رواية بنت الحداد للكاتبة أماني فهمي الفصل الثاني

رواية بنت الحداد للكاتبة أماني فهمي الفصل الثاني

في قصر البحيري
مر اسبوع وجاء عيد ميلاد دادة نورة فتجمع الأشقاء الأربعة و معهم سارا و احضرو الهدايا و التورتة و توجهو الى الملحق الذي يعيش بيه الخدم و على رائسهم دادة نورة وحفيدتها الوحيدة لمار
خبط حازم علي الباب و فتحت له لمار فبتسم لها و شاور لها بالصمت
دخلو خلف بعضهم البعض فأسرع فارس بالهتاف ابعتية كل سنة و انتي طيبة
ابتسمت نورة لهم بحب و حنان فهي من ربتهم.

حازم بابتسامة: كل سنة و انتي طيبة يا نونا
نورة بابتسامة: و انت طيب يا حازم
مالك بابتسامة: نونا إللى كبرت سنة
نورة بابتسامة: بس يا واد انا بصغر مش بكبر
فارس بحب: قلبي يا نونو كل سنة و انتي طيبة يا قلبي و عقبال مليون سنه
قدم حازم و مالك و سارا و سما الهدايا واكلو التورتة
مالك: انت يا زفت فين الهدية
فارس بتعالي: انا هديتي غير هدية محدش يتوقعها خالص
حازم: ليه يعني جايب ليها عريس.

سارا بضحك: و النعمة نونا عسل و الف واحد يتمناها
فارس: لا يا ظريف منك ليه انا جايب حاجة اكيد نونا نفسها فيها صح
نورة بفرحة: اوعي يا واد يكون اللي في بالي
فارس بحب: تروحي و ترجعي بالسلامة يا نونا و عقبال كل سنة
اخرج فارس ظرف يحتوي على اوراق و بسبور خاصة بنورة و اخذتهم منه بلهفة و فرحة
حازم: انت ياض ايه الظرف ده
فارس: نونا كان نفسها تعمل عمره بس انا هخليها تطلع الحج و تزور الكعبة و المسجد النبوي الشريف.

نورة بدموع: ربنا يفرحك و يكرمك و يرزقك بالي يريح بالك
سما: ايوة يا عم فارس نونا بنفسها بتدعيلك
فارس: ملكيش دعوة انتى ربنا يحبب فيا كل الناس
نورة بدعاء: ربنا يحببك فيك خلقه و يوقفلك ولاد الحلال و يعملك الصالح و يرزقك بالذرية الصالحة و تكون ظهرك و سندك و يرزقك بالبنت اللي ترفع راسك و تحميك و تكون سر سعادتك و اسمها يبقي اقوي من اي راجل
فارس بحب: ربنا يخليكي ليا يا قلبي وتفضلي تدعيلي دايما.

حازم: كل سنة و انتي طيبة يا دادة
نورة: وانت طيب يا حازم
مالك: كل سنة و انتي طيبة يا نونا
نورة: و انت طيب يا مالك
مسك بابتسامة: كل سنة و انتي طيبة يا ماما نورة
نوره بابتسامة: و انتي طيبة يا مسك ربنا يرزق العيلة ديه بنسخة تانية منك
فارس بضحك: لاااااااا احنا عوزين نسخة واحدة و بس
مسك بزعل: مش انت واعدني يوم متتجوز هتجيب مسك
فارس بحب: اوعدك يا اغلي الناس على قلبي ان اول بنت ليا هتبقي المسك.

مالك: ايوه يا عم محدش قدك
سما: طيب احنا هنمشي يالا فارس
فارس: روحو انتم وانا شوية وهاجي
حازم: تمام يالا بينا يا جماعة
غادرو و تركو فارس مع الدادة و لمار
فارس: لمار يالا هاتي الكتب و تعالي ارجعلك المادة بتاعة بكرا
لمار: انا هذاكر لوحدي شكرا فارس
فارس: عجبك كده يا نونا
نورة: انا هدخل انام و انتى لمار اسمعي كلام فارس هو عارف الصح
لمار: حاضر تيتة
غادرت نورة و تركتهم يذاكرون
فارس بعشق: مالك لوما.

