قصص و روايات - قصص رومانسية :

رواية بنت الحداد للكاتبة أماني فهمي الفصل الخامس

رواية بنت الحداد للكاتبة أماني فهمي الفصل الخامس

رواية بنت الحداد للكاتبة أماني فهمي الفصل الخامس

في ألمانيا
تم تجهيز مسك البحيري لمسواها الاخير ودفنها تحت بكاء بنات العائلة و صمود الرجال بقوة حتى لا ينهارو
وقف جميع رجال الأعمال في الدفنة بجوار عائلة البحيري
وفى الليل تم فتح القصر لتقديم واجب العزاء في الفقيدة.

في مصر وبعد مرور 4 سنوات
حدث خلال تلك السنوات اشياء كثير جدا منها
دخلت مسك كلية الهندسة قسم حديد و صلب
دخل عمار كلية الهندسة قسم ميكانيكا
توفي فاروق الالفي وحزن عليه الجميع
حاول شادي التقرب من مسك ولكن لم يجد منها اي استجابة فقرر ان ينزع حبها من قلبه وان يعثر على حب حياته
تعين ادم في احدي الجهات الامنية وأثبت كفائته
تخرجت نور من كلية اعلام قسم إذاعة و تلفزيون.

امسك ادهم و احمد مؤسسات البحيري بجوار الكبار
امسك سالم و سلمي مؤسسة المنصوري بجوار امهم سما البحيري
تزوج ادهم من فلك ابنه عمته ورزق منه بفتاة جميلة
مازال فريد يبحث عن مكان فارس
بني ايار السلاب مؤسسة عملاقة خاصة بيه بمفردة بعيدة عن مؤسسة العائلة
اما ميرا السلاب فتم خطوبتها على ابن عمها ياسر
اما فريد السلاب تؤام ميرا فعمل مع شقيقة ايار
اما فارس فهو اشتاق لاعائلتة.

زادت شهرة مسك في المنطقة من حيث شغلها في الحديد و جمالها الذي كان سبب كثير من المشاكل.

في صباح يوم جديد
صحيت مسك وأخذت دش بارد وتؤضات وخرجت تصلي وبعد انتهاء الصلاه ارتدت عباية باللون الاسود و خرجت وجدت امها و ابوها مازالو نائمين فنزلت إلى الشارع
احضرت الفطار و كيس فينو وجبن وعادت وتوجهت إلى المطبخ تحضر الفطار للجميع و وجبة إفطار شقيقتها
لحظات وخرجت لمار من الغرفة وجدت مسك مجهزة الفطار فبتسمت بحب و توجهت إلى المطبخ
لمار: صباح العسل ميكو
مسك بابتسامة: صباح الورد لولو.

لمار: صحيتي امتي ونزلت وانا محستش بيكي
مسك: عادي المهم انا هروح البس و انتى بس اعملي ليا النسكافية
لمار: ماشي حبيبتي
غادرت مسك المطبخ وتوجهت إلى غرفة كندا و جدتها ترتدي ملابسها فبتسمت لها وعادت إلى غرفتها ولكن أجبرت على اخذ دش مرة أخري لان العصير انسكب عليها
بعد فترة لبست بنطلون اسود و بدي اسود وجاكت ورفعت شعرها إلى الأعلي وخرجت
فارس بابتسامة: صباح الورد والياسمين على احلى بنات في الدنيا.

كندا بشقاوة: صباح العسل بابتي
مسك بمشاكسة: صباح القشطة فروستي
لمار بغضب: هو فروستي انا وبس
مسك بمشاكسة: كفاية حقد بقي وسيبي الراجل لينا
لمار بزعل: كده ماشي انا هسبكم خالص
فارس بسرعة و حنان: وانا اموت لو روحي سبتني اهون عليكي يا دلوعتي
لمار بحب: بعد الشر عنك وانا قاعدة على قلبك وعمري مهسيبك انا كنت هروح اجيب القهوة ليك واللبن لكندا و النسكافية للمزغودة.

