رواية بنت الحداد للكاتبة أماني فهمي الفصل التاسع عشر
في جناح مسك
جلس الاتنين على الارض كالمعتاد عندهم و احضرت مسك أوراق
مسك: عوزين شعل فرعوني فخم و شغل بدوي و تحف صناعة يدوية
عمار: تمام اطمني مش اول مرة نشتغل في الحاجات ديه
مسك: لاااااا المرة ديه عوزين شغل من نار عوزين الحاجات تبقي على سنجه 10 مش عوزين غلطة ديه هتبقي سمعه و كيان الشغل القديم ده كان طياري يعني السياح آخرهم يومين و هيخلعو إنما هنا احنا في وقرهم و تحت اديهم.
عمار: عندك حق و لو الحكاية ظبطت هنكمل ولا ايه
مسك: و الله يا حب ادام الفلوس شغالة يبقي ندوس
عمار: بقولك ايه يونج من اسبوع كلمني و بيقول مش عوزين شحنة انا قولتله لا
مسك: لا ليه اتصل بيه و خليه يبعت شحنة و ناسنا في مصر موجودين و نبيع هناك و هنا
عمار: طيب هنا ماشي و هناك اذاي
مسك: المحلات اللي بنتعامل معاها واثقين فيهم و لو حد عمل اي عوق هندوس متقلقش
عمار: اشطا نتصل على الرجال في مصر يجهزو الحاجة.
مسك: من امتي بنشتغل من غير أرضية
عمار: يعني ايه
مسك: يعني لازم ننزل بكرا نلف علي المحلات علشان نقوي الحاجات
عمار: انا معايا شوية حاجات تنفع
مسك: و انا كمان معايا يبقي هلف بكرا
عمار: اسألي الفريدو يمكن عارف حد
مسك: امممممممممم نجرب
عمار: انتي عارفة مكان محلات
مسك: انا من يومين شفت بازار سياحي ننزل فيه
عمار: ايه رايك لو نطلع أماكن الرحلات و نعرض عليهم
مسك: عموري احنا معانا اقل من شهرين.
عمار: لو مقدرناش نجمع المبلغ هنعمل ايه
مسك: معرفش انا هموت لو المصنع ده راح مننا
عمار: بقولك ايه هو ليه منعرفش مين صاحب المصنع و نظامة ايه و نخلص الليلة من برا برا
مسك بابتسامة: يا بن اللعيبة اصلي ياض
عمار بضحك: تلميذك يا معلمة
فريد بابتسامة: بتعملو ايه يا ولاد
مسك: اهلا فيري
عمار: اذيك جدو
فريد بابتسامة: بتعملو ايه و ليه قاعدين كده اوعو تقولو انكم بتذاكرو
مسك بضحك: هو احنا وش هذا لا طبعا.
عمار بدموع وهمية: ليه كده جدو واخد فكرة وحشة عننا طول عمرنا اوائل الدفعة
فريد بضحكة: اوائل من ورا عارف
مسك بجدية: نتكلم جد شوية
فريد: أمري مسكي
مسك: المصنع اللي هيتقام عليه المزاد تبع مين
فريد: يعني ايه تبع مين
عمار: يعني يا جدو المصنع ده بيتباع ليه
مسك: عوزة اعرف كل حاجة عن المصنع.
فريد: فهمت ماشي المصنع ده كان شغال لغاية سنة بس اتقفل بسبب المديونية الراجل سدد جزء كبير من المبلغ و فاضل جزء بس للاسف تعب و معرفش يسدد الباقي و البنك حجز علي المصنع و هتعرض للبيع
مسك: طيب لو سدد المديونية يحصل ايه
عمار: المصنع هيرجع بتاعة تاني صح
فريد: صح لو سدد المبلغ المستحق يبقي المصنع رجع ليه
مسك: تعرف اسم صاحب المصنع و عنوانة
فريد: ايوه طبعا عارفة
عمار: الحقنا بسه الله يسترك
فريد: ناوين علي ايه.
مسك: كل المطلوب منك تجيب من البنك المبلغ المستحق
فريد: ديه سهلة بس هتعملو ايه بردو
عمار: ممكن نسدد المبلغ و يبقي لينا
فريد: محدش هيقبل بكده
مسك: نفذ انت بس الطلب و ملكش دعوة
فريد: تمام و انا معاكم
عمار: هو حضرتك عاوز المصنع ده
فريد: ايوة عاوزين المصنع و كمان عيلة السلاب و ايار
مسك: لحظة انت بتقول عيلة السلاب و أيار هما مش واحد
فريد: لا اتنين
مسك: اذاي
فريد: ايار فتح شركاتة لنفسه ملهوش دعوة شغل العيلة.
