رواية بنت الحداد للكاتبة أماني فهمي الفصل التاسع
عند مسك
وصلت السيارة إلى احدي المطاعم الفاخرة اسرع الحرس بالنزول وفتحو الباب لمسك التي بدورها ابتسمت له
لف فريد وامسك ايد مسك بكل حنان وتوجهو إلى الداخل
سحب فريد الكرسي لمسك وجعلها تجلس
مسك: خير
فريد بابتسامة: تشربي ايه
مسك: انت عاوز ايه مننا مش رميت ابنك و مراته في الشارع و مش بس البيت لا البلد كلها سبته لمصيرة يواجه لوحده
فريد: انا هطلب قهوة
شاور فريد للجرسون الذي اتي بسرعة.
فريد: واحد قهوة مظبوطة و عصير للهانم
مسك باعتراض: لا انا عوزة قهوة دوبل
الجرسون: مظبوطة يا هانم
مسك بابتسامة: لا عوزاها سادة من فضلك
الجرسون: امرك يا فندم
غادر الجرسون ونظرت له بمعني تحدث.
فريد بتنهيدة: عوزة تعرفي ليه علشان زمان ابويا عملها مع اخويا الصغير لما حب و تجوز من غير أمره وعمل المستحيل علشان يسامحه رفض وكسر قلبه عارفة قبل ميخرج من البيت قاله ذي معملت معايا نسلك هيعمل نفس الشي وفعلا فاتت السنين وابني عمل نفس الحركة وانا برده خليته يخرج من البيت و البلد كلها
مسك: وانت ليه مسعدتش اخوك ليه مكنتش الظهر و السند ليه مقولتش لا.
فريد: لاني كنت شايف انه صح ولما عملتها مع فارس كنت بقرر تعاليم ابويا
مسك: ودلوقتي المطلوب
فريد بحزن: ترجعو معايا انا عاوز اجمعكم قبل مموت انا غلطت كتير ولازم تسمحوني
مسك: عارف مش لايق عليك الحزن اقولك المفيد بقي انت حاسس بالذنب مش اكتر اجبلك الناهية مسك البحيري بس الكبيرة هي السبب موتها مقصر فيك وحاسس انك قصرت لأول مرة في حياتك معاها لانها كانت عوزة تشوف ابنها و عيالو.
فريد بابتسامة: صح مسك تعرفي اني ابتديت اتعلق بيكي دماغك كبيرة وفهماني صح
مسك بابتسامة: قولي يا فريد بيه انت قولت ايه لابويا علشان يخاف اوي كده
فريد بابتسامة: هددته بس بيكم بس طلع وجهه نظري غلط المفروض كنت هددت الشخص الصح
مسك بضحكة رنانة: اللي هو انا صح بس للاسف الشديد فريد البحيري اخترت واحدة بايعة كل حاجة.
فريد بخبث: بس لو عربية سريعة في الشارع وامك ماشية ومش واخده بالها منها ممكن تخبطها او حتى فارس نفسه وممكن عصابة تخطف اختك الصغيرة وهي حلوة وممكن يبيعوها قطعة واحدة او حتت هيبقي ايه الحل حرام صح او يا حرام لو اسلام او ابوه خطفوكي ووقعتي تحت ايده و عمل معاكي الغلط موقف فارس او لمار حتى كندا مش ممكن ابوكي يقتلك او يموت بحسرتة عليكي وجاو يعيش وهو مكسور بعارك مين هيقبل باختك لما يعرف ان اختها حصل فيها كده.
مسك بغضب: يستحيل تكون انسان عاوز تضع شرف ابنك
فريد بغضب: عادي جدا
مسك ببرود: انت عاوز ايه فريد
فريد: تقنعي ابوكي انه يرجع معايا لألمانيا
مسك: وبعدها المطلوب
فريد: هتعيشو معانا في القصر وكل حاجة انتم عوزنها هتتنفذ من غير نقاش فلوس عربيات مجوهرات هدوم مكانة اجتماعية مركز مصنع ابوكي يرجعلة تاني ده شقي عمره
مسك ببرود: مش محتاجين حاجة منك
فريد: ده حقكم
مسك: انت ليه كده
فريد بهدوء: هيجي الوقت اللي تعرفي فيه.
