رواية بنت العم والضابط للكاتبة زهرة الفصل السادس عشر
مر شهر
نفس الحال ماكو شي جديد اني يوميه نفس الروتين واخلص اليوم كله يم ملوكه
منذر مو هلكد احجي وياه على كد السؤال وطبعآ مامر يوم اذا ماتعاركنه اني وايات تحير شتسوي ماكو شغله ماكو سالفه ماسوتهه تمشي وتغلط مرات اغلس عليهه ومرات ما تحمل حجيهه اتعارك وياهه ومنذر مداير بال نتعارك او لا
اليوم عيد ميلاد رقيه الخبله
العصريه منذر راح ياخذنه اني وايات نروحلهم
همزين ملاك نامت شعلت كلبي بس تبجي.
رحت اباوع شراح البس اليوم اختاريت لبسه
كلش حلوة اشتريته من رحت الاربيل
كعدت اشسور بشعري هوه طويل ويشلع كلبي يلا اكمله ساعه ونص اني اشسور بي
باوعت ساعه ب5 ومنذر كال بل 6 نروح
كعدت اخلي مكياج خليت مكياج خفيف وشعري عفته مفتوح
لبست وكملت
ملوكه كعدت بدلت الهه لبستهه شورت وتشيرت والزنود طلعن تخبل دبدوبه
لبست صايه فوك ملابسي ولفيت الشال ونزلت
كعدت انتضرهم نزلت ايات هم لابسه صايه
وراهه نزل منذر
اخذنه لبيت جدو.
دخلت سلمت عليهم
لكيت يقين وتقى يمه مشتاقه الهن عود احنه بنفس المنطقه بس وين وين يلا نتشاوف
رقيه محضره عيد ميلادهه بغرفتهه
كصت الكيكه ولغمطنه وجهه بلكريمه وهيه الفطيرة تضحك لو اني منهه اموتهن
انطيتهه الهديه
جنت جايبتلهه بوكس مكياج اعرفهه تحب المكياج
كعدنه نصور ونحتفل
صورت فديو ويه تقى
تقى: لجج ادبسزز حلوة طالعه الزواج محليج
تبارك: هههه من زمان حلوة
تقى: لجج لتنغرين علينه
يقين: منيلهه حلوة تلعب النفس.
تبارك: نجبي تغارين مني
يقين: هههههه
اباوع ملاك تبتسم ليقين عبالهه تحجي وياهه
يقين: لجج حيوانه انتي شنو ذني الزرور منين اجني
كعدت تعض بخدوده
كامت تبجي
تبارك: هاج سكتيهه مثل مابجيتيهه
يقين: جيبيهه
اخذتهه وكعدت تبوس بيهه
واني كعدت بصف رقيه
حضنتني وكالت
رقيه: ولجج والله كلش مشتاقتلج
تبارك: والقران اني هم شبيج متجينه
رقيه: متجين انتي مو هذا منذر يوميه يجي
تبارك: ديلا علساس اخوج يقبل يجيبنه
رقيه: هاي رشا يوميه تجي.
تبارك: صدك
رقيه: ايي والله ولجج لو تدرين هاي سلوى شلون تحشش عليهه
تبارك: ليش تحشش
رقيه: ولج كرار مدري منو بنيه مسميهه بلفايبر بنتي ولج وهيه عود عايفه الكل وكاعده تسولف لسلوى وتبجي وتعرفين سلوى سخيفه من راحت رشا كعدت يمنه وتقلد عليهه
تبارك: ههههه شكد سخيفه
رقيه: ايي والله
تبارك: الله عليج هل اسبوع تعاي يمي لان طكت روحي وحدي بلبيت
رقيه: خاف اجي ومنذر يطردني ميخليج تسهرين ويايه
تبارك: ليش يطردج.
رقيه: غير ميريد مرته تسهر اله وياه
تبارك: دولي اني شايفته
رقيه: بعدج متحبينه
تبارك: هوه بلبيت منو احب بس ملاك
رقيه: الادبسز عود هيه بنيه كاعده ويانه ومطلعه زنودهه
تبارك: هههههه دباعي يقين شسوت بيهه خبلتهه
رقيه: ولج تلاحكيلهه شبعتهه عض
تبارك: يقين ولج شسويتي ب بنتي
يقين: شسويلهه دبدوبه منين ما الزمهه الكه لحم
رقيه: اكلج
تبارك: ها
رقيه: ايات شلونهه وياج.
