رواية بنت الحداد للكاتبة أماني فهمي الفصل الرابع والعشرون
في قصر الشيطان
توجهت مسك و عمار إلى قصر الشيطان وصلت مسك و اسرع الحرس بفتح البوابة و سمحو لها بالدخول
ماكس: اهلا و سهلا مسك
مسك بضحك: الاهي تنستر معنكش اكل انا و الواد ده جوعانين اوي
ماكس بضحك: ههههههههههه في يا قلبي لحظة واحدة و الخدم يجهزو الاكل عوزة حاجة معينة
مسك بضحك: لا يا خويا عوزة اكل و بس حتى لو هتدبح اي حد بس ناكل
عمار: اه بسرعة قبل مناكلك
ماكس: هو قصر البحيري مفيش فيه اكل.
مسك: حصل شو درامي بس الحمد لله
ماكس بفضول: حصل ايه ها احكي عقبال الاكل ميجهز
مسك بضحكة: يا بني انت زعيم مافيا مش واحد عادي
ماكس بضحك: لا انا مع الكل زعيم مافيا إنما معاكي انتي عادي
مسك: اشمعنا
ماكس: حاسك ذي بدوري على حاجة و بتوصليلها و لازم تنفذي حتى لو هترمي نفسك في النار
مسك بجدية: شكلك شفت كتير في حياتك
ماكس: انا مكنتش زعيم مافيا و لا حتى ابويا و لا حد من عيلتي
مسك باستغراب: امال حصل ايه.
ماكس: قتلت زعيم مافيا خطف اختي و عتدي عليها علشان كده قررت اقتلة و مهتمتش باي حاجة غير ارجع شرف اختي و لما قتلتة لقيت زعيم المافيا الكبير امر رجالتة انهم يجبوني عنده و لما رحت خيرني بين موت اهلي كلهم و بين امسك زعامة مافيا فقررت احمي اهلي من الموت و العذاب و قبلت بس عمري مقتلك حد و لا وسخت ايدي بالدم بس ساعة غضبي الكل بيخاف مني علشان كده خت لقب الشيطان.
مسك بابتسامة: مش خايف مني و ليه بتحكي الكلام ده كله
ماكس بابتسامة: سنين شغلي في المافيا و قبلها خلتني افهم الناس اللي قدامي و انا واثق فيكي و عارف انك بتعملي كل حاجة علشان توصلي للحقيقة
مسك بابتسامة: و أين هي الحقيقة
ماكس: لا تستهيني بعقول الآخرين
مسك بضحكة: و انت لا تلعب مع بنت الحداد
عمار: معلش بس هو فين الاكل
ماكس بضحك: سوف يأتي لا تقلق.
لحظات و قد اتت الخادمة تخبرهم بتجهيز الطعام فذهب عمار و مسك إلى الطعام بفرحة فضحك ماكس عليهم
ماكس بضحك: كده عرفت اخركم شوية اكل
عمار و هو ياكل: انا ممكن ابيع ابويا علشان اكله حلوة
ماكس بجدية: بس اوعو تبيعو بعضكم
مسك بثقة: احنا اه بنهزر و بنضحك بس رجالة
عمار بثقة: احنا روح واحدة في جسمين
ماكس: الرب يحميكم
مرت فترة و كان ماكس يجلس خلف مكتبة و ميك و عمار يجلسون علي كنبة و يقرئون التقارير.
مسك: برادو موصلتش اللي انا عوزاه
عمار: كل ده يا مسك و موصلش
ماكس: مش فاهم مسك انتي عوزة توصلي لايه
مسك: لو طلبت منك شوية رجالة بس من غير استعمال السلاح توافق
ماكس: كل رجالتي من اول دراعي اليمين لغاية اخر راجل و انا شخصيا تحت امرك
مسك: ليه
ماكس: ليه ايه
عمار: ليه عاوز تساعدها
مسك: انا معملتش معاك حاجة لكل ده تفتح بيتك لينا و اكل و شرب و رجالة
ماكس بابتسامة: علشان انا بعملك ذي اختي.