لمار بحزن: انا لازم ابعد عنك
فارس بصدمة: انتى بتقولي ايه انا بحبك لااااا انا بعشقك ليه عوزة تبعدي عني
لمار بدموع: علشان انت فارس بيه البحيري و انا مجرد حفيدة الدادة اللي مربياكم و بس اكيد ابوك مش هيقبل بيا
فارس بجدية: هسالك سؤال و لازم اسمع الرد انتى بتحبيني و لا لا
لمار: لا طبعا
فارس بصدمة: انتى مش بتحبيني
لمار بسرعة: لا و الله انا بحبك و بعشقك كمان مكنتش أقصد.

فارس بعشق: يبقي تسلميها لربنا انا ديه آخر سنة ليا و كمان بشتغل يعني انا راجل و هقدر افتح بيت و مش هستني مصروف من ابويا خليكي عارفة دايما اني بحبك و بعشقك و ربنا يجمعنا في خير و طاعة
لمار بابتسامة جميلة: يا رب يا فارس
فارس بغيظ: يالهوي يا فارس و سنين فارس اتعدلي يا بت خلينا نخلص بقي
لمار بدلع: حاضر يا فروستي
فارس بغضب: نتعدل بقي و نشوف المذاكرة
لمار: حاضر يا ابيه.

ابتسم فارس لها بمشاكسة و بتدا يراجع معها المادة وبعد فترة غادر المنزل و تركها حتى تستريح.

بعد مرور اسبوعين
خضع فارس للامتحانات و ايضا لمار و لم يتركها فارس لحظة كان يحرص دائما على الذهاب معها للامتحانات و ارجاعها القصر حتى يطمن عليها و لا يتركها تتعرض للمضايقات.

بعد مرور شهرين
توجهت نورة إلى القصر و طلبت من فريد التحدث معه
فريد: خير يا دادة
نوره: عوزة منك خدمة
فريد: اتفضلي
نوره: الظرف ده أمانة معاك يوم متفتحة يبقي بعد موتي 5 شهور و لو رجعت عايشة هاخده منك
فريد: ليه بتقولي كده بإذن الله هترجعي بالسلامة
نوره: اسمعني فريد انا اللي مربياك و العمر مبقاش فيه احمي عيالك و عرف ان العدل حق و ربك هنصر الحق
فريد: تقصد ايه داده.

نوره: يوم مهتفتح الظرف ده هتعرف الحق انا هقوم بقي علشان معاد السفر
غادرت نوره غرفة المكتب و القصر كله و توجهت إلى منزلها
تجهزت الحجة نورة للذهاب للحج و كانت تشعر بأن وقتها قد اتي و لن تعود مرة أخرى
نورة: فارس ليا طلب عندك
فارس بحب: امري يا عسل
نورة: لمار تخلي بالك منها انا عارفة انك بتحبها و هي كمان بتحبك
فارس: اسف نونا المفروض كنت اعرفك.

نورة: اسمعني يا فارس انا لو كنت مش واثقة فيك كنت وقفتك عند جدك من اول يوم بس انا اللي مربياك و معلماك كل حاجة على ايدي و واثقة انك راجل و هتحافظ على الامانة
فارس بثقة: اوعدك يا نونا انى احافظ على لمار لاخر يوم في حياتي
نورة: حتى لو فريد بيه رفض الارتباط ده
فارس بجدية: انا بطلب منك ايد لمار تبقي مراتي على سنة الله و رسوله
نورة: و انا واثقة فيك بس ليا طلب لو جرالي حاجة حافظ عليه و اوعي تخلي حد ياذيها.

فارس بجدية: انا اوعدك من اللحظة ديه لمار مراتي قدامك و قدام ربنا و هتحدي الدنيا كلها
نورة: انا مقصدش كده انا بس عوزة اطمن علي حفيدتي الوحيدة بس فريد بيه شديد و صعب و عمره مهيوافق على الجوازة ديه
فارس: و انا راجل و هحافظ على لمار انا بحبها لاااااا بعشقها و هتحدي الدنيا كلها وهقف قدام ابويا و العيلة كلها.

نورة بابتسامة: تعرف انت ذي عمك مالك الله يرحمه كان طيب كده و راجل بجد ربنا يحميك لشبابك و عمرك و يرزقك بالزرية الصالحة
فارس بحب: ايوة يا نونا يا عسل زودي الدعاوي ديه
نورة بحب: ربنا يفرحك ويرزقك بالبنت اللي تكون سند و ظهر ليك وتفتخر بيها وسط الناس
فارس: يالا يا قلبي علشان نلحق نوصل المطار هي فين لمار
نورة: كانت بتجهز آخر شنطة
لمار: مين بتسأل عليا
فارس بابتسامة: يالا يا قردة اتاخرنا بسببك.

