رواية الوقح والراقية جزء 1 للكاتبة ياسمين علاء الدين الفصل السابع والعشرون
اخذ بندق الصغيران إلى الجيم فهو يعلم ان فيصل هناك مثل كل يوم
بندق: زي ما اتفقنا انتم ولاد صاحبي
صخر: طيب اما يسال على اسمنا
قضم بندق شفتيه بتفكير
جبل: هقول اسمي محمد. وده
بندق: مش مهم قوله اسمكم عادي.
فرح الصغيران وامسك بندق كل منم بيد ودخل إلى الجيم.
ليقفزو من الفرحه وهم يرون الاجهزه.
بندق: اهو هناك. زي ما اتفقنا.
التوام: اوك
بندق: اوك دي هتفضحنا. يلا ربنا يستر.
اقترب من فيصل الذي يحمل الحديد ويخفضه و عروق جسده تنفر
نظر الصغيران إلى بعض ثم ايه بابهار: واوووووو
اغمض بندق عينه سيتفضح امرهم
فيصل نظر إلى صوت ليجد قزمين امامه لينظر. لهم ثم إلى بندق ؛ مين دول ياض
بندق: دول ولاد صاحبي
فيصل نظر لهم وضيق عينه ولكنه تجاهل امرهم واكمل تدريبه
جبل: حضرتك قوي اوي.
صخر: اما اكبر عايز اكون قوي زيك
ابتسم لهم وخفض الحديد ليقترب ويحملهم الاثنان على يده وهو يشعر بشعور غريب.
فيصل: ماشاء الله عليكم. اسمك ايه
نطق واحد منهم: انا صخر
والاخر: وانا جبل.
صدم فيصل ونظر إلى بندق الذي ابتسم بتوتر
لم يسال على شي
فقط اخذهم وجلس بهم وهو يضمهم بصمت
بندق استغرب من رده فعله واخذ الهاتف والتقط صور لهم وبعثها إلى لوزه.
كانت شذي تجلس وهي متوتره
جبل: مش مسامحك يا شذي. تخدي الولاد مني
شذي بدموع: مقدرتش استحمل انه هيتجوز. كنت حاسه اني مخنوقه.
تهاني: احنا لحد دلوقتي مش عارفين ايه اللي حصل بينكم
شذي: اللي فهمته منه ان حد قاله اني بخونه.
شهقت لوزه وفهم الجميع سبب غضب فيصل
تهاني: اكيد باهر وكاميليا ليهم ايد في الموضوع.
شذي: اشمعانه هما.
تهاني: انتي ناسيه ان من وقت دخول كاميليا دي والمصايب ابتدت. زي ما بعتلوه صور خطوبتك. بعتلو الرسايل
جبل: لازم نثبت لفيصل انك ملكيش يد في اللي حصل
شذي: هو اي حد يقول عليا حاجه يسمع كلامهم
جبل: معذور يا شذي. انتي عارفه ان فيصل ده حامي
لوزه: حتى علشان الولاد يا شذي.
اخفضت راسها
تهاني: انا عارفه عنوان كاميليا وابنها. هما في فيلا 2 في ال
شذي: انا هروحلهم
جبل: لا يا شذي. متعمليش كده. سبيني انا هتصرف معاهم.
لوزه فتحت الهاتف لتجد صور فيصل وهو يحمل اطفاله
لوزه بفرحه: بصي يا شذي. فيصل شايلهم ازاي
اخذت الهاتف بلهفه وهي تنظر إلى ملامحه الرجوليه باشتياق وحب.
بكت بحرقه والم لتضمها تهاني وهي تنظر إلى جبل
شذي بدموع: والله انا مظلومه. لو كنت خاينه كان زماني اتجوزت غيره وله كنت عرفت ميت واحد. من وقت ما سبني وانا برفض رجاله كتير. والله
لوزه بدموع: اهدي يا شذي. احنا واثقين في اخلاقك.
