رواية بنت الحداد للكاتبة أماني فهمي الفصل الثالث

رواية بنت الحداد للكاتبة أماني فهمي الفصل الثالث

في مصر
وصل والد محمود و شقيقة الأكبر علي ودخلو
والد محمود بابتسامة: حمدلله على السلامة يا ابني
فارس: الله يسلمك يا فندم
والد محمود: ايه فندم ديه انا اسمي فاروق
فارس: حقك عليا يا عم فاروق
على: منور و الله يا فارس
ام على: يالا الاكل جاهز
فارس: معلش احنا بس عوزين ننزل نستريح
ام علي: هو انا مش قولت على الاكل صح ولا غلط
فارس: صح
ام على بصوت عالي: يبقي على الاكل
فارس بابتسامة: الحمام منين اغسل أيدي ووشي.

ام على بغزل: مش مجتاج تغسل وشك انت قمر من غير حاجة
فاروق بصدمة: انتى بتعاكس الواد وانا واقف
ام على: خلاص امشي وانت تعالي يا عسل معايا
قام فارس وهو يمسك يد لمار و ذهبو خلف ام على
تجمع الكل على السفرة وتناولو الطعام وجلسو يتناولون العصائر
محمود: ديه بقي يا فارس سلمي مرات على و ديه فريدة مراتي وده شادي ابن على و ديه نور بنت علي و ده ادم ابني وفي واحد جاي في السكه.

فارس: ربنا يخلهملك بس اسمحلي ننزل ننام بجد مهدودين
لمار: جاي منين هو عند حد
فريدة بضحك: اه عند اللبان محمود يقصد اني حامل
فاروق: هي لمار مراتك يا فارس
فارس: ايوة مراتي و محمود كان شاهد على الجواز
فاروق: بس الكلام ده ينفع هناك ومينفعش هنا
فارس: اسف معرفش تقصد ايه
فاروق: انت اتجوزتها جواز مدني لازم جواز شرعي
فارس بجهل: بردو مش فاهم.

فاروق: اقصد يا فارس لازم تتجوز لمار مرة تانية على يد مأذون وفرح والناس كلها تعرف انها مراتك
فارس باحراج: بس احنا تممنا الجوازة من فترة
فاروق: مش مهم هنا محدش يعرف عقبال ما البيت يجهز ويتفرش هتعملك الفرح و كتب الكتاب وانت هتنزل تحت في الشقة وهي هتفضل هنا معانا.

فارس بجدية: كلام حضرتك على عيني و راسي بس انا مش هسيب مراتي لوحدها مهما حصل هي هتفضل معايا وهنفذ كلامك هي مراتي قدام القانون و ربنا محدش هيقدر يفرقنا
فاروق: ماشي يا بني انزل معاهم معاهم يا محمود وصلهم وبكرا يحلها ربنا
نزل فارس وهو يمسك يد لمار وامامهم محمود ودخلو الشقة وصعد هو إلى شقتة.

في شقة فارس
عندما أغلق الباب ضم لمار لحضنة بشدة
فارس بعشق: وحشتيني اوي يا دلوعتي
لمار بحب: وانت كمان عارف خفت تسبني فوق لوحدي
فارس بابتسامة: حد يسيب روحة بردو تعالي علشان انتى وحشتيني اوي
لمار بسرعة: ناخد دش الاول وبعد كده هبقي ملكك
توجهت لمار إلى الشنط وأخرجت ملابس لفارس وتوجه إلى الحمام واخرجت لنفسها ملابس وجلست تنتظر خروجه وبعد فترة خرج فرسة دخلت هي.

بعد فترة كانت تنام لمار بسعادة و فرحة وهي بين أحضان فارسها المغوار
فارس وهو يلعب بشعرها: بكرا بإذن الله نروح نشوف البيت واي حاجة عوزه تغيريها نغيرها على طول
لمار: ماشي
فارس: مالك لمار
لمار: نفسي في بنوتة منك
فارس بغمزة: غالي والطالب اغلي نجيب بيبي صغنن نلعب بيه
لمار بسرعة: لا ونبي كفاية النهاردة انا تعبانة طول النهار
فارس وهو يضمها: نامي يا دلوعتي نامي وستريحي.