مسك بضحكة رنانة: مترحم يا عم فارس جو العشق الممنوع ده
فارس وهو يقبل لمار: وعشق ممنوع ليه وهي حلالي وبراحتي اعمل اللي عاوزة
مسك: اتكسف احنا قعدين
فارس بابتسامة: قومي ياختي من هنا
كندا: الباص جيه يالا انا همشي
مسك: كوكو خدت السندوتشات بتاعتك و العصير بتاعك في العلبة وكمان ده مصروفك ومش عاوزة مشاكل في المدرسة
كندا: حاضر حاجة تاني
فارس بحنان: لا يا عمري انزلي يالا
مسك: تليفونك مشحون وفيه رصيد.

كندا: اه مشحون بس يعني
مسك بابتسامة: خلاص يا عمري هحولك رصيد يالا انزلى
نزلت كندا و غادر الباص بها إلى المدرسة
مسك: انا عندي كذا محاضرة هخلصهم على طول وهرجع علشان في شغل كتير في الورشة
لمار: مش كفاية شغل في الورشة بقي كده كتير الناس كلها بتقول عليكي راجل
مسك بمشاكسة: بقي بذمتك يا ختي في راجل موز كده وشعره لاخر ظهرة وعيونه حلوة ومليان أنوثة متفجرة.

فارس بتقيم: لا بصراحة بس بتقفي ارجل من اي راجل يالا روحي علشان متتاخريش
مسك بابتسامة: اشطا انا هخلع بقي لا إله الا الله
لمار بابتسامة: سيدنا محمد رسول الله
فارس بابتسامة: سيدنا محمد رسول الله لما توصلي رني علشان اطمن
مسك بابتسامة: تمام
لمار: متنسيش تحولي رصيد لاختك وبراحة وانتي سايقة
مسك بابتسامة: تمام يالا باي عموري تحت
نزلت مسك إلى الشارع و اخرج الريس ووجدت عمار ينظر لها بغضب واخذ هو الآخر الريس.

ملك مسك
ملك عمار
وتوجهو إلى الجامعة فهما في نفس الكلية ولكن أقسام مختلفة.

في كلية الهندسة
وصل الشباب إلى الكلية ووجدو باختلاف الانظار المتسلطة عليهم دائما حركة غريبة جدا
مسك: هو في ايه
عمار: مش عارف تعالي نشوف
توجه الاثنين إلى الداخل
عمار: شريف في ايه
شريف: صباحو شباب
مسك: صباحو أنجز في ايه
شريف: اوف منك المهم في رجل أعمال جاي النهاردة الجامعة و القاعة الكبيرة هتنفتح
مسك: والباشا ده بيبيع ايه.

شريف: بيبيع ايه المهم الباشا اللي جاي عنده مصنع حديد وصلب يعني تخصصك و عنده مصنع سيارات يعني تخصصنا و المتفوقين بس و اوئل الدفعة هينزلو تدريب في المصانع
مسك بلا مبالاه: عادى يعنى المهم يعني مفيش محاضرات
شريف: الندوة ساعتين او ثلاثة
مسك بضحك: ليه هيحكي تاريخ حياتة
عمار: المهم اننا هننزل نشتغل عملي في مصنع مهم يالا ميكو
مسك بضحك: ونبي هتلاقيه مبيعرفش يفرق بين انواع الحديد يالا يا خويا اهي ايام وبنعشها.

توجه الثلاثة إلى مكان الندوة وكان شريف حاجز مكان في الاول حتى يجلسو عليها غائبين عن ذلك الشخص الذي يقف خلفهم يستمع لكل كلمة قالتها تلك الفاتنة وأمر رجالة بإحضار بعض الاشياء وتوجه إلى الندوة بعد مجي رئيس الجامعة.

