رواية بنت الحداد للكاتبة أماني فهمي الفصل الثالث عشر
في ألمانيا
توقفنا عندما وصل الجميع إلى ألمانيا وتم تقسيمهم على العربيات و ركبت مسك مع جدها.
فى قصر البحيري
وصلت السيارات إلى القصر وتم دخولها بكل سلاسة و يسر وبعد لحظات وقفت السيارات و أسرع الحرس بفتح الأبواب و نظل الجميع و لكن فضلت مسك مكانها
فريد بحنان: مسك حبيبتي مالك
مسك ببرود: مفيش
نزلت مسك و قام فريد بمسك اديها و دخلو و جدو الجميع يجلسون في انتظارهم
سارا بفرحة: حمدلله على السلامة
فارس بابتسامة: سارا وحشتيني
سارا و هي تحضنة: فارس حبيبي و حشتني اوي اوي.
مالك بغيظ: و بالنسبة ليا بقالي اسبوعين بعيد عنك عادي يعني
سارا بابتسامة: مالك بس يا مالك اصل فارس وحشني اوى و كمان لولو وحشتيني يا لولو
لمار بابتسامة: و انتى كمان وحشتيني اوي اوي
سارا: مش تعرفينا
فارس بابتسامة: ديه كندا و ديه مسك بناتي
سارا بابتسامة: اذيك كندا
كندا بأدب: الحمد لله يا انطي
سارا بابتسامة: عسل كندا
ادهم بضحك: كينو لزيزة بس ميكو الشقاوة كلها
سارا بابتسامة: انا سارا مرات عمك مالك
مسك: اهلا بيكي.
فريد بابتسامة: تعالي كندا اعرفكم على الكل
ادهم: لااااا خليني انا اقوم بالمهمة ديه
اولا: امي لينا البحيري و ديه فريدة و يوسف اخواتي وديه فلك مراتي
ثانيا: طبعا انتم اتعرفتم على سارا ده أحمد و ديه ملك و نور و طبعا انتم اتعرفتم على سلمي و سالم ولاد عمتو سما
لينا ببرود: اذيك يا فارس شيفاك مخلف بنات ايه هي مراتك ملهاش في الشباب
فارس: ا.
مسك بسخرية: ايه ده هو انتى يا طنط مفكرة ان ولادك رجالة يا حرام الظاهر انك مشفتيش الرجالة الصح بس ملحوقة
فارس: ميكو
مسك ببراءة مصطنعة: نعم فروستي مش بعرف طنط الصح
فريد: جناح فارس جاهز
سارا: ايوة يا عمو انا بنفسي أشرفت عليه بس جناح البنات محدش قدر يدخله
فريد: خد مراتك و طلعو استريحو شوية لغاية معاد الغدا هبعتلكم حد من الخدم
فارس: تمام شكرا سارا
سارا بعتاب: مفيش شكر بينا يالا زمان الخدم طلعو شنطكم.
صعد فارس الى جناحة ودخله وجدته كما هو لم يتغير بيه شي.
فريد: يالا كندا علشان اوريكي جناحك
صعدو إلى الأعلي و هو مازال يمسك يد مسك ولم يتركها
فريد بابتسامة: ده جناحك كندا
اخرج فريد مفتاح من جيبة وفتح الباب ودخلو.
كندا: هو انا هنام هنا لوحدي
فريد: اه غير ان الباب ده بيطلعك على حاجة هتعجبك
كندا: في ايه
فريد: ورا الباب ده مليان لعب وأجهزة تكنولوجيا من اللي ظاهرة الايام ديه
شاور للخدم بالدخول بالشنط حتى يفرغو الشنط
ترك فريد كندا تشاهد الجناح بسعادة وتوجه إلى جناح اخر.
في جناح مسك
فريد بابتسامة: الجناح ده مفيش حاجة اتغيرت من يوم ما جدتك اختارته لو عوزة تغيري اي حاجة تمام اكيد الموضة اختلفت دول سنين كتير اوي
مسك: مش هتفرق
فتح فريد الجناح ودخلو كان الجناح ضخم بمعني الكلمة من كل شي السرير و النجف و الأرضية و المفروشات.
