رواية انتقام بنات الصعيد للكاتبة حبيبة عبد الحميد الفصل العاشر
فى صباح يوم جديد
فى الأسكندرية
فى غرفة حمزة
فتح حمزة عينيه وأخذ يرمش لعدة ثوانى ثم نظر بجانبه فتفاجأ ببيان تجلس على المقعد وتضع رأسها على السرير
وكان يشعر حمزة بالعطش فمد يديه لابريق الماء ولكن وهو يحاول أن يصب الماء فى الكأس سقط الأبريق وتحطم لأشلاء
فأستيقظت بيان بفزع على الصوت
ونظرت لحمزة بقلق
بيان بقلق: حمزة انت كويس
حمزة: أنا كويس أسف عشان صحيتك.
بيان: ولا يهمك المهم انك كويس انا هروح اشوف البنات وهبعتلك الفطار
وهى تنظر للأرض: وهبعت حد ينضفها
حمزة: ماشى
نظرت له بيان لثوانى ثم خرجت وذهبت تجاه غرفتها
فى الخارج ذهبت بيان وطلبت طعام لحمزة ثم ذهبت لغرفتها
فى غرفة بيان
كانت تجلس شغف وبجوارها جنا وكان يظهر على وجوههم القلق
جنا: لا بقا هى اتأخرت أوى انا هروح ادور عليها
صمتت جنا عند دخول بيان الغرفة
شغف: بيان
نظرت لها جنا وركضت لها واحتضنتها.
جنا بدموع: حرام عليكى بجد يابيان انتى كنتى فين وازاى تختفى كده من غير ما تقولى
بيان: أهدى ياحبيبتى وانا هقولك كل حاجة
شغف: بجد يابيان كنا قلقنين عليكى كنتى فين
بيان: كنت فى أوضة حمزة (وقصت ما حدث )
جنا: وحمزة عامل ايه دلوقتى
بيان: كويس عن امبارح
شغف: طيب الحمدلله
بيان: أنا هاخد شاور سريع وهروح عشان أدى لحمزة العلاج
قالت بيان كلماتها وذهبت تجاه المرحاض.
بعد وقت قصير خرجت بيان وكانت ترتدى بنطلون جينز وبلوزة وذهبت تجاه التسريحة و بعد وقت كانت بيان جاهزة
بيان: أنا ماشيه
جنا: استنى يابيان نروح معاكى نطمن عليه
بيان: ماشى تعالوا يلا
خرجت بيان وشغف وجنا خارج الغرفة
وقبل الوصول لغرفة حمزة
جنا: اوبس انا نسيت التليفون
شغف: مش مشكلة
جنا: انتو كملوا وانا هروح اجيبه تمام
بيان: تمام بس متتأخريش يلا ياشغف
ذهبت شغف وبيان لغرفة حمزة بينما جنا ذهبت لغرفة بيان
فى غرفة حمزة.
دخلت بيان وشغف الغرفة بعد أن طرقت بيان الباب
كان حمزة يتسطح على السرير
شغف: حمدالله على السلامة يا استاذ حمزة
حمزة: الله يسلمك شكرا
بيان وهى تنظر لطعام: حمزة هو انت مأكلتش ليه
حمزة: لا أكلت الحمد لله
بيان وهى تحمل العلاج: خد العلاج طيب.
فى غرفة بيان
خرجت جنا من الغرفة وهى تحمل هاتفها
وذهبت لغرفة حمزة وطرقت ثم دخلت وهى غافلة عن الذى كان ينظر لها بأستغراب من دخولها لغرفة حمزة
جنا: هلا ياشباب
بيان: تعالى يا جوجو
جنا: حمدلله على السلامة يا استاذ حمزة
حمزة: الله يسلمك يا آنسة جنا شكرا.
بعد مرور يومين انتهت الرحلة وحان موعد العودة للقاهرة وكان حمزة قد تحسنت صحته
كان الأتوبيس يقف امام الفندق فى انتظار الطلاب
وبعد وقت قصير خرج الجميع وصعدوا للأتوبيس وكانت شغف تجلس بجوار جنا
بينما بيان تجلس بجانب حمزة
بعد ثوانى انطلق الأتوبيس تجاه القاهرة
وكانت شغف يظهر عليها التوتر وكانت تضع رأسها على الأتوبيس وتفكر فماذا سيحدث لها فى القاهرة.
