رواية بنت الحداد للكاتبة أماني فهمي الفصل السادس
مر اليومين سريعا وتجهز عائلة فارس و عائلة محمود للسفر إلى الغردقة لمدة أسبوع وتوجه الجميع إلى الباص حتى لا يسوق احدي الرجال فالطريق طويل اما مسك و عمار فاخذو الريس ونطلقو إلى الغردقة حتى يتمتعو بعطلة
عند ادهم
كان ادهم يجلس ودخل عليه ايزاك
ايزاك: ادهم
ادهم بلهفة: هي صح
ايزاك بابتسامة: ايوة بنت فارس عمك اسمها مسك فارس فريد البحيري.
ادهم بفرحة: الحمد لله جدو وبابا و عمي و عمتو هيفرحو اوي جيت كل المعلومات عنهم
ايزاك بابتسامة: ايوه الرجالة وصلو لكل المعلومات عن فارس و حياتة و عيلتة
ادهم بسعادة: هتصل علي جدو علشان يفرح
اتصل ادهم على جده واخبره انه وصل لطريق عمه فارس وأغلق معه.
في ألمانيا، في قصر البحيري
أغلق فريد مع ادهم وهو سعيد للوصول لطريق ابنه بعد مرور 20 سنة من الفراق
فريد بسعادة و دموع: حقك عليا يا فارس انا كنت قاسي في قراري اوي لكن يشهد ربنا اني بدور عليك طول الفترة اللي فاتت يااااااااا اخيرا هشوفك وملي عيني منك قبل ما موت
وقف فريد امام صورة زوجته وبكي.
فريد بدموع: وصلت لفارس يا حبيبتي واوعدك انى هعوضة عن كل العذاب اللي شافه واوعدك هرجع هوية لمار الحقيقة انا ظلمتها كتير عارفة فارس هجيبة قوة و غصب عاوز اجمع ولادي من تاني حتى بناته الحلوين لازم افرحهم عارفة ادهم بيقولي ان مسك الصغيرة شبهك اوي علشان كده عرفها اوعدك خلال أيام هرجع ابني و عيلتة لحضني من تاني وهخلي الكبير قبل الصغير يحترموهم انا هروح اجهز نفسي.
اسرع فريد بالاتصال على الحرس وامرهم بتجهيز الطائرة بسرعة للسفر لمصر
جهز شنطة ملابسه ولبس ونزل كان حازم و مالك يجلسون في الصالون
حازم: بابا حضرتك مسافر
فريد: ايوة مسافر مصر
مالك: ليه بابا ادهم قالنا ان الغلط من الشركة ليه لزمته السفر
فريد: رايح ارجع اخوكم لبيته و حياتة بنفسي
سما بفرحة: حضرتك عرفت مكان فارس انا هاجي معاك
فريد: لا انا هروح لوحدي.
حازم: مفيش حاجه اسمها لوحدك احنا مش هنستنا لغاية مترجع بيه انا هسافر معاك
مالك بفرحة: وانا كمان
اسرع الثلاثة بالصعود إلى اجناحتهم لتجهيز نفسهم وبعد دقائق نزلو يجرو والخدم خلفهم يحملون الحقائب للذهاب إلى فارس قره عين الجميع.
في الغردقة
وصل مسك و عمار اول ناس لسرعتهم علي الطريق وتوجهو الى الفندق واخذو كروت غرفهم وصعدو إلى الأعلي
مسك: اسمع هنبدل هدومنا وننزل بسرعة
عمار: ناخد دش جامد كده بعد كده ننزل
مسك: دش دش ابه يا ابن الهبلة البحر كبير ابقي انزل استحما براحتك
عمار: خلاص مش لازم تهذيق كل شوية
مسك بضحك: ما انت اللي مهزق اعملك ايه
عمار: كده والله ما انا سايبك
رمي شنطة ظهره وهي أيضا و طلعو يجرو ورا بعض.