فريد بابتسامة: عجبك جناحك على فكرة ده اكبر جناح في القصر
مسك ببرود: خلصت عوزة اخد دش وبدل هدومي
فريد بابتسامة: ماشي حبيبتي هروح انا كمان ابدل هدومي وهرجعلك
مسك ببرود: لا انا عوزة انام مليش نفس اكل و مش عوزة ازعاج خالص
فريد: تمام حبيبتي
شاور فريد للخدم الذي اسرعو بالدخول بتجهيز الحمام و تفريغ الشنط
بعد فترة غادر الخدم وتركو مسك بمفردها
مسك: فعلا الجناح تحفة شكرا تيتة.
توجهت مسك إلى الحمام واخذت دش و خرجت تلف جسدها بفوطة و لمت شعرها بفوطة أخرى
مسك: ايه مغارة على بابا ده المهم أدور
توجهت مسك إلى غرفة الملابس و اختارت هوت شورت باللون الازرق و بلوزة باللون الابيض عارية الأكتاف و تركت شعرها خلفها وصندل.
خرجت مسك و جلست على الكرسي امام السرير
اتصلت مسك على عمار و ادم و فضلت تتكلم معاهم و لكن عندما شاهد ادم ما ترتديه غضب بشدة وامرها بتغير ملابسها فورا
ادم بجدية: قومي بدلي هدومك ديه احنا مش جمبك علشان نحميكي
مسك: متخفش دومي انا قافلة الباب على نفسي كويس
عمار بحزن: عاملة ايه ميكو
مسك بحزن: و حشتني عموري و حشتي اوي
ادم بحنان: ايه ياض كده تزعل العسل بتاعا
عمار بحزن: هي تؤامي انا و حبيبتي انا صح ميكو.
مسك بابتسامة: صح يا قلب ميكو
ادم بحنان: ربنا ميحرمني منكم
مسك بزعل: دومي زعل ميكو يبقي لازم يصالحها
ادم بحنان: عوزة ايه اعمله يا قلب دومي
مسك بحزن: تزن على محمود علشان عمار يجي هنا انا حاسة انى يتيمة و وحيدة يرديك اختك الصغننة تعيش وحيدة وسط العقارب اللي تحت دول
ادم بابتسامة: حاضر ميكو انا هكلم بابا متقلقيش
مسك بابتسامة: حبيبي يا دومي ربنا يخليك لينا.
استمر لثلاثة في التحدث و قامت تجلس على السرير و هي تتحدث و في لحظة سقطت في النوم فاغلق ادم و تركها تنام.
بعد مرور اسبوع
لم تخرج مسك من الجناح لحزنها الشديد لفراق نصفها الاخر
كانت كندا تأتي إلى جناح مسك تنام معها او كانت تنام بين أحضان جدها
تجنبت لمار التجمع مع العائلة و كانت تكتفي لتناول الطعام مع فارس في الخارج او القصر
حزن فريد البحيري على حزن مسك لفراقها نصفها الثاني
استعدت لينا مع باقي بنات العائلة لاهانة مسك و لمار و كندا بأي شي لأنهم علمو بان مسك لا تتحدث الالمانية و ضعيفة باللغة الإنجليزية.
في جناح مسك
دخل فريد إلى جناح مسك بعد ان طلب الأذن و سمحت له
فريد بابتسامة: صباح الخير حبيبتي
مسك: صباح النور
فريد بابتسامة: ايه يا مسك مش عاوزة تنزلي خالص و تخرجي علي فكرة البلد تحفة دلوقتي و كمان حنا في الصيف و لبلد هتعجبك اوي
مسك بحزن: مليش نفس اعمل حاجة
فريد بحنان: وحشك عمار صح.
مسك بحزن: اوي اوي احنا كنا بنعمل كل حاجة مع بعض ناكل و نشرب و نتخانق على اتفه الأسباب و نتخاصم و في لحظة واحدة بكون داخلة انام على سريرة و البس من هدومه كمان.
