رواية بنت العم والضابط للكاتبة زهرة الفصل الثامن عشر
ساعه كامله افكر ليش هيج وليش خليته وليش وليش الحد مانمت بدون مادري كعدت ب7 الصبح كله نايمه بس اني روحي طكت مليت ماعندي احد اشاقه وياه اسولف وياه مخلصه الايام كلهه وحدي ب9 نزل منذر وراه ايات
رحت لملوكه لكيتهه كاعده هستوهه شلتهه بدلت الهه ونزلنه
خليتهه يم منذر ورحت اسوي ريوك سويت وصبيته وكعدنه نتريك منذر مكعد ملاك بحضنه ويوكل بيه وايات كاعده بصفه ومنتجيه عليه
واني كبالهم.
كملنه كمت غسلت الاماعين وايات نضفت منذر كعد يباوع بتلفونه واني مكعده ملاك بحضني واباوع تلفزيون وايات كاعده بصف منذر
ندكت الباب راح منذر فتحهه دخلت رقيه وسلوى وفاطمه ونور ورشا غير طرت من الفرح شكد احب اكعد واسولف وياهن
منذر صعد فوك وملاك بحضن فاطمه
واني رحت صبيت عصير وحطيت كيك دخلن ورايه رشا وايات ورقيه.
كملت الصينيه اخذتهه رقيه توديهه واني داشرب مي صبيت بكلاص كزاز وداشرب جنت شعري عايفته مفتوح رسن حسيت شعري نجر من نجر شعري الكلاص وكع من ايدي ونكسر
ايات: شوفي لج لا عبالج البارحه ماشفتج من تتختلين بلمطبخ وكاعد ويبوس بيج وحق القران اسحلج سحل اذا شفتج بعد متقربه من عنده اني سكتت اليوم كله انتضرته بس يصعد
تبارك: شبيج انتي والله هسه اروح اصيحه
ايات: بيج خير روحي صيحي يلا
رحت داصيحه اباوع رشا جرتني.
تبارك: شبيج لج ليش تجرين
ايات: متبقين هنانه متبقين يمر شهر واحد مو اكثر واطلبين الطلاك واذا ماطلبتي انه اعرف شسوي بيج
تبارك: مااطلب الطلاك وشتسوين سوي طبج مرض فوك مرض مو شفتيني سكتتلج مرة وثنين وعبالج ماعندي لسان اني لو اخلي عقلي وياج اخليج انتي اطلبين الطلاك خوش لو لا بس اكول زعطوطه متفتهم ماخلي عقلي ويه عقلهه
ايات: منو الزعطوط ولجج ادوسج برجلي واعبرج منو الزعطوط.
تبارك: انتي شنو قابل خايفه منج اني وهاي رجلج إلى تردين ادوسيني بيهه اكسرهه واشدهه بركبتج
رشا: يا يا شوفي لسانهه ولج انه منج يا ايات هنانه اسحلهه بلمطبخ
رشا كالت الايات هيج وهيجتهه عليه رسن دفعيني على الكاع وكعت والدم كام يطافر من ايدي كلاص الكزاز إلى نكسر كله دخل بيدي
كمت اصيح وابجي
رشا: عزة بعينج ولج هاي شسويتي شوفي الدم
ايات: مم ممعليه اني والله ما اقصد اجرحهه
اجني البنات كلهن على صريخي.
رقيه: عزة هاي شبيج تبارك شبيهه ايدج
سلوى: شسويتن الهه ولج فاطمه صيحي منذر بسرعه
راحت فاطمه صعدت ركض
نزل منذر من فوك
شاف ايدي وكام يعيط
منذر: بسرعه عبايه بسرعه
راحت رقيه جابت عبايه حطتهه على راسي
وهوه جرني فتح سيارته وكعدني ساق بسرعه للمضمد
وصلنه للمضمد كال خياط اني كال خياط لوو كمت ادك والطم
خيطهه إلى خياطين هوه يخيط بيهه واني اباوع وابجي
عاد منذر جر راسي ودارة خلاه على صدره ويكلي هسه هسه كمل كمل مضل شي.
