رواية بنت الحداد للكاتبة أماني فهمي الفصل العاشر
توقفنا عندما تم إلقاء القبض على مسك بتهمة الشروع في القتل
أبلغ الحارس فريد البحيري بما حدث وبدروه أبلغ أبنائه واسرعو خلف مسك.
في المدرية
دخلت مسك وهي تسحب من قبل احدي العساكر و دخلت إلى مكتب الظابط
الضابط: شيل الكلبشات يا بني
العسكري: امرك يا فندم
فتح العسكري الكلبشات وترك مسك تقف وادي التحية العسكرية وغادر المكتب
الظابط: اتفضلي استريحي
جلست مسك على الكرسي الذي خلفها بصدمة مازالت على محياها
الضابط بهدوء: اسمك ايه
مسك: لا رد
الضابط: اسمعيني لازم تتكلمي علشان اعرف اساعدك
مسك: لا رد.
الضابط باسف: حبيبتي طيب كلمي حد من أهلك لازم والدك او اخوكي يجي يبقي معاكي
مسك: لا رد
تنهد الضابط لانه يعلم ما حدث معها صدمة بكل المقاييس فمنذو النظرة الاولي يعلم جيدا بأنها صغيرة في العمر ولكن لم ذهبت له إلى منزله
طلب الضابط عصير لمون لمسك حتى تهدئ حالها ولكن قطع كلامه صوت خبط على الباب وسمح للعسكري
الضابط: في ايه
العسكري: في ناس برا بيقولو انهم اهل المتهمة.
الضابط باستغراب: أهلها اذاي وهي مش كلمت حد دخلهم
خرج العسكري وبعد لحظات انفتح الباب ودخل منه فريد البحيري و أبنائه و حفيده
فريد بلهفة: مسك حبيبتي انتى كويسة عملك حاجة الحيوان ده
مسك: لا تعليق
مالك بحنان: مسك ردي علينا مالك يا قلبي
مسك: لا تعليق
حازم: انتم عملتم فيها ايه
الضابط: هي بس عندها صدمة و رهبه من الموقف ممكن اعرف انتم مين.
حازم: انا حازم البحيري عمها و ده مالك البحيري عمها و ده ادهم البحيري ابني و ده فريد البحيري جدها
مالك: ممكن اعرف هو حصل ايه
الضابط باسف: للأسف الشديد شروع في قتل
ادهم بصدمة: انت بتقول ايه
الضابط: الأحسن تطلب محامي القضية كبيرة
مالك: فارس لازم يعرف
كان فريد يجلس وهو يضم مسك لحضنة بخوف شديد خوفا من فقدانها
اتصل ادهم على فارس واخبره بما حدث فصدم ونزل يجري.
في منزل فارس
كان فارس يجلس مع لمار وهم يتحدثون كيفية اقناع مسك بالذهاب معهم ولكن قطع كلامهم رنين التليفون
فارس: اهلا مالك اذيك
مالك: فارس تعالي بسرعه على مدرية امن 6 أكتوبر وهات محامي معاك
فارس بقلق: في ايه مالك
مالك باسف: للأسف الشديد مسك موجودة هنا
فارس برعب: حالا وهاجي
اسرع فارس بالاتصال على على واخبره بسرعة التوجة إلى مدرية 6 أكتوبر
نزل فارس ووجد ادم كان سيدخل منزله
فارس: ادم ادم
ادم: نعم عمي.
فارس برعب: الحق مسك مقبوض عليها
ادم بصدمة: انت بتقول ايه
فارس مش وقته يالا
اسرعو إلى السيارة للتوجة إلى المدرية.
في مدرية 6 أكتوبر
كانت مسك مازالت بين أحضان جدها ولكن نظرها مثبت على الفراغ
وكان الباقي يجلس امامهم
لحظات ودخل العسكري يخبره بوجود محامي فسمح له بالدخول
دخل المحامي و ما كان غير علي العسيلي
المحامي: انا المحامي علي العسيلي
الضابط: غني علي التعريف سيادة المستشار
علي: فين مسك
الضابط: وراك بس مش باينة.
