رواية بنت العم والضابط للكاتبة زهرة الفصل السابع
دخل كرار باوعلي وكال
كرار: تخبلين طالعه
باوعتله
تبارك: شكرآ
كرار: تذوبين كلبي بعيونج الحلوات
تبارك: كرار عيب هيج تحجي انته ورشا حتنخطبون عوفني بحالي مراح افيدك بشي رشا حتصير مرتك اتغزل بيهه مو جاي عليه
كرار: احبجج تفتهمين انتي لو لا عندج عقل
تبارك: عوفني بحالي داكلك
كرار: اكلهه احبج تكلي عوفني بحالي شبيج تبارك احبج ماكدر ماكدر والله احبج
تبارك: انته ميفيد وياك الحجي
عفته ورحت سمعته يكول.
كرار: امده كلبي الحبج
كاعدين نسولف اني والبنات
بيبي: كومن سون عشه
فاطمه: بيبي جاي نسولف بعدين
بيبي: كومن متخلص سوالفجن
سلوى: بيبي بس اصبري دتسولف النه على المسلسل
بيبي: راح اصيح عمامجن اخليهم يطيحون حضجن
رشا: اهووو بيبي شكد تلحين
بيبي: لا ياجلبه مني يلح ولجج انه الج خي يجون عمامج اله خليهم يموتونج
ايات: وجان شيصير راحت لبيته بدون ميدري، (تسولف على المسلسل)
احنه مندمجين وياهه جان نسمع صوت عمي سلوان.
سلوان: كومن ولجنن سون عشه ليش بيبتجن تحجي وياجن ومتجاوبن
فاطمه: عمو والله كلنه الهه بس نسمع شيصير بلمسلسل ونكوم
سلوان: كومن يلا بسجن من السوالف ما تشبعن
ايات: وانتو ماتشبعون من الاكل
سلوان: ولجج هاي عليمن
بقه يصيح علينه واحنه طفارنه صار ماله والي رسن رحنه للمطبخ
رقيه: طاح حضج ايات شلون هيج تحجين
ايات: انجبن عاد يلا شنسوي
كعدن البنات يطبخن واني اطبخ وياهن.
دخل ابن عمي صغير عمره 3 سنوات دخل للمطبخ اسمه عبد الله
ام عبد الله: روح مامه اطلع من المطبخ
اباوعله طلع من المطبخ للحوش
تبارك: خاله هذا طلع برة
ام عبد الله: خاله فدوة جيبي وتعاي
تبارك: خوش
طلعت وراه اركض شافني اركض وراه وجان يركض بنص الحديقه
تبارك: ولكك تعال شعندك طالع برة
لزمته بسته بخدة ودارجع جان يصير واحد كبالي بقه يباوع عليه
اني رسن شردت جوة.
دخلت الطفل جوة ورجعت مرت تقريبآ 10 دقايق جان يدخل منذر شايط يعيط
منذر: يا ادبسززز طالعه برة وشايفهه صديقي
اني بقيت ساكته خفت من عنده جان يصيح بصوت عالي
وليد: شكوو شكو منذر
منذر: عمي ذني الجلبات خلي كلهن يجن كبالي هسه
وليد: شبيهن شمسويات
رحنه كلنه كعدنه كباله اني كمت اطكطك من الخوف
اباوعله يتنفس بصوت عالي
منذر: راح اسئل وحده وحده اذا مجاوبتن هسه انعل والديجن
سوان: منذذذر احترم الاكبر منك واعرف احجي عدل.
منذر: منو طلعت بيجن بلحوش وشايفه صديقي احجن
البنات: لا رد
منذر: رقيه انتي
رقيه: لا والله خويه
كعد يسئل بلبنات وحده وحده
منذر: انتي طلعتي
تبارك: اااا لللاا
منذر: كلهن يكولن لا اريد كو، يفهمني يا سا، منهن طالعه
سلوان: شكو فهمنه منو طالعه وين طالعات احجي.
منذر: يابه عزمت اصدقائي واحد منهم جايب ابن عمه وياه هذا اعرفه نسونجي وعيونه زايغه واني وياه مو على صلح طلع بره يغسل وره مازقنب رجع بنص اصدقائي يكلي منذر هاي مدري منو برة بلحديقه كتله منو يكول وحده تكتل كتله كد ما حلوة خلاني اصير بنص جماعتي هلكدوتني
سلوان: انته صوجك اذا تعرفه هيج شكو تعزمه.
منذر: يابه اني شجاي امسلت صار ساعه اكلك صديقي عزمته وهوه جاب ابن عمه وياه يعني شلون اطرده اكله لا تدخل بسس اني فهمني يا حيوانه طالعه واني منبهن من يجي احد محد توصل للحوش
رشا: ياا صدك عرفت منو طلعت
منذر: منو
رشا: هاي تبارك طلعت للحديقه
منذر: انتي الطلعتي
تبارك: هاا لا لا
منذر بصوت عالي: احجيييييي
خفت من صوته كمت ابجي
منذر: انتييي مووو.
