رواية الوقح والراقية جزء 1 للكاتبة ياسمين علاء الدين الفصل العاشر
في اليوم التالي
ذهبت تهاني بعد ان اصر عليها جبل ان تذهب معاهم وتختار فستان لها.
وذهبت شذي ولوزه مع فيصل وبندق إلى محل للفستانين
اختارت شذي لهم فساتين بيضاء رقيقه وجميله
شذي: ادخلو بقي قيسو
وقفت بالخارج تتنتظرهم. ليقترب منها فيصل
فيصل: وانتي
شذي: وانا ايه
فيصل: مش هتختاري فستان
شذي: لا. انا عندي
فيصل: اختاري فستان زيهم.
شذي: مش عايزه.
فيصل: اختاري فستان زيهم اشمعانه انتي
شذي: ده فرحهم. انا هختار ليه.
فيصل: مش عايزه تتجوزي
ابتسمت: حاليا لا
فيصل: حتى لو جالك عريس كويس وقمر كده
ضحكت هي: اممم. عندك عريس ليا وله ايه
فيصل ؛ وانا مش مالي عينك يا بت وله ايه
لتضحك اكثر: لا يا عم. لو انت مش عايزه اتجوز.
ليغتاظ منها: ليه بقي ان شاء الله. مالي يعني منخيري بست فتحات
شذي وهي تضحك: اقول بصراحه
فيصل: اتزفتي
شذي: لا خلاص. مش ناقصه تزعقلي.
فيصل: ما تتكلمي وتخلصي.
شذي: انت عصبي اوي. وبتغضب بسرعه. ووقح جدا. ده غير انك بتشتم كتير. مش بتعرف تتفاهم مع حد غير بالخناق.
نظر له وهي تعد صفاته السيئه: بس بس. انتي اما صدقتي. ايه معنديش وله حاجه حلوه.
شذي: مش عارفه. مش لاقيه
فيصل: اصلا مين قالك اني هقبل اتجوزك انتي
شذي: نعم. ليه بقي
فيصل: عشان عايز اتجوز بنت بلد جدعه. مش واحده مدلعه. عايزها شبهه لوزه وامي. لكن انتي مش شكلنا ولا من توبنا.
نظرت له ولا تعلم لما شعرت بالحزن. فهي لم تعد من تلك الطبقه الغنيه ولا تستطيع ان تتعايش مع تلك الطبقه الشعبيه
لتخفض راسها وتنظر إلى الارض. ابتعد عنها ووقف مع بندق وهو يشعر بالغضب من كلامها ورغم انه رد عليها
ولكن رفضها له ازعاجه. لا تعرف صفه جيده عنه. الا هذه الدرجه هو سئ بنظرها
بندق: فيصل. يالا بكلمك في ايه
فيصل: ها. مفيش.
بندق: لا في يعني انا مش عارفك
رد بزهق: قولتلك مفيش. تحب امشي وانت تكمل معاهم.
بندق: لا خليك.
يعلم ان به شئ ولكنه لن يتكلم الا اذا احب ان يتحدث.
كانت الفساتين جميله جدا على تهاني ولوزه
شذي: فاضل الشوز
اختارت لهم ما يناسب الفستان ودفع بندق وفيصل الحساب
فيصل: مش هتختاري فستان
شذي: لا. عندي فستان جديد هلبسه
فيصل: ماشي
بندق: في محل هناك بتاع بدل. تعالو نشوف
شذي: انا بحب بدل الرجالي اوي.
فيصل ؛ طيب تعالو
دخلو معا.
وقفت شذي تنظر إلى البدل
اختار بندق بدله ليجربها. فيصل: اختارلي بدله
شذي: انا
فيصل: اه.
شذي: اوكي.
اختارت له بدله.
شذي: انت عارف مقاس عمو جبل.
