رواية بنت العم والضابط للكاتبة زهرة الفصل السابع عشر
ثاني يوم كعدني منذر ساعه ب7 الصبح
تبارك: ها
منذر: كومي سويلي ريوك اريد اروح للدوام
تبارك: اوك
كمت سويتله ريوك وصعدت فوك نمت هوه كمل وصعد بدل وطلع
رجعت كملت نومتي وكعدت على صوت بجي ملاك باوعت ساعه ب10
كمت سكتته غيرتلهه الملابس
ونزلنه جوة وكلتهه وخليتهه بلحجله جابهه الهه منذر
رحت سويت ريوك إلى ايات بعدهه نايمه
تريكت وغسلت الاماعين مالتي ومال منذر
نضفت البيت بيتنه مو كلش جبير.
حديقه صغيرة واستقبال مو كلش جبيرة ومطبخ وحمام وممر صغير جوة وفوك غرفتين
نضفت البيت بسرعه
صارت ب11 ونص نزلت ايات من فوك تريكت وغسلت الاماعين وكعدت تباوع بلتلفزيون
اني كعدت وملاك بحضني واباوع بلتلفون
ايات: كومي نسوي غدة
خليت ملاك بلحجله ورحنه سوينه غدة تمن ومركه باميه.
اجه منذر صبينه وتغدينه وكلت ملاك ورحت نومتهه واني منمت رحت سبحت ونشفت شعري وضوجه ماعندي شي كعدت شسورته طلعت من غرفتي وكاعده انزل على الدرج وايات ورايه هم تنزل حسيت ندفعت رسن وكعت هيه وكعه وهيه صرخه
رجلي نلوت كمت اصرخ من الوجع
نزل منذر على صراخنه وهوه من نايم اذا سمع واحد يسولف يكلب الدنيه ونوب اني اصيح عبالي راح يجي يشوفني شبيه شوو هذا كتم يصيح عليه وعلى ايات.
منذر: شلون بيجن اني بنات ال. انعل، وبقه يغلط
متكولن كو، راجع من الشغل تعبان يريد ينام هاي بنات ال...
ايات بس تباوع اني مهتميت الحجي منذر رجلي نكسرت وهوه خبصني بقيت اصيح ودموعي ينزلن
عباله اعاند
نزل يمي
منذر: بنت ال، شنو تعانديني انتي
ضربني راشدي من ضربني راسي نركع بلحايط صعد فوك رجع يكمل نومته وايات هم صعدت فوك
واني رجلي موتتني وخدي احسه مشتعل نار وراسي يوجعني من الضربه.
اريد بس اروح اجيب الموبايل اخابر بابه يجي ياخذني ماكدر رجلي ماحس بيهه من الوجع
لزمت المحجر مال الدرج ونزلت على كيف على تك رجل جبت التلفون من الشحن وخابرت بابه
تبارك: بابه. تعالي حباب
وليد: شبيج بويه ليش تشهكين منو وياج
تبارك: بابه فدوة تعال
وليد: جايج جايج
سديت التلفون وكعدت انتضر بابه
شويه وخابرني
وليد: وينج فتحي الباب
تبارك: بابه ماكدر اكوم انته افتحه وادخل
دخل بابه شافني
وليد: شبيج منو وياج منذر وينه.
تبارك: بابه رجلي توجعني وكعت فدوة وديني مستشفى يشوفون رجلي شبيهه
سحب بابه شال جنت حاطته على الدرج ذبه على راسي وكومني لازمني وكوه امشي
وليد: اشيلج بويه
تبارك: لا بابه
صعدني بسيارته وداني كالو خلع بس شدهه إلى وانطاني دوة مسكن
بلطريق من جاي نرجع سئلني بابه
وليد: شلون وكعتي
تبارك: ايات دفعتني من الدرج
وليد: منذر وينه ليش ماوداج
تبارك: منذر فوك نايم. بابه فدوة خلي منذر يطلكني ورجعني وياك للبيت.
وليد: خلي اشوف ليش ماوداج بل اول
رجعني بابه للبيت لكه بس ايات
ايات: وين رحتي منذر كعد وكلب الدنيه راح لبيت جدي كلوله ماندري وهسه مدري وين راح
جر بابه تلفونه من جيبه لكه مكالمات من منذر
رجع اتصل عليه
وليد: منذر تعال للبيت مالتك اني هناك
شويه واجه منذر شافني كباله وكال
منذر: وين جنتي ليش طالعه بدون متكولين
وليد: من واكعه ليش ما اخذتهه للمستشفى وهيه تبجي كدامك
منذر: شنو واكعه منين وكعت.