نظرت مسك أمامها ووجدت اخر أشخاص تريد أن تراهم الان
مسك: تعالي نمشي من هنا
فريد: ليه حبيبتي
مسك بعصبية: هتقوم ولا اقوم انا وسيبك
فريد بحنان: حاضر حبيبتي يالا
مسك بغضب مكتوم: خلاص يا باشا ملوش لزوم
جاءت ثلاثة فتيات ووقفو أمام التربيزة
فتاة 1: ايه ده بنت الحداد قاعدة في مطعم ذي ده
فتاة 2: توتوتوتوتوتو شوفي كمان لبسها
فتاة 3: شكلها وقعت على واحد غني هيرفعها من الارف و الذل اللي هي فيه.
فتاة 1: صح يا رودي شكل هو ده الشخص باين عليه
مسك بابتسامة باردة: اهلا خير
جنا: مين ده عريس صح
مسك بابتسامة سخرية: اه عريس تتفضليه
رودي: لاااا خلهولك احنا يوم منتجوز هناخد احسن ناس
مسك بارف: احسن ناس كويس يالا بقي هونا من هنا
فريد بابتسامة: مسكي مش تعرفيني عليهم
مسك بغيظ: ملكش دعوة
جنا بتكبر: انا جنا محرم
رودي بتكبر: انا رودي السلام
سلين بتكبر: انا سلين محمود.
فريد بابتسامة: وانا فريد مختار البحيري اكون ابوها و صدقها و حبيبها و جدها
جنا بصدمة: جدها اذاي
مسك بابتسامة سخرية: اوبس اصل انا نسيت اقولكم اسمي بالكامل انا مسك فارس فريد مختار البحيري يعني الشخص ده بيكون جدو
رودي بتكبر: انتى حفيدة واحد ذي ده يستحيل
اقتحم مجموعة من الحرس المطعم وتحدثو مع فريد الذي ابتسم وقام وقف وتوجه إلى مسك
فريد بابتسامة: يالا مسكي الوقت اتأخر ولازم نعمل حاجات كتير قبل السفر.
سلين: سفر ايه جدو
فريد برفع حاجب: جدو انا جد مسك البحيري وبس وعلى العموم السفر لألمانيا هنستقر هناك
جنا: وحنا كمان هنسافر ألمانيا كمان اسبوع اكيد هتعذمونا عندكم
فريد بابتسامة: تنورو القصر طبعا
مسك: لحظة واحدة بس هما مين دول اصلا انا معرفهمش علشان يدخلو بيتي دول اخرهم شوية نم و هر وانا ميشرفنيش يدخلو بيتي
فريد بجدية: اوامر مسك البحيري مطاعة يالا حبيبتي
مسك ببرود: لحظة واحدة بس علشان انا مخنوقة منهم.
حملت مسك طبق مكرونة الذي يوجد على التربيزة التي خلفها و قامت برميه عليهم الثلاثة وضحكت ضحكة رنانة في المكان
مسك بضحك: بصراحة شكلكم تحفة واحدة بقي صورة جماعية علشان خاطر اللحظة الحلوة ديه
اخرجت مسك التليفون ولقطت لهم مجموعة صور ونشرتها على جروب الجامعة ومشيت
مسك: بعتذر منكم
الشاب بابتسامة: ولا يهمك يا قمر
مسك بابتسامة: بعد اذنك.
ضمها فريد لحضنة ومشي بيها للخارج ولكن في لحظة بعدت مسك ايده و نظرت له برفع حاجب
مسك: ايدك يا كوتش لتوحشك
فريد بصدمة: كوتش و توحشك لااااااا لازم إعادة تأهيل من اول و جديد
مسك بمشاكسة: وإعادة التأهيل ديه ليا ولا ليك اكيد ليك اصلك بصراحة قديم اوي مش ماشي مع العصر و الجيل الجديد
فريد بضحك: وانا مستعد للتغير بس على ايدك.
وبحزن: مسك انا محتاجك جمبي و محتاج فارس و لمار اوي من يوم مرض جدتك علشان فراق فارس وانا بتعذب يوم معرفت انه خلف وعرفت انه جاب بنت وسماها مسك كان نفسي اضمها لحضني كان نفسي اشيل عيالة وفرح بيهم
مسك بحزن: وايه اللي منعك
فريد بكسرة: غروري و قوتي و اوامر ابويا.
مسك: متحلمش اني احبك و اعيش معاك عادي انا كنت بشوف و سمع ابويا وهو واقف قدام صورتك وبيكلمك ودموعه بتنزل انا عمري مهسامح في حق ابويا و كسرة امي انها السبب في حرامنه منكم بعد اذنك
فريد بسرعة: ايه رايك لو رجعتم معايا وصدقيني مفيش حد هيقدر يعملكم حاجة
مسك بابتسامة شر: وانت فاكر لو وافقت على السفر هسمح ليك او لغيرك انهم يهينو اهلي ساعتها هكون شيطان رجيم وهحول حياتكم لجحيم.