لمار بغيظ: محضرتك و اخذت مني تيتة و سيبني لوحدي
نورة: يالا يا ولاد كفاية خناق
شاور فارس للحرس الذين اسرعو اليه و اخذو الشنط و وضعوها في العربية
ودعت نورة الجميع و غادرت مع فارس و لمار إلى المطار في رحلة بلا عودة
وصل فارس الى المطار و تم انهاء كفاة الإجراءات اللازمة و صعد فارس مع نورة الى الطيارة وتركها ونزل.

فضل فارس و لمار في انتظار اقلاع الطائرة وبالفعل بعد مرور نصف ساعة كانت الحجة نورة في رحلة للأراضي المقدسة حتى تؤدي مناسك الحج والعمرة
غادر فارس المطار و توجه إلى احدي المطاعم ودخل هو لمار وفضلو يتحدثو ويضحكو وبعد فترة عادو إلى القصر.

كانت الحجة نورة تتحدث مع لمار وفارس وتطمن عليهم
نجح فارس وتخرج من كلية هندسة
نجحت لمار وتخرجت من كلية
فضلت الحجة نورة يومين لم تتصل عليهم فقلق فارس عليها بشدة وطلب من مسؤل الرحلة طمانته عليها
جاء خبر وفاة الدادة نورة وتم دفنها في الأراضي المقدسة
حزنت لمار بشدة على جدتها و كذالك فارس
أمرت لينا بنزول لمار في الخدم
حاول أكثر من حارس التقرب من لمار وهي ترفض ولم تخبر فارس.

كان فارس يضغط نفسه في المصنع حتى يستطيع ان يحصل على اجازة ويأخذ لمار و يسافرو
علم فارس بما يحدث مع لمار و المصيبة الأكبر هو موافقة والده على احدي الحرس عريس لها
أخبر فارس الجميع بانه سوف يسافر لمده اسبوعين
في صباح يوم جديد
طلب فارس من لمار تجهيز نفسها في الصباح الباكر وطلب منها احضار البسبور
لمار: فارس في ايه
فارس بغضب: اخرسي خالص لغاية منخلص
لمار بدموع: حاضر يا فارس
فارس بعصبية: بلاش دموع.

وضعت لمار اديها على فمها و سكتت و بعد فترة وصلو إلى السفارة المصرية
فارس بحده: هندخل جوا و مش عاوز اعتراض مفهوم
لمار برعب: مفهوم
فارس: يالا
دخلو إلى السفارة و وجدت صديق فارس في انتظارهم و الموظف و تم عقد قرانهم و غادرو السفارة
محمود: مبروك يا فارس
فارس بسعادة: الله يبارك فيك
محمود بغمزة: ربنا يباركلك يا صاحبي بس براحة عليها شوية
فارس بجدية: المهم عوزك تنفذ اللي طلبته منك.

محمود: فارس انا عايش في منطقة شعبية
فارس: محمود انا عاوز بيت يكون جمبك و في نفس المنطقة
محمود: مواصفات البيت ايه
فارس: بيت عادي يعني يكون فيه كذا شقة و بس
محمود: لاااااا افهم اي بيت عندنا في مصر بيكون في محلات تحت البيت يمشي معاك كده
فارس: طيب المحل ده ينفع اعمله ورشه حدادة
محمود: طبعا يا بني انت في مصر اي حاجة تمشي باكتر من وش.

فارس: على خيره الله اتفق على البيت و كل حاجة و انا هشوف الدنيا هنا لو ابويا صمم اني أطلق لمار يبقي هاجي مصر
محمود: متقولش كده بإذن الله خير و على العموم هجهز كل حاجة امشي انا علشان معاد الطيارة
فارس: توصل بالسلامة يا صاحبي
محمود بحب: لا إله إلا الله
فارس بحب: سيدنا محمد رسول الله
غادر محمود و توجه فارس إلى العربية و غادر و لم يتحدث بكلمه مع لمار
ضمت لمار نفسها و غمضت عيونها و نامت
في منطقة ايفل.

وصل فارس الى منطقة ايفل و كانت لمار نامت من الطريق فبتسم فارس بحب و نزل امام الفندق الذي يطل على اعظم سلسلة جبال في العالم و شاور للعامل باخذ الشنط و قام بحمل لمار بين أحضانة
انهي فارس الاجراءات بسرعة لانه سبق و حجز جناح شهر العسل وصعد إلى الجناح و وضع بهدوء و حنان لمار على السرير و طلب من العامل المغادرة
جلس فارس بجوار لمار و فضل يقبلها بحب و عشق و حنان إلى أن صحيت و نظرت له.