لف علي وجد مسك بين أحضان جدها فاسرع لها وجلس بجوارها واخذها من فريد بالغصب ولكن لم تشعر مسك باي شيء فقط تنظر للفراغ
لحظات ونفتح الباب بقوة ودخل ادم وأسرع إلى مسك وجلس على الارض أمامها ووضع ايده على خدها بكل حنان و حب
ادم بحنان: مسكي يا روحي ردي عليا ميكو مسكي
فارس بدموع: مسك بنتي مالك حصل ايه
فى لحظة واحدة كانت مسك ترمي نفسها بين احضان ادم الذي استقبلها بكل حنان وكانت ترتعش بين أحضانة.
ادم: من فضلكم سبونا لوحدنا
فارس بدموع: حصل ايه حد يفهمني
ادهم: اهدي يا عمي
على: ممكن افهم في ايه يا حضرة الضابط
الضابط: الانسة متهمة بالشروع في قتل
فارس بصدمة: شروع في قتل اذاي و مين
الضابط: كمال نور الدين رجل الأعمال المعروف
صدمة الجمت الجميع ولكن كان فارس اول المتحدثين
فارس: مين كمال نور الدين ده وايه علقته ببنتي
ادهم بغضب: الكلب و الله ما سايبة هو ميعرفش احنا مين
الضابط: ادهم بيه من فضلك اهدي.
حازم بغضب: نهدي انا هولع فيه
الضابط بهدوء: يا جماعة المفروض الانسة تهدي علشان تحكي ايه اللي حصل وليه راحت ليه البيت
فارس بغضب: مسك مين ده وليه رحتي ليه البيت انطقي
لم ترد مسك وظلت بين أحضان ادم فسحبها فارس بشدة من أحضان ادم واوقفها أمامه
فارس بغضب: انطقي مين ده وليه رحتي بيته وليه قتلتية
لم ترد مسك عليه وكان واقفة فقط فقام فارس بصفعها بشدة تحت صراخ الجميع فاسرع فريد بضمها لحضنة.
فريد بغضب: انت مجنون اذاي ترفع ايدك عليها
فارس بغضب: بنتي وانا حر فيها
الضابط: فارس بيه ارجوك اهدي احنا عوزين نحل مش نعقد المسئلة اكتر
مالك: المفروض يا فارس تهديها مش تزود عليها وكمان انت اكتر واحد لازم تحتويها ولازم تكون واثق فيها
بعدت مسك من حضن فريد ونظرت لفارس
مسك بهمس: بابي
فارس بحنان: مسكي يا قلبي
حضنها فارس بين أحضانة حتى تنعم بالدفء في حين شاور فريد لمالك بالتصرف.
فارس بحنان: ايه اللي حصل يا قلب ابوكي
ادم بحب: احكي يا عمري متخفيش من اي حد.
مسك: اننا من اسبوع جالي تليفون من واحد أسمه محمد الكيلاني عوزني اعمله شغل حديد في الفيلا بتاعته وفعلا اتفقت معاه اني المفروض اروح امبارح ولما رحت لقيت الفيلا كلها حرس اتصلت بادم وقولتله بس هو امشي وعتذر منه فعلا عملت كده و مشيت ورجعت على البيت بس امبارح بالليل اتصل عليا وقالي انه مسافر ولازم اروح ياما انسي الشغل فرحت النهاردة والحرس دخلوني على طول ولما دخلت فؤجات انه كمان نور الدين وكان بيهددني بفريد البحيري و ادهم البحيري وانى خسرته فلوس كتير بس لما عرف اني حفيده فريد البحيري اتهجم عليا ضربته ولما بعد لقيت تمثال جمبي ضربته بيه على راسه فلحظة لقيت الخدم بيصوته والحرس دخلو و طلبو البوليس وجيت هنا بس معرفتش اتكلم كنت مصومة اني اذاي مخلصتش عليه ولسه عايش.