في الندوة
جلست مسك بجوار عمار وشريف بجوار عمار وكانت مسك في الخارج حتى لا يجلس بجوارها اي شخص اخرجت مسك التليفون و حولت لكندا رصيد وتأكدت انه وصل وأغلق التليفون ووضعته في جبها
لحظات ودخل رئيس الجامعة و رؤساء الأقسام ودخل معهم رجل الأعمال و الحرس.

رئيس الجامعة: صباح الخير يا مهندسين معانا النهارة رجل بمعني الكلمة وهو كان في يوم مكانكم هنا وشرفني انه كان من ضمن الطلبة رحبو برجل الأعمال و المهندس كمال نور الدين
سفق الكل بحفاوة له ولكن عيونه كانت تبحث عن تلك المشاكسة إلى ان وقع عيونه عليها فبتسم.

كمال بجدية: شكرا جدا ليكم انا جاي النهاردة من علشان احكي تاريخ حياتي انا جاي النهاردة قدي فرصة كويسة ليكم و لمستقبلكم سمعت شخص بيقول اني مش بعرف في انواع الحديد بالعكس انا عارف انواع كويس لانها شغلتي و شغله عيلتي من قبلي علشان كده انا حابب اعرف الشخص اللي قال كده بيعرف هو انواع الحديد و درجة انصهارة ولا ايه علشان كده انا طلبت من الحرس يجيبو حديد بمختلف انواعة وهطلب دلوقتي حالا من الشخص ده يعرفني انواعة قدام الكل.

عمار بهمس: الموزة اللي هتنفضح دلوقتي أخبارها ايه
مسك بهمس: اخرس يا حيوان
كمال: انتى اتفضلي عرفي زمايلك و عرفينا انواع الحديد ودرجة انصهاره
شاور كمال على مسك فاخذ الجميع يلتفت وينظرون لبعضهم ولكن لن تتحرك مسك فشاور كمال لاحد الحرس الذي توجه إليها و طلب منها التوجة له وبالفعل وقفت مسك وتوجهت إلى مكانة ووقفت وهي تضع اديها في جيوب البنطلون
كمال: انتى قسم حديد وصلب صح.

دكتور: طبعا ديه الاولي على الدفعة طول السنين و ممتازة جدا
كمال بابتسامة: اسمك ايه
مسك بابتسامة: مسك مسك البحيري
كمال بتلزز: مسككك
كمال بجدية: احم ورينا بقي انواع الحديد ودرجة انصهاره
احدي الطلبة: متخفش يا باشا الموزة بتعرف كويس اوي ديه عندها ورشة حدادة
كمال بانبهار: هايل يعني زميلة كفاح
مسك ببرود: هنشوف اللي ورانا
دكتور بشدة: مسك
مسك بسماجة: نحم
كمال: اتفضلي ورينا.

نظرت مسك للحديد وبتدا تمسكه وتشرح كل نوع و درجة انصهارة بكفائة عالية تحت انبهار كمال و الدكاترا و الطلبة
مسك ببرود: بتهيقلي كده تمام
سحبت مسك المنديل الخاص ببدلة كمال و مسحت اديها واعادته مكانة وعادت تجلس بجوار عمار
كمال بجدية: تمام بجد ابهرتيني علشان كده جهزي نفسك للتدريب في المصنع وطبعا معاها الطلبة الكفئ
انتهت الندوة وغادر الجميع وتوجه الاتنين إلى الكافيتريا
عمار بضحك: بس حركة حلوة بتاعة المنديل.

مسك بضحك: عيب عليك ياض انا مسك
عمار بضحك: انتى مصيبة
مسك: روح هات اكل جعانة ياض
عمار بغيظ: كفاية كلمة ياض ديه علشان مضربكيش
مسك بابتسامة: موري جعانة
عمار: حاضر وامري لله
توجه عمار واحضر اكل لها وله واخذو ياكلو وبعد ذلك توجه كل منهم لمكان محاضراته.

