رواية بنت العم والضابط للكاتبة زهرة الفصل الخامس عشر
كال
منذر: شعندج ويه كرار
تبارك: ماعندي شي
منذر: ليش مراسلج
تبارك: مادري
منذر: خوش عوفج منه متأذيه لو لا
تبارك: ها ااا اي اقصد لا
باوعلي وراح بدل
كمل ورحنه لبيت جدو
ذبحو دجاجه يم رجلنه واول مادخلنه خاله هلهلت
تريكنه يمهم وخطار كلساع جاي واحد وينطون هدايه ويروحون
كعدت ويه البنات
سلوى: سولفيلنه بلتفصيل شصار
تبارك: نجبي
سلوى: طاح حضج
فاطمه: صرنه 3 اني وسلوى ورقيه شوكت نتزوج
نور: واني نسيتيني.
فاطمه: نجبي انتي عندج حمادو
تغدينه يمهم ورحنه ورجعت ايات ويانه
كعدت ليكدام اني
ايات: نزلي اني اكعد بلصدر
عفتهه ونزلت عبالك مدري وين كاعده
صعد منذر
منذر: وين ملاك
ايات: يم خاله
منذر: تبارك روحي جيبيهه
نزلت لكيتهه بحضن خاله ومامه كاعده بصف خاله اخذتهه من عدهه كالت مامه
حياة: ديري بالج عليهه يمه
تبارك: ايي
شلتهه فدوة تخبل حبيبتي
حضنتهه لصدري وبستهه يمه ريحتهه تجنن
صعدت بلسيارة.
وصلنه للبيت نزلت ايات راحت لغرفتهه واني هم ومنذر مدري وينه دخلت بدلت
لبست برمودة وكيمونه وشلت شعري كبايه كعدت ملاك بحضني شربتهه حليب وبقيت اهز بيهه لحد مانامت غطيتهه ونمت اني هم
حسيت شي يمشي على رجلي فتحت عيني لكيته منذر يمشي ايده على رجلي شافني كعدت عافني
باوعت ساعه بل5 العصر اباوع ملوكه بعدهه نايمه كمت حضرت ملابس إلى اسبح شفتهه فزت تبجي طلعت الهه ملابس
شلتهه
تبارك: يلا حبيبي اشش اش.
سكتت فتحت الكماط الهه واريد اسبحهه بس اخاف
منذر: تعاي اني وياج نسبحهه
سويت المي لا بارد ولا حار هوه كامشهه واني اذب مي عليهه غسلت جسمهه وهيه شعرهه يجنن طويل غسلته على كيفي ذبيت مي كامت تبجي اخذتهه من منذر سكتتهه نشفتهه وبدلت الهه لبستهه تراكسود فدوة تخبل طلعت
تبارك: بس عادي تلزمهه بين ماروح اسبح
منذر: اووك
رحت سبحت لبست دشداشه قصيرة ونشفت شعري واخذت ملاك من عنده مامه كلتلي وكليهه بسكت ومي هيه تحبهه.
كعدتهه يمي وكعدت اوكلهه كلشش اخاف لتغص باقيه صافنه عليهه وشويه شويه اوكلهه
نزلت جوه باوعت ساعه ب7 خليت ملوكه
بلكاروك مالتهه ورحت صليت اسمعهه كامت تبجي واني بعدلي بس ركعه وحده كملتهه بسرعه شكد ما نخبصت شلت السجاده وطلعت داشوفهه لكيت منذر يعيط شايلهه ويحجي
منذر: عايفات الطفله تبجي شبيجن
تبارك: جنت داصلي
منذر: صايرة متدينه متكدر تكطع صلاتهه
تبارك: ليش انته مو موجود متكدر تشيلهه بين ما اكمل.
منذر: وانتي شبيج مو يمهه كاعده بصفهه تباعيلهه تبجي ومتشيليهه
ايات: انته مو رحت تزوجت عليه علمود تعتني ب بنتك خليهه هيه تعتني اني شعليه
منذر: الله ما ياخذجن ويخلصني منجن
شمر الطفله عليه وطلع
كعدتهه بحضني حطيت ملاهيه بحلكهه اباوعلهه تخبل ملامحه صغيرة بس عيونهه كبار
كزكزت على خدودهه بستهه حيل كامت تبجي
تبارك: لجج انتي شنو حيوانه تخبلين
ماعرف شكد عمرهه لو 5 لو 6 اشهر
ايات: متكومين تسوين عشه.