اسرع ادم بوضع ايده علي فمها حتى يمنعها من باقي كلامها و ضحك
ادم بابتسامة: مجنونة والله
وبجدية: عملك حاجة
مسك بغمزة: عيب عليك يا سطي انا تربيتك بس شوية جروح في رقبتي
ادم بابتسامة: اصلي يا معلم
الضابط: المفروض دلوقتي النيابة على وصول هنعمل ايه
فريد بجدية: احنا هنتصرف معاه
الباب خبط وبلغه العسكري بوجود النيابة و في انتظار المتهمة
اخذها الضابط و توجة على معهم ودخلو.
في مكتب وكيل النيابة
دخل الضابط ومعه مسك والمحامي وجعلهم يجلسو وغادر الضابط بعد ان ادلي بشهادته
وكيل النيابة: اسمك و سنك و عنوانك
علي: المستشار على العسيلي حاضر معها
وكيل النيابة: اهلا وسهلا سيادة المستشار غني عن التعريف ها يا انسة ممكن تتكلمى
نظرت مسك لعلي الذي هز راسه بالكلام
وكيل النيابة: اسمك و سنك و عنوانك
مسك: اسمي مسك فارس فريد مختار البحيري عندي 20 سنة وعايشة في الجيارة مصر القديمة.
وكيل النيابة: ايه علاقتك بالمجي عليه
مسك: مفيش علاقة بينا
وكيل النيابة: اذاي وهو قال انه عارفك
مسك بتأكيد: صح يا فندم انا عرفاه بس مفيش علاقة بينا
وكيل النيابة: اذاي عرفاه و اذاي مفيش علاقة بينكم.
مسك: من حوالى 4 شهور كمال نور الدين نزل الجامعة عندنا في ندوة كانت بترعاها الجامعة وهو هناك اختار مجموعة من الطلبة المتفوقين وانا كنت ضمن الطلبة دول و شتغلنا عنده في المصنع والمفروض كنت اسيب المصنع مع بداية الامتحانات بس انا حبيت الشغل وستمريت لغاية من اسبوعين سبت المصنع بس حصل مشكلة وانا كنت موجودة فشهت بالحق والنهاردة
وكيل النيابة: لحظة واحدة بس مشكلة ايه اللي حصلت هناك.
مسك: حضرتك كان في ماكنة بايظة فطلب اصحاب المصنع المسؤل عن المكنة يجو وانا قبلها شفت مهندس من عنده فكها و لعب فيها ولما جيه اصحاب المصنع الفريق الألماني معرفش سبب العطل فكمال طلب منهم يجيبو ماكنة غيرها و غير غرامة التعطيل وكان المبلغ حوالي 10 مليون على كلام كمال وانا شهدت بالي شفته فهو حلف لياذيني بس مهتمتش وسبت المصنع و سافرت الغردقة رحلة عائلية مع عيلتي
وكيل النيابة: وايه اللي حصل النهاردة.
مسك: اللي حصل النهاردة
حكت مسك ما حدث بينهم وما فعلته و شاهد وكيل النيابة اثار الضرب و الجروح التي بعنقها
وكيل النيابة: اسمعيني مسك انا مصدقك بس هو مقلش كده
على: ممكن اعرف هو قال ايه
وكيل النيابة: قال إنهم على علاقة حب مع بعض وهو كان عاوز ينهي العلاقة بس هي مقبلتش
مسك بجهل: يعني ايه علاقة حب احنا يعني بنحب بعض و شغل الأفلام ده
وكيل النيابة: لا هو يقصد انكم على علاقة كاملة.
مسك: معلش بردو مش فاهمة يعني ايه علاقة حب و علاقة كاملة
علي: اسكتي انتى دلوقتي لا طبعا يا احمد بيه مسك مش بس موكلتي ديه بنتي انا اللي مربيها و عارف أخلاقها كويس
وكيل النيابة: يا علي بيه هي اصلا مش فاهمة انا اقصد ايه لو كانت فاهمة كان على الاقل كان بان عليها
علي: انا بطلب الكشف عليها حضرتك شايف رقبتها مجروحة من اثر التهجم عليها.