فريد بقوة: اوعدك اي حد فيهم هيكلم كلمة واحدة انا اللي هقفله
و بسعادة: يعني اجهز كل حاجة لوصولكم لحياتي
مسك بابتسامة سخرية: متفرحش اوي كده يا برنس
تركته وتوجهت إلى السيارة فاسرع الحرس بفتح الباب
فريد بابتسامة: هترجعي يا مسك انتي اللي العيلة محتجاها انتي خليفة نسل البحيري
ركب فريد بجوارها ومسك اديها وبتسم ونطلقت إلى منزلها.
في منزل فارس
وصلت مسك إلى المنطقة و نزلت ولم تودع فريد الذي ابتسم ولم يعلق وغادر
صعدت مسك إلى المنزل ووجدت فارس و لمار يجلسون في انتظارها
جلست مسك أمامهم بعد ان خلعت الحذاء
مسك بابتسامة: خير اول مرة تستنوني
فارس: حصل ايه معاكي
مسك: هو هددك بينا صح
فارس: لا طبعا
مسك بابتسامة: عيب يا فروستي انك مش بتعرف تكدب هو اللي قالي بكل بساطه
لمار بخوف: مسك حبيبتي احنا هنسافر معاه.
مسك بغضب: انتم بتهزرو صح هتسافرو مع مين مع فريد البحيري انتم نسيتم مين هو فريد البحيري اللي طردهم برا حياته علشان بس ابنه اجوزك ولا عيلته اللي بتكرهك ده طردكم ذي الكلاب مفكرش فيكم هتعيشو اذاي ولا اهتم بحد ودلوقتي بعد 20 سنة جاي يقولكم ارجعو تقولو حاضر على جثتي فهمين على جثتي
فارس بحده: مسك حافظي على كلامك وعرفي انك بتكلمي ابوكي و امك.
مسك بغضب: اوعي انت تنسي ان ابويا و امي دول اتهانو و تمسح بيهم الارض لو مكنتش سحبت فلوس قبل متتجوز كان زمانك بتشحت او ميت
فارس بغضب: مسك كفاية
مسك: انا مش هسافر عاوز تسافر سافر انت لكن انا لا بس يوم ميرجع يطردك تاني اعرف ان بيتك مفتوح دايما
مشيت مسك وصعدت الى غرفتها ونزعت ملابسها بعنف ورمتهم على الارض وتوجهت إلى الحمام ووقفت تحت المياة حتى تهدي اعصابها وخرجت وقفت امام المرآة.
مسك لنفسها: مش هيعمل حاجه مش هيقدر ياذيهم مهما كان ده ابنه و حفيدته ومرات ابنه وهو عارف ان ابنه بيعشقها اكيد مش هيكسر قلبه و يخلي احفادة أيتام صح اكيد صح
اخرجها من الكلام امام المرآة صوت رنين التليفون وكان محمد الكيلاني فتنهدت
مسك: مساء الخير استاذ محمد
محمد: مساء النور بشمهندسة مسك انا بس باكد على ميعاد بكرا علشان لازم اسافر والفيلا تبقي تحت امرك.
مسك بتفهم: اكيد يا فندم بإذن الله هكون عندك بكرا الصبح على الساعة 10 مناسب
محمد: مناسب جدا في انتظار حضرتك مع السلامة
مسك: مع السلامة
اغلقت مسك التليفون ورمته على التسريحة وشعرت بصداع شديد فتوجهت إلى المطبخ وصنعت قهوة واخذتها وعادت إلى غرفتها تفكر في كلام فريد و رعب ابوها و امها منه ولكن قررت الاتصال على ادم وعلمت منه بانه سوف يظل في العمل
نامت مسك بعد عذاب كبير بعد الفجر.
في الفندق
عاد فريد إلى الفندق وهو سعيد بشده لانه سوف يحصل علي مسكه مرة أخرى
جلس فريد على الكرسي وامسك صورة زوجته وبتسم بشدة لأنه سيحصل عليها لنفسه.
فريد بابتسامة: مسكي هترجع لحياتي تاني انا عارف انكم مش واحد غير في الشكل وبس تعرفي حبيبتي مسك عاملة ذي قوية و حنينة و صلبة و مستعده تكسر اي حد علشان خاطر عيلتها هي ديه فعلا من نسلي هي ديه اللي هسلمها راية البحيري وانا مطمن بس لازم الاول اخلي قلبها جحر عمرها متحب يوم متتجوز تبقي شبه الحديد محدش يعرف يشكله لازم اخليها قوية يومين يا مسك يومين وهتكوني ملكي اشكلك علي مزاجي الواحد يروح ينام للقاء مسك البحيري ب فريد البحيري.