بعد مرور اسبوع
عادت مسك من الجامعة واخبرت والدها بالتدريب في المصنع الذي بموجبه سيوضع جزء من أعمال السنة فقوافق على ذهابها
استمرت مسك و عمار في الدراسة بين الجامعة و التدريب في المصنع و العمل في الورشة ولم يقصر أحدا منهم في الدراسة.

في مصنع نور الدين
كان العمال يقفون بغضب و ستياء من تعطيل الشغل بسبب تعطيل مكنة مهمة تعتبر تحمل نصف إنتاج المصنع
كمال بغضب: يعنى ايه كل شويه الماكنة ديه تتعطل
المهندس: والله يا كمال بيه معرف احنا بجد زهقنا
كمال للسكرتيرة: اتواصلي مع الشركة الألمانية وخليهم يجو بسرعة ياما هرفع قضية عليهم
السكرتيرة: امرك كمال بيه
كمال: الطلبة اللي بتدرب سابو المصنع صح
السكرتيرة: في بس أربعة بين هنا ومصنع السيارات.

كمال: مش الامتحانات شغالة
السكرتيرة: ايوة يا فندم شغالة بس هما بيقولو بيعرفو يرتبو وقتهم كويس
كمال: تمام روحي انتي.

بعد مرور اسبوع، في مطار القاهرة الدولي
العن المطار عن وصول الرحلة الخاصة القادمة من ألمانيا ونزل منها مجموعة من الحرس و معهم احدي رجال الأعمال وتوجهة إلى الفندق.

في منزل مسك
مسك بزن: يا فارس وافق بقي حرام عليك
عمار: ايوة وافق احنا مطحون طول السنة وجيه وقت الراحة
كندا: علشان خاطري بابتي
محمود: وافق فارس بقي العيال تعبو الفترة ديه اوي
على: ايوة صح احنا عوزين نصيف ونعنش
فارس: كفاية ارف خلاص موافق
مسك بصراخ: يعيش فارس يعيش فارس
عمار بفرحة: و الله انت احسن من ازازة سفن اب
نور: يالا بسرعة نشوف ايه اللي ناقص.

كندا: كل حاجة جاهزة وفاضل شوية حاجات بسيطة نزله واحدة وهتبقي الحكاية كاملة
فارس: انتم مرتبين كل حاجة بقي طيب الحجز
مسك: يوم الخميس السفر و هنرجع يوم الخميس اللي بعده
فارس بغيظ: يعني انتى حاجزة
مسك: طبعا يا وحش
محمود: تمام يعني فاضل يومين ونخلص
مسك: انا بكرا هروح المصنع علشان اعرفهم اني مش هروح تاني وبعد كده هنزل مع الشباب نجيب الحاجات الناقصة
فارس: ماشي.

في صباح اليوم التالى
توجهت مسك إلى المصنع وكان كمال ومجموعة من المهندسين في انتظار الفريق الألماني للوصول للمصنع
لحظات ودخل اسطول سيارات إلى المصنع و تم استقبالهم و توجهو إلى الماكنة
كمال: نورت مصر ادهم بيه
ادهم: مصر منورة بيكم خير
كمال: الماكنة الرئيسية عطلانه وديه مش اول مرة كل تأخير بنخسر ملايين
ادهم: هنشوف ولو الغلط من عندنا يبقي هيتصلح ولو من عندكم يبقي ملناش دعوه.

كمال بعصبية: انا مش هقبل بتصليح انا معايا عقد ويلزمك بماكنة جديدة
ادهم ببرود: اهدي بس أعصابك وهنشوف
شاور ادهم للفريق المختص وبالفعل توجهو إلى الماكنة واخذو يكشفون عليها ولم يجدو العطل نابع من المصنع
كمال بشماتة: انا عاوز ماكنة جديدة وهتتدفع الشرط الجزائي كمان
ادهم بصدمة: انت بتقول ايه عاوز ماكنة 10 مليون و كمان تعويض انت بتهزر
كمال بثقة: يبق الشرطة تدخل
ادهم بعصبية: انت بتقول ايه.