و بابتسامة: عارف مرة المدرس طردنا برا الحصة علشان كنا بنتكلم و لما خرجنا رحنا سبنا مبني المدرسة كله و نزلنا الحوش نلعب كورة و فضلنا طول اليوم في الملعب و لا مرة كنا مسافرين البحر و دخلنا القسم و فارس جيه ضمنا علشان ضربنا راجل خد مننا الفلوس و دانا اكل حبه صغيرين
فريد بابتسامة: كنتم مجانين اوي
مسك بضحك: و مازلنا مجانين
و بحزن: بس للاسف الشديد الضحكة اختفت من وشنا و قلوبنا.
فريد: معلش بقولك ايه قومي يالا خدي دش حلو كده و بدلي هدومك و لبسي علشان ننزل نتغدا و نخرج شوية
مسك: ملي
فريد: علشان خاطري يالا
مسك بتنهيدة: ماشي
فريد بفرحة: تمام انا هلبس و هرجع تاني
قبل فريد خدها و ترك لها الحرية
توجهت مسك إلى الحمام واخذت دش منعش و توجهت إلى غرفة الملابس و رتدت بنطلون باللون الاسود و بلوزة باللون الرمادي الفاتح كت مع جرفت باللون الاسود و لمت شعرها و لبست صندل بكعب باللون الاسود.
الباب خبط ودخل فريد و على وجه ابتسامة عريضة
مسك: خير و ايه سر الابتسامة العريضة اللي على وشك ديه
فريد بضحك: و الله انتى عسل يالا علشان الغدا جاهز
مسك: مليش نفس تعالي نخرج
فريد: لازم تاكلي يالا حبيبتي و بعد كده نخرج
مسك فريد اديها و نزلو إلى الاسفل.
علي السفرة
جلس الجميع في أماكنهم و نزل فارس و لمار ومعهم كندا و كانت أول مرة تجلس لمار معهم علي السفرة بامر من فريد البحيري بتجميع العائلة على الغداء
سارا: محدش قعد مكانك بأمر من ماما الله يرحمها
فارس بابتسامة: شكرا سارا
سارا بابتسامة: انت اخويا ياض
كندا: بابي هو انا هقعد فين
فارس: جمب مامي حبيبتي
فريد: مساء الخير
الكل: مساء النور
فارس: تعالي ميكو اقعدي جمب اختك
فريد: لا مسك مكانها جمبي.
حازم بضحك: ايه يا ست مسك هتاخدي مكاني
مسك: انا لو عاوزة اخد مكانه هاخده
مالك بضحك: اموت انا في الواثق
فريد: مسك مش هتاخد مكانك حازم هتاخد مكان مسك
لينا بعدم فهم: يعني ايه عمي
فريد: مسك هتقعد على كرسي جدتها
ذهول سيطر على الجميع من كلام فريد و لكن لينا هي اسرع شخص خرج من صدمته
لينا بغضب: اذاي الكرسي ده ملك مسك البحيري و بس
مسك ببرود: ما انا مسك البحيري مفيش فرق بينا ده حتى سبحان الله الشبة واحد.
لينا بغضب: بقي بنت الخدامة تاخد كريسي ست البيت مش كفاية الخدامة قاعدة
مسك بغضب مكتوم: كندا على فوق
كندا: بس
مسك بغضب مخيف: قولت على فوق
صعدت كندا بسرعة إلى الأعلي
مسك بغضب مخيف: سمعيني تاني قولتي ايه
لينا بغضب: مش بنت الخدامة اللي تقعد على كرسي مسك البحيري
بكل غضب و عصبية سحبت مسك مفرش السفرة الذي ادي إلى تساقط الأطباق على الأرض تحت صدمة الجميع و الغريب ان فريد يقف بمنتهي البرود
ارتعب الجميع من منظر مسك.
