رواية بنت الحداد للكاتبة أماني فهمي الفصل السابع
في الغردقة
انتهت الرحلة و جهز الجميع الشنط للمغادرة ولكن فضلت مسك و ادم و عمار و نور في القرية واخذو ملابس ووضعوها في حقيبة ظهر و نزلو البحر و لعبو وفي اخر اليوم توجهو إلى الحمامات واخذو دش ولبسو ملابسهم النظيفة
اسرع ايار لمسك ووقف أمامها وبتسم
مسك بابتسامة: اذيك ايار
ايار بابتسامة: خلاص همشي
مسك بابتسامة: الرحلة خلصت يبقي هنمشي
ايار بابتسامة: هشوفك تاني.
مسك بابتسامة: سبها للظروف ولو لينا نصيب هنشوف بعض تاني
ايار بابتسامة: خليني اوعك يا اجدع بنت قبلتها في حياتي
مسك بابتسامة: بلاش وداع خلينا نسبها للايام يمكن نشوف بعض قريب محدش عارف اقولك لا إله الا الله
ايار بابتسامة: سيدنا وحبيبنا محمد رسول الله مع السلامه
مسك بغمزة: سلام ايرو
ابتسم ايار و اسرعت مسك إلى الشباب
ركب ادم مع مسك على الريس و ركبت نور مع عمار على الريس ونطلقو عائدين إلى القاهرة.
وقف الشباب في احدي الاستراحات و جلسو ياكلو و يهزرو وبعد ذلك غادرو في طريقهم.
في القاهرة، في الجيارة
وصلت العائلة إلى المنازل و هم مستمتعون بذلك الاسبوع ونزلو
اسرع احدي الصبية يحمل الحقائب لراحة الرجال وجاء شباب اخرين لحمل باقي الحقائب
استمع فارس لاحد الصبية الذي اسرع له
الصبي: عم فارس عم فارس
فارس: نعم محمد
محمد: من اسبوع كده جيه ناس وسالو عليكم وانا قولتلهم انك في الغردقة
لمار: مين دول
محمد: معرفش بس شكلهم بهوات و غناي
محمود: مين دول فارس
فارس بخوف: اكيد مش هما صح محمود.
على: اهدى فارس وطلع استريح وبكرا نفكر واكيد هيرجعو تاني
فارس بقلق: بس
ام على: اطلع يا حبيبي وخد مراتك معاك و بكرا يحلها ربنا
لمار: انا خايفة فارس هما صح
فريدة: مالك بس لوما اكيد مش هما واكيد هيطلعو ناس عوزين شغل انتى عارفة ان بسم الله ماشاء الله علي ميكو ايديها تتلف في حرير واكيد عوزين شغل.
فارس بابتسامة: اكيد يا قلبي وكمان مش اول مرة يجي هنا ناس ذي كده يالا نطلع انا اللي بقالي كام يوم بفكر فيهم ومش بعد 20 سنة هيرجعو يالا
محمود: يالا تصبحو علي خير
علي: الشباب اتاخرو
سلمي: العيال المجانين لسه في القرية و مش هيخرجو اللي بالليل
محمود بضحك: احسن و الله الواحد يستريح منهم
بالفعل صعدو إلى منازلهم وقد اقتنع فارس بان من جاءو مجرد زبائن فقط.
في الفندق
علم ادهم بوصول عمه فارس الى المنزل فهو قد امر بإرسال احدي الحرس حتى يعلم بوصولهم وفعلا كان على حق
ادهم: جدو عمي فارس وصل البيت
فريد: كويس يالا نروح وكفاية تأخير لغاية كده
مالك: ايه رايك نسبهم النهاردة يستريح من السفر و الطريق ونروح بكرا
ادهم: فعلا جدو الحارس قالي ان عمى لما رجع مكنش معاه غير بنوتة صغيرة بس
فريد بخضة: وفين مسك جرالها حاجة.
حازم: اهدي بابا اكيد كويسة مكنش فارس هيرجع على البيت
ادهم: صح جدو بإذن الله خير اصلا هي بتركب ريس اكيد سافرت بيه
مالك: ريس ايه ده
ايزاك: ده بيشبه الموتوسكل و بسم الله عليها سريعة فيه
فريد بابتسامة: يا روحي مجنونة يعني وعد مني أجمل و احسن البتاع ده يكون ليها
حازم: هو حضرتك فرحان علشان لقيت فارس ولا عيال فارس وخصوصا مسك.