بينما جنا كانت تنظر بأستغراب لدكتور وائل بسبب نظراته فكان ينظر لها ينظر لها بنظرات ضيق وأشمئزاز
بينما بيان كانت تفكر فى مصير والديها وعن موقف والدتها
فجأة نظرت تجاه حمزة وجدته ينظر من نافذة الأتوبيس وظلت تنظر له لثوانى ولكن خفضت رأسها بخجل عندما ادار حمزة رأسة ونظر لها
وأخذ يمر الوقت حتى توقف بهم الأتوبيس امام الجامعة
فقام حمزة بأيقاف تاكسى وأخذ الفتيات وذهب بهم
حمزة: بيان هتنزلى فين.
بيان: بيت ماما ياحمزة
حمزة: تمام
بعد وقت توقف التاكسى امام فيلا والدة بيان
ونزلوا الفتيات
بينما ذهب التاكسى بحمزة لمنزله
دخلت بيان وجنا لداخل الفيلا بينما شغف ظلت واقفة بتوتر
فذهبت لها بيان: مالك ياشغف يلا أدخلى
شغف: أنا خايفة لأهلك يدايقوا من وجودى يابيان
بيان: متقلقيش محدش هيدايق وهى تسحب شغف من يديها يلا تعالى
دخلوا الفتيات لداخل
بيان: دادة
الدادة وهى تحتضن بيان: بيا عامله ايه ياحبيبتى وحشانى اوى.
بيان: أنتى أكتر يادادة
جنا: عامله ايه يادادة
دادة: كويسة ياحبيبتى انتى عامله ايه
جنا: تمام الحمد لله
بيان: اعرفك يا دادة شغف صديقتى
الدادة: أهلا ياحبيبتى
شغف: أهلا بيكى
بيان: تعالوا يابنات اوضتى لحد ما الدادة تجهز الأكل لأنى جعانة أوى
الدادة: حالا يا بيا الأكل يكون جاهز
بيان: تسلميلى يادادة
فى غرفة بيان
كانت جنا تجلس على السرير وبجانبها شغف
بينما بيان تقوم بإخراج ملابسها من الشنطة ووضعها فى الخزانة.
بيان: شغف هو انتى فى كلية ايه
شغف: كلية تجارة
جنا: أنتى لازم تنقلى ورقك للقاهرة فى اقرب وقت عشان السنة متروحش عليكى
بيان: أنا هكلم بابا وهو هيتصرف فى موضوع النقل ده
بعد وقت استمعوا لنداء الدادة لهم
بيان: يلا يابنات
نزلوا الفتيات لأسفل وكانت الدادة قامت بوضع الطعام وجلست كل فتاة على المقعد بينما شغف كانت تجلس بخجل
بعد دقائق
بيان: أنتى مش بتاكلى ليه ياشغف
شغف: لا باكل اهو
جنا: أنتى باين عليكى مكسوفة.
بيان: معقولة ياشغف مكسوفة احنا مش قولنا انك تعتبرينا اخواتك
شغف: أكيد انتوا اكتر من أخواتى
بس المكان والحياة دى جديدة عليه فمتوترة شوية
بيان: أنتى لازم ياشغف تتأقلمى على الحياة هنا عشان تقدرى تعيشى
شغف: بحاول
بعد وقت انتهوا من الطعام
جنا: أنا همشى بقا يا بيا
بيان: ليه هتمشى يا بنتى خليكى بيتى معانا النهاردة
جنا: معلش خليها مرة تانية عشان عايزة اطمن ماما وبابا عليه
بيان: ماشى يا جنا سلميلى عليهم.