وكيل النيابة: تمام سيادة المستشار هطلب منهم ينقلوها المستشفي ويطلع تقرير بس مهما كان هتفضل متهمة وممكن تتحبس
مسك: لحظة واحدة بس يعني ايه اتحبس هو انا اللي هتحبس مش هو
وكيل النيابة: للأسف الشديد اه لان معاه شهود واثبتو الواقعة
مسك ببرود: ممكن تخلي حد يجيب تليفوني
وكيل النيابة: ليه
مسك بسخرية: علشان لما حضرتك تكمل باقي التحقيقات تبدل المواقع
على: مسك اتعدلي في الكلام.
وكيل النيابة: لحظة سيادة المستشار تقصدي ايه مسك
مسك: اقصد اني هتنقل من المتهمة للمجني عليا وهو هيبقي المتهم
وكيل النيابة بترقب: لحظة مسك انتى عارفة كلامك ده ممكن يعمل ايه
مسك: ممكن تليفوني بعد اذنك اكيد المباحث اخدته وانا هوريك كل حاجة
وكيل النيابة: تمام مسك
ارسل وكيل النيابة في طلب هاتف مسك و وبعد فترة تم احضارة
وكيل النيابة: اتفضلي مسك التليفون
مسك: شكرا يا فندم.
مسكت التليفون وقامت بفتحة و شغلت تسجيل صوتي بكل شي دار معها منذو دخولها فيلا كمال نور الدين لاخر دخول الشرطة
ذهل وكيل النيابة و بتسم علي علي ذكاء طفلتة و دهائها
وكيل النيابة: انتي عارفة التسجيل ده هيقلب موازين والموضوع فعلا ذي مقولتي
علي: يبقي كده يا فندم مسك بقت مجني عليها وهو المتهم
وكيل النيابة: صح سيادة المستشار
علي: كده تقدر مسك تخرج بسهولة
وكيل النيابة: اكيد بس هتتمنع من السفر فترة.
علي: بس مسك مش مصرية
وكيل النيابة: نعم مش مصرية اذاي يعني ديه عايشة في الجيارة يعني قلب مصر
على: هي فعلا مصرية بس جنسيتها الاولي ألمانية والمفروض هتسافر في خلال أيام قليلة
وكيل النيابة: تمام سيادة المستشار انا هتنقل للتحقيق مع المتهم وحضرتك ممكن تتابع معايا
مسك: وانا هعمل ايه دلوقتي
وكيل النيابة بابتسامة: هتروحي طبعا.
وبجدية: أمرنا نحن وكيل اول النائب العام بالأفراح عن مسك فارس فريد مختار البحيري بضمان محل إقامتها و منعها من السفر لحين انتهاء التحقيقات
على بابتسامة: كده تمام حبيبتي
وكيل النيابة: اتفضلي امضي على اقوالك مسك
مضت مسك على المحضر و خرجت بين أحضان علي فاسرع فارس و ادم و فريد لها و ضموها لحضنهم
اخذها ادم وغادر المدرية وعاد الجميع إلى منزل فارس.
في منزل فارس
وصل الجميع إلى المنزل ودخلو
اسرعت لمار إلى فارس حتى تطمن على صغيرتها فهدئها فارس وطمن قلبها
لمار: هي فين طيب
فارس: مع ادم متقلقيش
علي بضحك: بس مسك معلمة والله البت لفت القضية وخلت نفسها من متهمه لمجني عليها
ادهم: يعني ايه
علي بضحك: مسكك اول ما دخلت سجلت الحوار كله وده فادها جدا
حازم: سيبو كال عليا انا هتصرف معاه
فارس: وانت فاكر ان مسك هتسيبه يبقي متعرفش مسك فارس البحيري.
