رواية بنت العم والضابط للكاتبة زهرة الفصل العاشر
ماحس بغير صوت طبه باوعت جان الكه يقين واكعه بنص الكوستر اني شفت منضرهه لو متتت ضحك
تبارك: هههههههههههههه يمه متتتت شبيج
يقين: اخخ رجلي
تبارك: هههه كومي كومي
كومتهه
تبارك: شلون وكعتي ولجج
يقين: كمت اريد اكعد يم الجامه ونلوت رجلي كله من وره هذا الكعب
تبارك: حرامات ماصورتج من واكعه
يقين: بلا سخافه عاد
تبارك: ههههه نجبي
يقين: اكلج
تبارك: هاا
يقين: اشوو ايات مضايجه.
تبارك: ولجج هاي ايات تخوف ذيج لمرة تكلي اني اخليهه بنفسهه تطلب الطلاق
يقين: عززة الله اليستر شراح تسوي للبنيه
تبارك: هههههه شحدهه تلزمهه شبيج غير منذر مبين يموت عليهه
يقين: ايي وهيه مبنيه حبابه بسس خطيه هواي يعيبن عليهه
تبارك: منو معيب عليهه ليش كلش حلوة
يقين: شمدريني ذني البنات كاعدات ويحشن بيهه يكولن حرامات منذر بهاي الفكر
تبارك: كبر لفهن هنه شعليهن
يقين: عود لان حالتهم الماديه فقيره يحجن عليهه.
تبارك: كون يسمعهن منذر حته يطيح حضهن
يقين: ايي والله
كاعدين جان نسمع هلاهل طلعو
اباوع منذر لازمهه من ايدهه ومبين فرحان كعدهه بلسيارة وصعد
صعدن البنات
راحو طكو صور الهم
تقى: تبارك شوفي هذا الولد صافن عليج
تبارك: وينه
تقى: هياته كبالج مبين صديق منذر من شواربه
تبارك: ههههه
تقى: لتباعيله خيولي
تبارك: ايي
يقين: عليمن تسولفن
تقى: انتي معليج ديري وجهج
يقين: كبر لفجن.
زفو منذر والعروس لبيتهم نفس الشي هم جدو انطاهم هديه بيت
ثاني يوم الصبح اجه هوه والعروس
كلش حلوين سويه هوه لابس بنطرون كابوي وقميص نيلي وهيه لابسع فستان وردي وشال نيلي
اسمهه براء وعمرهه 25 سنه
خاله ام منذر كملت الريوك مسويه مخلمه وطماطه واجبان وكيمر عرب وجاي وزيتون ومسويه سفره تجنن كلنه كعدنه عليهه
ايات كاعده بصفي وتباوع عليهم
تحجي بصوت ناصي تدعي البنيه
ايات: ان شاء الله تاكلين سم.
تبارك: ولج راح تغصصين البنيه خليهه تاكل
ايات: نجبي تبارك اخذت حبيبي هاي
عفتهه محجيت شي
كملو ريوك كمنه اني ورقيه وفاطمه نشيل بل اماعين
غسلنه الاماعين اني تنكعت من فوك ليجوة دخلت سبحت ولبست تراك اسود ورحت كعدت بصف بابه
وليد: هاا توته
تبارك: هاا حبيبي
ابتسملي وباسني
اباوع رقيه اللوكيه راحت كعدت يم براء وتسولف وياهه
صاحتني رقيه
رقيه: تعاي توت
تبارك: هاا
كعدت يمهه
رقيه: هاي بت عمي والبيست فريند تبارك
براء: هلاو.
تبارك: هلاوات شلونج
براء: الحمد لله وانتي
تبارك: تمام
براء: رقيه هاي شبيهه البنيه
رقيه: منيه
براء: هاي ام الاحمر
رقيه: هاي بت عمي شبيهه
براء: مادري تباوعلي وتخزر بيه
رقيه: ههههههه ماعرف جوز مو متقصده
براء: هاا
رقيه: تبارك صدك كرار سئل عليج من جنتي تسبحين
تبارك: شيريد
رقيه: مادري بس كلي وين تبارك كتله تسبح
تبارك: هاا
رقيه: ايي شوفي شيريد
تبارك: خيولي مالي خلكه
براء: منو كرار حبيبج
تبارك: لا ابن عمي هوه خاطب.
براء: تبارك انتي تدرسين
تبارك: اي اني صف سادس وانتي
براء: اني لا صف اول ابتدائي وبطلت
تبارك: ليش
براء: عدت سنتين بل اول ابتدائي مجان اكو احد بلبيت يدرسني محد يعرف عاد ابويه بطلني
تبارك: يعني متعرفين تكتبين انتي
براء: لاا ماعرف
تبارك: هاا حرامات
براء: لا عادي اني هم ماحب المدرسه
رقيه: صدك انتي ومنذر شلون تعرفتو.
براء: اخويه يصير صديقه هوه شافني مره وحبني بس ميقبل يحجي ويايه لان يعتبر خيانه لصديقه عاد كلي اجي اخطبج واني رفضت ماعرف ليش رفصت واني كتله ميخالف نبقه نحجي وبعدين تعال اخطبني وهوة وافق بس كل مرة يكلي ماكدر لازم اجي اخطبج واني ماقبل واحنه باقين هيج لحد ماخطبني ابن خالتي وكتله تعال اخطبني
رقيه: يااا فدوة الاخويه العاشق الولهان
براء: هههههه
تبارك:
يقين: هلاوو شجنتو تسولفون
تبارك: شلج دخل
براء: هلاوو حبي.