دفنت لمار نفسها بين أحضانة حتى تنعم بدفئ جسده ووضعت قبلة على قلبه و نامت
فارس بسرحان: سامحيني يا امي
واغمض عيونه ونام.

في قصر البحيري
كانت تنام والده فارس علي السرير بتعب ونزلت دموعها بكسرة لما تعرض له ابنها و صغيرها من ظلم فهي تعشق فارس بشدة لأنه يشبه شقيقها المتوفي
حازم: ماما ارجوكي قومي علشان تاكلي وتخدي العلاج
الام: مش عاوزه حاجه منكم
مالك: يا امي احنا ذنبنا ايه.

الام بصراخ و دموع: المفروض تعملو المستحيل علشان تساعدو اخوكم وتفضلو تهدو ابوكم مش واقفين ذي الصنم منك ليه هيعمل ايه دلوقتي لوحده مش معاه فلوس ولا اي حاجة هيعيش اذاي يا حبيبي يا فارس لو حصل حاجة لابني و الله العظيم مهسامحكم ابدا ويالا برا الأوضة محدش يدخل فيها تاني من بعد ابني
فريد: اطلعو برا وانت مسك تعالي معايا
امسك فريد يد زوجته وتوجه إلى جناحة
فريد بهدوء: ابنك اللي اختار.

مسك بدموع: وابني اختار صح اختار واحدة بيعشقها وهتحافظ عليه وعلي شرفة على الأقل آخر الليل هيضمها لحضنة بسعادة ابني بني ادم مش جماد علشان تختار ليه واحدة مصلحة آخر الفلوس ايه انت معاك فلوس كتير ده انت خت منه كل حاجة مسبتش ليه حتى الفيزا يصرف منها و طرته برا القصر و البلد بحالها فكرت لحظة هيعيش اذاي هياكل ايه هينام فين مفكرتش للحظة أن ممكن مراتة تبقي حامل هتسيب حفيدك للشارع ولا ايه هتزعل على طفل لسه مجاش الدنيا الأحق ازعل على ابنك اللي من صلبك اللي عمره مقالك لا على طول حاضر انزل اشتغل في المصنع حاضر ادخل كلية الهندسة حاضر عمرك سألت نفسك هو كان حلمه يدرس ايه طول عمره كان نفسه يبقي دكتور قلب بس مقدرش يكسر كلامك ونفذه اااااااااااه يا قلب امك محدش حاسس بيك.

فريد بغضب: انتهي الكلام ونسي انتي عندك 3 عيال وبس حازم و مالك و سما ونسي فارس نهائي وعزة وجلالة الله لو لقيتك مرة واحدة دموعك نازلة أو بتفكري فيه لبعت رجالتي ورجعه ليكي ميت مفهوم
مسك برعب على ابنها: مفهوم مفهوم يا فريد
فريد بغضب: اتفضلي اغسلي وشك وبدلي هدومك و نزلي افطري
مسك بخوف: مش جعانة
فريد بحده: انا قولت كلمه يالا
اسرعت مسك لتنفيذ اوامر فريد لانها تعلم جيدا بانه عندما يتكلم ينفذ.

في قصر السلاب
كان الجميع يتجمعون على السفرة و يتبادلون الأحاديث المضحكة و الظريفة
ماجد: صحيح سمعتم آخر أخبار عيلة البحيري
محمد: في ايه
ماجد: فارس البحيري مات
فريدة بصدمة: فارس يا حرام ده لسه صغير
نور برفع حاجب: انت ليكي كلام معاه
فريدة بحزن: شفته كذا مرة في الحفلات و مرتين في النادي و بجد شاب محترم جدا عمره مرفع عينه فيا
محمد: غريبة بس اذاي مفيش عزا او حد نزل نعي لازم نروح نعزي.

ماجد: يا حجوج فارس خرج عن طوع ابوه و تجوز واحدة مش من مستوي فريد بيه البحيري علشان كده العلن الحرب عليه و طردة برا القصر و ممكن البلد كلها
نور بشمزاز: هو في ابهات كده
صفا: علشان حب و تجوز قال انه مات
نظرت صفا و فريدة لبعضهم وبعد ذلك نظرو لازواجهم
ماجد بطمان: يوم مواحد من ولادنا يحب حتى لو كانت ايه هنوافق و نعمل أكبر فرح ليهم لان القلوب من بادينا.