فريد بابتسامة: كلهم وصح مسك غير لازم تتدلع براحتها ديه مسك الغالية وانا وعدت امكم الله يرحمها اني هحبها اكتر من الكل
مالك بضحك: الله الله مسك هانم هتاخد الدلع وحنا شكلنا كده هنترمي
فريد بجدية: وحياتكم في الشارع لو حكمت بس مسك تامر
وبحزن: بس فارس هيقبل يسامحني على اللي حصل زمان و لما يعرف ان امه ماتت وهو مشفهاش هيحصل ايه تفتكرو ممكن يرجع
ادهم بجدية: احم احم جدو لازم يوافق حياة مسك في خطر.
مالك بصدمة: انت بتقول ايه يعني ايه حياتها في خطر
ادهم بجدية: انا عرفت مسك عن طريق المصنع اللي جالنا منه مشاكل لما وصلت ليه كانت مسك بتدرب فيه وهي اللي أنقذت شركاتنا من الخسارة وخلت صاحب المصنع يتحمل تكلفة المكنة و عرفت انه عاوز ياذيها
فريد بغضب: هو مجنون اذاي ياذي حفيدة فريد البحيري لو لمس شعره منها انا همحيه من علي وش الارض
حازم: اهدي بابا احنا موجودين مش هنخلي بنتنا تتاذي.
فريد: انا مش هستنا لبكرا هروح دلوقتي
ادهم: اطمن جدو شاب من العيلة التانية ضابط شرطة فأكيد هيحميها
فريد بغضب: وانا هستنا لما الغريب هو اللي يحميها وانا علي وش الدنيا
ادهم بجدية: جدو مسك مش ذي باقي البنات و حتى الشباب مسك اشتغلت في السوق وعايشة في منطقة شعبية يعني مفيش اي حد يقدر يمشي كلامه عليها
فريد بغضب: يعنى ايه انا كلمتي بتمشي علي الكل وحته بت مش هعرف احكمها يبقي متعرفش مين هو فريد البحيري.
حازم: يبقي جهز نفسك للخسارة
فريد بابتسامة توعد: ابوكم طول عمره رجل أعمال شاطر وبيعرف يكسب كل المناقصات بجدارة وهتشوفو اعملو حسابكم بكرا الصبح هنروح لفارس علشان نرجع القصر و نشوف شغلنا
دخل فريد الغرفة و اخرج صورة زوجتة و بتسم لها
فريد بابتسامة: ولادك لسه ميعرفوش مين ابوهم اوعدك يا قلبي هرجع ابني لحضني و هروض مسك وهربيها علي أيدي كل اللي فات من حياتها كوم واللي جاي كوم تاتي.
وبتسم بفرحة لانه وجد شخص يستطيع ان يقف أمامه.
في الجيارة
عاد الشباب إلى المنزل و صعدت مسك إلى البيت بعد ان وضعت الريس مكانة وتوجه عمار و ادم و نور إلى المنزل
فتحت مسك باب البيت وفؤجات بشخص يمسك اديها فأعتقد انه ادم او عمار ولكن وجدته اسلام فسحبت اديها منه بغضب
مسك بغضب: انت مجنون ياض اذاي تمسك أيدي
اسلام: اشمعنا ادم مهو على طول بتمسك إيدك وانتى عادي ودلوقتي كنتي في حضنة.
مسك بردح: نعم نعم يا عمرو لا فوق وعرف انت بتكلم مين شكل ضربي و تهزيقي ليك وحشوك فعاوز الجرعة
اسلام: يا سلام ومالو بس إيدك تلمس جسمي
مسك بردح: بس كده و انا موافقة وهخلي اللي ميشتري يتفرج عليك يا تربية و
خلعت مسك الجاكت التي كانت ترتدية وسحبته من ملابسه وسط الشارع و ضربته فتجمع أهالي المنطقة يشاهدون ماذا يحدث
كانت مسك تثبه بألفاظ و تضربه.