فارس بعشق: اخيرا صحيتي يا لوما وحشتيني
لمار بصدمة: فففففففارسسسس هو في ايه
فارس بعشق: في انك بقيتي مراتي على سنة الله و رسوله و حنا هنا في منطقة ايفل علشان شهر العسل يا عسل
لمار بفرحة: يعني انا دلوقتي بقيت مراتك
فارس بعشق: مراتي و حبيبتي و عشقتي و طفلتي و ام ولادي بإذن الله
لمار: بس فريد بيه هتعمل معاه ايه
فارس بجدية: لونه مش وقته بس هريحك بس الاول عاوز اسألك سؤال
لمار: اسال.

فارس بخوف: لو ابويا طردني برا القصر و منع عني الفلوس و سحب منى كل حاجة هتفضلي معايا
لمار بعشق: انت قاعد جوا قلبك و مستولي عليه و انا على اتم استعداد اروح النار بس تفضل معايا
و بدموع و حزن: فارس انت ابويا و اخويا و جوزي و حبيبي انا عوزاك انت من الدنيا ديه كلها مش عوزة راجل تعوزة انا استكفيت بيك من زمان عن رجالة الدنيا
فارس بعشق: و انا استكفيت بيكي نساء الكون بعشقك.

لمار بابتسامة: تعالي نتفرج على المنطقة
فارس بشهقة: يا فضحتي عوزة الناس تقول عليا مش موفق انا لازم اتوفق الاول و بعد كده نبقئ ننزل
لمار بغباء: يعني ايه مش موفق
فارس بعشق وهو يقبلها: اقصد يا قلبي لازم نفضل هنا و تبقي مراتي قدام ربنا.

كان فارس يقبلها مع كل كلمه إلى ان ذابت بين أحضانة و اخذها في عالم ملئ بالحب و العشق و اصبحت زوجته امام الله و القانون و بعد وقت طويل كانت تنام لمار بين أحضان فارسها و زوجها براحة.

في قصر البحيري
لينا بتكبر: فين لمار
الخادمة: لقد طلبت لمار من فريد بيه أن تغادر القصر في رحلة تبع الجامعة و أنها سوف تفكر في وليام الحارس
لينا: حسنا غادري
و لنفسها: اااااااف امتى استريح منها
حازم: مالك لينا
لينا: عاوز الصراحة انا مش مستريحة للي اسمها لمار
مالك: ليه بتقولي كده لينا
لينا: البت ديه عنيها من فارس
سارا: حرام عليكي يا لينا ديه لمار طيبة
لينا: بكرا تعرفو اني بتكلم صح
مالك: انا رايح الشركة.

غادر مالك مع حازم الذي انهي مكالمة للتو
بعد مرور اسبوع
كان فارس ينعم بقرب معشوقتة و حبيبتة و زوجته بين أحضانة
بحثت لينا كثيرا إلى أن علمت بكل شيء بين فارس و لمار
علمت لينا بأن لمار تكذب في خبر الرحلة
ارسلت لينا احدي الحرس للسفارة و علمت بان فارس و لمار تزوجو
أخبرت لينا عمها فريد بما وصل لها فأرسل فريد رجالة حتى ياتو بفارس.

وصل حرس فريد الى مدينة ايفل و صعدو الفندق و طلبو من فارس مرافقتهم هو و لمار فوافق و دخل حتى يجهز نفسه
لمار بدموع: فريد بيه عرف فارس و عمره مهيخلينا نكمل مع بعض
فارس بحب: محدش هيقدر يفرقنا عن بعض انتى روحي و بتجري في دمي
لمار بدموع و خوف: بس انا خايفة
فارس بعشق: دموعك ديه بتقتلني و بتنزل رجولتي في الارض احنا الاتنين روح واحدة و جسد واحد و يالا قومي اغسلي وشك و بدلي هدومك عقبال مجهز شوية حاجات.

لمار: حاضر حبيبي
توجهت لمار إلى الحمام و اتصل فارس على محمود واكد عليه شراء المنزل و تجهيزة لوصولهم في اي وقت كما اتصل علي المطار و حجز تذكرتين ذهاب إلى مصر
خرجت لمار و كان فارس جمع ملابسهم و امسك اديها و خرج وامر الحرس بحمل الحقائب و نزل إلى الأسفل و دفع حساب الفندق و توجه إلى السيارة و لكن منعه الحرس وركب إحدى السيارات و عادو إلى القصر.

