رواية بنت العم والضابط للكاتبة زهرة الفصل الرابع والعشرون والأخير
بقيت مصدومه متوقعتهن هيج يسون
رحت رسن حجيت ويه رقيه
تبارك: لج يمه هاي شنو شمسويات هسه اني شسوي شصخم
رقيه: منذر وينه
تبارك: نايم
رقيه: باجر من الصبح اني اخابرة اخلي يجي
تبارك: ليش عود
رقيه: خاف انتي تكليله ويكتلهه بلبيت والله يموتهه على الاقل هناك جدو عمامي ميخلونه
تبارك: اني خايفه من باجر
رقيه: انتي شعليج كلشي ممسويه ذني المسمومات إلى راح يتأدبن باجر
تبارك: ديلا باي باي.
ردت انام ماكدرت بقيت بس افكر شراح يصير باجر
نمت واني بعدني افكر كعدني منذر الصبح ساعه 10
تبارك: ها حبيبي
منذر: رقيه خابرتني كالت جدي يريدكم كلكم كومي بدلي
تبارك: ايي كايمه
كمت غسلت وبدلت
تبارك: اسويلك ريوك
منذر: لا حبيبي ما اشتهي يله خلي نروح
نزلت ايات من فوك تبتسم المنذر ولا عبالك مسويه شي
صعدت بلسيارة ليكدام وايات كعدت ليورة وبقت ادردم
رحنه لبيت جدو
شفنه جدو كاعد بلحديقه
سلمنه على جدو
منذر: خيرك جدي.
جدو: ها بويه
منذر: مو كايل الرقيه خابري منذر خلي يجي
جدو: لا والله بويه
منذر: انه الج رقيه تضحكين عليه
دخلنه جوة منذر صاح رقيه
رقيه نزلت بس مبينه خايفه
رقيه: ها خويه
منذر: ليش تجذبين عليه
رقيه: مو ادري اذا كتلك اني ماتجي
منذر: يله اجينه شتريدين
رقيه: ااا هسه
طلعت رقيه من الهول
منذر: هاي شبيهه
تبارك: هسه اشوفهه
رحت كمت وراهه
تبارك: ها رقيه شبيج
رقيه: ولج خايفه ماعرف شلون ابدي
تبارك: زين هسه شلون.
رقيه: لا هسه راح اجي احجي
تبارك: يله انتضرج فدوة
رجعت للهول
منذر: ها شكو
تبارك: مادري ماحجت شي
دخلت رقيه عمامي كلهم جانو كاعدين جان يصادف يوم جمعه محد يدوام وجدو دخل جوة
دخلت رقيه وبيديهه تلفونهه
منذر: شكو بويه احجي
رقيه: ايي راح احجي
باوعت الايات مامهتمه رادت تكوم تطلع من الهول
رقيه: اكعدي اريد احجي
ايات: واني شعليه بيج
رقيه: اكعدي
منذر: يله راح اكوم اطيح حضج
رقيه: ايي
باوعت عليه
تبارك: اشرتلهه تحجي.
دخلن البنات كلهن وفاطمه تباوع النه وهم مبين خايفه
رقيه: منذر
منذر: خير
رقيه: اااا باوع قبل فترة ايات ورشا يهددن بتبارك ويكولن لتستعجيلن على رزقج وشوفي شراح نسوي بيج ويخوفن بيهه
باوعت ايات بقت تخزر
ومنذر رسن باوع عليه
منذر: كملي.
رقيه: وراهه من كمتو تجونه انتبهت رشا وايات دائمآ يكعدن سوة جانن قبل كله ويانه يكعدن بس هسه صايرات وحدهن يسولفن كلت ليسون شي التبارك خفت عليهه وتبارك اعرفهه جبانه وتخاف وكلشي متسوي البارحه من اجيتو صعدن فوك ثنينهن بغرفه ايات القديمه انطيت الفاطمه تلفوني واني فتحت التسجيل بي وفاطمه اخذته وخلته بلغرفه يمهن بدون مايدرن
منذر: وشنو سمعتو يحجون بلتسجيل
رقيه: راح افتحلك التسجيل وانته اسمع.