مسك بغضب مخيف: و حياة امي و ابويا يا لينا لوريكي اسود ايام حياتك هخليكي تتمني الموت و مش هطولية
لينا بغضب: هي ديه فعلا تربية الخدم تربية زبالة
فارس بغضب: لينا
مسك بغضب: انتي لسه مشفتيش التربية عجبك كده يا فريد
فريد بهدوء: اهدي مسك و كل طلباتك مجابة
مسك بشر: تعتذر من امي حالا و قدام الكل و تعرف ان لمار البحيري ذيها ذي اي واحدة فيهم هانم
فريد بهدوء: لينا اعتذري من لمار
لينا بصدمة: عمي انت بتقول ايه.
فريد بغضب: سمعتي لينا اعتذري من لمار حالا
لينا بعصبية: مش هعتذر من حد
مسك بسخرية: الظاهر يا حازم انك نسيت تعلم مراتك الادب بس انا جيت و هعلم الكل الاحترام
حازم بجدية: لينا نفذي كلام بابا وعتذري من مرات اخويا
لينا بغيظ: سوري
مسك ببرود: مش مقبول اعتذري بالعربي و عدلي وشك و تكلمي بأدب
لينا بغضب: لاااااا كده كتير
فريد بغضب: لينا اعتذري و متخلنيش انسي انك بنت اخويا و مرات ابني و انتى عارف كده كويس.
لينا: انا اسف يا لمار
مسك ببرود: تمام وهي مش قابلة الاعتذار اتفضلي على اوضتك
نظر الكل بذهول على مسك و كيف نفذ فريد البحيري كلامها دون اعتراض غادرت لينا السفرة وصعدت إلى جناحها
مسك فريد يد مسك وغادرو القصر
فارس بابتسامة: كلي دلوعتي علشان متتعبيش مني
لمار بدلع: حاضر فروستي
مالك: يخربيت برودك يا شيخ
فارس بضحك: برود ليه انا عارف ان بنتي حبيبتي هتاخد حق امها على أكمل وجهه.
سما بغيظ: بس انا كنت جعانة و المجنونة بنتك وقعت الأكل
يوسف بضحك: بس انت اذاي لحقت الاكل عمي
فارس بضحك: متعود على كده وقت غضبها مش بتشوف قدامها
احمد بضحك: لا بس بصراحة جامدة
سلمي بغيظ: و الله يا بيه
احمد: اه و الله لزيزة مش ذي ناس باردة
سلمي: انا مش جعانة
سما: احمد اتعدل ديه بنتي
احمد: والله يا سوما انا عامل اعتبار ليكي و بس
مالك بضحك: لما نشوف في اكل في المطبخ و لا هنجيب من برا
سارا: انا هسال.
توجهت سارا إلى المطبخ و طلبت منهم تحضير الطعام مرة أخري واي شي ناقص يحضروه من الخارج.
عند فريد و مسك
اخذ فريد يد مسك و غادر القصر و توجهو إلى احدي المطاعم و اسرع الحرس لهم و فتحو ابواب السيارة ونزل فريد بقوتة و عظمتة و توجة إلى مسك و مسك يد مسك و توجهو إلى المطعم
دخلو إلى المطعم و توجهت جميع الانظار لهم فالجميع يعلم من هو فريد البحيري و لكن من تلك الفاتنة
جلس فريد بعد ان سحب الكرسي لمسك
فريد بابتسامة: تاكلي ايه
مسك بغضب: انت في ايه
فريد بابتسامة: مالك يا قلبي غضبانة ليه.
مسك بغضب: يعني انت مش شايف معاملة لينا لأهلي
فريد بحنان: هدي نفسك بس كده و بعد كده نتكلم براحة
مسك: تمام لينا
فريد بابتسامة: هي كده لينا مغرورة و واخده علي العادات و التقاليد و التكبر
مسك: فريد عوزة اروح مش فايقة انا للارف ده
فريد بابتسامة: هناكل الاول دانتي طلعتي مجنونة فعلا
مسك بابتسامة: اي رايك
فريد بغمزة: جامدة
مسك بضحكة رنانة: هو انا بتعاكس و لا ايه.