جبل: ان شاء الله الامور تتصلح وترجعو تاني
شذي: هو متجوز دلوقتي وليه حياته وانا مش ممكن اوافق
جبل: فيصل بيحبك يا شذي. من وقت اما سبتيه وهو اتغير وبفي مش طايق نفسه. وكل اما يتجوز يطلق
شذي: انا هثبت برائتي قدامه. بس علشان الولاد زي ما لوزه قالت.
لم يتركهم من وقت اما شافهم وهو يضمهم وهم ايضا متمسكين به. لا يتحدث مع احد
نام الصغيران بسبب مرور موعد نومهم
جلس بجانبه بندق: ربنا يخليهم
لم يكمل كلامه لينظر له بتحذير: يخليهم لابوهم. خدهم ورجعهم لابوهم يا بندق
بندق: فيصل
فيصل: مش هتكلم تاني.
لم يتحدث اكثر فهو يعلم ان فيصل لا يريد. الاعتراف بهم
حمل الاثنان ونزل بهم ليرجعهم إلى بيت شذي.
فتحت الباب. وهي تبحث بعينها خلفه عن فيصل تمنت ان يكون معاهم لينطق بندق: نامو
شذي: اه وقت نومهم عدي من بدري
حملتهم منه ودلفت إلى الغرفه لتضعهم على الفراش وهي تقبل وجههم.
جبل: حصل ايه
بندق باسف: قالي ارجعهم لابوهم. مع اني متاكد انه عارف انه هو ابوهم
جبل: عنيد ودماغه انشف من الصخر
بندق: هنعمل ايه.
جبل: عايزك تجبلي واحد اسمه باهر بهير. هو السبب في اللي حصل. لازم نخليه يعترف باللي عمله
بندق: اعتبره اعترف. وحياه حرقه قلب فيصل لهنتقم منه
جبل: انا عايزه يعترف يا بندق. متتهورش عشان مندخلش في مشكله اكبر
بندق: فاهم يابا.
جبل وقف: تاخر الوقت. هتعملو ايه.
تهاني: ينفع يا حاج ابات انهارده
جبل: ماشي يا تهاني
خرجت شذي: واقفين ليه
جبل: هنمشي بقي يا بنتي الوقت اتاخر
شذي: والله ما يحصل. في هنا اوضتين فاضين.
ادخل يا عمو فيها انت وتوتي والاوضه التانيه بندق ولوزه
بندق: مش هينفع
شذي باصرار: لا هينفع. الولاد هيفرحو اما يصحو الصبح ويشوفوكم
تركهم بندق وعاد إلى البيت و جبل وتهاني دلفو إلى الغرفه ولوزه وابنائها إلى الغرفه.
كانت تنظر إلى الصور التي التقطها بندق له باشتياق.
عاد فيصل إلى بيته وهو ساكت تماما
ليجد امامه صفيه زوجته الاخيره وهي حامل في شهر الخامس ببطنها المنتفخه.
صفيه: اتاخرت انهارده
فيصل بصوت عالي: ملكيش دعوه
صفيه نفخت: في ايه يا فيصل. انا بسالك عادي
فيصل: تعرفي تسكتي
نظرت له بلا مبالاه لتدخل إلى الغرفه وهي تغمي وتتمايل
جلس مكانه وهو يفكر بها لم تنقطع عن تفكيره ابدا ولكن رؤيته لاطفاله ايقظت بركان المشاعر. الذي يقنه لها.
رائحتهم مثلها تماما. كل حاجه بهم مثلها
تمني ان ينسي ما فعلته ويذهب اليها ولكن كيف كرامته ورجولته لا تسمح ان يفعل ذلك يدوس على قلبه ولا يحني راسه
شد على شعره بقوه ليحاول ان ينسي.
ابدل ملابسه ودخل إلى غرفته ليجد تلك التي تسمي زوجته نائمه. حاول كثير ان ينساها ولكن قلبه الخائن لا يستطيع
مر الليل عليهم ببطيء.
واتي الصباح
استيقظ الاطفال بنشاط كالعاده
استيقظت الجميع على اصوات الاطفال فهم اصرو ا ن يوفظو الجميع.