عمار: تعالي هنا يا كلبة البحر
مسك بضحك: بس يا مهزق
توجهو إلى الشنط واخذوها وتوجهو الى الاسانسير
عمار: بجد يالا نطلع بسرعة علشان ننزل انا مش عاوز اقعد خالص عوزة اسبوع مطحنة
مسك بتأكيد: صح ياض انا عوزاه اسبوع جامد طحن مفيش نوم مفيش خناق مفيش راحة في خروج و سهر ورحلات و اكل و بحر
عمار: ااااااااه تعبنا اوي
مسك بدلع: عموري حبيبي شيل الشنطه
عمار بابتسامة: قلب عموري من جوا اشيل ليه اتشلتي.
مسك وهي تضربة: يا رب انت
اخذت تضرب عمار ولكن في لحظة وقفو الاتنين في وضع الثبات اثر صوت شخص يصرخ بهم بالتوقف على الضرب
الشخص: كفاية ضرب وكلام ايه ده اغبية
مسك: وانت مالك مش عاجبك انزل
الشخص: انزل يا طفلة مش هرد عليكي يا طفلة
مسك: انا مش طفلة انا كبيرة
الشخص بابتسامة: لا طفلة وعقلة الإصبع كمان
مسك: انت
ولكن قطع كلامها سحب عمار لها وخرجو برا الاسانسير وتوجهو الى غرفهم.
وصلت باقي العائلة إلى الفندق وعلمو بوصول المشاغبين
بدل الشباب ملابسهم ونزلو إلى البحر حتى يلعبو
مراقبة الشخص لمسك بابتسامة
وصول فريد إلى مصر.
في القاهرة
وصل فريد و أبنائه إلى الفندق وجلسو مع ادهم
ادهم: حمدلله على السلامه
فريد بمقاطعة: فين المعلومات
ادهم: احم اتفضل الفايل
اخذ فريد الفايل وتوجه إلى غرفته وجلس على الكرسي يشاهد صور عائلة فارس و تاريخ حياته.
فريد بصدمة: بقي فارس البحيري ابن أكبر رجال يشتغل في ورشة حدادة و كمان بنته اللي المفروض تبقي برنسيسة و تتدلع وتلبس وتخرج و تسهر و تشوف الدنيا تشتغل كده بقي مسك البحيري أصغر احفادي يحصل فيها كده يستحيل
رفع فريد صورة مسك واخذ يتاملها و بتسم بفرحة لانه واخيرا وجد مسكه ايوة مسكه ممنوع اي شخص يقرب منها او يكلمها ربع كلمة لازم يعوضها على سنين عمرها اللي فاتت.
فريد بثقة: اوعدك يا مسكي يا روح قلبي لتكوني اميرة لاااااا ملكة متوجة على عرش عيلة البحيري كلها انتي بنت الغالي و حبيبة الغالية وعدت و نفذت وعدك فارس لامك وسميت اول بناتك على اسمها وبنتك التانية على اسم ام لمار
اخرج فريد التليفون وبحث عن صورة شخص وعند النظر في الصورة نراة شاب في ريعان شبابة والابتسامة مرسومة على وجهه الجميل.
فريد بدموع: حقك عليا يا مالك انا السبب اللي عملته فيك زمان ربنا رده ليا ذي موقفت مع ابونا وطردك من القصر و حرمك من بنتك انا كمان طردت ابني من القصر و ربنا حرمني من احفادي بس وعد يا حبيبي ويشهد عليا ربنا اني هرجع لبنتك هويتها و سمعتها و مكانتها يا رب ذي مخلتني الاقي ابني بعدد السنين ديه كلها خليني الاقي اخويا يا رب يكون بخير انحرمت منه كتير اوي 45 سنة وانا بتعذب سامحني يا مالك.
بدل فريد ملابسه و خرج وجد الكل يجلس
فريد: يالا هنروح لفارس دلوقتي
حازم: خليها شوية علشان حضرتك تستريح
فريد وهو يترك الغرفة: انا رايح خليكم انتم
غادر فريد و اخذ الجميع جواكت البدل و طلعو يجرو خلفه.
في الغردقة
كان الجميع يجلس في المطعم بعد احضار الطعام
فارس: فين مسك
لمار: زمانها نزله
محمود: اطمن عمار معاها
فارس بضحك: مهو الخوف من عمار
فريدة: علي فكرة بنتك اللي مجننة ابني هو حبيبي هادي و طيب
فارس بضحك: علي يدي يا شيخة حرام عليكي
نزلت مسك وهي تمسك ايد عمار وتضحك و كانت ترتدي هوت شورت وبدي سوفت وتركه لشعرها الحرية.
