رواية بنت العم والضابط للكاتبة زهرة الفصل السادس
جان نسمع صوت جدو
جدو: عفيه عفيه بكرار خوش زلمه
كرار: جدي
جدو: اشش صوتك ماسمعه وانتي رشا اكول لعمامج هسه اخليهم يطيحون حضج
رشا: جدو
جدو: اشششششش صوتكم ماسمعه يصير خير يصير باجر لو ما ناس نايمه هسه ودنيا ليل ما اخسر بيكم بس طلقتين
اني عفتهم ورحت
كلشي محجيت للبنات سهرنه بس رشا مو ويانه راحت كالت نعسانه اريد انام
باوعنه فلم حاطه راسي بحضن رقيه وهيه تلعب بشعري وصافنه على التلفزيون.
بقينه انباوع وصافنين جان تطفه الكهرباء
فاطمه: يمه بسم الله ليش طفت الكهرباء
رقيه: يمكن الجني طفاهه علينه
يقين: هههه نجبن اثر عليجن الفلم رعب
تبارك: ايي جبانات
جان نسمع طبه على الباب
اني رسن حضنت يقين
رقيه كامت تبجي
سلوى: عفيه منو هذا
فاطمه: مادري شغلو ضوه تلفون
شغلنه اضويه التلفونات كلنه
يقين تريد تطلع تشوف منو
تبارك: وين عايفتني ورايحه
يقين: خلي اشوف منو.
دتمشي يقين تريد تفتح الباب سمعنه طبه ثانيه على الباب عاد هنانه كمت ابجي
يقين: منو هذاا
يقين تمشي واحنه كلنه وراهه
فتحت الباب
جان يعيط واحد بوجهنه خلانه كلنه نكمز ليورة
نباوع هذا على ابن عمي خربان ضحك علينه
علي: شوف الوجوه
رقيه: كلب حقير كمت ابجي من وراك
يقين: حبيبي والله خوفتنه
علي: كلت اخوفجن حته تعوفن ذني الافلام الخابصاتنه بيهه
تبارك: وانته طفيت الكهرباء
علي: اي
تبارك: طاح حضك امشي ولي.
علي: ولجج الزقجه تغلطين عليه
رقيه: روح شغل الكهرباء خلي نكمل الفلم
تبارك: اني ماباوع بعد كمت اخاف
علي:
راح على شغل الكهرباء نزلنه الاكل جوة ذبيته عليهن ورحت نمت
كعدت ساعه ب11 تريكت ونوب كامو سوينه غدة وره الغدة صبينه جاي
جدو: عندي موضوع وياكم
الكل: تفضل
جدو: كرار اليوم حجه ويايه يريد يخطب رشا بت عمه اله
عمي مهدي: وين الكه احسن من كرار بس لازم اعرف رئي بنتي
جدو: سئلتهه موافقه.
عمي مهدي(ابو رشا): جا هاهيه يدلل كرار ب اي وكت يريد خلي ياخذهه
جدو: هذا الخميس خطوبتهم تحضرو
عمي مهدي: بس يابه ليش مستعجلين
جدو: احسن ليش نطولهه خلي ينخطبون من هسه
عمي مهدي: هاهيه يابه براحتك
تبارك: احجي بيني وبين نفسي اييي همزين حخلص من كرار باوعتله ضايج وصافن عليه
كملو جاي اخذت الاستكاين رحت اغسلهن.
كرار: عمري كله احلم بيج من عمري 16 رسمت احلامي كلهن عليج وهسه راح يصير عمري 21 واني لهسه احبج كلبي حبج كمت اتخيلج مرتي واخليج بحضني ادللج واعتبرج بنتي وشحده احد يوصلج بسس حضي كلب كلشي ومضل ايام تصير رشا خطيبتي بسس مستحيل اعوفج اخذج اليه اخذج
تبارك: انساني كرار اتمنالك الموفقيه بحياتك والله يسعدك ويه رشا
كرار: شنسه لاسنه ولاسنتين راح يصيرن 5 سنوات احبج اني اعترف غبي بتصرفاتي خسرتج
باوعتله عيونه دمعن.