عمار: ااااااااه علشان كده خرج العيلتين من الليلة فهمت
مسك: المهم عوزة دلوقتي عنوان صاحب المصنع
فريد: بسيطة يكون عندك
عمار: و اوعي تنسي تقرير البنك بالمديونية
فريد: حاضر
مسك: عوزاها بكرا الصبح تكون معايا
فريد: حاضر حاجة تانية
مسك: لا تشكر يا فيري
عمار: ادعلنا يا جدو
فريد: انتم معاكم كام
مسك: معانا اللي يكفي بإذن الله
فريد بابتسامة: عاملة ذي ابوكي مش بيريح
مسك بشقاوة: وريح ليه بحب اغيظ اللي قدامي.
فريد بضحك: مغرورة
عمار بثقة: مش غرور ثقة اصل احنا طول عمرنا كعبنا عالي على الكل
فريد بضحك: مجانين بس دماغكم شغالة
مسك: بقول يا فيري ملقيش شغل عندك اصل فارس مش راضي يشغلني معاه في المصنع
فريد: هو اذاي يرفض حاجة ذي كده
مسك: اهدي يا وحش انا عاوزة اشتغل بتعليمي مش بحب شغل المكاتب
فريد بهدوء: انا مش هقولك بلاش و الكلام ده انا شفت شغفك و لمعة عيونك في الشغل ده علشان كده انزلي اشتغلي و محدش يقدر يقولك لا.
عمار بدموع وهمية: و انا اللهي تنستر عاوز اشتغل
فريد بضحك: انزل مصنع السيارات مع ادهم يا سيدي
عمار بفرحة: تسلم يا احلي فيري في الدنيا تصدق هتصدق بإذن الله انت احسن من ازازة سفن اب
مسك بضحك: حلو شغل المحلسه ده
فريد باستغراب: مسحلة يعني ايه
عمار بضحكة: ملحسة مش مسحلة يا فيري
مسك بضحك: يعني مسح الجوخ او التملق او امممممممممم
فريد بضحك: خلاص فهمت فهمت
مسك: تعالي نلعب شطرنج
فريد بابتسامة: بتعرفي و لا هتخسري.
نظرت له مسك و ضحكو نتركهم يلعبون و نتوجه إلى جناح فارس و لمار.
في جناح فارس
كانت لمار تاخذ دش و لكن شعرت بالم شديد في معدتها و للأسف الشديد افرغت ما اكلته من طعام العشاء
لمار: شكلي واخد دور برد شديد ربنا يستر لو فارس او حد من البنات عرفو هيقوم الدنيا احسن حل انزل اعمل اي حاجة دافية
انهت لمار حمامها و خرجت حتى تلبس و لكن وجدت فارس يضمها لصدره و يقبل رقبتها التي تظهر بسخاء
لمار: فارس بس سبني البس هدومي
فارس بوقاحة: و تلبسي ليه و انتى كده كده هتقلعيهم.
لمار بكسوف: بطل سفالة
فارس و هو يديرها له: هو في احلي من السفالة
لمار بكسوف: فارس بس و سبني البس بطني بتوجعني اوي
فارس بعشق: و انا هدفي بطنك و جسمك و قلبك كمان
لمار بدلع: بس فروستي
فارس بضحك: ادام فيها فروستي يبقي الليلة عسل
حملها فارس و توجه بيها إلى السرير حتى ينعم بقربها منها و يذوبو معا في عالم العشق و الرغبة.
في قصر السلاب
كان الجميع يجلسون يتناولون الطعام
محمد: ايار احنا مش عوزين المصنع
ايار: براحتكم
محمد: و اكيد فريد مش هياخده علشان خاطر مسك
ايار: عاوز ايه يا جدو من الاخر
محمد: تسيب المصنع لمسك
ايار بغضب: على جثتي اني اسيبة ليها
ماجد بحده: ايار اوعي تنسي نفسك انت بتكلم جدك
نور: ايار حبيبي من شكل مسك انها عوزاه
صفا: سيبله ليها ايار
مراد: ايار المصنع مش هيضيف ليك حاجة
م
ونيكا: صح انت هتسقعة و بعد كده تبيعة.
ايار: مش هسيبة هيبقي ملكي و حسرها عليه
ماجد: ليه كده يا بني حرام عليك
فريدة: ايار حبيبي البنت شكلها هتموت عليه
ايار بابتسامة: عاوز اشوفها مزلولة قدامي
ماهي: اوعي تنسي ايار مش ده رد الجميل
ميرا: صح ايار متنساش انها السبب في حمايتك و لولاها كنت انضربت
ايار ببرود: ملكوش دعوة
محمد: و الله لتندم يا ايار و عارف انا هدعي انك متخدش المصنع و هي اللي تاخده
ايار بسخرية: مش هتعرف هعلي السعر الطاق عشرة.