يقين: هلا بيج
رقيه: براء هاي هم بت عمي واخت تبارك
براء: اهلآ وسهلآ
يقين: شكرآ حبي
بقو يمنه تغدو وراحو
جدو كعد ويانه وكال الاسبوع الجاي عرس كرار وراهه خطوبه يقين
(مستعجل جدو).
بعد مرور اسبوع
صعدت فوك دخلت لغرفه رقيه لكيتهه ميته من البجي
رحت كمزت يمهه
تبارك: شبيج رقيه ليش تبجين
رقيه: تبارك
تبارك: شبيج
رقيه: اليوم بلحنه مال كرار طلعت بلحديقه حطيت مي للمبردة امي كلتلي حارة
طلعت برة طلع صديق كرار داخل بلحمام البرة من شافني سحبني عليه وحضني
تبارك: عزة بعينه ان شاء الله اشش كافي سكتي خيولي زين ليش مكلتي لمنذر حته يطيح حضه
رقيه: خفتت لتصير عركه
تبارك: كااافي عوفي لتفكرين بلسالفه.
رقيه: تبارك متت من الخوف بلحضتهه شلون سحبني خفت ليشوفني احد
تبارك: انسي الصار كافي
غسلت وجهه ونزلنه جوة اني وياهه
اباوع رشا صعدت فوك تكول تعبت اروح انام البنات بقن ينضفن اني عفتهن منضفت وياهن بقيت اباوع بلتلفون كاعده اني ورقيه نباوع والباقي ينضفون
دخل كرار للهول
كعد كبالي وبقه يباوع عليه
رقيه: كرار حباب اشتريلي
كرار: نجبي شايفتني طفل واتصخرلج
رقيه: شبيك كرار محد يقبل يشتريلنه
كرار: المن اشتري.
رقيه: الي والتبارك
كرار: اوك اروح شتريدن
رقيه: اريد جبس ليز وحب ونستله نمبر وان واندومي
تبارك: اني اريد جبس وبيبسي وحب وعلج
كرار: اوك
رقيه: هاك فلوس
كرار: عندي
راح اشتره النه وانطاهن ألي
كعدنه ناكل ونباوع بلتلفون
ثاني يوم عرس كرار نفس الشي جدو انطاهم بيت همين وراهه ب اسبوع صارت خطوبه يقين وعلى الخطوبه طولت شهر ونوب تزوجو وهم نفس الشي جدو انطاهم بيت هديه.
ثاني يوم مامه راحت هيه ويقين وخاله ام منذر وام فاطمه لبيت عمتي مدري شعدهم اني مرحت لان جانت جايتني شهريه وبطني توجعني
عاد كاعده بلمطبخ ولازمه بطني
رقيه: كومي صعدي فوك تمددي
صعدت فوك تمددت جانت ساعه 6 العصر تقريبآ دايرة وجهي
جان الباب تنفتح دخلت براء ورقيه وراهه وايات
براء: هلاوو كالت رقيه مريضه كلت خل اصعد يمهه
تبارك: هلاو بروئه
براء: هلا بعد كلبي شلونج
تبارك: الحمد الله انتي شلونج
براء: زينه.
ايات: اروح اسويلكم نسكافيه واجي
رقيه: اوك
راحت ايات سوت نسكافيه براء جانت كاعده بصفي ورقيه واكفه يم الميز تواليت
دخلت ايات جاي تنطي النسكافيه البراء جان تنكلب الصينيه وبحركه لا اراديه من براء ذبتهه عليه شاغت روحي للسمه النسكافيه حارة
ايات: اسفه اسفه تبارك صارلج شي
رقيه: شبيج عميه تبارك شوو رجلج اشوفهه
رفعت التراك
رقيه: ولج هاي صارت حمرة وطككت
نزلت رقيه تركض تجبب عصارة وبراء تباوع على الحرك وايات هم صافنه.
صعدت رقيه جابت عصارة حطتهه الي
رقيه: خليهه على الهوه
براء: اسفه تبارك مو قصدي ادفعهه عليج
رقيه: براء خوما احتركتي
براء: ايي شويه وكع عليه
رقيه: هاج خلي دهن
خلت دهن براء ونزلت وايات هم راحت بقت يمي بس رقيه
من مكان اخر
منذر: يلا حبيبي نرجع للبيت
براء: ايي يلا
رجعو للبيت راحت براء تبدل لبست دشداشه قصيره وكعدت بصف منذر
منذر: هاي شبيهه رجلج
براء: ها حبيبي وكعت نسكافيه عليه
منذر: شلون.
براء: حبيبي هاي بت عمك مدري شبيهه دائمآ تسمعني حجي وهسه وكعت نسكافيه عليه
منذر: منو منهن
براء: ايات اليوم عود راحت تصب النه نسكافيه وانب جنت كاعده بصف تبارك شفتهه من دتكلب الصينيه عليه واني بدون مادري خفت لتوكع عليه دفعتهه على تبارك خطيه رجلهه كلهه احتركت حته كامت تبجي رجلهه صارت حمرة وطككت
منذر: اخخ يا ايات بله شتسمعج حجي.
براء: ذيج مره تكلي بت الفكر كلت الهه شنو تكلي مو وياج لو تمشي وتغلط وهسه توكع نسكافيه شمسويتلهه اني
منذر: معليجج منهه تغار منج وبعد اذا سمعتج حجب تعاي كليلي واني اعرف شلون اتصرف وياهه
براء: حبيبي ربي يحفضك اليه
تبارك: كاعده وبطني توجعني ومنانه رجلي طلعت صفح راح اموت من الوجع
ورقيه عافتني و نزلت تسبح وحال الضيم حالي
دالعب بلتلفون ودك رقم غريب جاوبت
تبارك: الو.