انقهرت عليه خطيه صعب انسان ينجبر يتزوج من شخص ميحبه بس شنو بيدي عليه اني بعمري محبيته ومجنت اشوفه غير اخ وصديق وابن عم
مسح عيونه وراح
كملت كمت طلعت ملابس دخلت سبحت وطلعت
رشا: صار إلى الجنتي تحلمين بي
تبارك: ههههه بلعافيه عليج حبي بس تره غلطانه
رشا: مضل كم ايام واتربع بحضنه وانتي باوعيلنه وحصري الشهكه بصدرج
تبارك: اممم اوكي بس اذكرج انتي وياه ليش راح تتزوجون
رشا: شنو قصدج
تبارك: قصدي مفهوم يحلوة.
عفتهه ورحت صعدت فوك نشفت شعري وضفرته
كعدت اباوع مسلسل
يقين: تبارك حنروك للسوك تجين ويانه حته تشترين ملابس لعرس كرار
تبارك: اووك
طلعت ملابس
لبست بنطرون كابوي وقميص وردي وشال بيجي وحذاء بيجي خليت كحله ومسكارة وحمره لون وردي وتنت(احمر خدود) رشيت عطر وطلعت
عبالي بس اني ومامه ويقين نروح
طلعت لا
اني ويقين ومامه ورقيه وايات وفاطمه وكلهم
تبارك: منو يوصلنه
ايات: منذر
منذر: يلا وينكم.
طلعنه كلنه ام منذر كعدت ليكدام واحنه ندحسنه ليوره سيارة جبيرة
منذر: تعاي انتي ورقيه ناعمات كعدن ليورة (خانه صايرة بل اخير )
كعدنه اني ورقيه ليورة
وصلنه للسوك
منذر: لتتأخرن عود امشن وراسجن بلكاع خووش ويمه عود خابريني حته اجي اخذكم
نزلنه من السيارة دخلنه للسوك هجمن شيشوفن كدامهن ياخذن
دخلت محل ملابس بيت
اشتريت تراك ودشداشه
رقيه: حاخذ هاي الدشداشه يالون اخذ منهه
تبارك: الازرق مالتهه حلوو.
رقيه: لا انتي اخذي الازرق ويه عيونج اني حاخذ الحمرة
تبارك: اوك اخذت الزرقه هم
ونوب طلعنه رحنه محل مال فساتين كلش كبيرة المحل كل وحده اخذت الهه فستان
ونوب رحنه محل اكسسوارات وهم اشترينه
الحد مكملنه كلشي خابرت خاله منذر
اجه
منذر: هاي شكد مشتريات شبيجن مشايفات
رقيه:
وصلنه للبيت
خاله ام منذر: منذر وين رايح يمه
منذر: ويه جماعتي طالع ليضل بالج
خاله ام منذر: خووش
دخلنه للبيت.
صعدت فوك لغرفتي رتبت الغراض دخلت رقيه لغرفتي
رقيه: توت خلي نلبس اني وياج الدشاديش
تبارك: اوك خلي اسبح والبسهه
رقيه: مو سبحتي الضهر
تبارك: ميخالف
رقيه: اوك واني هم حسبح
دخلت سبحت وطلعت ورقيه هم
شسورت شعري رقيه همه شسورت شعرهه لبست الدشداشه شلت شعري ذيل حصان خليت حمرة لون وردي
اني مو هلكد التزم بلحجاب بلبيت مرات البس ومرات لا وماطول هسه مشسورة ملبست
نزلنه جوة اني ورقيه
يقين: فدوة تخبلن طالعات
فاطمه: كلش حلوات.
سلوى: ولجن فاتتجن
تبارك ورقيه: شكوو
سلوى: اصدقاء منذر هنانه شفتهم من الشباك واحد احله من الثاني
ايات: بس يبقه منذر احلاهم
طلع منذر من الاستقبال
منذر: رقيه سوي ضيافه
رقيه: اوك
رقيه: تبارك تعاي ويايه
تبارك: اووك
دتسوي بلضيافه واني كاعده يمهه
راحت رقيه تودي الضيافه اني بقيت بلمطبخ
دخل كرار وكال.