تبارك: سكتي وخليهه ولج ميمر يوم اذا ماتعاركنه بس اليوم متعاركنه جوز من نرجع
رقيه: ههههه ومنذر شيسوي
تبارك: الله وكيلج كلشي ميسوي لو نتكافش من الروس عبالك يفرح
رقيه: ههههه
سلوى: ولجنن امشن ننزل جوة بيبي تكول نزلن
لبست الصايه وخليت شال بس هيج ملفيته وشلت ملوكه ونزلنه كلنه
جانو كلهم كاعدين بلهول
نزلنه كعدت يم بابه
بابه حضني وباسني بخدي
وليد: شلونج بويه
تبارك: الحمد الله بابه انته شلونك
وليد: الحمد لله.
باوع لملوكه وكال
وليد: ولجج خو ما متعبه بنتي اموتج تره
وملوكه تباوعله وتضحك
اجت عيني على منذر باوعتله خزرني وياشر بعيونه على شعري الطالع من الحجاب
عدلته للشال
كرار: شلونج تبارك
تبارك: الحمد الله
كرار: دومج ان شاء الله
تبارك: تسلم
كرار: صايرة حلوة فوك ما انتي حلوة
باوعت منذر يخزر ب كرار
عفت ملوكه يم مامه وكمت ساعدتهن بلعشه صبينه عشه وكعدنه ناكل
منذر: تبارك جاي
تبارك: اوك.
رحت صبيت جاي وكعدت اوزع عليهم وصلت لكرار انطيته اخذه مني وابتسملي
ومنذر خلصهه علينه بس يخزر
منذر: يلا كومن
وليد: ها وين بعد وكت
منذر: هم يله عمي والله تعبان من الشغل
صعدنه بلسيارة وهم طبعآ لازم ست ايات ليكدام تكعد
وصلنه للبيت نزعت الصايه وبدلت لملاك ونومتهه
دابدل ونفتحت الباب باوعلي ودخل
اشوفه عيونه نحولن كد ماخزرني
منذر: هاي شلابسه
تبارك: شبي
منذر: شنو هل لبس مال كح...
تبارك: مابي شي لبسي.
منذر: وهيج كعدتي هناك
تبارك: ايي واذا
منذر: بت الكلب شنو واذا بعد تصلخي المن لابسته
تبارك: غير بس بنات قابل منو شافني بي
منذر: سمعي لجج اي واحد حتى لو بنات عيب تلبسين هيج كدامهن
تبارك: لا مو عيب كلهن لابسات هيج قابل بس اني
منذر: بس لا ذيج الكح، هم لابسه
تبارك: منيه
اباوعله طلع من الغرفه وهم اسمع عياطه على ايات لان هم جانت لابسه قصير
وكف بلممر وكام يصيح هذا شبي نجلب هسه واذا لبسنه قصير.
منذر: سمعنن بنات الكو، اذا شفتجن لابسات هيج لبس مرة ثانيه كدام اي كائن اطيح حضجن خووش
بدلت جان تفوت ايات عليه هادة
ايات: انتي كلتيله ايات لابسه قصير موو
تبارك: هاا سالمين اني شعليه بيج لو ماكدرتي على منذر اجيتي عليه
ايات: لجج شنو من السان انتي هسه من انعل ابوج اكو احد يكلي ليش
تبارك: احترمي نفسج ولتغلطين على بابه
ايات: لجج من انعل ابوج لابو حته الجابج وذبج علينه كوه ادورين العركات ادوارة.
تبارك: والله انتي إلى ادورين العركات كاعده بامان الله اجيتي هادة عليه جنج ثور
ايات: منو ثور ولج اني
تبارك: ايي والله انتي اكو غيرج
جرتني من شعري ووكعتني بلكاع وكعدت تضرب بيه بس شنو تضرب حيل بحيث كمت ابجي واصيح منذر يجي
اباوعله صعد باوع علينه واجه جر ايات من عندي
منذر: بنت النعال شبيج طافرة عليهه متملن من المشاكل انتن
اني وكفت على صفحه وجهي يحركني ومن ابجي يحركني بلزايد زلغت وجهي ب اضافيرهه.
منذر باوعلي وباوع ال ايات
منذر: ليش ضربتيهه
ايات: اضربهه وانعل جدهه اذا بعد تغلط عليه
ضربهه على حلكهه
منذر: اذا غلطتي على جدي مرة ثانيه اخليج تكرهين اليوم الاجيتي بي يلا امشي طلعي منا
طلعت هيه اني باوعت على وجهي بل امرايه الحقيرة مزلغه وجهي كله وشعري تارس الكاع
غسلت وجهي بس الشهكه بعدهه بيه هوه بس صافن عليه استغربت ملاك كل هل عياط ومكعدت حبيبتي جوز داخت من الهوسه اليوم متعلمه على الهدوء هيه.
غطيت وجهي بلبطانيه ونمت.