رواية بنت العم والضابط للكاتبة زهرة الفصل الثالث عشر
جدو: شوفي بويه منذر تزوج ومرته ماتت الله يرحمهه علمود بنته تزوج ايات بس ايات عايفه البنيه مدايرتله بال وهسه جاي يريد يطلكهه
تبارك: ايي جدو واني شعليه
جدو: سمعي للاخر كتله مطلكهه وتتزوج ثانيه تعنتي ببنتك وتصيرلك مرة وايات تبقى على ذمتك
تبارك: ايي وشنو يعني
جدو: اختاريتله انتي حجيت ويه ابوج يكلي هيه شنو رئيهه اذا وافقت هاهيه
تبارك: يعني تريدني اتزوج منذر
جدو: نعم
تبارك: هاهيه
جدو: موافقه يعني.
تبارك: لا جدو مموافقه طبعآ هاهيه
جدو: ليش مموافقه ابن عمج ورايد يتزوجج ليش متقبلين
تبارك: جدو اني ماريد اتزوج لهوايه اسباب
جدو: شننه اسبابج
تبارك: اولآ اني اريد اكمل دراسه عود بعدين افكر اتزوج وثانيآ اتزوج واحد قريب على عمري مو اكبر مني ب13 سنه وثالثآ ماريد شخص متزوج ورابعآ اني مو خدامه حته يتزوجني علمود بنته
جدو: وليد احجيلك كلمه
وليد: بويه انه ماكدر اجبرهه ماطول هيه متريد خلص.
جدو: جاا فهموني المن ازوجه
تبارك: شمعنى اني اختاريتني ذني بنات عمامي كومه واكبر مني لو اله اني
جدو: ولد عمامج كلمن حاجزله وحده
ايات: جدو والله حرام عليكم ادورون مرة لرجلي كدامي والله اكرهه لتبارك بعيشتهه اذا قبلت
تبارك: لتخافين حبيبي ما اخذ فضايل غيري خلي الج
منذر: اشو تقبلين وغصبآ عنج شنو فضايل احجي عدل لا اجي افرك حلكج
تبارك: ليش قابل مجذبه متزوج ثنين وتريدني لثالثه والله شنو علمود بنتك اني شعليه.
منذر: هسه من اكوم اسحلهه هنانه اكو كلب ابن كلب يكلي ليش
جدو: اهدة بويه هسه انه اقنعهه
تبارك: ما اقتنع يلا وشتسون سوو عبالك غصب هيه
كرار: جدي البنيه متريد هيه كوه خو ما كوة
منذر: انته لاتدخل خليك بنفسك اعرف شنو ابالك
كرار: شتعرف بلا
منذر: انطم واسكت ولتدخل بشي ميخصك
عفتهم داروح وجدو صاح بيه
جدو: كعدي مو نحجي وياج شو ماعندج احترام تعوفينه وتكومين
تبارك: شتريدون يلا فضوني تريدوني اتزوج ما اتزوج بعد شعدكم.
وليد: تبارك احترمي الاكبر منج
جدو: على الخير من حجيتلك كلمه صارلهه ساعه تلاسن هسه يلا حجيت
منذر: شوفي تقبلين وغصبآ على راسج
تبارك: ما اقبل ومو بكيفك هيه خوش
منذر: ليش متقبلين لازم عندج واحد
تبارك: انجب واحترم نفسك
اباوعله كمز عليه لزمني من شعري ويضرب بيه وكلي
منذر: منو ينجب بت الكلب
اجوي ولد عمامي وبابه يدفعون بي
جرني بابه من عنده وحضني اني حضنته وبقيت ابجي
كرار: شنو صرت زلمه هسه من ضربتهه.
منذر: لك هاي سكط ابن السكط شعليك انته
اباوعلهم واحد فوك الثاني كامو يتعاركون والولد يفاككون بيهم
منذر: كل الكاعدين هنانه تبارك نهوتي سواه رضيتو لو لا
تبارك: شنو نهوتك بكيفك هيه
منذر: ايي بكيفي وطبج مرض اذا رضيتي او لا
تبارك: طبك مرض انته يا كلب
هم رجع جرني عليه وكلي
منذر: لجج لسانج هذا اكصه اذا ترادينن خوش لو لا
تبارك: ارادد ومو بكيفك لان حيوان ومتفتهم ماتزوجك لو تطلع نخله براسك.
ضربني راشدي حيل وشكد ما جان قوي بس ابد ماسكتت اله
تبارك: لكك انته مو رجال انته عار على الزلم امده شواربك ايي والله ان شاء الله كسر ب ايدك الضربتني
شفته عيونه حمر ويخنزر عليه اجه عليه واني رسن طفرت يم بابه
وليد: كافي منذر توليتهه ضرب واني ساكت غلطت عليه وتكلهه عندج واحد واني ساكت واكول ميخالف لحضه عصبيه بسس كافي عاد
منذر: انته تسمع بنتك شتكول لو بس انه كاعدلي على الكلمه.