استمع فارس لصوت مسك في الشارع فنزل يجري ومنع لمار و كندا من النزول وأسرع هو في النزول
كما اسرع ادم و عمار وباقي العائلة عندما استمعو لصوت مسك و صوت صراخ النساء
ام اسلام بردح: جرا ايه يا بنت فارس طايحة في المنطقة ليه ملكيش رابط و لا ظابط
مسك بردح: لا يا ننوسه عين امك انا الرابط بتاعي مربي راجل يفوت في الحديد مش ذيك مربية مره طايحة تاذي في خلق الله
محروس بصوت عالي: سيبي اسلام يا بت صحيح ناقصة رباية.
فارس بغضب: لا يا محروس انا مربي بنتي احسن تربية علشان لما تقف وسط الرجالة تبقي ارجل منهم ومن اللي خلفوهم
ادم بغضب: وانت زعلان ليه علشان بتربي ابنك عندها حق مهو ناقص رباية وملقاش اللي يربيه فهي قامت بالواجب و زيادة
اسلام وهو يسحب نفسه منها: شوفو يا ناس انا لقتهم جايين مع بعض كنت بفهمها الادب ديه وسخت المنطقة واحنا رجالة.
مسك بردح و شهقة: رجالة اسمالا يا رجالة دانا من يوم يومي مشفتش في عيلتك راجل او حتى ربع راجل عدم لما أخذه كلهم نسوان وبيحبو يقعدو قعدة المساطب
محروس بغضب: اخرسي يا و لو مكانش ابوكي رباكي انا هربيكي
جاء يرفع اديه حتى يصفع مسك فاسرع فارس بامساك اديه
فارس بغضب: وعزة وجلالة الله لو مكنتش راجل كبير لكنت ربيتك.
مسك وهي تبعد والدها: انا بقي بحب ربي اللي مترباش وعلى رأى المثل عاوز تهزق راجل سلط عليه ست وانا هعلم عليه وسط المنطقة
اسرعت مسك بضرب محروس ولم تهتم بسنة ولا اي شي أخري فصرخت زوجته
ام اسلام بصراخ: حد يلحق الراجل البت هتموته والله يا بنت فارس لوريكي
مسك وهي تمسك محروس: ابقي وريني يا حيله امك او روحي للدخال يعملك عمل اصلك ماشية معاه
تدخل رجالة المنطقة وخلصو عامر من ايديها بالعافية.
لحظات ودخلت الشرطة وأخذت مسك و فارس و أهل اسلام
صعد ادم بسرعة إلى الأعلي واخذ المحفظة ومفتاح العربية و منعت اي شخص بالحاق بيه.
في القسم
دخل الجميع إلى مكتب الظابط فجلست مسك على الكرسي وشاورت لوالدها ان يجلس فبتسم لها و جلس
الظابط بغضب: قومي اقفي يا روح امك انتى فاكرة نفسك جاية فين
مسك ببرود: لسانك يا باشا وعرف انت بتتكلم مع مين
الظابط بسخرية: هتكوني مين يعني
مسك ببرود: تسمع عن مسك فارس البحيري
الظابط بذهول: مين مسك فارس البحيري صاحبة ورش الحدادة.
مسك بسخرية: برافو عليك يا روحي انا بقي مسك فارس البحيري فظبط كده وعرف انت قاعد قدام مين علشان انا زعلى وحش
اسلام: ايه يا باشا هتسيب المضروب و ترحب بالضارب
مسك بغضب: اخرس ياض علشان مقمش أكمل عليك
اسلام: شايف يا باشا بنت الكلب ديه بتهددنا
مسك بغضب وصوت عالي: مين ديه اللي بنت كلب يا ابن 60 كلب يا زبالة يا صايع وعزة وجلالة الله لو قمت من مكاني لهخلي دكاتره التجميل يحتارو في شكلك وانت اصلا معالمك مش واضحة.
دخل ادم و مأمور القسم الذي رحب بفارس و مسك واخذ يهديها
ادم بجدية: عاجبك كده يا باشا
مأمور القسم: حقك عليا يا ادم باشا انا هتصرف هما اصلا بتوع مشاكل
فارس بجدية: بنتي مغلطتش يا سعيد بيه اسلام هو اللي ابتدأ المشاكل.