ماجد: و ليه يا بني وجع القلب ده
ايار: مش هي اتحدت الملك تقابل بقي
نور: يا خوفي يا بن اخويا لصورتك تتهز من عيلة
صفا: ما شاء الله عليها ديه عيلة ديه جميلة و كلها انوثة
فريدة: عندك حق صفا البنت طالعة لجدتها الله يرحمها
مونيكا: بس عمو فارس عسولة اوي
محمد: عيال فريد حلوين واخدين جمال مسك الكبيرة
نور: بس لمار حلوة تحسو كده انها فيها شبة من فريد
محمد: مش فريد تحسها كلها مالك الله يرحمه
ايار: مالك مين.
محمد: ده اخو فريد اللي اتجوز من برا العيلة و ابوه رماه برا العيلة و القصر
ماجد: تفتكر ان لمار بنته
محمد: لا علشان احنا حضرنه الدفنة و العذا
نور: الله يرحمه
الكل: امين
جلسو يضحكون مع بعضهم و بعد فترة صعد كل واحد منهم إلى غرفتة.
في الصباح
أشرقت الشمس في سماء ألمانيا بنورها الخلاب و دفئها الحاني
استيقظ الجميع و قد وصل لفريد تقرير بكافة المعاملات المالية علي صاحب الشركة فبتسم بفخر علي ذكاء حفيدتة التي لم تنتظر لقدوم المناقصة
ارتدي فريد بدلة و تعطر و توجه إلى جناح مسك و خبط و دخل و لكن وقف مصدوم بشدة مما رأي
فقد كانت مسك تنام بين أحضان عمار بكل راحة و امان و شعرها مفرود علي السرير
فريد بغضب: مسسسسسسسك.
مسك بخضة: في ايه مين مات
عمار بنوم: اهدي يا روحي و تعالي كملي نومك
مسك بنوم: ماشي
استكانت مسك مرة أخري بين أحضان عمار و تركت فريد متغاظ منها فترة الجناح و خرج و توجه إلى جناح فارس و خبط بشدة
كان فارس ينام براحة و هو يحتضن لمار يدفئها
استمع فارس لصوت الخبط فاخرج لمار من حضنة و قبل شفايفها و احكم الغطاء عليها و توجه إلى الباب و فتحه
فارس بنوم: في ايه بابا
فريد بغيظ: انت مش مكسوف مني و انت طالع كده عريان.
فارس بابتسامة: يعني نايم جمب مراتي عاوزني انام اذاي
مالك بضحك من ورا فريد: تنام محترم مش كل مرة نخبط على الباب تطلع بالشكل ده ارحم يا بني
فارس بضحك: الله اكبر في عينك انا لسه شباب و صحتي الحمد لله كويسة
فريد بغضب: اخرسو تعرف بنتك نايمة مع مين دلوقتي
فارس بضحكة مكتومة: اي بنت فيهم
فريد: مسك
فارس بابتسامة: اكيد في حضن عمار
فريد: صح ممنوع تخليها تنام معاه تاني.
فارس بجدية: اللى حضرتك بتطلبة مستحيل مسك و عمار روح واحدة و مش اول مرة و لا آخر مرة هتنام في حضنة دول اخوات و انا عارف اخلاق بنتي كويس و لو هي وسط مليار راجل هتحافظ على شرفها
فريد: تفضل معاه في اي وقت بس متنمش في حضنة
فارس: مش هرد بس بلاش تعمل مشاكل مع عمار لان مسك مش هترحم حد اللي يفكر يدوس عليه ممكن تقتلة و انا بصراحة مش ضامن بنتي هي مجنونة
فريد بغيظ: ادخل استر نفسك بدل محد يشوفك كده.
فارس بضحك: مالي كده ما انا حلو و لزيز و لا اقولك ادخل اكمل اللي سبته امبارح اصلها نامت بدري إمبارح
مالك بضحك: ربنا يقويك و يديك الصحة
فريد بجدية: نص ساعة و تكون تحت
فارس: حاضر بس خليها ساعة
فريد: لا
فارس: علشان خاطر مسك
فريد: ماشي عيال ارف
عاد فريد إلى جناح مسك و جاء ليخبط و لكن رفض و فتح الباب و دخل و توجه إلى هؤلاء النائمون في امان و سلام
فريد: مسك حبيبتي اصحي بقي مسك
مسك بنوم: شوية كمان فارس.