في القصر
كان الجميع يجلس في وصول فارس
زوجه فريد: فريد ارجوك اهدي علي فارس
فريد بغضب: اهدي اذاي انا هعرفة قمته
حازم: متقلقيش امي بابا هيتصرف صح
لحظات و دخل فارس و هو يمسك يد لمار و يطمانها
فارس بابتسامة: مساء الخير
فريد: كلمة واحدة انت فعلا اتجوزت البت ديه
فارس بابتسامة: ايوة مراتي على سنة الله و رسوله و مش بعيد تكون حامل مني اصل ابنك لعيب
فريد بغضب: انت مجنون اذاي تتجوز خدامة فورا طلقها بالثلاثة.

فارس: مش هطلق حد انا حتى لسه عريس بدل متقولي مبروك يا بني كمان مراتي مش خدامة
حازم: فارس انت اتجننت اذاي تكلم بابا كده واسمع كلامه وطلق لمار وننهي المشكلة
فارس بجدية: لمار مراتي و مفيش طلاق و محدش هيقدر يفرق بينا غير الموت
سما: فارس حبيبي انت بتعمل مشكلة ملهاش لازمة خالص
فارس بعصبية: و انا مش هطلق لمار هتفضل مراتي لاخر العمر
فريد بغضب: يعني ده قرارك الاخير
فارس: ايوه.

فريد ببرود: يبقي انت ميت بالنسبة للعيلة ديه وهتخرج منها من غير و لا مليم و مش بس كده هتخرج برا البلد بحالها لانى هحرس على اذيتك
مسك بصدمة: فريد انت بتقول ايه ده فارس
فريد بغضب: فارس ابني مات و اعمل حسابك يوم مترميك و تخونك اوعي تيجي هنا انت بالنسبة لينا ميت من اللحظة ديه
فارس: يااااااااه طول عمري عارف انك قاسي بس مش للدرجة ديه انا ابنك هتموتني و انا عايش علشان بحب واحدة و جوزتها.

فريد: انت اللي اخترت واحدة ذيها و ضحيت باهلك
فارس: تمام هطلع اخد حاجاتي و همشي و صدقني مش هتشوف وشي لاخر يوم في حياتي كلها
سحب فارس يد لمار و صعد إلى جناحة و اخذ يجمع ملابسة و متعلقاته و اتصل على محمود يخبره بوصول لمصر في الساعة المحددة
دخلت سارا الجناح و حضنت فارس و لمار
سارا بدموع: حقك عليا يا فارس
فارس: و انت ذنبك ايه محدش يعرف يغير قرار فريد بيه
سارا: اسمعني كويس ده مبلغ قدرت اسحبه.

فارس: شكرا سارا مش محتاج
سارا بدموع: فارس انت مش ابن عمي و لا اخو جوزي لا انت اخويا الصغير و انا مش بطلب منك انا بامرك يالا
فارس بابتسامة: شكرا سارا
سارا بدموع: لمار اهتمي بفارس
لمار بدموع: فارس مش بس جوزي هو ابويا و اخويا
أخذهم فارس و وضعهم في الشنطة و حمل الشنط و امسك يد لمار و نزلو إلى الأسفل
فريد بحده: استني عندك
فارس: نعم فريد بيه
فريد: التليفون و الفيزا و مفتاح العربية.

نظر فارس لابوه و اخرج البطاقة و وضعها أمامه و التليفون و حمل الشنط
فريد: مفتاح العربية
فارس: مع رجالتك
والده فارس بدموع: فاااااارس حبيبي
فارس بحنان: شششششششش اهدي يا قلبي انا كويس و عوزك تعرفي دايما اني بحبك
والدته: لمار حافظي عليه
لمار بدموع: سامحيني مكنتش أقصد يحصل كل ده
مسك بدموع: القلب ملناش سيادة عليه اوعديني تحافظي على فارس و تفضلي مخلصة ليه ويوم منتجمع عوزة الضحكة و السعادة تكون مرفقاكم دايما.