نور بابتسامة: وغير كده احنا بنفسنا هنفرش الجناح ليهم بس هو سؤال مين اللي هتقبل بابنك المغرور ده
ماجد بغيظ: يا نعم انا ابني حبيبي مش مغرور بالعكس ابني عاقل و هادي مش ذي المجانين دول
نور بضحكة: هو في احلي من الجنان
وبغمزة: فيري متيجي نتجنن فوق
فريدة بتلثم: انا ماشية اه صح همشي
ضحك الكل عليها وعلي كسوفها الدائم من زوجها بالرغم و جود أبناء لهم ولكن يدللون زوجاتهم.

في مصر، فى منزل محمود
اشرقت الشمس وبتدا الناس في معاملاتهم اليومية و الشجار و صياح الباعة الجائلين
راجل: ايوه البتنجان معايا اللمون
ست بصوت عالي: معاك كوسة
الراجل بصوت عالي: ايوة ب 4 جنية
الست بردح: ليه يا حرامي ديه من قلب السوق ب 2 جنية ونص اوزن 2 كيلو و كمان كيلو بتنجان عروس
الراجل بصوت واطي: وليه مفترية.

صحي فارس على صوت الشجار و كلام الناس و بتسم لانه متعود على اصوات العمال و الموظفين ولكن تلك الرقيقة التي بين أحضانة لم تتعود على الاصوات العالية
اتفضت لمار على صوت صراخ
لمار بخضة: في ايه مين بيصوت مين مات
فارس بضحكة: اهدى يا قلبي انتى في مصر مش ألمانيا وهي ديه حياه المصريين
لمار: بس في حد مات صح
فارس: لا يا روحي ديه بس بتفاصل على حق الخضار مش اكتر.

الباب خبط فذهب فارس و فتح كان محمود يحمل صنية مليئة بالطعام ووضعه على التربيزة
محمود: صباح الفل فارس
فارس بابتسامة: صباح النور ايه ده
محمود: ده الفطار يالا افطر وتعال علشان تشوف البيت
فارس: ربنا يخليك يا محمود مش عارف اعد جمايلك
محمود بزعل: اخس عليك يا فارس احنا اصحاب و خوات
فارس: ربنا يخليك ليا يا رب بصراحة انت اجدع اخ و صاحب
محمود: يالا افطر ونده عليا
فارس: هو احنا عايشين فين.

محمود: في احسن مكان في مصر الجيارة
فارس باستغراب: الجيارة ماشي
غادر محمود و عاد فارس الى دلوعته وجدتها تلبس
فارس بحب: يالا هروح البس ونطلع نفطر ونروح نشوف البيت
لمار بابتسامة: ماشي يالا بسرعة
مر الوقت وتوجه فارس و لمار ومعهم محمود إلى البيت ونال رضاهم جدا من الخارج و صعدو حتى يشاهدوه
فارس: بقولك هو البيت بتاعي كله صح
محمود: صح
فارس: طيب هو كام شقة في الدور.

محمود: البيت على شقتين وهو اصلا 3 ادوار وكل شقة 4 أوض و مطبخ و حمام
فارس: ينفع نفتح الشقتين على بعض
محمود: انا اصلا فتحت الدور كله علي بعضة وضميت الدور الثالث على التاني
فارس: لا معلش مش فاهم
محمود: اقصد ان عملت الشقة داخل بعض اقولك تعالي اتفرج احسن
صعدو إلى الأعلي ودخلو وجدو الشقة رائعة الجمال كانت الشقة.

محمود: تعالو بقي ده صالون كبير مفروش على احدث موديل وديه اوضة سفرة بالاضافة لدولاب فضيات فخم و نيش يحتوي على اطقم أطباق ومن هنا المطبخ وكبير ومليان كل الاجهزة المطلوبة بوتجاز و فرن و ثلاجة والحاجات بتاعتكم انا مش بفهم فيها سلمي و نور هما اللي فرشوها وده حمام كامل و ديه أوضة امي قالت للخزين بس معرفش خزين ايه تعالو بقي فوق
صعدو من السلم الداخلي للقسم العلوي.