خيطه إلى ولفهه وانطاني دوة
رجعنه للبيت نزلني اباوع رقيه وجهه احمر مبين باجيه عليه
اجتي حضنتني
منذر دخل كدام البنات سحل ايات من شعرهه
منذر: شسويتيلهه احجي
ايات: ماسويت شي
منذر: جاا شلون نجرحت
ايات: والله اني معليه والله رشا كلتلي
منذر: رشا
رشا: ها
منذر: صحيح هل حجي.
رشا: لا والله اكبر جذابه ايات والله تبارك كاعده تشرب مي وجرتهه من شعرهه ونكسر الكلاص وكلتلهه اطلبين الطلاك ومن تبارك كالت لا دفعتهه على الكزاز ونجرحت ايديهه
ايات: ايي بس انتي كلتيلي
منذر ضرب ايات راشدي حيل وهيه ماتت من البجي ورشا رسن سحبت نفسهه وراحت لبيتهم
منذر صعد فوك وايات صعدت لغرفته
نور: والله خوش سوة ب ايات
سلوى: ايي والله تستاهل
فاطمه: تبارك خوما توجعج
تبارك: ايي والله توجعني.
رقيه: اوي سودة عليه. بس وحق الله اذا ما كلت لكرار اخلي يطيح حض رشا هيه شعليهه تدخل وذيج الحيه خوش نكتلت بقت بس الحيه الثانيه
تبارك: لا يمعودة لتكولين
بقن البنات يمي شويه وراحن
بليل رقيه دزتلي رساله
رقيه: تبارك كلت لكرار على رشا ولج اخذهه وراح لبيتهم
تبارك: لا رقيه خطيه ليش كلتيله
رقيه: ختولي طبهه مرض.
وراهه بشويه دزلي رقم غريب باوعت كاتبلي ليش حاضرتني من ذاك الرقم ونوب دازلي رحتي تزوجتي كسروج رجلج وايدج تعالي يمي اني احافظ عليج واخليج بنص كلبي شحده واحد يوصلج ميستاهلج منذر
عرفته كرار لان اني حضرته من ذاك الرقم منذر كلي حضري
رجع دزلي ليش تشوفين ومتجاوبين لجج مو حته مرتي كتلتهه اليوم علمودج وانتي مامعبرتني
حضرته من هذا الرقم همين
ثاني يوم خابرتني تقى فرحانه تكولي حتصيرين خاله.
وكالت تعالو اليوم لبيت جدو
كتله لمنذر كال ميخالف رحنه لكيناهم كلهم موجودين
شكد تونسنه وضحكنه جدو كاعد ويسولف على بطولاته وبيبي تكله لا تجذب مو هيج وتعدل السالفه
واحنه خربانين ضحك
عدهم لو بنص ليل ياكلون سمج عادي كلش يحبونه سوو سمج وطرشي والبنات سون تمن احمر وكعدن ياكلن اني مو هلكد ويه السمج اكلت بس تمن كملنه وشلنه الاماعين وغسلنه ونوب صبينه جاي باوعت ساعه بل 10 ونص واحنه بعدنه نسولف وممهتمين للوقت.
رقيه كلتي تعاي يمي فوك بلغرفه هيه صعدت واني شويه وكمت وراهه صعدت الدرج حسيت واحد جرني ودخلني للغرفه باوعت كرار
مدخلني بغرفته القديمه
حصرني بينه وبين الحايط
تبارك: شش شتريد
كرار: اريدج
تبارك: وخر راح اصرخ والله
كرار: يلا صرخي
هستوني داصرخ وحط ايده على حلكي حيل
وحط كصته على كصتي ويباوع لعيني.