فتحت رقيه تلفونهه وشغلت التسجيل
اول مايبدي التسجيل
رشا كالت يعني شلون تكولين كلشي ماكو
ايات تجاوبهه لجج ماكو شي والله هوه ليهسه يحبهه بعده يحبهه كلشي مفاد هذا السحر خلاه بس راسه يوجعه
رشا كالت وشمدريج انتي يحبهه
ايات لجج والله يحبهه مبين من نضراته يصفن عليهه من تفوت من يمه
رشا زين شلون شراح تسوين بهل حاله
ايات انتي فاد وياج لو لا
رشا انيي ايي فاد ويايه كام يحبني كرار بس شعجب مفاد وياج انتي.
ايات حضي المصخم شلون يصير بعد
رشا وشراح تسوين
ايات لازم نرجع الهه تنطيني سحر اقوة اريده يكرهه
رشا وشوكت راح نروح احنه ذيج المره من رحنه بلكوة لزكناهه وطلعنه اعذار هاي المره شلون
ايات ماعرف اهم شي اروح
بعدين نزلن جوة وصعدت رقيه اخذت التسجيل
باوعت منذر فاتح عيونه وحاط ايده على راسه
ايات تبجي
عمامي مصدومين
ايات: لتجذبين هذا مو صوتي
رقيه: اوك حبي مو صوتج زين وهاي شنو شوفتهه التصوير.
فاطمه جانت حاطه التلفون وموجهه الكامرة عليهن يعني صوت وصورة
ام ايات: انتي ليش تتبلين على بنتي انه اعرفهه بنتي متسوي هيج
رقيه: اني مامتبليه...
بعدهه ماكملت جملتهه ونشوف منذر لازم ايات ساحلهه من شعرهه
الغريب بلموضوع لا جدي ولا عمامي ولا اي واحد كام يريد يجرهه من ايد منذر
بس ام ايات تريد ادفع بمنذر وماتكدر
منذر كتلهه بوكتهه اله شويه ويموتهه
وهيه تعيط وترجع ليورة.
اني من يمي شكد اذتني بحجيهه وباافعالهه كلبي نكسر عليهه
ردت اجر ايات من عنده ماكدر اصلآ وين اكدرله
اباوع كام يتنفس سريع تعب
دفرهه برجله على ابوهه
جدو: زين من سويت بيهه هيج
ام ايات: الله لاينطيكم كلكم ان شاء الله
ابو ايات: اشش ما اسمع صوتج سكتي
جدو: خابرولي كرار وخلي يجيب ذيج السا، الثانيه وياه
خابرة عمي ابو كرار وكله هسه اجي
شويه واجه كرار ورشا وياه
جدو سحب التلفون من رقيه وعاد التسجيل الهم.
اباوع كرار هم نفس الصدمه
ورشا اباوعلهه شو هاي مامهتمه
كرار: شنو هذا الحجي
رشا: هذا كله مفبرك اني ماسوي هيج
رقيه: لا مو مفبرك لتجذبين
منذر: رقيه انتي سكتي
رقيه سكتت
جدو كام راح توضه وكمش بيده القران
كال الايات والرشا كومن توضن وتعالن
راحن توضن واجن
جدو: اذا تكولن مفبرك تعالن حلفن على القران
سحب ايد ايات وحطهه على القران كلهه احجي
ايات: لا جدو فدوة
جدو: احجي
ايات: لا لا والله مو مفبرك
جدو: شوكت سويتن السحر.
ايات: جدو والله هاي رشا ورطتني هيه كلتلي
رشا: لتجذبين اني شعليه
ايات: جدو والقران هيه كلتلي
جدو حجه بصوت عالي: شووووكت رحتن
ايات: مرة رحنه اني ورشا عود للخياطه ومناك رحنه
جدو: منو وصلكم
ايات: هوه كرار وصلنه
رسن كرار جر رشا وموتهه كتل
منذر: بعد ماريدهه لهل ساق، لو مدري ياهو يجي
وكرار نفس الحجي
ام ايات سحبت ايات للغرفه وايات تشهك
ام رشا اصلآ مادخلت برشا تكول طبهه مرض تستاهل
وره فترة كدرو يفكون السحر.