تبارك: ايي اني بس والله طلعت علمود عبد الله طلع برة وخاله كلتلي طلعي وراه جيبي
منذر: بت الكل، اليوم اطيح حضج ماخلي بيج عضم صاحي اجه طفر عليه جرني من شعري
اباوع بابه اجه ركض عليه وخره من عندي وكال
وليد: منذررررر احترم نفسك منو انته حته تمد ايدك على بنتي بهذا البيت محد مسؤل عن تبارك غيري اني وكلتلك طلعت علمود الطفل شنوو جرمت بحق البشريه
منذر: المفروض منك ياعمي تأدبهه مو تكعد تفازع الهه.
وليد: شسوت غلط حته أدبهه
منذر: جا ياهو الطلع برة ولاتكول مادري ولاتكول على الطفل اني 100 مره كايل الهن من موجود احد بلبيت محد توصل للحوش
اني واكفه بصف بابه وابجي واباوع عليه شلون يريد يطفر عليه حته يضربني وكلساع يصيح عليه ويخزر
وليد: حقك اني مكايل شي بس هيه مامتقصده تطلع برة ومنا وغاد ان شاء الله ماتطلع
منذر: هاهيه عمي مراح اسويله شي وهاي لخاطرك بس اذا نعادت مرة ثانيه لتلومني اذا كتلتهه.
وليد: لا هاهيه ماتنعاد ان شاء الله موو توكه
تبارك: ايي
منذر: ايي شحدج تعيديهه حته رجلج اكسرهه
عفتهم وصعدت فوط بقيت ابجي تفشلت كدام الكل وردت انكتل من ورة رشا
عضيت اصابيعي اخخخخخ رشاا بسيطه اني اعلمج
مسحت دموعي وغسلت ونزلت جوة صبو عشه
وره العشه دخل كرار من بره جنت كاعده بلهول ومحد موجود بي
باوعلي شافنيي وكال
كرار: شبيج ليش باجيه
اني جنت ضايجه وروحي طافرة كتله
تبارك: من وره رشا مرتك الكلبه
كرار: شبيهه وياج.
تبارك: روح اسئلهه
كرار: تروحلج فدةة وتروح فدوة لكل دمعه طاحت من عينج
بقيت ساكته ماجاوبته
كرار: ليش هيج مسويه بحبيباتي ومبجيتهن
عفته وكمت اني بيا حال وهوه بيا حال
بعد مرور اسبوع
اليوم خطوبه كرار ورشا
كعدت الضهر شفت البنات كاعدات يبدلن كمت وياهن غسلت ولبست الفستان جان لونه ابيض قصير فوك الركبه الردن شفاف ومن ورة مفتوح الضهر شسورت شعري وعفته مفتوح خليت مكياج وردي ولبست حذاء ابيض.
شغلو البنات اغاني وكعدنه نركص ورشا كلساع تباوعلي وترفعلي بحاجبه والله يالله هم عاجبتهه روحهه
جانت لابسه بدله لونه فستقي وشعرهه صابغته اصفر والوجه احمر اخضر اصفر
عقدو سيد وثنينهم وافقو كالو حيدخل كرار دخل كعد يمهه ونوب لبسهه حلقه وهيه هم وكملو مراسيم الخطوبه بل اخير البنات بقن يهوسن
البنات: حبه ولك حبه لتخاف من امهه
باسهه من راسهه راد يطلع فات من يمي باوعلي وابتسم وطلع
خلصت الحفله كلهم راحو.
بقو بس كرايب بيبي مدري شتصير منهه هيه مرة جبيرة وياهه بنات ثنين
رحت بدلت ونزلنه جوة نضفنه البيت كملت رسن رحت نمت كعدت الصبح غسلت وبدلت قبل لا انزل دخلت رقيه عليه وكالت
رقيه: باجر راح نروح للزياة تجين ويانه
تبارك: ايي طبعآ الله صارلنه هواي مرايحين
رقيه: اييي
بليل حضرت شراح البس كعدت الفجر صلينه وبدلنه ورحنه لبست بنطرن كابوي وقميص سمائي.
رحنه لكربلاء طلعنه بل 4 وصلنه بل 9 رحنه زرنه وصلينه وانتضرنا الحد ماتجمعنه كلنه وطلعنه دخلنه مطعم تغدينه ونوب كعدو ياكلون موطه
رقيه: تبارك تعاي ويايه اشتري هذا التراكسود من هذا المحل الكبالنه كلهن ملتهيات بلموطه محد تقبل تجي ويايه
تبارك: يلا امشي
رقيه: يلا
رحنه للمحل
تبارك: سلام عليكم
ابو المحل: وعليكم
رقيه: بلا زحمه شكد سعر هذا التراك
ابو المحل: ب...
رقيه: شوفي شكد حلو ورخيص
تبارك: ايي والله اني هم حشتري.
رقيه: اوك
اخذنه اني وياهه نفس الشي بس اللون يختلف طلعت فلوس من الجنطه ومديت ايدي دانطي لابو المحل
جان اخذ الفلوس لزم ايدي وخله بيهه الرقم رسن باوعتله
جان يكلي.