وخر كصته من يمي ايد حاطهه على حلكي وايده الثانيه لازم ايديناتي ثنينهن ولازكني ويه الحايط حته ماكدر اتحرك حط راسه بركبتي يبوس واحس بلحيته
لعبت نفسي وكمت ابجي اريد يوخر ماكدر ادفعه
اريد افتح حلكي حته اعضه ماكدر ضاغط على حلكي حيل
بقيت بس ابجي وهوه مستمر يبوس بركبتي نفتحت الباب
ودخلت رشا هيه شافتنه هيج لو تخبلت وهوه مااهتم الهه حضني لصدرة حيل واني كمت اصيح وابجي
رشا: ولك تخوني اليوم اني اعلمكم.
كرار: طبج مرض شتسوين سوي
نزلت رشا تصيح وتكلهم كرار وتبارك بلغرف يتختلون وكاعد ويبوس بيهه اني كعدت بلكاع وابجي وكرار يباوعلي كلهم صعدو فوك بابه والولد ومنذر
منذر جر كرار ونزل جوة واني نزلت وراهم
كلشي ما فتهمت غير بس صياح منذر إلى كلب البيت كلاب لزم كرار ونام فوك ويضرب بي وذاك هم يضرب
منذر: لكك نكس تندة نفسك على مرتي ساقط
كرار: احبهه اموت عليهه واريدهه إلى ويجي اليوم الاخذهه منك وانته توكف وتباوع.
رجع منذر يضرب بي ويريدون بس يجرونهم ميكدرون
عاف كرار ونوب اجه عليه
منذر: لجج ساقطه تتختلين ويه الزلم وتتباوسين كلبه بنت ال16 كلب تخونيني ويه هذا الجربوعه
تبارك: والله هوه جرني للغرفه والقران ماخنتك ويه كرار
منذر: سمعو اني هاي الكح. بعد ماريدهه خوش ماريدهه لعبت نفسي منهه
جدو: كاااافيييي اكعد خلي نفتهم شنو السالفه
كعدنه كلنه منذر احمر وعيونه حمر وكرار خشمه يطك دم واني ميته بجي.
جدو: فهميني بويه تبارك شنو الصار
تبارك: جدو رقيه كلتلي تعاي يمي فوك بلغرفه واني صعدت اريد اروح يمهه وكرار جرني للغرفه مالته...
وسولفتله كلشي
طبعآ احجي وميته بجي
جدو سولفتله بقه يصيح ويغلط على كرار
جدو: لكك شو كاعد ومامهتم فهمني صحيح هل حجي كلي ماتستحي على نفسك.
كرار: ايي صحيح هيه متحبني تبارك واني احبه ونتو اكبر كو، جبرتوهه تتزوج واني نفسي بيهه وجبرتني اتزوج بهل سا، رشا بسس شوف اكلك ماطول مايريدهه منذر من باجر اني اتزوجهه اذا قبلتو اول لا هذا شي راجع الكم وهاي السا. إلى لزكتهه بي ماتبقه يمي تاخذهه وتبقيهه يمك
رجع منذر كامله وهم واحد يضرب بلثاني ومنذر يعيط
منذر: لك نكس تخطب بمرتي وتكول احبهه وكبالي ياعار
ولد عمي سحبو كرار للشارع.
ومنذر يكول ماريدهه خلوهه يمكم كم يوم وتوصل ورقه طلاقهه
اخذ ايات وملاك وراح واني شبعت بجي تعزيت وتصخمت كدامهم كلهم
بقيت للصبح ابجي حته دموعي يبسن بابه كلشي ميسوي بس يباوع عليه وخواتي يمي يسكتن بيه
مر اسبوع ومنذر لا واصل يمي ولاشي حاطني يم بيت جدي
كرار راد يطلك رشا وجدي ماقبل وكرار يكله شني هيه كوة ماريدهه
اخذ مرته وراح لبيتهم ويوميه يدزلي رساله من رقم جديد لتخافين اخذج ورشا تتطلك متبقه.
مر شهر ونفس الحاله كل ما جدو يكول لمنذر رجعهه مايقبل يكول خليهه متعلكه واني باقيه هيج.