ايات ورشا موجودات بس محبوسات بلغرف مينزلن ومنشوفهن جدو راد هيج
واني ومنذر رجعنه لبيتنه
مر شهرين
كاعده الصبح تريكنه اني وملاك ونضفت البيت وكاعدين ننتضر منذر يجي حته ياخذنه لبيت جدو لان اليوم عرس فاطمه وحيدر (ابن عمي)
رجع من الدوام دخل سبح واني صبيتله غدة
كال ساعه انام ارتاح وكعديني
راح نام
وراهه صعدت اريد اكعده
رحت تمدتت يمه بسته بخده
وهوه فز
جرني لحضنه حيل
نومني ويبوس بخدي
تبارك: كافي حبيبي
منذر: يروح حبيبج.
كمت بدلت
لبست اوفر قماش لون ازرك
وشعري شلته ليفوك ذيل حصان ولبست صايه ولفيت الشال
منذر: حبيبي طلعيلي ملابس
تبارك: اايي عمري مطلعتلك
لبس بنطرون اسود وقميص زيتوني
تبارك: منذر
منذر: روحه
تبارك: انزع هذا القميص
منذر: ليش مو حلو
تبارك: لا حلو بس البس هذا القميص
انطيته قميص هم ازرك عجبني نلبس اني وياه نفس اللون
باسني بخدي واخذه
لبسه وملوك تمشي يمنه جنه بطريق لابسه فستان وردي وشعرهه شايلته الهه ومنزله الهه كذله.
لزمت تلفوني وكعدت اطك الهم صور
نزلنه صعدنه بلسيارة ورحنه لبيت جدو دخلنه اني وياه جوة لازمني من ايدي وملاك شايلهه بيدهه
بيبي شافتنه وكامت تهلهل
منذر: حجيه مفتهمه غلط مو احنه العرسان
بيبي: يابعد روحي تخبلون طالعين سويه
طلع منذر برة واني دخلت جوة يم البنات
لكيتهن مشغلات ديجي وكلهن يدبجن دخلت وياهن رون سايد ركص
ركصنه ركص راد البيت يتفلش علينه
لبسنه العبي كالو يلا
صعدت ويه منذر ويانه رقيه.
ومنذر مشغل اغاني وكلساع يكلي هاي الج الاغنيه
لو كاعد ويتغزل بيه كدام رقيه ولايستحي
خلص العرس رجعنه لبيتنه
لبست كيمونه سودة وشورت احمر وشعري شسورته وخليت مكياج لون احمر
وملاك نومتهه
دخل منذر باوعلي وابتسم اجه يمي باسني بشفتي...
مرت ايام واني ومنذر حبنه يوميه يزيد
تبارك: حبيبي خلي نروح لبيت جدو
منذر: متملين يوميه رايحين
تبارك: ضوجه حبيبي
منذر: الحد مراح ننطرد يله ترتاحين
تبارك:
منذر: شعدنه رايحين.
تبارك: كلهم هناك وخابرتني يقين كالت تعالو
وصلنه لبيت جدو
كلنه ملتمين ونسولف والضحك بلاش
بيبي: خايبه ماصرتي حامل
تبارك: لا بيبي
بيبي: يا يلعوبه حته هاي البومه حبلت(يقين)
تبارك: بيبي شسوي شنو اكله تعال غصبن عنك هسه تحبلني
بيبي: فلشج كون شوف شلون تجاوب
تبارك:
بيبي: كون اذا حبلتي يطلع عليج حليو نفس عيونج مو على ابوه الاجلح
تبارك: بيبي ما اسمحلج تحجين على زوجي
بيبي: ياا ماتسمحلي
تبارك:.
جدو حجه ويه عمامي على سلوى ورقيه
لان ولد عمامي يرديدون يزوجون
سلوى ال جلال
ورقيه ال حمزة
وطبعآ عمامي وافقو والبنات وافقن وراح يصير عرسهم بيوم واحد
سلوى ورقيه عود خجلن طلعن من الهول لحكتهن للغرفه
لكيتهن كاعدات يركصن
تبارك: خوش خجل
سلوى: اني سويت نفسي خجوله ومستحيه من سئلني بابه كتله هاا بابه بكيفك ردت اكله طبعآ موافقه بس الله ستر
تبارك: طاح حضج
صار عرس سلوى ورقيه
وخلصنه من عدهم.