محمود: ديه اوضة النوم الرئيسية بس لسه السرير هيجي النهاردة والباب ده للهدوم و ده الحمام يالا نكمل الباقي الأوضة ديه للأطفال وكل أوضة فيها سرير و دولاب و مكتب و حمام خاص هااا ايه رايكم
فارس بابتسامة: بصراحة سحر و وهم
لمار: حلوة اوي شكرا محمود
فارس: كده انت عاوز مني فلوس صح
محمود بنفي: بالعكس انت ليك معايا فلوس
فارس: اذاي بس البيت و الفرش وكل حاجة ولسه ليا فلوس.

محمود: بص يا سيدي البيت ده كان معمول من الاول كده وصاحبة باعه وانا اشتريت كمان يا بني انت عايش في مصر و كمان منطقة شعبية وكل حاجة رخيصة غير ألمانيا و غير المناطق الراقية في البلد
فارس: كده ناقص ايه
محمود: سلمي و فريدة هينزلو يجيبو السجاد وهكلم المعرض يبعتو السراير و بس
لمار: ممكن انزل معاهم عوزة اتفرج
فارس بضحك: روحي يا قلبي.

نزل الكل و توجهو إلى منزل محمود واخذو سلمي و نور و ام علي وتوجه الستات إلى شراء السجاد
بعد فترة عاد الستات إلى المنزل وكانو يضحكو بشدة علي لمار.

بعد مرور اسبوع
تم تجهيز منزل فارس وأقيم فرح في المنطقة لفارس و لمار وكان فرح كبير بمعني الكلمة
تعبت مسك ولم تخبر احد خوفا من تهديد فريد
حاول محمد السلاب ارجاع فريد عن غضبه عن فارس ولكن لم يعرف
استمرت الحياة عادى بين الجميع وكأنه لم يكن هناك فارس في حياتهم
فتح فارس الورشة و ساعده محمود و عائلته.

بعد مرور شهرين
كان فارس يجلس في الورشة وشعر بنغزة شديدة في قلبة فاغلق الورشة و صعد إلى دلوعته وما شعر بيه كان صحيح فكانت لمار تفترش الأرض ولا تتحرك فأسرع لها وحاول افاقتها ولكن لم يعرف فحملها وصعد بيها لغرفتهم ووضعها على السرير و نزل يجري على محمود فقابل ادم فأخبره بسرعة احضار جدته و محمود وعاد إلى لمار.

اتي محمود و عائلته بسرعة إلى منزل فارس وعلمو باغماء لمار فنزل علي بسرعة واحضر دكتور وبعد الكشف عليها أخبرهم بأنها حامل في شهرها الأول فسعد الجميع بذلك الخبر
كان فارس سعيد بشدة ولكن كان حزين لبعد عائلتة عنه كان يرغب بروئيه والده وهو يباركله بذلك الخبر و امه تضمه لحضنها وتقبل راسة وتبارك له
لمار بدموع: انت زعلان صح
فارس: مالك يا قلبي بتعيطي ليه
لمار: علشان انت كنت عاوز اهلك وانا السبب.

فارس بابتسامة: لا يا روحي انتي بيهم كلهم امي و ابويا و اخواتي كمان ربنا رزقنا بطفل يبقي ننسي كل اللي فات ونركز في حياتنا الجاية كمان انتى هتعيطي و تقلبي الليلة نكد لاااااا دانا اقتلك انا عاوز النونة فرفوشة و بنت حظ
لمار بدلع: خلاص قررت أنها بنت
فارس بامل: مسك بنتي و دعوة امي و امي نورة كمان
لمار: هتسميها مسك
فارس: ايوة انا وعدت امي اسمي بنتي على اسمها مسك فارس فريد البحيري فخر و ظهري و سندي.

لمار بحب: ربنا يخليك لينا يا فروستي
فارس بعشق: حبيب فروستك يا قلبي تعالي بقي اطمن على مسكي
ضمها فارس لحضنة ونعمو بقرب بعضهم البعض.