وليد: ايي اسمع وانه اعرف شلون اخليهه تجي بنفسهه تعتذر منكم واحد واحد
منذر: جدي هذا الاسبوع الخطوبه وغصبآ على كل واحد ميقبل
عافنه وطلع
اني هم عفتهم ورحت ركضت لغرفتي بقيت ابجي دخلت امي ورايه
حياة: كافي بجي يمه
تبارك: ماريد اتزوج شنو هيه غصب
حياة: هاهيه حبيبتي انتي كبرتي ونهايه كل بنيه الزواج تروحين لبيت رجلج وتكملين دراسه عنده
تبارك: يمه اني يريدوني خدامه.
حياة: لا حبيبتي هيه راح تصير بنتج خطيه طفله يتيمه مو خدامه وبعدين وين تلكين واحد احسن من منذر خلقه واخلاق وشهادة ومال شتردين اكثر من هيج يابنتي قبلي بقسمتج وحمدي ربج وشكري
تبارك: معليه ماريد وبعدين ليش ما الكه واحد احسن من عنده قابل الله من خلقه ما خلق غيره
حياة: دكومي يلا يمه غسلي وبدلي ونزلي اعتذري من جدج من رحتي كال عود انه احبنهه لتبارك ماتوقعتهه هيج يلا حبيبتي.
تبارك: ما اعتذر وماتزوج وشتسون سوو يكول ماتوقعتهه هيج شتريدني اسوي ابوس راسك واكلك ايي جدو لتريده يصير لا والله ماسويهه
حياة: جدج شعليه انته كأبه عليه
تبارك: ايي بس ماعتذر من اي واحد وماطول صارت سالفه عناد اني هم اعاند اعرفه المنذر مو حبآ بيه بس لان عاندت
حياة: بكيفج يمه بس كومي بدلي وغسلي حته اضفرلج شعرج واني نازله اسويلج شوربه حارة وطيبه صوتج راح من ورة عياطج
تبارك: اوك.
امي طلعت ودخلت رقيه بس تباوعلي
دخلت اسبح كلت لرقيه طلعيلي ملابس
كملت وجابتهن إلى بدلت وطلعت كعدت رقيه تضفر بشعري متحجي ويايه عود هيه زعلانه لان غلطت على اخوهه بس مدري شلون زعلانه وكاعده تضفرلي واطلعلي ملابس
وره شويه مامه اجتي جايبه صينيه بيهه شوربه وعصير برتقال
حياة: يلا يمه اكليهه كلهه اني نازله يم ابوج كعدي هنانه لتنزلين جوة
تبارك: اوك
طلعت مامه كعدت اكل بلشوربه اكلت شويه وشربت عصير ردت انزل لصينيه.
رقيه: نامي انتي اني اغسلهن
اخذت لصينيه ونزلت اني طفيت الضوه ونمت
كعدت المغربيه على صوت تلفوني اني منزله برنامج من تصير صلاه يأذن
كمت توضيت وصليت فتحت القران وكعدت اقرة
نص ساعه وسديت القران بدلت ملابسي لدشداشه ونزلت جوة
لكيتهم يسون عشه وبلهول كاعدين اكو يصلون واكو يسولفون والجهال يلعبون
كعدت اباوع بلتلفزيون صبو عشه كعدو يتعشون اني كعدت بصف بابه جاي ناكل جان يدخل من برة منذر
منذر: السلام عليكم.
الكل ماعدا تبارك: وعليكم السلام
كعد ويانه ياكل كملنه لمينه الاماعين وغسلناهن
رحت للهول كعدت بصف بابه
منذر: عمي اني اعتذر منك اليوم تجاوزت عليك بس اعذرني جنت بحاله عصبيه
وليد: مصار شي عمي عاذرك
منذر: جدي انه اختاريت يوم الثلاثاء الخطبه بعد 3 ايام
جدو: هاهيه جدي مثل متريد
تبارك: يعني بعدكم مصرين على الزواج بابه ماتزوج يعني ماتزوج خوش لو لا.
وليد: حبيبتي تبارك ابن عمج نهه عليك يعني بكيفه شوكت ميريدج يتزوجج ومحد ياخذج غيره
تبارك: شنو هل تخلف مالتكم هذا سمعوني كلشش زين ماتزوج يعني م ا ت ز و ج افتهمتو لو لا
منذر: محد اخذ رئيج انتي
تبارك: خووش لتاخذ رئيي بسس ماتزوج وخاصه انته كرهتك امووت منك هسه لو تزوجوني لشايب اقبل بس بيك ما اقبل
عفتهم وطلعت برة بلحديقه اختنكت كمت ابجي كعدت بلمرجوحه.