تقى ومصطفى صار عدهم نرجس ونمر
يقين وعلى صار عدهم ضرغام
رقيه وحمزةصار عدهم حسين
سلوى واسامه صار عدهم جنات
نور ومحمد صار عدهم قمر وسيف
فاطمه وحيدر صار عدهم طيبه
واني ومنذر عدنه ملوكه وحسن
ايات تزوجهه ابن خالتهه وراحت
ورشا بقت يم بيت جدو
كرار تزوج وحده غريبه
وكلمن عايش حياته
كاعده ابدل لبست بنطرون اسود وقميص ابيض وجنطه سوده وشال بيجي وحذاء بيجي
وبقيت 4 ساعات اقنع بمنذر وشويه حبشكلات يلا وافق هيج البس.
بدلت الملاك بنطرون وقميص احمر وشعرهه شلته الهه
وبدلت الحسن
ومنذر كاعد ينتضرني اكمل
كملت ونزلت الجهال صعدنه بلسيارة ملاك ليورة واني كاعده ليكدام وحسن بحضني
وصلنه المدينه الالعاب اجينه بس علمود ملوكه تلعب وتتونس
صعدنه ملوكه العاب وهيه تضحك وفرحانه
كوه قنعنه ملاك تعوف الالعاب صعدتهن كلهن وتريد بعد تصعد
راح منذر اشتره الملاك شعر بنات
تبارك: واني
منذر: شنو حياتي
تبارك: ليش مجبتلي
منذر: مو يدلل حبيبي.
راح جابلي شعر بنات وكعدنه بلحديقه واني اكل شعر بنات
منذر: عندي 3 جهال مو 2
تبارك: بابه
منذر: روحه الابوج
تبارك: اريد بعد شعر بنات
منذر:
اكلنه بمطعم ورجعنه بليل نومت الجهال
واني تمدتت بحضن منذر
تبارك: منذر
منذر: عيونه
تبارك: اني شنو اعنيلك وشكد تحبني.
منذر: انتي حبيبتي ومريتي وبت روحياول شي اني شفت الدنيه بعيونج وشفت الحب وياج شكد حلو حيل وفوك الحيل احبج وموت بيج يابعد نبضي انتي اميرتي وروحي تدرين حبيبتي كدام الكل وكدام الكون كله اني افتخر بيج كل الفخر وابوس الدنيه يوم الجابتج وخلتج حبيبتي وفرحتي ومريتي اني إلى مايمر لحضه مايفكر بيج ويدعيلج اني إلى مايشوف غيرج بهل دنيه والي ما يطخ السانه على لسان غيرج اني إلى وفه وياج وصانج واحبج اكثر من روحي انتي تدرين منين مصنوعه من عسل وككو وشكر وخالطينج وطلعتي انتي بنيتي تبوكتي الجميله وبكل ثقه وفخر اكوله انتي تسوين كل البنات عدي ومحد غيرج مله عيني واوعدج ابقه سندج لاخر نفس بيه حيل احبج وفوك الحيل ربي لايحرمني منج ومن ضحكتج الحلوة يم خديدات الحلوات بنيتي الجميله وهل كلام كله الكلته قليل بحقج تبارك اموت بيج يابعد طولي.
باوعلي وكال
منذر: شبيج دمعتي
تبارك: هلكد تحبني
منذر: واكثر من هيج
تبارك: واني احبك واعشقك واموت عليك وماكدر اكلك شكد تعنيلي لان انته شي غالي بحياتي مينوصف بكلمه
باسني بخدي حضني
ونمنه.
ياحوى اصيرن ادمج ماخونج بتفاحه
هوه اليخون بخط حبر متفيده الف مساحه
يبنيه ضوكيني العسل صدكيني فد معتازة
خدج الايسر فد صلف يتعيقل بغمازة
رايد اصارح وانهزم بس كلبي ماينطيني
غير انسه يمج كل هلي وحته انسه كل سنيني
يبينيه حبيت الصبح خلاني اشوف عيونج
وبحاله اطيح من العشك بس ضحكه من سنونج
مرات اكفر بلعشك واستغفر الله كبالج
صغيرونه شلج بلعشك حيل انه احب خبالج
عيون عندج جن بحر كلش وسيعه وزركه.