تبارك: مرتك دفعتني من الدرج واني من كمت اصيح مو عناد بيك ب جانت رجلي توجعني وانته اجيت وضربتني
منذر: ااا انه اسف عمي ماجنت ادري بيهه واكعه
وليد: منذر اني من انطيتك بنتي كتلك لتقصر وياهه وماتزعلهه وتضوجهه وانته شمسوي تبجي كبالك من رجلهه تجي انته وتضربهه اجي الكاهه منتهيه من البجي واصابعك طابعه على وجهه ورجلهه صاير بيهه خلع وانته ماتدري
منذر: والله العضيم مادري
وليد: هاهيه مصار شي
باسني بابه براسي وكلي.
وليد: ديري بالج على نفسج بابه
طلع
واول ماطلع بابه
منذر لزم ايات من شعرهه
منذر: الكح، شمسويتلج وادفعيهه من الدرج البارحه نايمه فوكاهه وتضربين بيهه واليوم كسرتي رجلهه ولجج شسوي بيج اجيتيني كعدتيني تكليلي مرتك شردت من عندك ماخليت عقل براسي بت الكلب شسوي بيج اني هسه شسوي
ايات: عوفني لو كدرتك بس على ايات مو هاي مرتك وطلعت بدون ماتدري كلشي ماسويتلهه.
منذر: سمعن ثنينجن اذا شفتجن تصيحن لو متعاركات والحسين اجرم بيجن ثنينجن
سمعت ملاك تبجي
ضغطت على رجلي وصعدت بطلعان الروح يلا وصلت
سكتت ملاك وبقيت صافنه جاي اقارن حياتي قبل وهسه
اذكرت مضل شي للدوام واني بعدني ممقدمه عود اليوم احجي ويه منذر
صعد فوك اخذ ملاك من عندي
تبارك: وين ماخذهه جيبهه
منذر: رايح لبيت جدي اخذهه ويايه.
راح واني بقيت متمدة مادري بنفسي نمت كعدت بليل ملاك نايمه بلكاروك باوعت للساعه ساعه ب11 بليل يابه هاي صارلي شكد نايمه شنو غيبوبه شوكت اجه شوكت نومهه لملاك
اختنكت من ملابسي ومنا رجلي مشدودة
غيرت ملابسي لبست برمودة وكيمونه
وشعري جان مفتوح شلته كبايه لفوك
بقيت كاعده اباوع مسلسل حلقه وره حلقه واني محاسه على نفسي
باوعت ساعه ب3
كمت نزلت جوة جعت
فتحت الثلاجه صافنه شنو اسوي.
ماحس غير واحد حضني لصدره درت وجهي لكيته منذر
باوعتله صافن بعيوني كتله
تبارك: هاا
منذر: عيونج يخبلني
لزمني من زندي وجرني عليه صفن بوجهي قرب من يمي اكثر وانفاسه تضرب بوجهي حط شفته على شفتي باسني على كيف اني معت بين ايديه وهوه مستمر يبوس بيه رسن استوعبت احنه شجاي نسوي رسن دفعته وشردت فوك حته اكل ماسويتلي راحت الجوعه صعدت فوك لزمت شفايفي واني اتذكر عزة شلون خليته شلون.
منذر.
رحت لبيت جدي واخذت ملاك ويايه بليل رجعت ساعه بل9 بليل ملاك نايمه بحضني صعدتهه فوك اخليهه بلكاروك باوعت تبارك نايمه على الجربايه شنو من بنيه هاي تخبل حطيت ملاك بلكاروك وبقيت صافن على تبارك رموشهه نازلات على خدودهه وشعرهه نازل على عينهه وحلكهه وردي فاتحته شويه عبالك كوه تكلي تعال بوسني باوعت رجلهه مشدوده هيه اليوم تبجي من رجلهه واني ضربتهه شلون بيه ليش دائمآ مستعجل رحت كعدت بصفهه شلت شعرهه من وجهه وحطيت شفتي على شفتهه كلشي ماسوت نومهه ثكيل مندمج اباوع على اللوحه المرسومه رسم كبالي جان تندك الباب رحت فتحته لكيت ايات كبالي كلتلي اليوم تنام يمي مو يمهه كلت الهه روحي هسه اجي راحت واني رجعت بست ملاك وبست تبارك وطلعت يم ايات نزلت بل 2 من الغرفه كاعده بلممر وادخن شويه ونزل تبارك من فوك منتبهت عليه لان جانت ضلمه راحت للمطبخ لحكتهه اباوعلهه لابسه برمودة رجلهه بيض يلمعن لمع والكيمونه لازكه على جسمهه لزك بدون حته ماحس على نفسي رحت حضنتهه من ورة هيه اندارت شافتني وكالت ها باوعت عيونهه زرك وكبار وكذلتهه نازله على خدهه خليت شفتي على شفتهه وبقيت ابوسهه هيه دفعتني وراحت اكو شي بداخلي يريدهه وهوه كاعد يسيطر عليه صافن افكر بيهه ليش جاب اسوي هيج اتذكرت براء كرهت نفسي لان سويت هيج ويه تبارك رحت توضيت وصليت ورحت نمت باجر جمعه ماعندي دوام،.