن بس كون ميشوفنج وانتي تخلينه واطلعين خوش
فاطمه: ليش شكو شصاير
رقيه: انتي بس خلي وعود بعدين اسولفلج
فاطمه: اوك جيبي
تبارك: رقيه شدتسوين
رقيه: فتحت التسجيل حتى نسمعهن شيخططن
تبارك: شوف الذكاء
رقيه: تعلمي مني
اني ورقيه نزلنه جوه وفاطمه اخذت التلفون دخلته جوه يمهن وطلعت.
فاطمه: خليته يمهن بس شكو سولفي
رقيه سولفت الفاطمه كلت الهه ذني جاي يخططن على شغله طايح حضهه التبارك خلي نسمع شيخططن
كاعدين نسولف جان منذر كال
منذر: يلا حبيبتي خلي نرجع للبيت ايات وينهه
تبارك: فوك
منذر كام يصيحهه هيه نزلت من فوك ورشا وراهه رقيه كالت الفاطمه صعدي حفضي التسجيل وجيبي التلفون
راحت فاطمه جابت التلفون
بست رقيه جان كلتلي
رقيه: بليل من ادخل للغرفه اسمعه وعود اكلج شجاي يخططن اوك
تبارك: اوك عمري.
رقيه: يلا ديري بالج على نفسج
رجعنه للبيت
بليل خابرتني رقيه
رقيه: لجج تبارك ذني مسويات العمايل هسه سمعت حجيهن
تبارك: شكو شمسويات
رقيه: حدزلج الفديو سمعي شيحجن
تبارك: اوك
دزتلي الفديو رقيه
ساعه كامله يحمل جان نت ماكو واني ميته من النعس بس بقيت كاعده حته اسمع
نفتح الفديو سمعتهن شيحجن وعدته مرتين عبالي لان نعسانه مجاي اسمع عدل ابد متوقعتهن هيج يسون.