رواية بنت العم والضابط للكاتبة زهرة الفصل التاسع عشر
بقيت يم بيت جدو طبعآ عمامي وبابه ولا واحد اهتم للسالفه لان كرار هوه اعترف وكال اني احبهه وهيج شسوت بيهه وهيه مالهه ذنب ومدري شنو لذلك محد حجه ويايه
واني بقيت يم بيت جدو بس بالي كله يم ملاك ادري عافهه يم ايات وادري بيهه مراح ادير بال الهه
مره جنت كاعده ضايجه وروحي طافرة ممهتمه اذا طلكني او لا بس اريد ملاك يمي
نفتحت الباب اباوع ايات تبجي ومنذر وراهه شايل ملاك
جدو: خير خير شكو
ابو ايات: خير شبيج بويه.
منذر: حجي ذني ثنينهن يمك خليهن انته لزكتهن بيه وانه ماريدهن
جدو: خيرك بويه شصاير
منذر: انه اكبر كو، من وافقت اتزوج هيج شكول
ابو منذر: دحجي يابويه شصاير
منذر: ذيج المرة لازمتهه وتضرب بيهه وكالت التوبه بعد ماعيدهه هسه اجي والكاهه نفس الحاله شنو بويه ماكو نسوان وانه حاط بنتي يم هيج وحده سا، من باجر اجيبلي وحده واتزوجهه
جدو: اتعوذ من الشيطان شوف شمسوي بمرتك.
منذر: حجي طفله تبجي شتريد يعني ممه لو اكل شراح ياخذ من وقتهه تتعاجز تكوم تسويلهه خلي تجيبهه يمي انه اسويلهه بس مو الكاهه لازمتهه وتضرب بيهه وانه عود متوبهه قبل
جدو: بويه عيب تطلك بنات عمامك شتكول الناس تبارك خابصه نفسهه كل مرة تكلي ملاك جيبهه يمي وايات هم مرتك
منذر: جدي جاي اكلك ماريدهن لخاطر محمد
جدو: انه اوعدك وعد اذا ايات عادت نفس الغلط او اي غلط بدر من عدهه بدون ماتجيني طلكهه وتبارك نفس الحاله.
منذر: يابه احجي ويه جدي ليخليني اكفر هسه
ابو منذر: منذر احجي عدل حجي جدك صح بنات عمامك شنو اطلكهن يلا اخذ نسوانك وروح لا يوميه مسوينه شغله
منذر: وحق الله وانبيائه انه راح اخذهن هسه ثنينهن خلي بس اسمع صوتهن عالي لو مسويات مشكله اطلكهن ثنينهن وانعل ابو الناس التمنعني
جدو: هاهيه جدي مثل ماتريد اهدء هسه وتغده يمنه وروحو عود
ابو منذر: رقيه ماي الاخوج
راحت رقيه جابتله مي واني رحت اخذت ملاك بقيت ابوس بيهه.
ام منذر: يمه وكليهه جوعانه
تبارك: ايي خاله هسه اوكلهه
صبو غدة واني سويت طاسه مال تشريب ابيض لملوكه كعدت اوكلهه بحضني لحد ماشبعت كمت اغسل الهه
ام منذر: يمه تبارك ما اكلتي انتي شي حرتي بملوكه جيبيهه يمي وروحي اكلي
تبارك: لا خاله ما اشتهي
رحت غسلت الهه ملابسهه تملطخن رحت جبت الهه تراكسود من كنتور رقيه اني حاطه يمهه كم لبسه بدلت الهه وشلت شعرهه الهه ستوته
منذر: يلا كومن نولي.
تبارك: اهوو يوم احجي ويه بابه خلي يخلي ملاك يمي ويروح ماريد اروح وياه
ام تبارك: امشي لج غير بنته شنو يخليهه يمج
تبارك: ايي بس هيه هم بنتي
ام تبارك: دكومي كومي بدلي
تبارك: فدوة مامه حبابه
ام تبارك: روحي احجي ويه ابوج اني مالي دخل
حجيت ويه بابه رزلني وكال امشي بدلي
تبارك: بابه ماريد اروح شنو كوه
ابو تبارك: انتي مو تردين ملاك روحي علمودهه ليش ذابه الطفله يم ايات ويوميه تكفخ عليهه.