مسك بضحك: انا جيت فين الاكل
فارس بابتسامة: هنا كل واحد يخدم نفسه
مسك بزعل: كده يا فارس ماشي ربنا يسمحك
توجهت مسك وأخذت طبق ووقفت تختار الطعام الذي تريدة
عمار: ميكو انا جعان اوي وسعي كده
إزاح مسك من أمامه ووقف ياخذ كمية كبيرة من الطعام فبتسمت مسك واسرعت باخذ نفس كمية الاكل الذي أخذها عمار.
حمل الاثنين طبقين ملئين بالطعام ووضعوهم على تربيزة واسرعو بأخذ بعض الفينو و البيتزا وعادو إلى التربيزة ولم ينسو المشروبات وجلسو ياكلو بسرعة وهم يضحكون بشدة وكان الناس تضحك على جنان تلك المشاكسين
بعد فترة انتهو من الطعام وفضل قطعة فراخ اخذو يضربون بعض حتى يحصل عليا واحد منهم ولكن في لحظة بعدو عن بعض ونظرو لذالك الشخص بشر
مسك بشر: انت بتاكل اكلنا ليه.
الشخص بابتسامة: مزاجي كده كمان انا جعان وانتم الاتنين طفسين خلصتم كل الاكل
عمار: احنا لسه مخلصين امتحانات وكنا جوعانين
مسك بتأكيد: ايوة احنا جوعانين
الشخص وهو يمسك خدودها: كل ده و جوعانين ناقص تكلونا
تركها وهو يصفر وياكل قطعة الفراخ بستمتاع
مسك: يا رب تقع و تزور و متلقيش ماية تبلع الفرخة بس هاااا
عمار: سيبك منه وتعالي نجيب شوية حلويات شرقية و غربية و جاتوة.
مسك بعيون تخرج قلوب: لاااااا انا سفت تورتاية حلوة عوزاها يلا نلحقها
اسرعو لمكان الحلويات واحضر عمار طبق عذرا للطبق العادي ولكن سرفيز كبير واعطي واحد لمسك وفضلو يضعو عليه الحلويات وبالفعل اخذت مسك التورتة وعادو إلى التربيزة يستمتعو بالأكل
فارس بخضة: يا لهوي العيال ناقص ياكلونا ربنا يستر
لمار بخوف: انا هنيم كندا معايا أحسن مسك تفتكرها صوباع بقسماط وتاكلها.
فارس بفزع: لااااااا انا جي استمتع محدش هينام معانا لما تأكلها الصبح هخليها ترجعها من بطنها
محمود بضحك: يخربيت فقرك
علي: والله فارس بيكلم صح احنا جايين نستمتع
فارس بغمزة: عيب عليك انا مسيطر وبحب استمتع
ضحك الكل وهتمو بنفسهم وتركو مسك و عمار مع نفسهم
الشخص: يخربيت انتي و هو هو الاكل ده بيروح فين
مسك وهي تاكل: خمسة في عينك
الشخص: بتخمسي علي ايه يا بقرة علي اخر الرحلة مش هتقدري تتحركي من كتر الاكل يا بقرة.
مسك بزعل: انا بقرة
الشخص بابتسامة: اه بقرة بس لسه صغيرة على اخر الرحلة هتكبري ابقي استخبي من الجزار ليدبحك
تركها وهو يضحك على منظرها بشدة واخذ قطعة جاتوة ولكن اكملت باقي الحلويات وهي تسب و تلعن فيه.
في القاهرة
توجه فريد و أبنائه لعنوان فارس وسالو حتى وصلو إلى البيت
خبط ادهم على باب المنزل ولكن لم يجد رد وحاول مرة و اتنين
ادهم: شكل مفيش حد جوا
فريد بعصبية: يعني راحو فين
حازم: لحظة واحدة هسال اي حد
طفل: انتم عوزين مين
حازم: عوزين فارس
الطفل بابتسامة: ابو الموزز
مالك: نعم موزز مين ياض
الطفل: اصل عم فارس عنده موزتين مسك و كندا جمال ايه صاروووووووخ
حازم بعصبية: وهما فين الموزز اقصد فارس.