فريد: مسك حبيبتي انا فريد مش فارس
فتحت مسك عيونها وجدت فريد يجلس بجوارها علي السرير فبتسمت له و رفعت نفسها توضع قبله علي خده
مسك بابتسامة: صباح الخير
فريد بابتسامة: صباح العسل يا مسكي
عمار بضحك: ايه يا عم الحاج عسل على الصبح كده غلط
فريد بغيظ: ملكش دعوة
عمار بضحك: بتحبني اوي فيري
فريد: هحبك بس لو نمت في سريرك افيد
عمار بضحك: و سيب مسكي تنام لوحدها ليمكن
فريد بغيظ: قوم من هنا ياض.
مسك: نهدي شوية علي الصبح عملت ايه في الموضوع
فريد بابتسامة: كل حاجة جاهزة طبعا اتفضلي
اخرج فريد الهاتف و جعل مسك و عمار يشاهدون كافة المعاملات المالية
مسك: عمار انقل الحاجات ديه على ورق
عمار: تمام
اخذ عمار الهاتف و توجه إلى مكان الابتوب و نقل كافة المعاملات عليه و بعد ذلك قام بطابعتهم
مسك: تمام اوي كده
عمار بعملية: المبلغ اللي المفروض يندفع كبير مسك
مسك: كام
عمار: 10 مليون دولار.
مسك: يعني بما يعادل 150 مليون جنية مصري
عمار بحزن: احنا مش معانا المبلغ
فريد: معاكم كام
مسك بحزن: حوالي 5 مليون
فريد: دول بتوع فارس و عيلتك
عمار بحزن: لا دول بتوعنا انا و مسك من شغلنا و تعبنا
فريد: انا ممكن اكمل الباقي
مسك: لا مش عاوزة مساعدة من حد
فريد بحنان: مسك انا جدك و الفلوس اللي هتخديها من حقك
مسك: عاوز تفهمني ان 145 مليون حقي لا طبعا
فريد: تمام فكرو في حل و انا معاكم
مسك: انت ليه عاوز تساعدنا.
فريد: علشان عاوز اشوف الفرحة و السعادة في عيونك علشان انا بحبك و قبل ما جدتك تموت وعدتها ان كل أوامر مجابة
عمار: جدو مسك متقصدش حاجة كل الحكاية اننا متعودناش ناخد فلوس من حد
فريد: عندي فكرة اسلفكم المبلغ
مسك: بس هنكتب شيكات على نفسنا
فريد بصدمة: هي وصلت لكده
مسك: يا كده يا اما بلاش
فريد: لا موافق
ابتسم الاثنين بشدة و حضنو بعض و اسرعو إلى فريد يحضنوه فضمهم لحضنة
مسك: هروح اخذ دش و لبس.
عمار بفرحة: و انا كمان
توجه عمار إلى جناحة و توجهت مسك إلى الحمام و نزل فريد للاسفل حتى تنزل صغيرته.
في الاسفل.
كان الجميع يجلس يتناول الطعام ولكن كانت لمار ترفض الاكل وكانت تشعر بتعب شديد في معدتها واسفل معدتها ولكن لم ترغب في اخبار احد لانها تعلم جيدا بانه فارس سيصبح كالطفل الصغير ويجلس بجوارها وهو مرعوب حتى صغيرتها كندا تبكي عليها اما كبيرتها ستجعل من المنزل ساحة من الأطباء وتصرخ عليها وعندما تعرف بأنها أهملت في نفسها سوف تجعلها تلازم الفراش ولا تغادرة حتى الطعام تاتي بيه حتى السرير ويفضل الثلاثة ملازمين بجوارها ولا يفعلون اي شي حتى تستعيد صحتها.
فارس بحب: مالك دلوعتي
لمار بابتسامة: مفيش بس مليش مزاج اكل
لينا: مزاج هو لاكل ليه مزاج
مسك: لولو حبيبتي عاوزة تاكل ايه وانا اعمله بنفسي
لمار بابتسامة: لا حبيبتي انا مليش مزااااج خالص احسن حاجة هروح اقعد في الجنينة شوية
فارس: مالك لمار
لمار: معدتي قالبة الظاهر خت برد
مسك بلهفة: اجبلك دكتور
لمار بابتسامة: لا ميكو انا كويسة متقلقيش هطلع اقعد في الجنينة شوية.