المامور: اطمن يا فارس بيه انا عارف مسك وعارف انها محترمة ولما واحد زبالة ذي ده يتهجم عليها لازم تاخد حقها مين في المنطقة كلها ميعرفش مسك فارس البحيري تقدر تاخدها وتروح وانا هتعامل ومع الزبالة دول
مسك باحترام: شكرا سعيد بيه
سعيد بابتسامة: العفو يا مسك انا عارف ادبك و أخلاقك و تربية ابوكي ليكي روحي وانا هتصرف
وبالفعل اخذ فارس مسك و ادم وغادرو القسم بصحبة المامور وعادو إلى البيت.
في الفندق
كان ادهم و الباقي يشاهدون ما يحدث في المنطقة و ما تفعله مسك في تلك العائلة
ادهم بذهول: هي ديه بنت عمي يا لهوي
مالك بضحك: البت بهدلت الواد و ابوه وعلمتهم الادب
حازم بضحك: تعرفو هي ديه اللي هتربي العيال اللي هناك
ادهم بغرور: لا معلش هي هتيجي عندي وتقف انا بردو اكبر منها
فريد بسعادة: والله بت جدعة عرفت تاخد حقها من شوية كلاب
ادهم: بس هتخرج من القسم اذاي دول مش هيسبوها
حازم: انا هتصرف حالا.
رن هاتف ادهم و كان الحارس الذي يراقب منزل فارس واخبره بخروجهم من القسم و حبس العائلة الاخري
ادهم بذهول: شكلنا هنفضل نتذهل من عمايل مسك
حازم: ليه حصل ايه تاني
ادهم: مسك و عمي و الشاب اللي كان معاهم لسه خرجين من القسم و الناس المضروبة هما اللي اتحبسو
مالك: اسأل الحارس اذاي يمكن الظابط صاحبهم هو السبب
ادهم: توتوتوتوتوتو بيقولي المامور بنفسه وصلهم لغاية برا
حازم بضحك: مش قولتلكم هتربيكم محدش صدقني.
ادهم بضحك: شكلنا هنشوف تغير في القصر
فريد بجدية: مفيش حاجه اسمها تغير القصر هيفضل ماشي بقواعده و قوانينة لغاية يوم القيامة يالا كل واحد يروح ينام علشان نروح بكرا لاخوكم
مشي فريد و قام مالك يتحدث مع سما وادهم اتصل على فلك يطمن عليها.
عند فارس
عادو إلى المنزل
فارس: ينفع اللي حصل ده
مسك: حصل ايه يعني انت عارف ان اسلام لازم وقفة ليه
لمار: بس اللي حصل صعب ربنا يستر
مسك بعصبية: وانتى كنتى عوزاه يتحرش بيا وسكت دانا اقتلة وشرب من دمه
ادم: مسك مسك حبيبتي اهدي لولو متقصدش
مسك بعصبية: ولا تقصد انا داخلة اتخمد عندي شغل من الصبح بدري
فارس: شغل ايه
مسك: من كام يوم اتصل عليا واحد عوزني اعمله شغل في الفيلا بتاعته وانا رتبت معاه هروحله بكرا.
محمود: مين الشخص ده
مسك: اسمه محمد الكيلاني ولما دورت عليه عرفت انه غني جدا وبعد مرتب كل حاجة معاه هروح على مصنع فرغلي اجيب الحديد علشان خاطر اشتغل
فارس بابتسامة: ماشي حبيبتي اطلعي خدي دش ونامي
مسك بابتسامة: حبيبي يا فروستي
قبلت مسك الجميع وصعدت إلى غرفتها وأخذت دش ونامت بتعب.
في صباح اليوم التالى
صحيت مسك وأخذت دش ولبست بنطلون اسود و بدي احمر و جاكت اسود
نزلت مسك وجدت امها تجهز الفطار فاخذت سندوتش و خرجت بعد ان ودعت امها و ابيها
فارس: تعرفي ان مسك دعوة امي و جدتك
لمار: ربنا يخليها لينا و يحميها يارب
فارس: امين يا رب
لمار: فارس هو انت نفسك ترجع لعيلتك
فارس بتنهيدة: أمنية حياتي ارجع نفسي احضن امي و نام في حضنها
لمار: يا رب اجمعك بيهم على خير
فارس: يا رب يا حبيبتي.
