رواية بنت العم والضابط للكاتبة زهرة الفصل الثاني
نصدمت صدمه حياتي سمعت بابه يحجي ويه مامه ويكلهه
وليد: اني باجر احجي ويه اخواني همه من زمان رايديهن واني هسه حنطيهن الهم
حياة: يا رجال شتكول الهم تكلهم بناتي خل ياخذوهن ولدكم
وليد: كتلج من زمان رايديهن واني كايل الهم شويه يكبرن ويفتهمن وهسه هنه كبار واني من سويت الحادث محد ابالي غير بس بناتي اريد أمن الهن حياه حلوة ينسعدن بيهن خو ما اموت وعوفهن وحدهن.
حياة: هسه انته ليش مفاول بنفسك بلموت عمرك طويل ان شاء الله
وليد: محد يعرف شوكت يموت جوز بهل لحضه اني اموت اني صار الحادث وصحاني على زماني اذا متت وين تروحن علقل اموت واني مطمئن عليهن يم ولد خواني واني لو ماعرفهم زلم حوك مااطيهن
حياة: اخذ رئي البنات قبل كلشي
وليد: اخذ رئيهن اذا وافقن خيرآ على خير واذا موافقن
حياة: اذا موافقن شنو تغصبهن مو
وليد: الله كريم منا الباجر الصباح رباح.
سمعتهم واني جسمي كام يرجف معقوله اني هم يريد يزوجني
رسن صعدت فوك راجعت وحدي وضميت الكتب ورحت نمت
كعدت الصبح اريد اروح للدوام بابه ميطلع للشغل اليوم بعده مريض جاي اطلع
وليد: منذر بطريقك وصل تبارك
منذر: خوش عمي يله تعاي
صعدت وياه محجه شي ويايه نزلت دخلت للمدرسه خلصت طلعت رجعت مشي وحدي
دخلت لكيت عمامي كلهم كاعدين وجدي وبابه ونسوان عمامي وخواتي والبنات كلهن.
رحت بدلت ونزلت جوة لكيت بابه حاجي وياهم وهمه فرحانين
تقى ل مصطفى
يقين ل علي
جدو: وتبارك بويه ماتزوجهه
وليد: لا بويه صغيرة
جدو: لا مو صغيرة اصغر منهه يتزوجن
وليد: لايابه صغيرة بعدهه كلشي متفتهم خليهه تدرس
همزين بابه حجه هيج اباوع جدي اخذه الواهس عبالك يريد بس يزوجنه كام يحجي ويه ولد عمامي وبنات عمامي يرزل بيهم شوكت تزوجون شنو صغار انتو
جدو: وانته منذر شنو صغير راح تصير 30 وانته بعدك مامتزوج شمنتضر.
منذر: مو هسه جدي
عاد اني عفتهم ورحت صعدت فوك باجر جمعه سهرت ويه خواتي نباوع فلم
تقى: تبارك نسيت الجبس جوة جيبي حبابه
تبارك: ما معليه
تقى: شبيج حبابه الله عليج والله مابيه حيل انزل
تبارك: اوك
نزلت جوة ادور وين حاطه الجبس نسيت اسئلهه بقيت ادور بلكاونتر
حسيت واحد وراي واكف درت وجهي لكيته منذر
محجيت بقيت ادور
منذر: شعندج كاعده
تبارك: ها دادور على الجبس
منذر: سويلي اكل جوعان
تبارك: هسه
لكيت الجبس خليته على صفحه.
تبارك: شنو اسويلك
منذر: بكيفج
تبارك: اسويلك مخلمه
منذر: سوي
طلعت طماطه وبيض ثرمت الطماطه وثرمت بصل طلعت معجون طماطه همين وفلفل اسود وليمون وملح سويتهه اله طلعتله جبن وحميت الجاي والخبز صبيتله وداروح اصعد
منذر: شكرآ تعبتج
تبارك: العفو لاعادي
منذر: تعاي اكلي ويايه
تبارك: لا موجوعانه
منذر: اوك يلا صعدي لينزل واحد من ولد عمامي
تبارك: واذا
منذر: منتبهه لنفسج شلابسه لو لا
باوعت شلابسه عزة العزاني رسن طفرت فووك.
تقى: شبيج صعدتي ركض
تبارك: باعن شلابسه ومنذر شافني هيج
تقى: ياا عزة يلا عادي
جنت لابسه برموده كلش قصيرة فوك الركبه لون تحمر وكيمونه سودة وشعري مفتوح
يقين: اشش سكتو شوفو اليطل شكد حلوو
تقى: ها ها اله اكول ال علي
يقين: نجبي حبيبي احله
تبارك: لتحمين على الاجلح احله من هذا الحلو
يقين: نجبي لتعيبين عليه
تبارك: دولي
بقينه نباوع لفلم الحد ماخلص طفينه التلفزيون ورحنه نمنه كعدنه متأخر.