جنا: ماشى ياحبيبتى عايزة حاجة ياشغف
شغف: عايزة سلامتك
جنا: سلام
بيان وشغف: مع السلامة
خرجت جنا للخارج وقابلت فى وجهها أولفت والدة بيان
اولفت: ازيك يا جنا عاملة ايه
جنا: بخير يا طنط حضرتك عاملة ايه
اولفت: تمام ياحبيبتى
بعد ثوانى ذهبت جنا بينما اولفت دخلت
لداخل الفيلا
اولفت: بيا حمدلله على السلامة
بيان وهى تحتضن والدتها: الله يسلمك يا ماما
اولفت وهى تنظر لشغف: مين دى
بيان: دى صديقتى يا ماما وهتقعد معايا.
اولفت: أهلا
شغف: أهلا بحضرتك
اولفت: بيان تعالى معايا اوضتى
بيان: حاضر
صعدت بيان مع والدتها
بينما شغف جلست لدقائق وكانت تشعر بالملل فصعدت لغرفة بيان
فى غرفة والدة بيان
اولفت: مين البنت دى يابيان
بيان: ما قولتلك يا ماما دى صديقتى
اولفت: هى من فين ومين أهلها وعرفتيها ازاى
بيان: من الصعيد عرفتها فى اسكندرية ثم بتوتر معرفش مين أهلها
اولفت: ازاى تأمنى لواحدة اول مرة تشوفيها.
بيان: يا ماما هى كانت فى موقف صعب وكان لازم اساعدها (وقصت عليها ماحدث )
أولفت: هربانة يعنى وهى بقا هتشرفنا فى البيت لحد امته
بيان: يا ماما هى مش معاها مكان تقعد فيه غير هنا
اولفت: يبقى تشوفلها مكان احنا مش فتحين بيتنا أوتيل لناس أغراب
بيان بضيق: بعد أذنك يا ماما
خرجت بيان من غرفة والدتها فتفاجأت بشغف أمامها
بيان بحزن: شغف انا
شغف: مش محتاجة تبررى حاجة
بيان: تعالى معايا
ذهبت شغف مع بيان لغرفتها.
شغف: أنا آسفة يابيان انا جيت ولخبطت حياتك
بيان: ايه الهبل ده انتى مش عملتيلى حاجة وانا الاسفة عشان كلام ماما انا عارفة انك أكيد اضايقتى
شغف: مامتك معاها حق يابيان انا بس هطلب منك مساعدة أخيرة
بيان: أكيد ياحبيبتى اتفضلى
شغف: عايزة اشتغل انا عارفة ان ممكن ملقيش فرص شغل بسبب انى لسه بدرس
بيان: حاضر ياشغف انا بكرة هزور بابا وهقوله انتى دلوقتى تعالى ارتاحى
شغف: تمام.
تسطحت شغف على التخت بينما بيان تسطحت بجوارها بعد ما أطفأت نور الغرفة
أخذت بيان تفكر فى والدتها وتصرفاتها حتى ذهبت فى النوم
بينما شغف أخذت تفكر فى حالها وتساقطت دموعها عندما تذكرت موقف والدة بيان وأخذت تفكر أنه يجب أن تعمل وتعتمد على نفسها حتى لا تصبح عاله على أحد.
فى صباح يوم جديد
أستيقظت شغف وجدت بيان تخرج من المرحاض
بيان: صباح الخير
شغف: صباح النور
بيان: قومى يلا ألبسى عشان نلحق نروح لبابا قبل ما يروح الشركة
شغف: حاضر
بعد وقت خرجت شغف من المرحاض
كانت بيان جاهزة فذهبت شغف للمرأة حتى ترتدى حجابها
بعد وقت قصير كانت الفتاتين يجلسون على السفرة
وقامت الدادة بوضع الطعام
وثوانى ونزلت والدة بيان وجلست على السفرة وكانت تنظر لشغف بتكبر.
بعد أن انتهو من الطعام ذهبت بيان وشغف لسيارة بيان وذهبوا فى اتجاه فى فيلا السيد إبراهيم والد بيان
بعد وقت وصلوا ونزلوا الفتاة ودخلوا لداخل
كان السيد إبراهيم يجلس على السفرة
بيان بفرح: بابى
السيد إبراهيم وهو يحتضن بيان: حبيبة بابا حمدلله على السلامة
بيان: الله يسلمك يا حبيبى انت عامل ايه
السيد إبراهيم: بخير طول ما انتى بخير
بيان: اعرفك يا بابى شغف صديقتى
السيد إبراهيم: أهلا يا بنتى.