تخيلت بيني وبين نفسي ترجع ايات تضربهه
من وحدي كمت بدلت لبست صايه وشال وشلت ملاك ونزلت
رجعنه للبيت
نفس الروتين يوميه يتكرر
مضل شي على دوامي كلت لازم اليوم احجي ويه منذر
بليل رحت حجيت وياه
تبارك: اا منذر اريد احجي وياك
منذر: شتريدين
تبارك: مضل شي على دوامي واني لهسه ممقدمه شلون
منذر: ايي
تبارك: شنو ايي يعني شوكت اقدم
منذر: ماكو دوام
تبارك: شنو ليش
منذر: ماقبل مرتي اداوم
تبارك: بس اني عاجبني اداوم معدلي عالي.
منذر: حجي زايد ماريد دوام ماكو
تبارك: شنو هوه بكيفك اداوم يعني اداوم
منذر: انتي شنو تعانديني
تبارك: ايي اعاندك وغصب عنك اداوم بابه وجدو قبلو ادخل جامعه وهسه انته جايني ماتقبل
جان كاعد على الجربايه واني واكفه بصفه
كام وكف يمي لزم حلكي حيل
منذر: ذني اشلعهن اذا تعلين صوتج
نزلت دمعتي من كام يضغط عليهن
منذر: ورديات ليش
دفعته ونزلت والله ميصير هيج شنو ميخليني اداوم
خابرت بابه بلكت يحجي وياه
تبارك: الو بابه.
وليد: هلا بويه
تبارك: بابه انته مو كتلي اداومين جامعه
وليد: اي
تبارك: بس منذر ميخليني ادوام
وليد: ايي بويه بعد بكيفه هوه زوجج
تبارك: بس بابه انته وجدو كلتولي تكملين دراسه يمه
وليد: جا غير هوه مايقبل انه شعليه بعد
تبارك: بابه حباب احجي وياه
وليد: بويه انتي وزوجج اذا ماقبل هاهيه سمعي كلامه وعوفي الدوام شتسوين بي
تبارك: اوك بابه مع السلامه
وليد: الله وياج.
سديت الخط من عنده وكمت ابجي شنو ميخلوني اداوم ماحسيت على نفسي غير من هوه رزلني
منذر: بسج تبجبج صارلج ساعتين يلا كومي شوي زقنبوت النه
تبارك: ماكوم وماسويلك ذيج مرة تسويلك سم وزهر
منذر: شو انتي ماتحترمين
اجه ضربني راشدي
منذر: اطيحه الحضج ترة حيوانه
تبارك: ايي انته كدرتك بس على تبارك
منذر: لانج ادبسزز وطايحه حض
مر شهر وبدت الجامعات ادوام واني باقيه اتحسر وكل ماتذكر معدلي اخلصهه مناحه.
كاعده واباوع بلتلفون خابرتني تقى ويقين مكالمه جماعيه
تقى: هلاو
يقين: هلاو شلونجن
تبارك: هلاوات
تقى: اليوم العصر راح نروح اني ومامه للسوك نجهز للطفل تجن
يقين: شبيج مشايفه من هسه رايحه
تقى: نجبي لعد شوكت اجهزله راح ادخل بلخامس مدري بلسادس
يقين: اووي فديته خل يجي إلى اكرطه هوه وملاك
تقى: هههههه هسه تجن لو لا
يقين: اني اروح
تقى: دسئلي رجلج بل اول
يقين: يقبل رسن حبيبي ميرضه على زعلي
تقى: عابتلج وعابت رجلج الاعور.
يقين: نجبي لتحجين عليه
تبارك: اني مادري اشوف منذر يقبل لو لا
تقى: اوك شوفيه عود وخابريني
تبارك: اوك هسه اجيجن
رحت اشوفه وين لكيته كاعد يسبح هستوه جاي من الدوام
كعدت انتضرة يكمل كمل و اجه للهول
تبارك: منذر اريد اروح للسوك
منذر: شعندج
تبارك: ويه خواتي اريد اطلع اشتري اختنكت من البيت لو هم ميصير
منذر: ايي عفيه انتي كلتيه ميصير
تبارك: ترة والله مو حاله هاي شنو كلشي متقبل ابتليت على عمري من تزوجتك.