فريد بابتسامة: تعرفي انك نفس قوة والدي مختار الله يرحمه كان زيدك كده و في مرة عمل نفس حركة الاكل و سحب مفرش السفرة و كل حاجة بقت على الارض
مسك بابتسامة: انا جعانة
شاور فريد للجرسون الذي اتي بسرعة فالجميع يعرف من هو فريد البحيري و قوتة و نفوذه
لاحظت مسك انظار الجميع من حولها
مسك: فريد
فريد: نعم حبيبتي
مسك: هما الناس دول مركزين اوي معانا ليه.
فريد بضحكة: اصلك حلوة اوي غير كده انا قاعد مع واحدة اصغر من احفادي فأكيد عوزين يعرفو
مسك: قولي فين الحمام
فريد: لحظة حبيبتي
شاور فريد لاحدي الجرسونات و أمرهم باخذ مسك إلى الحمام
بعد لحظات و جاء الأكل و جلس فريد في انتظار مسك التي جاءت
مسك: وااااااااو شكل الاكل تحفة
فريد بحنان: علشان مسكي هتاكل منه
مسك بابتسامة: لما نشوف
جلست تاكل تحت أنظار فريد الفرحان فنظرت له مسك
بابتسامة و شاورت له ان ياكل.
شعرت مسك بشي غريب في صدرها كان هناك يد تضغط عليه بشدة فتركت الشوكة و رفعت اديها على صدرها
فريد: مسك مالك
مسك: مش قادرة اخذت النفس
فريد بخوف: مسك حبيبتي تعالي نروح المستشفي
شاور فريد للحرس الذين اسرعو بسرعة له و ساعدو مسك على المشي و لكن في لحظة سقطت مغشي عليها بين أحضان فريد
اسرع إحدى الحرس بحمل مسك و لكن كان فريد الأسرع و حملها بين أحضانة و خفي و جهها في صدرة من عيون الكاميرات التي تلتفت كل شي.
في المستشفي
وصلت السيارات إلى المستشفي ونزل فريد و هو يحمل مسك بين أحضانة و اسرع فريق طبي كامل كان في انتظارهم و اخذوها منه
فريد بغضب: ايزاك
ايزاك: اوامرك فريد بيه
فريد بغضب: عاوزك تشوف مين المسؤل عن الأكل اللي نزل لينا
ايزاك: تحت امرك بس هو نفس الاكل اللي حضرتك كلت منه و انت كويس
فريد: للأسف صح معرفش ليه حصل كده
لحظات و خرج الفريق الطبي
فريد: مالها مسك هي كويسة.
الدكتور: اطمن فريد بيه الهانم الصغيرة عندها ضيق في التنفس و محدش عارف سببة
فريد: و هي كويسة دلوقتي
الدكتور: اطمن كلها نص ساعة و هتفوق و ممكن تخرج كمان بعد اذنكم
ايزاك: اعتقد عمار بيكون تعبان دلوقتي
فريد: للدرجة ديه
ايزاك بابتسامة: و اكتر الاتنين رحهم مربوطة ببعض
فريد: و انا هريح قلب حفيدتي
ايزاك: اشمعنا ديه
فريد: لانها مسك مسك البحيري
ايزاك: كل احفادك حاملين لقب البحيري و لا علشان هي كلها المرحومة الكبيرة.
فريد بابتسامة: صح هدخل اطمن عليها
اكتفى ايزاك بهز راسه و جلس على الكرسي و دخل فريد إلى مسك
مر الوقت و خرجت مسك بعد ان علمت بان عمار بخير و لم يصيبة اذي
أخبرت مسك فريد بان الطعام احتوي على نوع معين من البهار و هي لديها ضيق تنفس منه
كتب الدكتور على الخروج و ما صدمها وجود عدد كبير من الصحافة في الخارج فقام فريد بضمها لحضنة و التفت الحرس حولهم و اخذوهم و غادرو إلى القصر.
عند وصولهم إلى القصر ساعد فريد مسك على الصعود إلى جناحها و تركها تستريح و غادر يهدئ قلبه من الرعب عليها
لحظات و دخلت كندا و نامت بين أحضانة.