فارس بحنان و حب: اوعدك يا اغلي الناس هحافظ علي سعادتي و مش هسمح لأي حد يقرب منها
والدته: مبروك يا قلبي
فارس بوعد: اوعدك أول بنت اخلفها هتبقي على اسمك يا مسكي
والدته بدموع: سامحني مقدرش اقف قدامه
فارس بابتسامة: و الله انا كويس بس افضلي ادعيلي
والدته: هفضل ادعيلك ربنا يهدي حياتك و يكرمك و يرزقك بالبنت اللي ترفع راسك و تحميك و تكون سر سعادتك و فخرك قدام الناس
فارس: امين يا امي اشوف وشك على خير.

خلعت والده فارس سلسلة و اعطتها للمار و طلبت منها عدم خلعها و اعطائها لأول فتاة يرزقو بها.

نظر فارس للكل و خرج و هو يجر الشنط و الغريب انه لم يترك يد لمار منذو دخوله القصر و توجه بيها إلى الملحق حتى تجمع ملابسها
دخلت لمار إلى الشقة الخاصة بها و نزلت دموعها بشدة فضمها لحضنة بشدة و قبل خدها بكل حنان و ساعدها بجمع متعلقاتها و طلب سيارة حتى يغادر من القصر و البلد نهائي.

في المطار
و صل فارس الى المطار و ساعد السائق في نزول الشنط و امسك يد لمار و توجهو إلى الداخل و تم إنهاء إجراءات السفر وصعدو إلى الطيارة و كان من حسن حظهم بأن يوجد طائرة مغادرة إلى مصر
فارس بحنان: زعلانة حبيبتي
لمار بحزن: انت اللي زعلان علشان سبت اهلك
فارس بعشق: انتى من اللحظة اللي خرجت فيها من البيت بقيتي كل اهلي معلش هنتعب شويه لغاية ملاقي شغل.

لمار بحب: أهم حاجة انك معايا و اخر اليوم هنام في حضنك و تبقي سندي و أماني لغاية آخر العمر
فارس بعشق: حبيبتي يا لوما يالا نامي الطريق طويل
ضمها فارس لحضنة بشدة وقبل رأسها بكل حنان و نامو
في مطار القاهرة الدولي
وصلت الطائرة التي تحمل على متناها فارس و لمار و انهي فارس جميع الإجراءات و اخذ شنطة الكثيرة و خرج برا المطار
محمود بفرحة: فارس فارس
فارس بابتسامة: محمود اذيك.

محمود: حمدلله على السلامة يا صاحبي منور البلد
فارس: الله يسلمك يا محمود
محمود: حمدلله على السلامة يا مدام
لمار بابتسامة: الله يسلمك يا محمود
فارس: ايه يا بني مدام ديه لمار اختك
محمود بابتسامة: طبعا اختي الصغيرة يالا بقي علشان لسه الطريق طويل
فارس: على خير
انطلق محمود إلى البيت و طول الطريق يتحدث مع فارس إلى ان وصلو المنطقة فصدم فارس من منظر المنطقة لانها منطقة شعبية
فارس: محمود احنا فين.

محمود: انت في وسط اجدع ناس ممكن تقابلهم في حياتك بإذن الله هتعرف تتاقلم فيها يالا
شخص: عاوز خدمة يا باشمهندس
محمود: شكرا يا معلم شعبان انا هنده على الصبيان
جاء 3 صبيان و اخذو الشنط و توجهو إلى منزل محمود و وضعوهم في شقة بالدور الارضي و غادرو
محمود: الشقة ديه موقته لغاية ما البيت بتاعك يجهز
فارس: يعني وقت قد ايه
محمود: اسبوع بالكتير
فارس: ينفع نشوفه.

محمود: يالا امي و الجماعة مستنينكم و بكرا ابقي شوفة براحتك
صعدو إلى الأعلي و دخلو
محمود: يا ام علي انتى فين
ام على: انت جيت يا موكوس فين صاحبك
محمود: احم احم امي فارس صحبي
ام علي بابتسامة: اهلا وسهلا نورت البيت يا ابني
فارس بابتسامة: البيت منور بأهله يا امي
ام علي: الواد طلع موز مش ذيك و مين الموزة ديه تعالي يا قمر
لمار بهدوء: نعم
ام علي: ما شاء الله ديه طلعت بتتكلم ذينا.

محمود: امي ابوس ايدك فارس و لمار جاين من سفر تعبانين و عوزين ينامو
ام على: ماشي اقعدو واد يا ادم
ادم: نعم يا تيتة
ام علي: انزل ابعت لجدك يطلع
نزل ادم يجري إلى جده وبعد فترة طلعو مع بعض.