نزلت جوة سويت ريوك كعدت اتريك واسمعهم شيحجون طلعو كاعدين يحددون موعد الخطوبه مال تقى وراهه مال يقين
اتفقو على موعد
اني كمت غسلت الاماعين وساعدتهم بلغدة ونوب طلعنه اني ورقيه بت عمي نغسل الحوش شكبرة هوه وحديقه جبيرة كعدنه نلم الاوراق الواكعه من الاشجار نشلع كلبنه يله كملنه ونوب كنسنه الطرمه راحت رقيه فتحت البوري هيه ترشلي واني امسح جنت لابسه دشداشه وكلساع تنتكع عاد شلتهه منا ومنا بلداخليات.
وبقيت امسح دنكت بلكاع اشيل ورقه مال شجرة صايرة يم الباب جان يدخل منذر من برة شافني رافعه الدشداشه اني رسن نزلتهه
منذر: انتي مو عيب عليج شنو رافعه ملابسج متكولين اكو ولد بلبيت متكولين خاف الجورين يشوفوني من السطح حيوانه
تبارك: غير كاعد امسح الطرمه يعني شسوي تنكعت وشلتهه وانته شعليك تدخل
صاح بينه اني ورقيه
منذر: امشن دخلن جوة طايحات الحض
رحنه دخلنه نركض
تبارك: شبي هذا اخوج كبر
رقيه: لجج لتحجين على اخويه.
تبارك: طاح حضج وحض اخوج
رقيه: هههههههه نجبي تره اكله
تبارك: روحي كليله علساس خايفه من عنده اني
صبو غدة كمنه ننقل بلمواعين
كعدنه تغدينه
ونوب هنه راحن يغسلن اماعين اني رحت اقرة الاحد عندي امتحان كيمياء بقيت اقرة من ساعه 4 صارت ساعه 5 صعدن خواتي فوك يبدلن
تبارك: وين رايحات
يقين: حنطلع نجهز للخطبه
تبارك: هاا
تقى: تجين ويانه
تبارك: لا عندي امتحان اريد اقرة.
يقين: يمعودة هسه انتي شمستفادة اول وتالي تبطلين المن متعبه نفسج
تبارك: ميخالف اني اريد اتعب نفسي
يقين: بكيفج
تقى: تريدين نجيبلج شي ويانه
تبارك: ايي شتشوفون شي حلو عليه جيبو
تقى: هههههه جيبي فلوس
تبارك: اخذي من بابه
تقى: ايي هوه انطاني فلوس 25 كال هاي شوفي تبارك شتريد جيبلهه وياج
تبارك: خوش لعد جيبلي مو تغلسين
تقى: اوك
تبارك: يلا عاد بدلن وطلعن اريد اقرة دوختني.
يقين: اكلجن منو احله ويه هذا القميص الزيتوني اسود لو بيجي
تبارك: لبسي بنطرون اسود وشال اسود وحذاء وجنطه زيتوني
يقين: اووك بس تقى حلبس الجنطه مالتج ماعندي زيتوني
تقى: اوك
تبارك: يلا عاد شوكت تكملن
بقن يبدلن بلكوة طلعتهن برة
رجعت اقرة اجوي ساعه ب8 مدري شجايبلي عفتهن على صفحه وبقيت اقرة كملت امتحان الكيمياء ساعه ب10 صعبب بس الحمد لله كلشي فتهمت
لميت الهوسه نزلت غسلت وتعشيت وصعدت فوك اشوف شنو جايبين.
جايببن 2 تراكات واكسسورات
لبستهن كلش حلوات طلعت واحد من هنن رجت سبجت ولبسته
تقى: بلعافيه كلش حلو عليج
تبارك: شكرآ حبيبي
بعد مرور اسبوع
اليوم خطوبه تقى راحت من الصبح للصالون
البيت هوسه خطار كومه جايين
صعدت فوك اريد ابدل ساعه ب4 وتقى هستوهه اجتي من الصالون
رحت بدلت لبست فستان ماروني فوك الركبه قصير
من فوك ضيق ومن جوه كلوش ومن جهه الصدر شفاف.
شسورت شعري شلته من كدام بف لبست وياه طوك فضي خليت مكياج خفيف بس حمرة طوخ لون ماروني وحذاء فضي
نزلت جوة اباوع فدوة تقاوي طالعه تجنن لابسه فستان لون وردي فاتح
بعدهم ديعدلون بلصينيه مال مهر
حياة: يمه تبارك صعدي فوك من المعرض جيبي الكلاصات مال حفله والاماعين
تبارك: ايي مامه
صعدت فوك فتحت الباب مال معرض جان صاير بصف غرفه منذر وباب الغرفه مال منذر شويه مفتوح مديت راسي داشوف.
باوعت لغرفته وجان اشوف يمه عزة رسن فتحت عيوني على كبرهن استغفر الله.