نام فريد وهو يبتسم لقرب تحقيق هدفه.
في الصباح
صحيت مسك ولبست بنطلون اسود و بدي اسود وجاكت جلد باللون البيج ورفعت شعرها إلى الأعلي.
نزلت مسك وغادرت المنزل ومنعت الكلام مع ابوها وأخذت الريس وغادرت
انطلق خلف مسك الحارس الذي وضعه فريد البحيري للاطمان عليهم.
فى فيلا محمد الكيلاني
وصلت مسك إلى الفيلا ووجدت مجموعة من الحرس وعندما علمو هويتها سمحو لها بالدخول بكل سلاسه
نزلت مسك وتوجهت إلى الفيلا و صطحبتها فتاة إلى غرفة المكتب.
في المكتب
دخلت مسك المكتب ووجدت شاب يقف امام الشباك
مسك بجدية: صباح الخير
الشاب وهو يلتفت: صباح النور اخيرا قررتي تشرفيني في بيتي
مسك برفع حاجب: كمال نور الدين منور والله
كمال بسخرية: اكيد يا حلوة لازم اكون منور
مسك بجدية: انت عاوز ايه مني
كمال: ولا حاجه عوزك
مسك بعدم فهم: يعني ايه.
كمال: من اول لحظة شفتك فيها في الكلية وانتى عجبتيني ولما قررت اجيبك المصنع علشان اعرف اخد اللي انا عاوزة بس للاسف مكنش فيه وقت ولقيت مفيش منك منفعة يعني تعرفي ان رجالتي فيهم انوثة عنك انتى يا بنتي ضايعة خالص مفيش اي معلم يدل انك بنت يعني مفيش ولا من فوق ولا من تحت حته واحدة هههههههههه.
مسك بسخرية: يا روحي بقي رجلتك فيهم أنوثة طب كويس ابقي اختار كل يوم راجل اوبس واحدة منهم وتفرج عليها اكيد هتلاقي امكانيات عاليه
كمال بغضب: عارفة انا مكرهتش في حياتي غيرك بقي حته بنت متسواش 3 تعريفة في سوق النسوان تخسرني 10 مليون جنية ليه
مسك ببرود: علشان فاشل وعره الرجالة
كمال بغضب: انتى بتقولي ايه يا وس
مسك بغضب: لما انا وس انتى تبقي ايه.
كمال بغضب: وعزة وجلالة الله لخرجك من هنا بفضيحة وانتى ضايعة وشرف ابوكي هاخده بأيدي وهنزل فيدوهاتك على الملئ
مسك بضحكة رنانة: انت حمار ياض شرف ايه و فضيحة ايه هو انت فاكر اني سهلة ولا الضرف اللي برا دول هيخوفوني وفضل اعيط و ترجاك انك تسبني فوق ياض انا مسك البحيري
كمال: انتى قولتى اسمك ايه.
مسك بابتسامة: اسمي مسك فارس فريد مختار البحيري واللي انا كنت واقفة معاه ونقذته من غبائك بيكون ابن عمي و المصلحة واحدة فاهم انت بقي
كمال بضحك: تصدقي كده احلي لما اكلم فريد باشا البحيري بنفسه وطلب مقابل حياة حفيدتة الحلوة
مسك بضحكة رنانة: والله العظيم انت عبيط وهبل
كمال بغضب: اخرسي يا بت
مسك بجدية: انا همشي الواحد مش ناقص على الصبح
توجهت مسك إلى الباب ولكن اسرع خلفها كمال ومسكها من شعرها.
فضلت مسك تقاومة إلى ان بعدت عنه و صفعته بشدة
مسك بغضب: انت مجنون ياض بلا وكسة والله العظيم لو فكرت تقرب منى تاني لقتلك
كمال بغضب: وريني بقي مين هيقتل مين
هجم عليها كمال ووقعت مسك علي الارض وهو فوقها يحاول الاعتداء عليها تحت مقاومتها الشديدة الى ان تمكنت من ضربه بالروسية فبعد للحظة ولكن كان ينام على الارض وهو سايح في دمائه
وقفت مسك وهي تمسك في اديها تمثال وعليه بعض قطرات الدماء.
استمعت مسك لصوت صراخ يملى المكان وما كان غير الخدم
لحظات وكان رجال الشرطة و الاسعاف موجودين واخذو كمال للمستشفى و تم إلقاء القبض على مسك.