مالك بضحك: بس انت يا فارس ادتها حته قلم معتبر
لمار بشهقة: انت ضربت مسك انت اتجننت ديه مش هتسكت ربنا يستر البيت هيولع
لحظات ونفتح الباب ودخلت مسك وهي بصحبة ادم ويضمها لحضنة
دخلت مسك وجلست على الكرسي امام الكل وجلس ادم على طرف الكرسي فوضعت رأسها على قدمه
لمار: ميكو حبيبتي انتى كويسة
مسك: اممممممممم
فارس: احكيلي بقي حصل ايه
مسك: لا تعليق
علي بسرعة: انا هحكي سبها اللي حصل اكيد تعبها.
فريد: مسك حبيبتي ايه رايك تطلعي تغيري هدومك ونخرج شوية
حازم: انسي خالص الموضوع ده وانا هربي الكلب اللي اسمه كمال
مسك وهي علي وضعها: محدش ليه علاقة بالموضوع ده انا هتصرف
مالك: مسك حبيبتي انتى اخرجي برا الموضوع وانا هلمه
مسك بسخرية: هتعمل ايه مالك بيه هدفع ليه فلوس علشان يتنازل عن المحضر طب و سمعه بنت اخوك اللي انتم جايين من آخر الدنيا علشان يرجعو نستها.
ادهم: فلوس لا طبعا انا مش هدفع للحيوان ده حاجه انا هخليه يتمني الموت ومش يطوله هضيع كل حاجة وانا يا هو
فارس: كفاية مشاكل احنا في غني عنها وارجوك فريد بيه تاخد ولادك وتسافر وتنساني للابد ذي منستني 20 سنة إنساني باقي حياتك
فريد بجدية: موضوع مسك يخلص وانتم تجهزو نفسكم للسفر
مسك: فين كندا
لمار: معرفش قالت هتنزل تجيب حاجه من تحت يمكن عند فريدة و سلمي
مسك بغضب: يعني ايه يمكن فين كندا حد يتصل عليها.
اسرع ادم بالاتصال عليها ولكن لم تجيب فتحدث مع امه لم يجدها بالمنزل
مسك بعصبية: فين كندا فريد البحيري
فريد بصدمة: انتى مجنونة انتى فاكرة اني ورا اختفائها
مسك بغضب: ونبي يا فريد متحسسنيش انك ملاك بجناحين
فريد بابتسامة: علشان عرفي اني طيب
مسك بصراخ: يالهوي علي البرود فين اختي
فارس: تليفونها مفتوح
ادم: انا هتبع التليفون وعرف هو فين.
قطع حرب النظرات نزول كندا من الأعلي وهي عليها اثار النوم الشديد وتوجهت إلى حضن فارس لتكمل نومها تحت صدمة الجميع
ادم بلهفة: كينو انتى كويسة
كندا بنوم: اه عوزة انام بس بقي
مسك: انتى يا زفته قومي من حضن فروستي
لمار بغيظ: انتى يا بقرة متقوليش فروستي هو فارسي انا وبس
كندا بضحك: ايه ده رد السجون بتعمل ايه هنا
مسك بغيظ: جيت علشان اقتلك ورجع تاني اهو اتسجن في بورص معفن
كندا وهي تقبل فارس: هفضل غيظاكم كده انا.
مسك: بلا وكسة بكرا يرميكي رميه الكلاب
لمار: انتي يا جذمة سيبي جوزي
فارس: بس خلاص عندنا ضيوف
فريد: قوليلي مسك فين اوضتك الواحد عاوز يستريح وانت فارس ادخل ساعد مراتك علشان عاوز اكل يالا
قم فريد بسحب يد مسك وصعدو إلى الأعلي وتوجهت إلى غرفتها
فريد: الأوضة حلوة بس جناحك اللي في القصر أجمل
مسك: بس هنا هتلاقي دفا وهناك هتلاقي برود
فريد: ايه رايك نعمل اتفاق
مسك: انسي
فريد: خايفة تخسري.
مسك: اسمعني كويس انا مش عاوزة اسافر انا بحب البلد ديه و ليا ذكريات كتير وليا بدل الاب 3 و بدل الام 3 وبدل الاخ 3 شفت بعينك عمو علي ساب كل حاجة فايده وجري علشان خاطري و ادم نفس الحكاية
فريد: عمك حازم و عمك مالك و ابن عمك ادهم جريو وراكي ومش سبوكي لحظة
مسك: مش بثق في اي حد
فريد: تعالي ننزل تحت وقولكم على قرار
مسك: اخد دش الاول وبدل هدومي وننزل
فريد وهو يجلس على السرير: تمام يالا.