مسك: مش عوزاك تزعل مني ولا تقاطعني مهنا عرفت
ماكس بحنان: اوعي تفتكري اني مش فاهم اللي قدامي انا في ظهرك مسك لغاية العمري
عمار: شكرا ماكس يالا حبيبتي
مسك بابتسامة: شكرا ماكسو باي
ماكس: باي ميكو و رجلتي في خدمتك وقت متعوذي
خرج الشباب و توجهو لشراء بعض المواد الخام الخاصة بالعمل و قد قررو الذهاب لمصر لشراء جميع الأشياء التي يرغبون بها و لكن بعد انتهاء الامتحانات.
اتصل يوهان على مسك حتى تأتي إلى الفيلا ليشاهد ما حدث في التجهيزات حتى الآن
اتصلت مسك بدورها على الفريدو حتى يقابلها في الفيلا و بالفعل توجه إلى هناك
اشاد يوهان بجمال الألوان و أشكال الحديد و تشكيلة و طلبت كسك منه تطويل المده لنظرا لخضوعهم للامتحانات فوافق
و عادو إلى القصر حتى يرتبون اولوياتهم.
في مصر، خصوصا في الغردقة
وصل ايار إلى مصر منذو اسبوع و وجد الكثير من المشاكل فاخذهم مشكلة مشكلة و لكن عندما يغلق مشكلة تظهر مشكلة أخري لدرجه انه تم القاء القبض عليه
ايار بغضب: انا عاوز اعرف انتم قبضين عليا ليه
الضابط ببرود: و كل المصايب اللي معموله ديه ملهاش حساب
ايار بغضب: انا مالي حاسبو المسؤل
الضابط ببرود: و المسؤل ده بينفع أوامر مين مش اوامرك حرام تشيله الليلة.
ايار بهدوء: هو ليه وكيل النيابة مش بيتحقق معايا
الضابط ببرود: لانه مش فاضي
ايار: مش فاضي ليه وراه ايه
الضابط بضحك: عقبال عندك يا رب بيجوز بنتة
اسار بغيظ: نعم يا روح امك بيجوز بنتة و سايب الشغل
الضابط ببرود: انا مش هحاسبك على كلمة روح امك لان كل شخص لازم يفتخر انه روح امه و انت كمان روح امك و ابوك بس انا هفهمك كل محافظة ليها وكيل نيابة و قاضي و ادام وكيل النيابة مرفعش القواضي للقاضي يبقي مفيش قضية فهمت.
ايار: بصراحة مش مستوعب طيب عاوز اطمن علي اهلي ممكن
الضابط بزعل: انت فاكر اني قلبي حجر و مش بحس لااااااااا ايار انت كده زعلتني منك بس معلش علشان المسلسلات و الأفلام خلكم تاخدو فكرة وحشه علينا بس هقولك اهلك كل يوم بيكلموك و يطمنو عليك و انت كمان بتطمن عليهم عن طريق الواتس اب
ايار: طيب معلش هو ده منظر قسم
الضابط بضحك: انت في الغردقة يا ايار مش في اي حته تانية
ايار: تمام تمام ممكن عاوز قهوة.
الضابط ببرود: لونها غلط على صحتك لكن ماشي هجيب ليك
خرج الضابط و ترك ايار يعيد حسباته من جديد من وراء كل هذه المشاكل.
في الخارج
اتصل الضابط على إحدي الأرقام و تحدث معها ككل يوم يطمنه بالجديد
الضابط بضحك: صاحبنا هيولع
الرد بضحك: خليه يتربي
الضابط بضحك: اوامرك يا كبير
الرد: تسلملي يا باشا
الضابط بضحك: اسيبك انا بقي
الرد: سلام
اغلق الضابط مع المتصل و امر احدي العساكر باحضار قهوة و دخلها لايار.
في قصر البحيري
وصلت مسك و عمار إلى القصر و توجهو إلى الداخل و صعدو إلى الأعلي حتى يطمانو على امهم
مسك بشقاوة: ام مخيمر اخبراها ايه
لمار بزعل: متقوليش علي ابني الاسم ده
عمار بمشاكسة لبه بس يا ام عتريس
فارس بضحك: هحرق دمكم و هجيب الواد
مسك بعظمة: و الله يا فارس لو كل يوم خلفت بنت و ولد عمرهم مهيكونو ذي مسك البحيري هيفضلو في ظل مسك البحيري للابد.
فارس بابتسامة: و انا يوم المني عندي لما عيالي يبقو في ظل اختهم الكبيرة اللي عارفة الصح من الغلط
مسك بابتسامة: مش بتثبت يا بن البحيري
فارس ببرود: عاوز اعرف بتعملي ايه طول اليوم برا القصر و خصوصا ان الجامعة مش شغالة علشان الامتحانات قربت.