شغف بخجل: أهلا بيك يا عمى
بيان: أنا عايزاك فى موضوع يا بابى بخصوص شغف
السيد إبراهيم: أمروا يابنات
بيان وهى تقص لوالدها قصة شغف
فأحنا عايزينك بقا تنقل ملف شغف لكلية القاهرة وكمان عايزين وظيفة لشغف
السيد إبراهيم: حاضر ياحبيبتى غالى والطلب رخيص وهو ينظر لشغف انا عايزك يا بنتى تعتبرينى زى والدك
شغف بفرح: أكيد ده يا عمى انك تكون فى مقام بابا.
السيد إبراهيم: أنا همشى بقا عشان متأخرش على الشركة رايحين مكان اوصلكم فى طريقى
بيان: تسلملى يا بابى انا معايا عربيتى
السيد إبراهيم: ماشى ياحبيبتى يلا سلام
بيان وشغف: مع السلامة
بعد ذهاب السيد إبراهيم
شغف: بيان ممكن اسألك سؤال لو مش هيضايقك
بيان: أكيد ياحبيبتى اتفضلى
شغف: هو باباكى ليه مش عايش معاكى انتى ومامتك
بيان بحزن: بابا وماما منفصلين ياشغف
شغف: أنا آسفة يا بيان لو ضايقتك
بيان: ابدا يا قمر ولا يهمك.
فى هذا الوقت رن هاتف بيان
بيان: الو
جنا: الو يا بيان ايه الاخبار
بيان: تمام ياعسل انتى عاملة ايه
جنا: فل الحمد لله بقولك انا رايحة النادى ما تجيبى شغف وتعالوا معايا
بيان: ok هنعدى عليكى باى
جنا: باى
بيان: شغف جنا رايحة النادى واتصلت عشان نروح معاها فأحنا هنعدى عليها دلوقتى بالعربيه تمام
شغف: تمام معنديش مانع
بيان: ماشى
ذهبت بيان وشغف تجاه منزل جنا
وكانت جنا فى انتظارهم امام المنزل.
جنا وهى تصعد للعربيه: هاى يا شباب
بيان وشغف: هاى
بعد وقت وصلوا الفتيات النادى
ودخلوا لداخل بعد ما بيان ركنت السيارة
وجلسوا على احد المقاعد وبعد وقت جاء النادل وطلبوا الفتيات عصير فريش
و بعد يوم طويل كانت بيان وجنا يحاولوا أن يجعلوا شغف تستمتع بوقتها
ذهبت جنا لمنزلها بينما شغف وبيان ذهبوا لفيلا والدة بيان كانت والدة بيان تجلس على السفرة ويظهر الغضب على وجهها
بيان: ماما
أولفت: ايه التأخير ده يا هانم.
بيان: فين التأخير ده يا ماما لسة الوقت
اولفت وهى تنظر لشغف: هى الأستاذة لسة أول يوم ليها هنا وعلمتك الرد وهى اصلا ايه المقعدها لحد دلوقتى
شغف بدموع: أنا آسفة لحضرتك عشان ازعجتك بوجودي انا همشى دلوقتى وهى تنظر لبيان شكرا يا بيان انا ممنونة ليكى ولمساعدتك ليه
بيان: استنى ياشغف انتى مش هتمشى
أولفت: انتى هتكسرى كلامى
بيان: أنا آسفة يا ماما
اولفت: أنا قولت هتمشى يعنى هتمشى.
شغف بدموع: خلاص بقا يا بيان انا همشى مش عايزة اسببلك مشاكل أكتر من كده
بيان: دادة جهزى شنطة هدومى انا وشغف
اولفت: هتسيبى يا بيان البيت عشان واحدة زى دى
بيان: كفاية يا ماما أهانة ليها لحد دلوقتى
بعد وقت قصير جاءت الدادة وهى تحمل حقيبة بيان وشغف
بيان: تعالى معايا ياشغف يلا بينا
شغف بدموع: لا يابيان خليكى انتى انا همشى لوحدى.