مسك: انا هاخد دش وعوزة اطلع البس
فريد وهو يبتسم لها و ينام على السرير: براحتك يا مسكي
اتغاظت مسك وأخذت ترينج باللون الازرق وتوجهت إلى الحمام
ضحك فريد واخذ يتامل الغرفة وصدق كلامها بأنها دافئه و جميلة
انهت مسك الحمام وخرجت سرحت شعرها ولبست الاسدال ووقفت تصلي وبعد انتهاء نزلو إلى الاسفل.
في الاسفل
جلس الجميع على السفرة وتناولو الطعام ولم يخلو الجو من الضحك و الهزار بين فارس و مسك و كندا و غيرة لمار على فارس
بعد انتهاء الطعام حملت لمار والبنات الاطباق و وضعتهم لمار في غسالة المواعين وعملت قهوة و عصير للجميع
فريد بهدوء: انا عاوزك فارس انت وهما في القصر انا محتاجك جمبي
فارس: صدقني مش هقدر
فريد: عندي اقتراح هيريح كل الاطراف
فارس: ايه هو.
فريد: هنسافر كلنا مع بعض فترة لمدة سنة تخلص مسك فيها جامعتها ولو محدش استريح ارجعو تاني وده وعد مني
نظر الكل لبعضهم بحيرة ولكن نظرت مسك لفريد فوجدت نظرة رجاء
حازم: ايه رايك فارس اقتراح حلو
مالك: خد وقتك لغاية المحضر متخلص يعني اسبوع
ادهم: ونبي يا عمي وافق كلنا محتاجينك
فارس: ربنا يستر الحال
حازم: احنا هنمشي يالا
فريد: امشو انتم انا هفضل هنا ابعتو بس ليا هدوم مع الحرس
مالك: حاضر.
غادر الثلاثة وفضل فريد ينظر لهم
كندا: جدو هو انت فعلا بتحبنا
فريد بابتسامة: اه بحبكم واوي كمان
كندا: امال ليه مكناش عايشين معاك ليه طول عمري مشفتكش غير دلوقتي
فريد بحزن: ظلم و جبروت كنت معمي بحاجات كتير مكانتي و اسم العيلة بس طلع اني ضيعت ناس كتير اوي ومن زمان
لمار بحنان: اهدي عمي قول يا رب وربنا هيريح قلبك و يعمل الصح للكل
فريد بابتسامة مكسورة: انتى اكتر واحده مظلومة في الحكاية ديه.
لمار بابتسامة: ربنا عوضني بزوج و اخ و حبيب و اب ربنا عوضني بفارس احلي واجمل عوض كمان ربنا عوضني ببنتين كل الناس بتحسدني عليهم عرفت اوصل رسالتي عرفت اربيهم
وبضحك: هما صحيح مجانين و عوزين الضرب بس طيبين بس بردو نفسي امسك عصاية او خرطوم وفضل اضرب فيهم علشان يبعدو عن جوزي و حبيبي
مسك ببرود: هتفضلي متغاظة مننا لأمتي
كندا بضحك: منكاده انتي لمار علشان حلوين و دلعين و فروستي بيحبنا و بيموت فينا.
استمر الضحك و الهزار وكان فريد يشاركهم الضحك
مر الوقت وجاء احدي الحرس واعطي لفريد ملابسه
اجبر فارس مسك على اخذ جدها لغرفتها حتى يبدل ملابسه و ينام بجوارها بعد رفضه الاقامة بغرفه أخرى
لأول مره منذو وفاة زوجتة و حبيبتة يستطيع ان ينام وهو يضم صغيرتة لحضنة وبتسم لانه مقتنع ان مفتاح القبول هو تلك المشاكسة التي بين أحضانة.