رواية بنت العم والضابط للكاتبة زهرة الفصل الثاني عشر
جدو: ايات
ايات: اني جدو
جدو: اكو غيرج اسمهه ايات توافقين على ابن عمج
ايات: ايي جدو اوافق
جدو: انته منذر شتكول
منذر: هاهيه إلى تريده يصير
جدو: خوش بويه هذا الاسبوع الخطبه والاسبوع الجاي العرس
ام منذر: ان شاء الله خير
طبعآ براء زوجه منذر جانت كلش حبابه وفقيرة صارت حامل وبيوم ولادتهه ماتت ماعرف صراحه ليش بوكتهه منذر من سمع ماتت دموعه كامن ينزلن بين فترة وفترة يروح لكبرهه.
بنته كلشش حلوة نسخه من عنده عمرهه 3 اشهر سماهه عمو ابو منذر ملاك خاله ام منذر كلش تحبهه هيه ورقيه ومعتنيات بيهه بس جدو يريد يزوج منذر طلع حجه ب بنت منذر حته يقبل يتزوج
اليوم عرس منذر وايات
بلنسبه ال ايات طايرة من الفرح ومنذر ماكو اي تعبير على وجهه العرس سنطه طبعآ منذر كلشي مراد يصير بلعرس وايات وافقت
مجرد لبست فستان ومكيجت بلبيت
اخذهه منذر وراح لبيته
بليل تجمعنه اني ونور وفاطمه وسلوى ورقيه.
فاطمه: كلهه تزوجت بس احنه ضلينه
سلوى: وين ام البنين رجوله تنطينه
رقيه: طاح حضجن شكد ادبسسزيات
نور: اني قريبآ اتزوج
رقيه: منو ولج
نور: بس لتكولن الاحد الله عليجن
سلوى: منكول كولي شكو
نور: اني ومحمد مسوين علاقه وكل هل ايام اجي اخطبج
فاطمه: منو محمد
نور: ابن عمه سهى
رقيه: هلاو ياب كله علاقات راح نصير 4
سلوى: هسه منذر وايات شيسوون
فاطمه: شكد سخيفه
سلوى: ههههههه
فاطمه: خربتي اخلاقي
رحنه كلنه نمنه.
ورة اسبوع جنت كاعده اباوع كارتون
دخل بابه من برة
وليد: حضرو نفسكم عكب باجر سفرة مالتنه
تبارك: يا سفرة بابه
وليد: نروح انه وانتي وامج ال اربيل نوتنس ونرجع
طفرت ليفوك
تبارك: صدك بابه
وليد: ايي والله
رحت كلت المامه كالت يله حضري نفسج
تبارك: زين مامه
حياة: ها
تبارك: بابه منيله فلوس حته يودينه
حياة: هوه مجمعهن وكال اروح اونس تبارك
تبارك: يمه حبيبي اروحله فدوة
حياة: مصلحجيه
تبارك: هههه زين كم يوم نبقه
حياه: 10 ايام.
رحت حضرت جنطه مالتي حطيت بيهن ملابسي مال طلعه احنه 10 ايام كلهن نطلع بيهن عاد اخذت اكثر من 10 لبسات وملابس بيت ومكياج واكسسوارات وعطور
ساعه ب4 الفجر طلعنه متت تعب يلا وصلنه
ثاني يوم رحنه شلالات ومصيف بيخال
كلشش تونست امشي واصور
ورحنه مولات ومدينه العاب ويوميه لمكان احله ايام ونسه بلنسبه إلى واشتريت ملابس مناك واشتريت زي كردي واخذت غراض للبنات
حبيبي بابه كل مايشوفني اضحك لو متونسه الكاه يبتسملي.
وليد: ها بويه تونستي
تبارك: ايي بابه كلش تونست
وليد: ان شاء الله كل فترة اجيبج والمرة الثانيه اخلي خواتج يجن هم
تبارك: شكو جايبيهن بابه خلي يولن كلمن تبقه يمه زوجهه
وليد: ههه فلك انتي
حياة: هنه غير قبل لنسافر كلت الهن راح نروح يقين تكلي اخذوني وياكم وتقى تكلي جيبلي ملابس مناك
وليد: هههه بنياتي مو يدللن اجيبهن ان شاء الله على السفرة الثانيه
تبارك: اروح فدوة الابويه الجميل
وليد: اروح فدوة لتبوكه الحلوة.
حياة: واني شنو
وليد: انتي الروح والريه
تبارك: ها مامه تغارين لان بابه يحبنه
حياه:
خلصن ال10 ايام بسرعه ورجعنه للبيت
كعدت اشوف البنات الفديوهات والصور
يقين: ليش ماخذتوني وياكم
تبارك: خلي علوشه يوديج
يقين: هوه هذا يخليني اوصل لباب البيت حته يطلعني للشمال
استمرت الايام هيج ماكو شي جديد
مرت شهرين وبابه بدة يقدملي عل جامعات
جنت فرحانه
نجحت
ومعدل عالي
وبابه جابلي هديه
وقبل يدخلني جامعه
واخذني سفرة للشمال.
وهسه ديقدم اليه على جامعات
اني ادري بنفسي كل ما افرح لازم وراهه ابجي
الحد ما اجه ذاك اليوم الخلاني انصدم صدمه حياتي ومن صدك بوكتهه متت بجي
كاعده الصبح من وكت نضفنه البيت وتريكنه ونوب بدينه نسوي بلغده رحت دخلت اسبح واني بطبيعتي من اسبح اطول هواي يلا اطلع
كاعده اسبح ودكت الباب رقيه عليه
رقيه: يلا تبارك كملي جدو يريدج
تبارك: شيريد
رقيه: مادري
تبارك: هسه راح اكمل
عاد كملت بدلت وطلعت نشفت شعري وضفرته ونزلت جوة.
اباوع كلهم كاعدين بابه وجدو يباوعولي
عرفت اكو شي ميبشر بخير وخاصه اني اضوج من هاي التجمعات مالاتهم
تبارك: ها جدو تريدني
جدو: ايي بويه اريد احجي وياج بموضوع
تبارك: كول جدو
جدو: بويه تبارك اني حجيت بلموضوع ويه عمامج وابوج وامج وبقيتي بس انتي مكتلج
تبارك: على شنو مكتلي جدو.