فيصل ؛ اه
شذي اختارت بدله: طيب دي حلوه اوي. وهيكون عسول فيها
فيصل: عسول. المعلم جبل يتقال عليه عسول
شذي: توتي. مش دي هتكون حلوه على عمو جبل
تهاني: اه. جميله
ضحكت لوزه: بابا هيلبس بدله.
شذي: ممكن ميوفقش
لوزه: ممكن. بس فيصل يقنعه بقي
فيصل: هقنعه. هو هيتجوز كل يوم
انتهو من شراء البدل. وخرجو من المحل في سلام.
ليعودو إلى البيت.
مرت الايام التي بعدها بسلالسه
كان فيصل وجبل وبندق مشغولين بالترتيب للفرح
يوم الفرح.
كان الجميع مشغول بالاستعداد
جهزت شذي تهاني ولوزه ووضعت لهم الميكاب
كانت تهاني ترتدي الفستان الابيض لاول مره وهي تشعر بالسعاده
كانت جميله جداً
لوزه ايضا كانت رائعه الجمال ولمسات من شذي لتجعلها ملكه متوجه بالابيض
ارتدت شذي فستان وصففت شعرها بنعومه لتتركه ع ظهرها
اما فيصل فقد اقنع والده ان يرتدي البدله وكانت جميله عليه.
بندق.
فيصل.
صعد فيصل ليراهم انتهو.
وقف وتفاجا بهم فهو يبدون الثلاثه في منتهي الجمال
اقترب وقبل جبين اخته وهو سعيد
فيصل: زي القمر
لوزه ضمته: عقبالك يا فيصل
ابتسم لها: ان شاء الله. خلصتم
لوزه: اه
فيصل: طيب يلا عشان الماذون وصل
خرج وهو يمسك يدها ليقابل
جبل الذي احتضنها بدموع وهو يري ابنته كبرت امامه واصحبت عروسه الان
جبل: روح هات تهاني وشذي
فيصل: حاضر.
دخل وامسك. يد تهاني لينظر لشذي: يلا عشان نخرج.
شذي: اوكي.
ليخرجو الاثنان مع فيصل
كان الفرح في الشارع كبير. جدا
بندق نظر للوزه وانبهر بجمالها.
تم عقد القرآن بندق ولوزه ليقترب منها ويضمها بفرحه
: مبروك عليا احلي واجمل واطعم لوزه
لتبتسم بخجل اول مره يضمها هكذا
فيصل بغضب: اخلص ياض وابعد عنها
بندق: انت متعرفش وله ايه. ما انا خلاص بقيت جوزها
فيصل: طيب اخلص والا ورحمه الغاليه اطلقها منك
بندق: مفتري ويعملها. روحي يا حبيبتي اقعدي.
لتجلس بجانب شذي وهي تتلقي مباركات من الناس.
تم عقد قرآن جبل وتهاني
ليبارك الجميع لهم.
بدات الاغاني الشعبيه يوجد فاصل بين مجلس النساء ومجلس الرجال
لترقص النساء معا. وشذي وتهاني و لوزه
وفي الجزء الاخر كان فيصل و بندق الذي كان سعيد لزواجه اخيرا من لوزه.
حضرت الراقصات ليبدا فرح بطريقه اخري
امسك المايك: كل الستات تمشي. عشان الليله هتبتدي
شذي بغيظ: ده وقح اوي.
تهاني ضحكت: مينفعش الستات تقعد. عشان الرقصات
شذي: بس انا اول مره اشوف رقصات وعايزه اتفرج
لوزه: انا عندي الحل. هنطلع فوق السطوح ونتفرج
شذي: ماشي
دخلو إلى البيت بعد طرد فيصل لجميع السيدات
ليصعدو إلى اعلي. بدا الفرح ووصل المغني وبدا الغناء والرقصات ترقص ببدل رقص خليعه (وحاجه مسخره.
لتشهق لوزه عندما وجدت بندق يرقص مع احد الرقصات.
لم تتمالك نفسها لتجلس تبكي وهي تراه يرقص هكذا
اما شذي فكانت تشاهد الجميع بضحكه لتجد رقصتين يرقصان مع فيصل الذي خلع جاكت البدله
شذي: وقح وقليل الادب.
