رواية بنت العم والضابط للكاتبة زهرة الفصل الحادي عشر
الو يحلو
تبارك: الو منو حضرتج
ههه تبوكه اني براء هذا رقم منذر
تبارك: هاا بروئه حبيبي
براء: اني اعتذر مرة ثانيه والله مو قصدي اوكع النسكافيه عليج
تبارك: لا حياتي عادي مصار شي
براء: فدوة لكلبج يلا اني اروح
تبارك: اوك عمري بااي
براء: باي
مليتتت كلت انزل جوة
نزلت جوة لكيت ايات وفاطمه وسلوى ونور صافنات وكاعدات
تبارك: هاي كايزز
ايات: هلاوو توت
تبارك: حقيرة ليش وكعتي النسكافيه عليه.
ايات: حضج هذا ردت اوكعهه على براء بس هيه الحقيرة دفعتهه عليج
تبارك: وانتي ليش توكعينه على براء
ايات: مو تعرفين اغار من جمالهه والله يالله غير اخذت حبيبي مني مدري شنو عجبه بيهه
فاطمه: اهوو والله دوختيني كل ماريد اسولف وياج ماعندج غير سالفه هسه همه تزوجو وعلى حب هم عوفيهم وانتي الله يرزقج بواحد صاك كولو امين حته نخلص
ايات: ماريد صاك غير بس منذر
سلوى: اني اريد اطلع مليتت
تبارك: اني هم.
نور: شنو رئيكم باجر نروح للبستان
ايات: الله ومنو يخلينه نطلع
نور: نخلي واحد من الولد يطلعنه
تبارك: ديله هوة البستان شبيه بس حشيش
فاطمه: ايي والله لو رايحه ويه امي احسلي
تبارك:
دخل جدو للهول
جدو: ها يلحابيب كاعدات
فاطمه: جدو ضايجين
جدو: كم وحده انتن
تبارك: جدو 5
جدو: خوش
سلوى: ليش جدو
جدو: ادز واحد يشتريلجن
سلوى: اي والله جوعانين
جدو دز ابن عمي صغير عمره 10 سنين يشتريلنه
كعد جدو يمنه
دخل كرار من برة.
كرار: سلام عليكم
جدو: شلون بله ولك زوجناك وبعدك لافي يمنه
كرار: ها تطردني
جدو: شعندك جاي
كرار: مشتاق
جدو: المن ولك
كرار يباوعلي ويحجي ويه جدو
كرار: مشتاقلك جدو ميت عليك
جدو: اي تشتاقاك العافيه
نور: ليش مجبت وياك رشا
كرار: هوه اني طلعت من البيت من وراهه نوب اجيبهه وياي
فاطمه: جعت كومن نسوي عشه
كامن كلهن اني بقيت كاعده يم جدو شفت جدو كام مدري وين يروح رسن داكوم وراه لان عرفت كرار راح يمسلت ويايه.
رسن طفرت يم البنات
فاطمه: اكلج شو تأخرن امي وامج
تبارك: مادري اروح اخابرهن
خابرت يقين
تبارك: الوو يقين وين انتو
يقين: هسه جايين
تبارك: اوك باي
يقين: باي
دنسوي بلعشه سوينه وكعدنه بلهول ناكل كرار ياكل ويباوع عليه كرهني بنفسي عبالك سينما صافن عليه
ندكت الباب داكوم افتحهه
كرار: وين
تبارك: افتح الباب
كرار: امشي رجعي لا اطيح حضج
تبارك: كبر حته كبر(بصوت ناصي)
كرار: سمعتج تره
راح فتح الباب.
دخلت مامه وخاله ام منذر وخاله ام فاطمه ويقين راحت لبيتهه
فاطمه: شو تأخرتو
ام منذر: والله محسينه بلوقت بسرعه يمشي
بعد مرور سنه
اليوم النتائج مال سادس كلبي حيوكف من الخوف واكفه بصف مصطفى وهوه يبحث عن اسمي ومدرستي
مصطفى: تبارك وليد
تبارك: هاا شطالعه
مصطفى: مبرووك ناجحه
تبارك: كول والله
مصطفى: والله.
كمت ابجي واضحك مدري شنو اوصف الشعور من اصعب السنوات المرت عليه سنه تعبت بيهه كلش هوواي نوم جنت مانام اذا اريد انام مو اكثر من 3 ساعات
تبارك: شكد معدلي
مصطفى: معدلج 93
بابه حضني وباسني بخدي
مامه اجتي تبوس بيه وفرحانه
حياة: فدوة يمه بنتي شلون معدل مطلعه
يقين وتقى فرحانات واكفات يمي والباقي عادي بس يباعون
جدو: وليد تخليهه تدخل جامعه
وليد: ان شاء الله بويه اني كلت الهه اذا معدل عالي ادخلج جامعه
جدو: براحتك.
رشا: بس جدو ميصير انته كلنه خليتنه نبطل شمعنى بس تبارك
جدو: انتن من كلت الج متداومن بعد ماصدكتن
درت وجهي باوعت منذر كاعد وساكت من ذيج الحادثه لحد هسه ميحجي هواي وضايج 24 ساعه خطيه الله يصبره
العصريه بابه صاحني
نزلت جوة
وليد: هديتج
تبارك: حبيبي بابه ليش تعبت نفسك
وليد: تستاهليه غير نجحتي جا شلون ماجيبلج هديه
تبارك: حبيبي انته وجودك بحياتي هديه
وليد: فتحيهه شوفيهه
فتحت
باوعت كلادة ومحبس وحجل ذهب
حضنته وبسته.
رحت لبستهن الله شكد حلوات
تقى: بلعافيه حبيبي
تبارك: يعمري
يقين: بلعافيه تبارك يلا ولجن اني رايحه لبيتي
تقى: واني هم رايحه اجيت علمود تبارك
راحن نزلن جوة
دخلت رقيه يمي
رقيه: تبارك مبروك عمري
تبارك: الله يبارك بيج. شبيج رقيه شو مبينه ضايجه
رقيه: تبارك كلش منقهرة على منذر
تبارك: اووف خطيه
رقيه: ايي والله خطيه احجي وياه قبل شويه صافن والطفله بحضنه
تبارك: الله يصبرة
ثاني يوم كعدت لكيت جدو كاعد وعمامي كلهم كاعدين.
كعدت اسمع شيحجون
جدو: كتلك لازم تزوج ميصير الطفله تبقه هيج منو يعتني بيهه
منذر: حجي لتلح عليه كتلك ماتزوج يعني ماتزوج
جدو: جاا هيه بكيفك وماتزوج الطفله شلون منو يعتني بيهه
منذر: طبهه مرض لطفله كل الصار بسببها
ام منذر: يمه الطفله شعليهه
منذر: هيه من وراهه وجهه وجه الفكر علينه
بيبي: يمه منذر هذا يومهه لا تذبهه على الطفله مايصير هيج
منذر: استغفر الله ياربي هسه شتريدون مني
جدو: تتزوج نريدك.
منذر: يابه احجي ويه جدي ماريد اتزوج
ابو منذر: لازم تتزوج يابه الطفله لازم تجي وحده تعتني بيهه
منذر: امي شبيهه متعتني بيهه رقيه مو موجودة واذا ميقبلن اني اجيب مربيه اخليهه تربيهه
جدو: اختك وامك ما مسؤلات على بنتك ومربيه شني النوب تجيب تتزوج وخلص
منذر: هاهيه اتزوج
جدو: خوش ياهي تريد
منذر: بكيفك انته اختار
جدو: اني اختاريتلك وحده واكيد تقبل
منذر: ياهي منهن.