مسك: اهدو يا شباب المسئلة بسيطة مش مستاهل كل ده
كمال بغضب: اخرسي انتى وغوري من هنا
مسك ببرود: هدي نفسك يا برنس الليالي علشان الليلة من عندك والغلط راكبك وبعت للجماعة وانت اللي غلطان
مدير اعمال ادهم: انتي بتقولي ايه.

مسك: عمال المصنع من حوالى شهر قالو لرئيس العمال وهو قال للمهندس المسؤل وهو عمل فيها حريف و بيفهم وخرب في الماكنة و بوظها وممكن تتأكد لو عاوز من الكاميرات المنشورة في المصنع وكمان ضايع وردة وده اللي ممكن المهندسين محدش خد باله منه
ادهم باستغراب: انتى بتقولي ايه و وردة ايه ديه.

مسك: ديه الوردة اللي بتتحط في المسمار علشان تثبتة كويس وهي وقعت والمهندس مهتمش علشان كده كل شويه الماكنة تقف يعني الغلط غلط برنس الليالي
ادهم: انتى مين
مسك بابتسامة: انا مسك فارس
كمال بغضب وهو يمسك اديها: مشفش وشك هنا تاني والله لوريكي
ادهم بتدخل وهو يسحب يد مسك: اعقل كده وسيب اديها
مسك ببرود: متدخلش انت وبعد عارف كمال حركة مسكك لايدي ديه وعزة وجلالة الله لربيك عليها.

فى حركة واحدة كانت مسك هي من تمسك ذراع كمال وتضعه خلف ظهرة و تضغط عليه بشدة
مسك بغضب: اوعي تفكر مجرد تفكير انى سهلة او خرعة انا اقوي منك ومن مليار ذيك وخليك فاكر اني اسمي مسك فارس البحيري
تركت مسك ايد كمال وغادرت المصنع تحت ذهول جميع الناس ولكن كان ادهم و رئيس الحرس ينظرون لها بغموض
اخذت مسك الريس وغادرت سريعا حتى تاتي بكل شي خاص للرحلة
كما غادر ادهم و الحرس إلى الفندق.

في الفندق
دخل ادهم وجلس على أقرب كرسي وهو يتخيل أمامه مسك بكل حركاتها و كلامها وخصوصا اسمها
رئيس الحرس: ادهم انت شفت البنت اللي كانت بتتكلم في المصنع
ادهم: ايوة عمي ايزاك ديه كلها تيتة وهي صغيرة
ايزاك: سمعت اسمها مسك فارس البحيري
ادهم بفرحة: معقولة تكون بنت عمي فارس
ايزاك بابتسامة: اكيد بإذن الله هتطلع هيا
ادهم: انا لازم أبلغ جدي ده هيفرح اوي.

ايزاك: لا ادهم الاول لازم نتأكد مش نقوله و يفرح على الفاضي
ادهم: عندك حق جدو بعد موت تيتة وهو بقي متغير مش ذي الاول
ايزاك: بعد خروج فارس من البيت و تعب الهانم الكبيرة و موتها وهو تعب نفسيا و جسديا بس مش بيحب يقول
ادهم بامل: يا رب يا عمي تكون هي بنت عمي فارس جدو هيفرح اوي
ايزاك: انا أمرت الرجالة يعرفو كل حاجة عنها وبإذن الله خير يالا روح نام انت وسلمها لربنا
ادهم: حاضر وانت كمان روح نام.

ايزاك: ماشي تصبح على خير
توجه ادهم إلى غرفة النوم وتوجه ايزاك إلى البلكونة وجلس على الكرسي امام الشمس
ايزاك: وحشتني يا فارس يا رب تكون البنت ديه بنتك انت وحشتني اوي
اتصل علي احدي الرجال حتى يعرف ما توصل له ولكن مازال البحث مستمر.

الفصل التالي
جميع الفصول
روايات الكاتب
روايات مشابهة