قفز الاثنان على جدهم: جدو. جدو
تهاني: قوم يا جدو
فتح الاخر عينه: صباح الخير
ليرد الاثنان: صباح النور
جبل: قوم يا جدو. الفطار جاهز
جبل الكبير: حاضر يا عيون جدو
صقر: شاطر. هروح اصحي انطي
جبل بضحك: نعم
تهاني: قصده عمتو. على لوزه
جبل حملهم واجلسهم على قدمه وهو ينظر لهم بسعاده
ليقرأ لهم قرآن: ربنا يحميكم من العين.
قبل الاثنان يده وركضو للخارج
جبل: يارب يهديك يا فيصل.
تهاني: مالك يا جبل. محسسني انك اول مره تشوف احفادك. لوزه مخلفه اتنين حازم وحياهة
جبل: بس دول من صلبي على اسمي واسم ابوهم. العيال الله اكبر عليهم يتحبو يا تهاني
تهاني: ربنا يحميهم ويخليك لينا.
فتح صخر الستاره في غرفه عمته
لتفتح حياه عينها بتذمر: عايزه انام
صخر: قومي يا بت
فتحت لوزه عينها بعدم تصديق. يتحدث مثل فيصل
لوزه: انت صخر اكيد.
جبل: صح يا انطي عرفتي ازاي
لوزه: من اسلوبه. مع انكم الاتنين تؤام بس صخر طبعه غيرك
قبلت جبل ليبتسم لها.
صخر بتذمر: يعني انا وحش
شهقت لوزه: انا قولت كده. ده انت حبيبي وقلبي
قبلته هو الاخر
حياه: وانا
لوزه: انتي القمر
حازم الصغير استيقيظ فهو عمره الان سنتين.
تجمعو على طاوله الافطار لتنظر شذي بفرحه إلى اطفالها الذين يضحكون ويوزعون الطعام على الجميع بفرحه
تهاني: ماشاء الله عليهم. مربيهم احسن تربيه يا شذي مودبين
جبل نظر إلى احفاده بفخر: دول سندها ورجالتها
صخر بتاكيد: طبعا يا جدو
جبل الصغير: مامي على طول بتقولنا كده
لوزه: يارب حازم يطلع زيكم كده
ليتذكر الصغير: مامي انهارده عندنا تمرين في النادي
شذي: مش لازم نروح انهارده ياصخر.
الجد: ليه يعني. هنروح كلنا يا حبايبي علشان اشوفكم
حياه: وانا هشجعكم
ضحك الصغار معا
شذي: لو خلصتو الاكل ادخلو جوه البسو. علشان نلحق
نظر الاثنين إلى بعض: اوكي
وقفو وهم يحملون الصحون
جبل: هتشيلو الاطباق ليه. سبوهم
صخر: بنساعد مامي يا جدو
ربت الجد على راسه بحنان وابتسامه.
بعد وقت
كانت الاسره في النادي يجلسون في القاعه المخصصه لتدريب الكارتيه.
يقف الطفلان و يفعلان مثلما يفعل المدرب.
ليصفق لهم: برافو صخر. برافو جبل. ممتازين
لوزه: ياختي عسل. الاتنين قمر
حياه بطفوله: وانا كمان عايزه العب زيهم
لوزه: انتي بنت مش هينفع
شذي: لا ينفع. فيها ايه ما تلعب كارتيه في بنات بيدربو معاهم. المره الجايه هتكوني معاهم
حياه: وعد
شذي: وعد
لتضمها الصغيره بفرحه
شذي: انا بحب البنات اوي
تهاني: ربنا يرزقك بالبنت يا شذي
لتبتسم بحزن.
الجد كان عقله وعينه متركزين على الاطفال لا ينكر انهم اخذو قلبه واحبهم جدا
انتهي المدرب من التدريب. ليمسك بيدهم ويتجه إلى شذي بابتسامه
هادي: السلام عليكم
ركض الاطفال على جدهم.
شذي: وعليكم السلام
هادي: الولاد ماشاء الله عليهم. اذكياء
جبل: الله اكبر
ضحك هادي: انا قولت ماشاء الله.
شذي ضحكت: جدهم مرتبط بيهم.
هادي: اتشرفنا يا حاج.