قامت لمار ومشيت شوية ولكن شعرت بدوخة وحاولت السيطرة على نفسها ولكن لم تعرف فسقطت علي الارض مغشي عليها
كندا بصراخ: ماميييييي
جري فارس و مسك عليها و حملها فارس وصعد بسرعة إلى الأعلي و امرت مسك ادهم بالاتصال على الدكتور وصعدت بسرعة خلف والدها
وصل الدكتور و دخل يكشف على لمار و كان الجميع في الخارج يقف منهم القلقان و منهم العادي
كانت كندا تبكي برعب على امها فتوجه إليها يوسف وضمها لحضنة.
كندا بدموع: هي مامي كويسة
يوسف: بأذن الله متخفيش
فريد: مسك اطمني هتبقي كويسة
مسك بغضب مكتوم: وعزة وجلالة الله لو كان سبب مرض امي حد منكم لولع في القصر ده بيكم
لينا: انتي مجنونة
مسك بغضب: بلاش تختبري غضبي لأنك مش هتستحمليه
كندا بدموع: ميكو مامي
مسك بحنان: لولو كويسة متقلقيش كينو
مر نصف ساعه وخرج الدكتور فاسرع له مسك
مسك بالالماني: لولو كويسة صح
الدكتور بابتسامة: متقلقيش اختك كويسة.
مسك باستغراب: اختي كندا انا بسألك عن لولو
الدكتور: لولو مين
مسك بصوت عالي: مامي كويسة
الدكتور: احم هي الهانم اللي جوا ديه امك
مسك بصوت ساخر: تصور طلعت امي أنجز
الدكتور: مبروك مامتك حامل
الكل بذهول: حامل
فارس بفخر: ايوه لمار حامل
مسك بجنان: حامل عملتها يا فارس امتي و اذاي
فارس بغمزة: يا بت ابوكي شقي و لما نزل الملعب جاب جون على طول
كندا بفرحة: هااااااااااا هيجي بيبي صغنن العب بيه.
مسك بجنان: و هي اذاي تسلمك بسهولة ديه
فارس بغيظ: ااااااااه كانت ليلة بس نتج منها الخلاصة هجيب طلال
مسك بجنان: وحيات امي يا فارس لهتجيب بنت ثالت
فارس: ولد
مسك: بنت و انا هسميها
فارس بتكبر: انتى اصلا ملكيش دعوة ابني حبيبي
مسك بجنان: لاااااااااا انا مجنونة هتجيب بنت وهسميها فيروز
فارس بغيظ: طلال
مسك بتحدي: فيروز
فارس بتحدي: هيبقي سندي.
مسك بشر: انا سندك و ظهرك و دعوة امك انا مسك البحيري انا بنت الحداد انا اللي اسمي هيهز الدنيا
فارس بابتسامة و حنان: انتي قوتي و عزوتي انتي مش بس بنتي لاااااا انتي صحبتي و حبيبتي ربنا ميحرمني منك
مسك بطفولية: فيروز صح
فارس بضحك: بإذن الله لما لولو تعرف نوعة ابقي اعملي اللي انتي عوزاه بس متقلقيش انا مركز و هجيب ولد
مسك بجنان: اااااااااااا ماشي يا فارس وحيات امك لوريكي
و بفرحة: مبروك يا فارس هتبقي اب.
فارس بضحكة: امال انا ايه ام ما انتم ولادي يا هبلة
مسك بفرحة: لااااا اللي جاي مختلف لاني هربيه على مزاجي
فريد بابتسامة: مبروك يا فارس يتربي في عزك ووسط اهله
مالك بغمزة: انا يوم مجيت البيت عندك كنت حاسس اننا قطعنا حاجة مهمة
حازم بابتسامة: مبروك يا فارس
كندا بفرحة: بابي هي مامي صاحية ندخلها
فارس بابتسامة: اه حبيبتي زمانها هتصحي
مسك بغضب: هي فين الهانم
دخلت مسك على امها وجدتها تفتح عيونها.
مسك بغضب: ضيعتي نفسك و ضيعتنا معاكي
لمار بخضة: في ايه
مسك بغضب: انتي حامل من مين يا هانم
لمار بفرحة: انا حامل بجد الحمد لله
عمار بضحك: مالك لولو محسسانا انك اول مرة تحملي
فارس بضحك: مبروك يا دلوعتي قولتلك هركز و ركزت
لمار بضحك: ركزت
و بحزن: بس الناس هتقول ايه
لينا بسخرية: فعلا ديه فضيحة.
مسك بسخرية: ليه يا خالتشي فضيحة ليه الدكتور افتكر اني اختها ده دليل ان لولو لسه صغيرة وكمان فارس ما شاء الله راجل لو عندك كلمة مبروك قوليها مش عندك اخفي من وشي
كتم الجميع ضحكاتهم على لينا التي غضبت بشدة.