الطفل: عم فارس و عم محمود سافرو الغردقة وهيرجعو اخر الاسبوع
فريد بصدمة: لسه هستنا اسبوع
حازم: معلش يا بابا يالا بينا من هنا
وغادرو وعادو إلى الفندق.
بعد مرور 5 ايام
اخذت مسك الريس الخاص بها وساقت بسرعة تستمتع بجمال الهواء ووقفت امام البحر وهي مازالت على الريس إلى ان استمعت لصوت دوشة فتركت الريس ومشيت في اتجاة الصوت
وجدت مسك الشخص الذي يضحك عليها يضرب مجوعة من الأشخاص وهما يضربونه بشده فبتسمت ولكن وجدته يسقط فخافت عليه واسرعت له وأخذت تضرب معه باحترافية عالية ولما لا وشقيقها الأكبر ادم مدربها على جميع فنون القتال على رد مدربين محترفين.
احدي الرجال: امشي من هنا ملكش دعوة
مسك وهي ترتدي الخوزة: انا فعلا همشي بس هاخده معايا
احدي الرجال: لااااااا انت مش بتفهم واحنا هنفهمك
مسك بسخرية: خوش الاول اللي وقع منك كمان انتم تبع مين
احدي الرجال: احنا تبع منصور بيه فرغلي
مسك باستغراب: منصور فرغلي مش ده بتاع الحديد اللي في 6 أكتوبر
احدي الرجال: ايوه هو
مسك: اتصل بيه وقوله ان الشخص ده مع مسك فارس البحيري بتاعه الجيارة
الشخص بتعب: هنموت يخربيتك.
مسك وهي تخلع الخوزة: اخرس ياض وانت اتصل بيه
اتصل احدي الرجال على منصور فرغلي واعطي لمسك التليفون وفتح الاسبيكر
مسك: صباح الخير يا حاج منصور
منصور: صباح العسل على اجمد موزة في مصر
مسك بضحك: يا راجل عيب والله بقي بتبع رجالتك تضرب واحد تبعي ينفع كده انا زعلانة وليا حق عرب
منصور بضحك: وانا مقدرش ازعل ست البنات و خدامك واي حاجة تامري بيها انا هنفذها على طول
مسك: تسلم يا حاج شوف الموضوع على ايه وانا هحله.
منصور: الباشا كان طالب حديد مسلح مني و تفقنا على السعر بعدها يخلف معايا ويروح عند حد تاني ينفع الكلام ده
مسك: بس انت عارف السوق طالع نازل وكل الحواري منفده على بعضها وهو خد من غيرك النهاردة بكرا هياخد منك مش مسئلة يعني و شغل العصابات ده
منصور: حقك عليا يا مسك وحقك عليا يا باشا بس ابن الكلب اللي اشتري منه اتصل بيا وحرق دمي فقولت لازم احرق دمه هو كمان.
مسك: وانا ميردنيش حرقة دمك انت الغالي حبيبنا علشان كده الصفقة ماشية بس هتعمل خاطر ليا وهتنزل السعر شوية قولت ايه
منصور: اللي تامر بيه ست البنات واجب النفاذ على خير
الشخص: تمام على خير هبعتلك الرجالة تستلم الحديد وتاخد جزء من الحساب
مسك: مرضي يا باشا
منصور بضحك: انتي مرضية يا ست البنات بقالك فتره مجتيش
مسك: بإذن الله ارجع من السفر و لينا قاعدة يالا سلام
منصور: سلام يا ست البنات.
رمت مسك التليفون لاحدي الرجال وأخذت الشخص وتوجهت إلى الريس
الشخص: شكرا
مسك بابتسامة: العفو يالا اركب
الشخص: انا ايار السلاب
مسك بابتسامة: مسك فارس البحيري
ايار بابتسامة: اسف على زرالتي بس والله اول مرة اعمل كده مع حد
مسك: ولا يهمك يالا نرجع
ايار: تمام
مسك: يالا اركب
ايار بابتسامة: هتعرفي تسوقي ولا هضيعينا
مسك بابتسامة: اكيد هضيعك اركب
ركب ايار وامسك في مسك وساقت بسرعة وعادت إلى الفندق.