صافح الجميع. ونظر إلى شذي بابتسامه: هشوفكم يوم الجمعه ان شاء الله
شذي: ان شاء الله.
ودعهم. ولوزه تنظر لها: اقطع دراعي من هنا. اما كان الواد. ده معجب بيكي
شذي: ايه الكلام ده يا لوزه. كابتن هادي زوق وبيحب الولاد
تهاني: لوزه عندها حق. عينه منزلتش من عليكي
شذي: لا يا توتي. هو بيتعامل كده مع كل الناس.
يلا نقوم عشان نرجع البيت
صخر: استني يا مامي انا اتصور هنا في النادي مع جدو
جبل الصغير: جدو ينفع نقولك يا بابي
الجد: لا يا جبل. انا جدو يا حبيبي. و ربنا يخليكم ابوكم...
صخر بحزن: هو مش عايزنا. ومعرفناش امبارح.
شذي: لا يا صخر عرفكم حتى قال لعمو يصوركم.
لوزه: الصور معايا
فتحت الهاتف لتريهم صورهم مع فيصل وهو يحملهم
فرح الصغيران: مامي كبري الصور وعلقيها
شذي: حاضر يا حبايبي.
تصور الاطفال مع عائلتهم صور كثيره.
عادو إلى البيت. وجبل وتهاني ولوزه عادو إلى بيتهم.
جبل: العيال ولاد ال وحشوني
ضحكت تهاني: والله يا حاج زي السكر. ربنا يحميهم
جبل: يارب. بس لو فيصل يعقل كنا اتجمعنا كلنا
تهاني: نتجمع ازاي يا حاج. انت ناسي ان فيصل متجوز ومراته حامل
جبل: فيها ايه. الشرع محلل اربعه
تهاني برفض: شذي مش هترضي على كده. ليها حق. لانه ظلمها
جبل: مش هو اللي ظلمها يا تهاني. دي لعبه. وان شاء الله الحق هيبان.
بندق كان يحمل ابنته حياه معه فهو لم يراها من امس.
ذهب بها إلى فيصل.
لتركض عليه: خالو. خالو
فيصل بابتسامه وهو يحملها على يده: حبيبه خالو القمر. عامله ايه
حياه: الحمد لله. تعرف كنت فين انهارده وامبارح
بندق: حياه اسكتي. و يلا نمشي
حياه: استني بس يا بابي
ضحك فيصل: بابي. بنتك لسانها اتعوج يا بندق
اخرجت الهاتف من جيبها: بص يا خالو اتصورت مع صخر. وطنط شذي لبستني الطقم ده
فتحت له الصوره لتريه ايهم.
نظر الاخر إلى الصور بتمعن وهو يدقق في تفاصيل الصغار
بندق: نهار اسود. انتي ازاي تخلي الواد يحط ايده عليكي كده
حياه: ده صخر يابابي
بندق بجديه: ما انا عارف ياختي انه صخر. الواد جبل مؤدب مش زي التاني شكله هيطلع سافل
نظر له فيصل بغضب: ما تلم لسانك يا زفت
بندق بمكر: الله. وانت زعلان ليه.
فيصل: مش زعلان. انا قولتلك زعلان
بندق: شكلك مضايق.
حياه: استني بس انت. عارف يا خالو كانو بيلعبو كارتيه حلو اوي. وهروح الاسبوع الجاي العب معاهم
كمان جبل بيلعب كوره
فيصل كان يسمعها وهو سعيد وينظر إلى صورهم
حياه: بابي. ينفع اروح اعيش معاهم
بندق: لا يا حبيبتي. هما اللي هيجو ان شاء الله يعيشو معانا
حياه: بجد يا بابي
بندق: ربنا يسهل ويهدي الحال. صح يا حال
فيصل بجديه: خد بنتك وغور من هنا. صدعتوني
بندق: تعالي يا بنتي. خير تعمل شر تلقي.
حمل ابنته وخرج وترك فيصل يقف في منتصف المحل
وصورتهم لا تبتعد عن عينه.
سمع صوت اذان المغرب ليتوجه إلى المسجد ليؤدي الفريضه.