منذر: انتي هم يرادلج كتله اخليج تختلين مثل ايات وتبقين ساكته 24 ساعه ومتحجين وادورين مشاكل
اباوع ايات صدك صايرة متسوي مشاكل ومخلصتهه بس ساكته
تبارك: حباب خلي اروح هسه مو هذا على ومصطفى قبلو ليش انته متقبل
منذر: شعليه بيهم كتلج متروحين يعني متروحين
طكت روحي اريد بس اطلع
بقيت ابجي وادردم
تبارك: ميصير هيج شنو هوه سجن
هوه باوعلي وكال
منذر: يله ميخالف
تبارك: صدك يعني وافقت.
منذر: ايي ميخالف بس هل مرة المرة الثانيه ماخليج اطلعين
ايات: خلي اروح وياكم اني هم ضايجه
منذر: اخذيهه وياج
تبارك: شعدهه جايه ويايه
منذر: اذا متروح وياج انتي هم متروحين
تبارك: لا هاهيه ميخالف خلي تجي
خابرت تقى كلت الهه اروح كالت اوك العصر اخلي مصطفى يجيكم
ساعه بل 5 صارت رحت بدلت بسرعه لبست بنطرون اسود وقميص تركوازي وشال اسود وحذاء اسود حطيت مكياج خفيف عود وفرحانه راح اطلع
منذر: هيج تطلعين.
تبارك: ايي شبي محلو
منذر: امشي لبسي عبايه لا اسحلج
تبارك: شبيك تره مستور
منذر: امشي لبسي عبايه
تبارك: ما ماالبس
منذر: ماكو روحه
تبارك: لا شبيك حباب
منذر: تلبسين عبايه تروحين متلبسين عبايه متروحين افتهمتي
تبارك: حباب بس هل مرة
منذر: ماكو
رحت طلعت عبايه لبستهه فوك ملابسي ونزلت مطنكره
ايات هم نزلت لابسه عبايه
منذر: منو راح يوديكم
تبارك: مصطفى
منذر: راسجن بلكاع ضحك وسوالف بلشارع ماكو مفهوم
ايات: مفهوم
تبارك: اي.
منذر: ملاك تاخذيهه وياج
تبارك: ايي
منذر: لا جيبيهه اخذهه يم امي
تبارك: ليش
منذر: احسن
هوه راح بدل واخذ ملاك من عندي اجه مصطفى نزل سلم على منذر
دنصعد بلسيارة اني وايات وصاحنه
منذر: تعالن ثولات تروحن بدون فلوس
تبارك: ماريد اني
منذر: هاج وانتي الثانيه هاج
انطانه فلوس
صعدنه بلسيارة تقى كاعده ليكدام ويقين ومامه ليورة واني وايات هم ليورة ندحسنه
رحنه للسوك اشترينه غراض للنونو ملابس مال ولد لان هيه حامل بولد.
كملت تجهيز اله
اني رحت اشتريت ملابس إلى هم كم تراكسود ودشداشه واخذت مكياج هم كملنه اجانه مصطفى اخذنه بلسيارة فتنه من يم مطعم وتقى لزكت اله ننزل ناكل
نزلنه كلنه كاعدين بلمطعم ناكل طلبو مشاوي
منذر.
اجتي تبارك رادت تروح للسوك بلبدايه مقبلت من شفتهه تبجي وتكول قابل هوه سحن نقهرت عليهه قبلت تروح وراهه بشويه نزلت مبدله اباوعلهه توج وج هاي شتلبس يطلعهه حلوة كلت الهه لبسي عبايه مقبلت ومن كلت الهه متروحين راحت وصارت حبابه ولبست ونوب نزلت بعد احله العبايه مطلعه وجهه كمر
اخذت ملاك من عدهه رحت وديتهه لبيت جدي خليتهه يم امي واني جنت معزوم ويه جماعتي بمطعم كاعدين بلمطعم واصدقائي كامو يحجون.
شوف هاي الحاته بوياي اطك بلكاع وذاك يجاوبه
باع نزاكتهه شلون تاكل على كيف
لكك انته شوف العيون
ذني إلى وياهه هم حلوات بس هيه احلاهن
وعلي لو تصير زوجتي ماخليهه توصل لباب البيت
لكك منذر دير وجهك وشوف نعمه الله
منذر: يابه شنو السالفه مشايفين شبيكم عيب عليكم تباعون على عرض العالم
انته بس دير وجهك وبعدين كول عرض العالم
درت وجهي اريد اشوف عليمن خبصو نفسهم
اباوع هاي تبارك اليحجون عليهه.