مسك ببرود: عمرك مهتوصل لدماغي يا والدي العزيز انا بلا فخر مسك البحيري مسك اللي دوخت اكبر الرجال مسك اللي لعبت مع النار و متحرقتش اعرف دايما انك مخلف بنت بمليار راجل خليك دايما عارف ان الغلط ممنوع في قاموسي
فارس بفخر: و انا واثق في تربية ايدي بس غصب عني لازم اخاف عليكي انتي حته من قلبي انتى بكريتي حافظي على نفسك يا بنت عمري
مسك بابتسامة: حاضر يا حبيبي ربنا يجعلك سندي و ظهري لاخر العمر.
ضمها فارس لحضنة و جلس و جعلها تجلس بين أحضانة فوضعت مسك رأسها على صدره و اغمضت عيونها
كانت لمار و عمار ياكلون الفواكة و يشاهدون ما يحدث مع مسك و فارس كأنهم يشاهدون فيلم عربي رومانسي لعمرو الشريف و فاتن حمامة
عمار بحزن: يا خسارة الفاكهة خلصت
لمار بحنان: روح يا مودي الثلاجة مليانة هات و تعالي
عمار بفرحة اهبل: ماشي
اسرع و قام باحضار بعض الفواكة و عاد للجلوس بجوار لمار يطعمها و ياكلو هو.
في جناح ادهم
كان يجلس بجوار فلك بعد ان امر بعد أخبارها بالاجهاض لأنهم بالأساس لن يعرفو اصلا
جاءت جي جي و نظرت له بدموع فاسرع لها و ضمها لحضنة و قبل خدها و شفايفها بكل حنان
ادهم: حبيب بابي مالو زعلان و بيعيط
جي جي: انا عوزة مامي انت مش حلو
ادهم بزعل: انا مش حلو جي جي خلاص انا زعلان
جي جي: انت زعلان على زعل مامي منك هي على طول بتعيط و بسمعها بتكلمك في الصورة و بتقول انك مش بتحب مامي و بتفضل تعيط.
ادهم بحزن: حقك عليا حبيبتي انا الصبح هنسافر انا و مامي و الحلوة جي جي
جي جي بفرحة: بجد بابي
ادهم بحنان: بجد يا روح بابي
جي جي بفرحة: هنروح فين البحر صح
ادهم بابتسامة: ماشي حبيبتي
جي جي بفرحة: انا هخلي الدادة تجهز هدومي
جريت جي جي إلى غرفتها حتى تجهز شنطة ملابسها
ادهم بحزن: اسف حبيبتي اسف اني اهملتك اسف اني حزنتك اسف فلكي اسف يا حب عمري
دخلت لينا الجناح و لا كأنها هي السبب في مقتل حفيدها.
لينا: ايه ادهم هتفضل قاعد كده كتير
ادهم بغضب مكتوم: و حضرتك مش حاسة باي تأنيب ضمير انك السبب في قتل حفيدك
لينا: و انا مالي الخدامة الغبية هي اللي اتصرفت من دماغها.
ادهم بغضب و صوت عالي: و الخدامة اتصرف من دماغها و لا من اوامرك انتي كنتى عاوز ايه كنتى عوزة تسقطي طنط لمار اهو ربنا عقبني بسببك و خسرت ابني فوقي بقي و عرفي انك غلط ابويا خسرتيه من زمان بسبب تكبرك و غرورك حتى عمي فارس خلتية يسب البيت و يبعد عن عيلته حتى ولادك ضيعتهم شوفي فريدة نسخة طبق الأصل منك مغرورة و متكبرة و تافهة احسن حاجة جدو بيعملها انه بيضم الشباب تحت ايده و لا كان زمان يوسف مبهدل الدنيا بس بيخاف يعمل حاجة غلط فريد البحيري يعاقبو.
لينا بغضب: انت اذاي تتكلم معايا بالاسلوب ده انت ناسي اني امك و لا اتعلمت قله الادب و السفالة من بنت الخدامة
ادهم بغضب أعمي: بنت عمي من نسل البحيري و امها طول حياتها معملتش كوباية شاي لحد كفاية بقي
حازم بجدية: لينا ورايا و انت ادهم اهتم بمراتك و اوعي تضيع يوم من حياتك
لينا بسخرية: اسمع كلام ابوك هو خبره
حازم بسخرية: اه ادهم اسمع كلامي على الاقل لقيت هنا الحب و العشق لكن غيرك لقاه برا القصر.