تبارك: ماسوي مو الطفله بحضني
ايات: لتحججين بلطفله يلا كومي متنه جوع
تبارك: والله ماشتغل عندج اني حته تتأمرين عليه
ايات: كون ربي يحرك كلبج ياتبارك مثل ماحركتي كلبي مشايفه هيج حقارة اني تعرفيني احبه وهسه صار زوجج
تبارك: 100 الف مره كتلج اني ماحبه ولاموافقه عليه
اباوعلهه تدعي عليه
ماحجيت وياهه شي عفتهه وحدهه تحجي شويه ودخل منذر من برة
باوعت ساعه ب9 الا ربع
منذر: شلون اليوم نموت من الجوع.
ايات: والله اني ماكوم مو تزوجت عليه خلي هيه تسوي
منذر: كومي انتي الثانيه سوي
تبارك: ماسوي اني ماشتغل عدكم
اجه اخذ ملاك من ايدي
وعاط بينه
منذر: يلا كدامي بسرعه ثنينجن تكومن
كمزت من صوته رسن كمت وايات هم
سوينه الاكل كعدنه نتعشى اكل واوكل ملوكه صمون وروبه.
منذر: اجه الوكت إلى راح اعرفكم على نفسي
عمري 30 راح ادخل بل 31 سنه من البصرة ضابط
الحفيد الاول لبيت جدي.
حبيت وحده تصير اخت صديقي شفتهه صدفه وحبيتهه ردت اخطبهه بس كلت خاف تحب واحد واهله يجبروهه تزوجني حجيت وياهه جانت خجوله بعدهه عرفت متحب احد ردت اخطبهه مقبلت ردت اعرف السبب بس كالت لا ماريد هسه بقيت احجي وياهه لحد ما كالت ابن خالي اجه تقدملي وبابه راح يوافق رسن حجيت ويه اهلي رحت اخطبهه وصديقي كلش يعزني وافق عليه رسن.
عشت وياهه سنه من احله السنوات بعمري وبين ليله ويوم ماشوف نفسي غير براء ميته واني عندي طفله كلش حقدت على الطفله ودائمآ اكول بسبهه
جنت ذابهه 24 ساعه على امي حته ماشوفهه
مرت تقريبآ 3 اشهر واجاني جدي بخبر يريدني اتزوج
حته شنو وحده تعتني ب بنتي
رفضت بس جدي كال امك ما مسؤله على بنتك هنانه قررت اتزوج اي وحده حتى تجي تعتني بيهه من بين كل بنات عمي اختارلي ايات لان جانن الباقيات محجوزات.
وافقت عليهه خاصه هيه قبل لااتزوج تجي تكلي احبك واني جنت ماعبرهه لان ماحب تصرفاتهه ومرة اجتي ودخلت لغرفتني وباستني وكل مره تجي تدخل للغرفه بدون محد يدري الحد ما اخر مرة ضربتهه وطردتهه من الغرفه نزلت تبجي
المهم تزوجتهه وكلت بدون حفله وهيه وافقت
اول اسبوع اعتنت بلطفله بحيث حته متذبهه 24 ساعه بحضنهه وراهه كلبت.
الطفله تموت من البجي وهيه متهتم الهه جانت كل وقتهه تبدل وترتب وتعدل بنفسهه وتدلع كبالي وتسوي حركات تخليني اكره الساعه التزوجتهه بيهه هددتهه اطلكهه اذا عافت الطفله رجعت تنعتني بيهه
وهم وره فترة تعوفهه وتذبهه تعاركت وياهه وقررت اطلكهه كالت لا والله ماعوفهه بعد
مره طلعت عفتهه وحده بلبيت من رجعت اباوع ضربت بنتي شكد ما اني حاقد على الطفله بس بوكتهه ضدك كلبي احترك عليهه تضرب بيهه راشديات وذيج ميته بجي.
هنانه اعصابي تلفت متوقعتهه ابد هيج تسوي
بليلتهه حلمت ب براء هيه عود تبجي وتكلي بنتي دير بالك عليهه
ثاني يوم رحت لبيت جدي قررت اطلك ايات واني اعتني بملاك
بس جدي طلعلي صفح يردني اتزوج ثانيه يابه جدي عدل بدل ماكو قفل
كال اخذلك تبارك
تبارك بت عمي جانت اكثر وحده حلوة من بنات عمامي دائمآ اركز عليهه ناعمه وخجوله وحلوة بس لسانهه طويل
صاحهه جدي وحجه وياهه رفضت وكامت تعيط وتغلط خلتني اعاند وياهه حته اخذهه.
كرار ابن عمي دافع الهه اعرفه يحبهه وعناد بيهه وبكرار نهيت عليهه
وراهه تزوجتهه
من تنام من تكعد انتبه الابسط تفاصيلهه ماعرف ليش اعرف بنفس ماعندي اتجاهه حب بي يعجبني اشوفهه شتسوي
وكلش يعجبني جمالهه
لهنانه اكتفي عن تعريفي لنفسي.