بعد مرور 9 شهور
كانت فريدة تجلس في منزلها وهي ترضع ابنها عمار البالغ من العمر شهرين فقط
اما لمار كانت تجلس وهي تتألم ولكن لم تستحمل فصرخت بشده فجري ادم عليها وعلم بان تلك الصغيرة ات موعد حضورها
نزل ادم بسرعة على الورشة وأخبر فارس وأسرع على معرض والده واخبره
صعد فارس بسرعة إلى الأعلي وساعد لمار في النزول و كان احضر محمود السيارة ونطلقو إلى المستشفى.

في المستشفى
اسرع الدكتور باخذ لمار وتوجهو إلى غرفة العمليات حتى تولد ووقف فارس و محمود و ادم علي نار و لحظات و حضر فاروق وعائلتة للوقوف بجوار فارس حتى لا يشعر بالوحدة
فاروق: اجمد كده ووحد الله هتقوم بالسلامة
فارس برعب: انا خايف عليها اوي
ام علي بحنان: متخفش يا بني والله هتقوم بالاسلامة وهتقول ام علي قالت.

ضم محمود فارس حتى يهدئه مر الوقت صعب علي الجميع واخيرا اخترق ذلك الصمت صوت تلك الملائكة التي ترتب النفوس
خرجت الممرضة وهي تحمل طفلة صغيرة
الممرضة بابتسامة: بسم الله ماشاء الله عليها
فارس بدموع و ابتسامة: نورتي الدنيا يا قلب ابوكي نورتي يا مسك قلبي نورتي يا دعوة الغوالي
ام علي بابتسامة: مبروك يا فارس
فارس بابتسامة: الله يبارك فيكي
فاروق: هتسيها ايه
فارس وهو يضمها لحضنة: مسك فارس فريد البحيري.

ادم: عاوز اشلها
الممرضة بابتسامة: لااااا انا هخدها للدكتور
فارس برعب: دكتور ايه
الممرضة بابتسامة: متخفش ده دكتور أطفال علشان يطمن عليها
محمود: لمار فين
الدكتور بابتسامة: هتتنقل اوضة عادية حمدالله على سلامتها
فارس بابتسامة: الله يسلمك
الدكتور بابتسامة: اه اعمل حسابك انا اول واحد حاجز البيبي هي اسمها ايه
ادم بغيرة: ملكش دعوة بيها ديه حبيبتي
فارس بضحك: خلاص للأسف اتحجزت واسمها مسك.

الدكتور بابتسامة: مسك و هي مسك ربنا يباركلك فيها وتكون سندك و قوتك
توجه فارس و الجميع إلى غرفة لمارالتى كانت تنام بتعب
لحظات ودخلت الممرضة بسرير الطفلة وغادرت فجري عليها ادم واخذ ينظر لها بابتسامة جميلة وامسك اديها
ادم بابتسامة: وحشتيني اوي يا مسك كده تتأخري عليا بس معلش يالا بسرعة اكبري علشان العب معاكي
فارس بغيرة: ابعد ياض عن بنتي
ادم ببرود: ملكش دعوة انا هكبر وهبقي ظابط قوى وهحمي مسكي من اي حد.

محمود بضحكة: مبروك يا فارس بنتك اتخطبت انبسط
بعد فترة فاقت لمار وبارك لها الجميع
فريدة: يالا الكل برا عوزين ناكل مرات ابني
لمار بابتسامة: واحلى جوز بنت في الدنيا
خرج الكل وحاولت لمار ارضاع مسك ولكن رفضت بشدة
فبكت لمار بشدة فضحكت فريدة عليها وحملتها وحاولت ارضاعها فوافقت ورضعت منها حتى نامت.

خرجت فريدة واخبرتهم بما حدث فضحك الجميع علي ادم الذي حزن ولكن اخبره فارس بانه سيصبح شقيقها الأكبر وشقيق عمار ولابد ان يحافظ عليهم
غادر الجميع ودخل فارس وجد لمار تنام فحمل مسك وجلس بعيد عنها.

فارس بدموع: كان نفسي جدك و تيتة يكونو موجودين معايا كان نفسي اخدك وحطك في ايد جدك وطلب منه يكبر و يصلي في ودنك اسف يا مسك حقك عليا بس انا بحب امك لا انا بعشقها اوعي في يوم تزعلي مننا علشان ملناش حد بس انا ابوكى و صاحبك و حبيبك مفهوم يالا ننام بقي
حضنها فارس بكل حنان و حب ونام.