اسرع رجال ايار باخذه وركنت مسك الريس وتوجهت إلى مكان أهلها
لمار: كنتي فين
مسك بمشاكسة: ايه خفتي عليا
لمار: لا طبعا بس الفطار وقته هيخلص ومفيش اكل اللي على معاد الغدا وانتى مش هتسكتي
مسك بشر: على فكرة انتى شريرة
فارس بضحك: طيب تعالي افطرتي
مسك بابتسامة: لا حبيبي مش جعانة هطلع البس المايوة وهنزل
صعدت مسك ولبست المايوة ونزلت وتوجهت ليهم وجلست بجوار والدها.
فارس: الحاج منصور فرغلي كلمني و كان بيعتذر علي اللي حصل وانا علشان مش فاهم حاجة مشيت علي كلامة
مسك بابتسامة: كنت ماشية بالريس وحصل
حكت مسك لوالدها ما حدث بالتفاصيل
فارس: وانتى كويسة
مسك بابتسامة: عيب عليك يا سطي انا مسك فارس البحيري
فارس بابتسامة: ربنا يحميكي يا قلبي بس مين الشاب ده
مسك بضحك: نفس الشاب اللي بياكل اكلي كل ميشفني
فارس بضحك: وساعديته
مسك بغرور: للأسف متعلمتش اشوف حد محتاج مساعدة ومساعدهوش.
فارس بضحك: يخربيت غرورك يا شيخة
عمار: انتى يا هانم مش هتنزلي البحر
مسك بغمزة: عيب عليك يا سطي انا مجهزة رحلة غطس إنما ايه هايلة
نور بصراخ: هااااااااااااااااا
مسك: يخربيت اهلك هتفضحينا
ادم بابتسامة: وديه حاجة جديدة عليها
مسك بصراخ: اددددددددددددددم
ادم: يالهوي ودني اتخرمت
مسك:
ادم بضحك: هسحبة في يوم
عمار: حبيبي يا دوما
نور بفرحة: ادم حمدلله على السلامة
ادم بابتسامة: الله يسلمك يا نونا
مسك: الكلام على ايه.
ادم: قبل أي حاجه انا ميت من الجوع
عمار: كمان ميكو مش كلت
ادم: تعالي حبيبتي ناكل علشان هنعمل مجهود كبير
مسك: اشطا
توجه الشباب وهم يجرو خلف بعضهم إلى المطعم واخذو كميات كبيرة من الطعام وجلسو يضحكون بشدة
بعد فترة انتهو من تناول الطعام وتوجهو الى البحر.
على الشاطئ
أخذهم ادم وتوجهو الى لانش { المركب } واخذو معهم أدوات الغطس
مسك: ادم مع نور وانا مع عمار
ادم: تمام يالا
مسك: لحظة واحدة بس انا عوزة اصطاد سمك من تحت
نور: ومين اللي هيعمله يا فالحة
مسك بابتسامة: المطبخ اللي هنا ملكوش دعوة
عمار: اشطا يعني الليلة على سمك يالا يا رجالة
ادم بسخرية: هو البيه رايح يحارب وانا معرفش
عمار:.
ركب الجميع اللنش ونطلقو وسط البحر وبالفعل غطس الشباب ولعبو وبالفعل استطاع المجانين صيد الكثير من السمك وعادو إلى الفندق
دخلت مسك إلى المطبخ و ضحكت مع الشيف وبالفعل وافق على صناعتة
عادو الشباب إلى البحر وفضلو يلعبو ولم يهتمو بكلام احد ولم يسلم الشباب من المعاكسات.
وعندما جاء موعد الغذاء وتوجهت العائلة إلى المطعم وضمو التربيزات بجوار بعضهم ونزل لهم السمك واحضرت مسك الأرز و عمار الخبز و نور وآدم احضرو السلطات المختلفة وجلسو يتناولون الطعام وسط الضحك و الهزار.