بندق نزل سريعا عندما شاهد لوزه تبكي وهي تنظر له
جبل: ليلتك سوده يا بندق
بندق: لا يابا انا مسيطر
جبل: طيب وريني يا عم المسيطر. دي نزلتلك ووقفالك ع باب البيت
نظر بندق إلى باب بيتها ليجدها. تقف ودموعها على وجهها.
ليبتسم وهو يقترب منها وادخلها إلى البيت: لوزتي
لوزه: متتكلمش معايا. طلقني
بندق: مش سامع؟
لوزه: طلقني يا عبد الرحمن. انا مش هتجوز واحد خاين. روح للرقاصات وارقص معاهم
بندق: استهدي بالله يا لوزه. ده فرحنا ولسه كتبين الكتاب من كام ساعه
لوزه: انا مش عايزاك. طل
لم تكمل كلمتها ليدفعها على الحائط ويقترب منها وقبلها لاول مره
تجمد جسدها بصدمه من فعلته
ليبتعد عنها ووضع جبينه على جبينها ليجدها مغمضه العينين.
بندق: بحبك
لوزه: لا
بندق: تحبي اثبتلك تاني
وضعت يدها على فمها. ليضحك وقبل يدها التي تضعها على فمها
بندق: والله بحبك.
لوزه: روح حب الرقاصه
بندق: مش بحب غير لوزه وبس. مراتي حبيبتي.
في الخارج ما زال فيصل يرقص مع الرقصات وشذي تنظر له من الاعلي وهي تشعر بالغيظ منه. لا تعلم لما تضايقت. لتدخل وتجلس على الاريكه الموضوعه على السطح وهي تنظر للسماء واصوات الغناء من الاسفل عاليه.
تهاني فقد كانت في شقه جبل.
نزل فيصل من على المسرح ليجلس بجانب والده وهو ينهج من الرقص
جبل: مش كفايه كده
فيصل: ده انا فرحان بيك يا حاج
جبل: انا سبتك عشان عارف انك مضايق.
فيصل: لا يابا انا فرحان بيك وبلوزه
جبل: انت غريب عني ياض. انت كتاب مفتوح بالنسبالي كفايه ابصلك بصه بس اعرف اذا كنت تعبان وله فرحان وله مضايق
نظر له فيصل: متشغلش بالك انت. مش هتطلع بقي
جبل: هطلع اما تخلص الفرح. وله عايزني اطلع وانت تعمل مشكله.
فيصل: لا مش هعمل مشاكل.
جبل: طيب كفايه كده وقفل الفرح الوقت اتاخر
فيصل: حاضر يابا. هو فين الولا بندق
جبل: دخل اختك بتنكد عليه عشان شافته بيرقص مع الرقاصه
فيصل: يستاهل.
بندق: يا لوزه يعني ده يوم تنكدي عليا فيه
لوزه: قول لنفسك. كنت اعمل حسابك قبل ما ترقص مه الرقاصه. ده انت حتى معملتش ليا حساب
اقترب منها اكثر لتدفعه في صدره: هصوت
بندق: صوتي. ولا يهمني انتي مراتي دلوقتي
لوزه: روح للرقاصه يابتاع الرقصات
ليبتسم وهو يقترب من شفتيها. ليقبلها مره اخري اقوي
ابتعد قليلا ليجدها مخدره: معنديش مانع افضل اصالح فيكي للصبح
ليسمع صوت فيصل: وحياه. لاطلع
انتفضت وركضت لاعلي.
بندق: الله يخربيت دي معرفه. انا قطعت الخلف
فيصل وهو يمسكه من قميصه: كنت بتعمل ايه ياض
بندق: وانت مالك. واحد ومراته. مراته واخد بالك انت
فيصل: لا يا اما تتجوز ويتقفل عليكم باب وقتها قولي مراتك. غير كده تعتبرها لسه خاطيبتك
نظر له: هو يوم مضروب اختك عايزه تتطلق
فيصل: طلقها ياض
بندق: انتم عيله مجانين.
