رواية بنت العم والضابط للكاتبة زهرة الفصل الثالث
باوعت لكيت ايات ومنذر ديتباوسون
عززة عززة بعيني
شلون ايات هيج تسوي مو عيب وحرام وهوه شلون قبلهه صخاام رسن اخذت الاماعين ونزلت جووة
انطيتهن الامي ونسيت السالفه بقيت اركص واضحك ويه البنات
اجه مصطفى لبس تقى الحلقه فدوة ثنينهم فرحانين
حياة: تعاي تبارك انتي ويقين وزعن هذا الكيك والقواطي على النسوان
تبارك: اووك
اني شلت القواطي ويقين الكيك
وزعنه للنسوان وصلت لاخر مرة كلتلي انتي بت منو
تبارك: بت وليد
هاا.
شفتهه صاحت الامي
امي اجتي يمهه اني عفتهن ورحت وديت الصينيه
شغلت رقيه ديجي وكعدنه نركص ونصور
رقيه كامت تغني بصوت عالي ومندمجه
رقيه: اريدة اريدة ويلو بس هوه اريدة ولتزوجوني الماريدة شوفو المصايب جابولي شايب
تبارك: كافي ولج فضحتينه
رقيه: نجبي خليني متونسه
تبارك: تونسي تونسي
خلصت الحفله راحت تقى نزعت البدله وسبحت ورسن نامت اني صعدت لبس تراك ونزلت نضفنه البيت نشلع كلب كلبنه
لاعبين لعب بلبيت مسوينه هوسه.
الجكليت والكيك لازكات بلكاع نجلف ونرجع ليورة
وجوة الكراسي موكعين البيبسي والصمون
رقيه: شنو من نسوان ذني ولجج كالبات البيت شكد وصخات
ايات: اني تعبت معليه راح اروح انام
رقيه: تعاي وين رايحه نايمه كلهن راحن نهدمن نامن من نامت عليهن طابوكه
ايات: شعليه اني قابل عرسي
رقيه: لعد هوه عرسنه مو هاي اني ويقين وتبارك كاعدين انضف
ايات: شعليه بيجن تبارك ويقين اختهن العروسه.
رقيه: امشي ولي نامي بس والله اله اكول باجر البيبي عليجن ذبيتن البيت علينه وصعدتن نمتن
ايات: عادي كليلهه
تبارك: كافي رقيه عوفيهه معايزين الهه
رقيه: ايي ختولي مدري شبيهن كلهن صايرات جلبات
تبارك: جوز تعبن من الهوسه يله مضل شي ونكمل
بقينه انضف غسلنه البيت كله ونوب طلعنه للطرمه جانو طابخين بيهه الكص وكلهه ريحه زيت واكل.
هم كعدنه انضف بيهه ونرش بلمنضفات ونرجع ليورة نريد بس ريحه الاكل تروح زفرة قويه صايرة بلطرمه
دخل منذر من برة
منذر: شعدجن لحد هل وكت كاعدات
رقيه: خويه مو نضفنه البيت بقه بس الحوش هسه نكمله وندخل جوه
منذر: ايي خووش هاي شصاير بيجن
رقيه: ايي غير البيت شكبره هاجمات هجم
دخل منذر
بقينه نجلف الحد مراحت الريحه والزيت كوه طلع من
الكاشي
دخلنه بلبيت عدنه حمامين جوه وفوك حمام
كلنه دخلنه نركض للحمامات كلنه دهن صرنه.
سبحت وطلعت برة رسن نشفت شعري ونمت
كعدنه ساعه ب11 لكيناهم متريكين سوينه ريوك وتريكنه وحدنه ونوب كعدنه بلهول جانو كلهم كاعدين
رقيه: بيبي تقبلين البارحه كلهن راحن نامن وذبن البيت علينه اني وتبارك ويقين
بيبي: ليش ولجن ماشتغلتن وياهن
فاطمه وسلوى ونور، : والله بيبي تعبنه من الهوسه ورحنه نمنه
فاطمه: اسفه والله بنات بس جنت كلش نعسانه
رقيه: هاهيه مصار شي.
حياة: البارحه ام غسان خطبت تبارك لابنهه غسان كالت احجي ويه ابوهه حته نجي
بيبي: خوش ناس
وليد: مازوج تبارك بعدهه صغيرة واني مانطيهه لغريب
حياة: شكلهه يعني
وليد: اعتذري منهه وكليله محجوزة لابن عمهه
حياة: خوش
غلست على الموضوع
كمت اقرة من ساعه ب12 كملت نص المواد ب2 رحت تغديت ونوب نعست نمت كعدت ب5 رجعت اقرة النص الباقي كملت ساعه ب9
نزلت تعشيت ونوب غسلنه الاماعين كعدنه نسولف
رقيه: اكلجن
تبارك والبنات: هاا.
رقيه: باجر راح اروح اصبغ شعري منو تجي ويايه
كلهن كالن نروح بس اني كلت الهه ماكدر عندي دراسه
رقيه: دكافي بطلي مامليتي نهايتج بلبيت
تبارك: لا مو بلبيت ان شاء الله اكدر اقنع بابه يدخلني جامعه
ايات: شلج بهل دوخه كعدي وسكتي حبيلج واحد واتفقو وخلي يزوجج وابني حياتج وياه شسوين بلدراسه كلشي متفيد
تبارك: لا عيني ماريد بعدني صغيرة شجابني على الحب وبعدين شلون متفيد الدراسه الشهاده اهم شي بلنسبه الي.
ايات: ضلي بتفكيرج هذا المتخلف الناس اطورت وانتي وين
تبارك: شلون يطورون من يحبون ويزوجون وين التطور بلموضوع هيه هاي سنه الحياه ماكو شي جديد اكيد اطور نفسي من احصل على معدل عالي وادخل الجامعه واتعلم واتخرج وشهادتي بيدي واكيد الزواج مهم بس مو بهل عمر ولاراح يطور من عندي شي
ايات: بكيفج بسس اول وتالي انتي بلبيت لتحلمين زايد انصحج
عفتهه ماحجيت.
صعدت حضرت ملابسي وكويتهن رتبت الغرفه ونزلت بعدني منعسانه راح تصير ب11 واني بعدني منعسانه شوكت انام باجر مو ورايه دوام
نزلت لكيتهم بعدهم يسولفون بسس البنات صاعدات باقيات كم وحده
اهوو والله ضجت اريد اطلعع اتونس
رحت دخلت للمطبخ اسوي حليب يكولون ينعس الواحد لان اريد انام صافنه اسوي اباوع ايات نزلت تركض للترك اخذني الفضول حتى اشوف هاي شبيهه
باوعت للترك لكيتهه كاعده على كرسي وتبجي.
ردت اسئلهه ليش تبجين بس كلت خاف متريد احد يشوفهه تبجي واجتي للترك تبجي لان بلغرفه مكاعده وحده هيه وبلهول كلهم كاعدين ولكت الترك مكان معزول محد يدخله راحت هناك تبجي انقهرت عليهه خطيه تبجي بحركه
رجعت للمطبخ باوعت المي فار صبيت المي على الحليب رحت دافتح الكاونتر اجيب شكر حسيت واحد لزك جسمه على جسمي رسن فزيت درت وجهي حته اشوف منو جان انصدم من شفته كبالي.