لمار بخوف: فارس لو خيروك تاني بينهم و بيني ه
فارس بجدية: مفيش وجه مقارنة زمان انا اخترت وكان و نعمة الاختيار كنتى ونعمة الزوجة و الحبيبة و الام و ربنا رزقني ببنتين ذي القمر ربنا يخليهم ليا و يبارك في عمرك يا احن الناس وكمان تفتكري فريد بيه البحيري هيقبل يرجعني بعد 20 سنة شكلك نسيتي مين هو عمره ميغفر و لا يقبل انه يخضع للأمر الواقع.
لمار: بس شكل اللي جم يسالو عليك من اسبوع كان الشخص اللي كلم مسك عاوز شغل
فارس: صح الحمد لله يا قلبي انا هنزل الورشة عوزة حاجة
لمار بحب: منحرمش منك يا حبيبي
فارس بغمزة: متسيبك من الكلام ده وتعالي اقولك كلمه سر
لمار بكسوف: انزل يا فارس الورشة
فارس بضحك: تعالي بس هي الورشة هتروح فين وبصراحة البيت فاضي و النهار هيبقي عسل وبراحتنا على الآخر
لمار: انت ناسي كندا.
فارس بضحك: شكلك انتى اللي نسيتي ان كندا بايتة مع ادم تعالي بقي يا موزة
سحبها فارس خلفة وتوجهو إلى غرفة نومهم يستمتع بقرب زوجتة منه.
عند مسك
وصلت مسك المكان المتفق عليه وجدتها فيلا كبيرة و الحرس يحاوطوها من جميع الجهات
مسك بتعجب: هو واحد ذي ده عاوز مني انا ايه ده ممكن يسلم الفيلا لأي مكتب هندسة هيسلمها فبريكة الموضوع في انه هو ادم اللي هيجيب الناهية
اتصلت مسك على ادم وحكت له ما يحدث
ادم بعصبية: مسك اوعي تدخلي ده شكله كمين ليكي
مسك: ليه انا ليه.
ادم: مش عارف المهم خليكي مكانك وانا جاي ولا اقولك تعالي حبيبتي وعتذري من الراجل ده ونروحلة بكرا مع بعد
مسك: بس ادم
ادم بغضب: انا قولت ايه تعالي حالا البيت
مسك: حاضر براحة والله مش هدخل هروح مصنع الحديد
ادم: ابعتي اللوكيشن وفتحي الموقع
مسك بضحك: يعني الباقة عليك
ادم بضحك: عليا يا واطية يالا حالا تعملي اللي قولت عليه.
اغلقت مسك وفعلت ما طلبه ادم واعتذرت من محمد الكيلاني وتوجهت إلى مصنع الحديد ولكن للقدر رأى اخر.
عند فارس
كانت لمار تنام بكل راحة بين أحضان فارس بعد جوله من العشق و الرغبة بينهم
فارس بابتسامة: مالك لولو
لمار بابتسامة: مفيش
فارس: انا اللي مربيكي لمار وعارف عنك اكتر ما انتي عارفة حالك
لمار: بصراحة قلبي مقبوض وخايفة
فارس وهو يضمها لحضنة: متخفيش بإذن الله خير تعالى بقي اقولك باقي الكلمة السر
لمار بضحكة رنانة: انت مش بتشبع كلام
فارس بعشق: هو بعد الضحكة ديه في كلام لازم فعل على طول.
لمار بعشق: بعشقك فارس بعشقك من صغري كنت بتهتم بكل حاجة ليا ربنا يخليك ليا انت ابويا و اخويا و صاحبي و ابني وابو بناتي انتى مالك قلبي و روحي و جسمي ربنا ميكتب بينا الفراق ابدا
فارس بعشق: اللهم امين يا بنوتي الحلوة
جاء فارس ليقترب منها ولكن قطع ذلك صوت رنين الباب فنظر لها بغيظ
فارس وهو يرتدي ملابسه: فقرتي يا ختي بلا وكسة نسوان تغم
لمار: فارس البس التيشيرت.
فارس بغيظ: مش لابس يمكن يخلي عنده دم ويفهم و يسبنا نكمل
خرج فارس من الغرفة وهو يسب ويلعن في الطارق
توجه فارس إلى الباب و فتحة ولكن ذهل من الأشخاص الذين يقفون أمامه.