خرج وتركه.
لينتهي الفرح بعد وقت.
لوزه ابدلت فستانها في الشقه التي ستجلس بها مع شذي لموعد زفافها. وتركو الشقه لجبل وتهاني
بحثت عن شذي ولم تجدها لتظنها انها مع تهاني
تهاني ابدلت ملابسها وجلست في انتظار جبل
شذي نامت في الاعلي وهي تشعر بالارهاق.
انتهي الفرح وذهب بندق واهله إلى بيتهم. وصعد فيصل وجبل
فيصل: تصبح على خير يابا
جبل: وانت من اهله يا بني.
دخل جبل الشقه ليجد تهاني نائمه على الفراش
ليبدل ملابسه وينام بجانبها لم يريد ان يقلقها.
صعد فيصل إلى الاعلي
ليلاحظ شيء على الاريكه. اقترب ليجدها شذي
اقترب وجلس امامها وهو ينظر إلى وجهها بحب.
تمني لو وافقت وكان اليوم هو زواجهم. سيكون اسعد انسان
ابعد خصل شعرها عن وجهها
تملمت وفتحت عينها ليبتعد هو ويرسم البرود
فيصل: انتي نايمه هنا ليه
شذي جلست وهي تفرك في عينها. ليشعر بنغزه في قلبه
تنهد
شذي بنعاس: كنت بتفرج على الفرح. وعلى الرقصات.
فيصل: طيب.
شذي: وشوفتك وانت بترقص مع اتنين وبعدين الخمسه رقصو معاك. وقله ادب
فيصل وهو يصك ع اسنانه: قله ادب.
شذي بخوف منه: عيب اللي عملته ده. ازاي ترقص بالطريقه الوقحه دي
فيصل: انا حر. وانتي مش مراتي ولا خطيبتي عشان تحاسبيني
شذي بغيظ ؛ لا مش حر وكده عيب وقله ادب
لتقف
فيصل تغاضي عن اهانتها له: انتي غيرانه عليا يعني
شذي: اغير عليك انت. لا طبعا بعينك. انت مين اصلا عشان انا اغير عليك. انت.
نظر لها بصمت وقف واقترب منها بغضب وهي تتراجع إلى الخلف
شذي: هتضرب وله ايه. لو ضربتني هصوت وهزعل منك ومش هكلمك تاني
فيصل: انزلي الشقه. ومتتكلميش معايا تاني. انا مش همد ايدي عليكي. متخفيش
نظرت له وشعرت بالحزن لانه لن يتحدث معاها ثانيا
شذي: فيصل
لم يرد
ليسمع صوتها الباكي: اانا اسفه. مش تزعل مني
نظر لها بصدمه هل تعتذر منه. خائفه على زعله
شذي بدموع: اسفه. انا غلطت
فيصل بحنان: مش بزعل منك. متعيطيش.
شذي عبرت عن ما يضايقها: بصراحه انا اضايقت اما شوفتك بترقص مع الرقصات تحت.
هل هذه تعتبر غيره. هل تغيير عليه اما يتوهم. فهي في لحظه ترفعه للسماء من السعاده وبعدها. تفاجاه بتصرف اخر يجعل يسقط ع الارض
شذي: فيصل متزعلش. مش كنت اقصد
فيصل: قولتلك مش بزعل منك. وبعد فيصل دي مفيش زعل.
ابتسمت بدموع ليبتسم معاها: انتي بتقوليها حلو اوي.
لتحمر وجنتها: انا هنزل. تصبح على خير
فيصل: وانتي من اهل الخير.
توجهت إلى الدرج لينادي عليها
فيصل: شذي.
نظرت له. ليكمل: قولي واحده فيصل كده
لتضحك هي: فيصل
وضع يده على قلبه لتضحك وتنزل إلى الشقه وهي سعيده.