لينا: تقصد ايه حازم
حازم ببرود: هتعرفي في الوقت المناسب
خرج حازم و اسرعت لينا خلفة تنهد ادهم و لف جسده وجد تبكي فاسرع إليها
ادهم بحنان: حمد لله على السلامة يا قلبي
فلك بدموع: هو انا كنت حامل
ادهم بحنان: ربنا هيعوضنا بالخير
فلك بدموع: الحمد لله الحمد لله
ادهم بحنان: يالا حبيبتي قومي خدى دش و جهزي نفسك علشان هنسافر احنا الثلاثة نقضي احلى اسبوع في البحر.
فلك بدموع: انت دلوقتي بتعوض اللي امك عملته و لا علشان صعبت عليك
ادهم بحنان: اسف حبيبتي حقك عليا اني قصرت معاكي و وعد مني هفضل احبك باقي عمري
فلك بدموع: يعني انت بجد بتحبني
ادهم بعشق: و الله العظيم بعشقك حقك عليا تعالي ننسي الايام اللي فاتت و نبدأ من جديد
فلك بابتسامة: ماشي دومي
ادهم بعشق: و حشتيني يا قلب دومي
فلك بفرحة طفلة: هروح فين بقي
ادهم: انا تحت امركم شوفي عاوزة تسافري فين.
فلك بدلع: عوزة اسافر المالديف
ادهم: اوامرك يا فلكي
مسك ادهم الفون و تصل على المطار لتجهيز الطيارة للسفر إلى المالديف
قامت فلك بتجهيز شنطة السفر و لكن وجدت نفسها تحمل بين احضان ادهم الذي كان ينظر لها بعشق
فلك: ادهم في ايه
ادهم بعشق: و لا حاجة عندنا موضوع مهم جدا
فلك بدلع: و الشنط
ادهم بغمزة: هنرتبها بعدين يا موزة.
وضعها ادهم على السرير بكل حنان و اقترب منها ينعم بقربها و يزيد من التمتع معها حتى ينسيها ما فعله معها.
في قصر المالكي
اخذ ليث فرسته و نطلق بها كالمعتاد و نزل و وقف أمام البحيرة و تنهد و اخرج من جيبة سلسلة جميلة تحمل قلب صغير بيه صورتها
ليث: وحشتيني اوي اوي يا قلبي كده تخلفي بوعدك بس انا مش زعلان منك عارف انك كنتي صغيرة و انا اللي خلفت بوعدي علشان مجتش تاني يوم بس غصب عني تعرفي اني كل سنة في نفس الوقت بروح نفس المكان و سألت عليكي محدش عرفك
مروان: هي لسه السلسلة ديه معاك
ليث: اه معايا.
مروان: انساها بقي
ليث: للأسف الشديد مش هقدر انساها
مروان: حبتها
ليث: عشقتها كل لحظة بتمر عليا عشقها بيزيد في قلبي اكتر و اكتر
مروان: عارف انا معني العشق ده
ليث: انت بتحب دارين اوي
مروان بعشق: بعشقها اوي اوي من اول لحظة حملتها بين ايدي و حبها نزل في قلبي من عند ربنا
ليث: اهو انت اللي قولت حبها اتزرع في قلبك من غير تكلف و انا حبتها اوي اوي مروان.
مروان: بس انا خايف ليث خايف تفضل تدور طول العمر و متلقهاش هتعمل ايه
ليث بتنهيدة: مش عارف مش عارف بس اللي اعرفة انها قريبة مني اوي
مروان: اذاي ليث
ليث بتنهيدة: عارف البنت اللي لقتها و جت هنا اول مشلتلها حسيت احساس غريب و يا ويلي من عيونها اللي زلزلت كياني و رجعت الروح في قلبي
مروان: اهدي يا صاحبي بإذن الله خير قول يا رب
ليث بتنهيدة: يا رب اجعلها من نصيبي
اغمض ليث عيونة و نام على الارض و نام مروان بجواره.
كل شخص يفكر في معشوقتة التي سرقت النوم من عيونه.